عاااااااجل....... خير اللهم اجعله خير

[المليونير الفقير]

السلام عليكم ورحمة الله وبركاته


مطلوب تفسير هالحلم

تحلمت ان اديون المواطنين كلها تسددت سواء بنوك او شيكات او بنك التنميه وانه نزل قرار عاجل بتوظيف كل المواطنين العاطلين سواء عنده شهاده او ماعنده وسواء عليه سوابق او ماعليه المهم القرار يقول خلال شهر مايكون فيه مواطن قطري عاطل عن العمل لاي سبب كان وايضا قرار اخر بانشاء اكبر مستشفى تخصصي فالعالم على مساحة10 كيلو متر مربع وجلب افضل دكاتره فالعالم وافضل اجهزه طبيه مطوره والقرار يقول خلال سنه يكون هالمستشفى جاهز باي شكل وايضا هناك قرار بزيادة رواتب الشؤون الاجتماعيه 500% وايضا قرار عاجل يقول تصرف اراضي لكل مواطن متزوج باسرع وقت ممكن في مده اقصاها شهر مع اعطائه قرض بنك التمنيه في نفس الشهر وايضا قرار يقول زيادة رواتب المدنين والعسكرين 200% وايضا قرار يقول بان المدارس المستقلة تلغى تماما ويرجع التعليم كما كان تحت مضلة وزارة التربية والتعليم وابصراحه قرارات وايد بس هذا الي حفظته




مبارك عليكم الشهر

ممكن احد يفسر هالحلم الجميل؟؟

[The_Be$t]

خير انشاءالله

[فتى الجود]

اذا كان فعلاً حلم

نسأل المولى ان لا تكونحلم
بل يكون روؤيا

والله يرزقنا من حيث لانحتسب الا من عنده
وحسبنا اله ونعم الوكيل

[هبوب الكوس]

ماشاء الله عليك كل هالحلام في ليله وحده

يقولون يجيك الحلم عكس يعني اذا حلمت بتسديد الديون يعني تزيد الديون عليك

[ملوي رقاب]

هذا انت قلتها حــلــــم

[متداول عالمي]

والله وانا صائم دمعت عيني

( اللهم إني أعوذ بك من سيئ الأحلام ، وأستجير بك من تلاعب الشيطان في اليقظة والمنام اللهم إني أسألك رؤيا صالحة صادقة نافعة حافظة غير منسية ، اللهم أرني في منامي ما أحب ) .

[hamoor4ever]

لاتعبون روحهم محد بيسمعكم ، الجأو الى الله في الدعاء لتسديد ديونكم ، والله ايسر عليكم وعلي ان شاء الله

[رآعي موآجيب]

آكيييييد أنه حلم يا حسين !!!؟؟؟؟

آييييه حلللم يبه حلللللللللم

اشدعوا يبه ,, بعد ما تبونا نحلم ,,, يهّ !!!



:nice:

[النهار]

هذا حلم ولافلم هندي اشطوله لاوبعد باقي جز منه محذوف
اللهم جعله خيرا مثل هذه الاحلام تخوف من صج

[المليونير الفقير]

[B]
[size="5"][color="blue"]
والله وانا صائم دمعت عيني

( اللهم إني أعوذ بك من سيئ الأحلام ، وأستجير بك من تلاعب الشيطان في اليقظة والمنام اللهم إني أسألك رؤيا صالحة صادقة نافعة حافظة غير منسية ، اللهم أرني في منامي ما أحب ) .

لاتدمع عينك وانا اخوك ربك كريم وقادر على كل شي

[ابن التويم]

لولا التمني مات الفقير

[المليونير الفقير]

آكيييييد أنه حلم يا حسين !!!؟؟؟؟

آييييه حلللم يبه حلللللللللم

اشدعوا يبه ,, بعد ما تبونا نحلم ,,, يهّ !!!



:nice:

حلم حلم:nice:

[Dawn]

القصه هذي حقيقيه والحلم حقيقي

انا من فترة شهور حلمت اني امشي في الشارع وفجأه شفت غبار او دخان غطى السما كلها .. واشوف الناس كلهم يركضون في الشوارع يبون ينخشون ... وانا ركضت مثلهم ورحت البيت ... وصلت بيتنا و حسيت براحه وهدوء وانا مع اهلي .. وقلت لهم السالفه وبعدين فكرت اني اجيب فوط فيها ماي علشان اغطي فتحة الباب على اساس ما يدخل الدخان ... بعد مده قصيره وقبل لا الحق اجهز الفوط بدأ يدخل الدخان البيت .. وشفت امي الله يرحمها جالسه بكل هدوء .. واسمع اختي تقول ندري انهم يبون يذبحونا بس المفروض عالاقل يقولون لنا قبل !!!
وانا كنت اشوفها وهي تتكلم بكل برود وانا احاول اسوي اي شي علشان ما نختنق .. بس بدت الدنيا تصير سودا ومظلمه ... وانا خلاص يأست من المحاوله ،، وقمت اتشهد وبعدها رددت جزء من الآيه " فارتقب يوم تأتي السماء بدخان مبين "

وقمت من النوم ميته من الخوف ...
توقعت ان الحلم يخصني والا يخص اهلي ... وقلت الا افسره

سألت شيخ مفسر أحلام .... فسره لي : ان الدوله راح يجيها فقر او حدث سيء ... وكل الناس بتتأثر منه ...

وعقب فتره جاتنا العاصفه الرمليه اذا تذكرون من مده والغبار دخل بيتنا ... وانا الوحيده اللي كنت قاعده واتصلت باختي ( اللي تكلمت في الحلم ) وكنت خايفه عليها لان فيها ربو والحمدلله عدى هذاك اليوم على خير ... واعتقد ان هذا كان تفسير حلمي ... وما اظن تفسير الشيخ صحيح ... او يمكن صحيح الله اعلم ...

[سريدان]

خير ان شاءالله

[GAS]

شكلك متسحر مشبوس ونمت بدون ما اتغطى عدل..,,,؟؟؟


خير ان شاء الله خير

[الـراسي]

الحلم يصبح حلم ما يتحقق

[العقل الحر]

مالك حق اتحلم هذا الحلم !

[BIG-VEGA]

ماتشوف شر اخوي

انا اعرف واحد من سنين حلم نفسك تقريبا :telephone:

من عقبها طاح :(

بس الحين اشوا الحمدالله :)

شويه زيت زيتون مع علاج كيماوي وصار بخير:victory:

صج انه الحين حي اكلينيكيا بس احسن من قبل :shy:

[المليونير الفقير]

ماتشوف شر اخوي

انا اعرف واحد من سنين حلم نفسك تقريبا :telephone:

من عقبها طاح :(

بس الحين اشوا الحمدالله :)

شويه زيت زيتون مع علاج كيماوي وصار بخير:victory:

صج انه الحين حي اكلينيكيا بس احسن من قبل :shy:

جزاك الله خير على هذا الفال الطيب

[BIG-VEGA]

جزاك الله خير على هذا الفال الطيب


ههههههههههههههه

لاتشيل في خاطرك

الحين هو سعيد وفرحان وصار غني من اصحاب الملايين ومتزوج من ثنتين وعنده اولاد وبنات وعايش في قصر وعنده مزرعه وعنده لمبرغيني وفراري وبوحوض

[المليونير الفقير]

ههههههههههههههه

لاتشيل في خاطرك

الحين هو سعيد وفرحان وصار غني من اصحاب الملايين ومتزوج من ثنتين وعنده اولاد وبنات وعايش في قصر وعنده مزرعه وعنده لمبرغيني وفراري وبوحوض


اشوا:shy:

[مريومة]

ماتشوف شر اخوي

انا اعرف واحد من سنين حلم نفسك تقريبا :telephone:

من عقبها طاح :(

بس الحين اشوا الحمدالله :)

شويه زيت زيتون مع علاج كيماوي وصار بخير:victory:

صج انه الحين حي اكلينيكيا بس احسن من قبل :shy:

وش هالفال يا فيقا

الله يصلحنا

[هبوب الكوس]

http://moheet.com/image/73/225-300/732661.jpg

[المليونير الفقير]

http://moheet.com/image/73/225-300/732661.jpg

عظمه ياباشا:nice:

[المليونير الفقير]

وش هالفال يا فيقا

الله يصلحنا

:nice:

[بوخالد911]

لعله خير

[المسك1969]

خير ان شاء الله

حلمك طيب وبيتحقق ان شاء الله قريب... بس على الناس اتخاذ الاسباب بالدعاء

بس ربي يحفظك لا تنسى في حلمك المرة اليايه أبناء القطريات... جزاك الله خير

[المليونير الفقير]

خير ان شاء الله

حلمك طيب وبيتحقق ان شاء الله قريب... بس على الناس اتخاذ الاسباب بالدعاء

بس ربي يحفظك لا تنسى في حلمك المرة اليايه أبناء القطريات... جزاك الله خير

الله يذكرج بالخير القرار الاخير يقول منح الجنسيه لابناء القطريات وايضا الزوج اذا اراد بحكم الزوجه والابناء

[بحرقطر]

ان شاءالله يتحقق حلمك امس الناس يطرشون حق الديوان من البريد العام يقول لك على كل بطاقه ١٠٠٠٠ ريال امس انتشر الخبر والزحمه كانت بسيطه بس اتوقع اليوم فليل كل العالم بيروحون وان شاءالله يطلع الخبر صحيح
*

[M&F]

:secret:

[كازانوفا]

اضغااااااااااااااث احلام

[basma222]

انا من كم يوم حلمت أن في مكرمه أميريه ب10000 لكل مواطن

[BIG-VEGA]

ان شاءالله يتحقق حلمك امس الناس يطرشون حق الديوان من البريد العام يقول لك على كل بطاقه ١٠٠٠٠ ريال امس انتشر الخبر والزحمه كانت بسيطه بس اتوقع اليوم فليل كل العالم بيروحون وان شاءالله يطلع الخبر صحيح
*

الديوان مالهم علاقه :)

ممكن تتصل وتتاكد

[falsaadi]

ممم..عالاقل عرفنا شنهو بعض الناس يحلمون فيه..وخصوصا هاليومين

بصراحه..اسمحولي على هالكلام بس..انا اتمنى ان الديون ماتسدد..
علي ديون قويه..بس بعد الديون المفروض ماتسدد
اذا للحين واحنا كبار وماتحملنا المسؤوليه وماوزناها بمخنا عدل..متى عيل؟

نفس الطفل، كل ماجاته فرصه لشي سواها بغض النظر عن اللي بيصير..ليش؟ لانه يدري في عنده اب هو بيحل المشكله ان كان ماديا او معنويا

بس ممكن اتسلف مره ثانيه اذا بيسمحولي ... خخخخ

[ومضات]

أزين مافي حلمك الغاء المدارس المستقلة...
والباقي كله زين..
وعساها بشارة خير

[هبوب الكوس]

أزين مافي حلمك الغاء المدارس المستقلة...
والباقي كله زين..
وعساها بشارة خير

انتظري غداً للحلم الثاني

[مهل]

اسم الله عليك
حايشتك حمى :)

[بـــــــنت النوخـّــــذه]

على الاقل ذقت طعم فرحه اسقاط الديون وتعيين العاطلين ووو في الحلم وعشت وتعايشت مع الوضع كيف:p

احمد ربك ترى غيرك مهب طايل ربع الحلم الي حلمته اهههههه0000 لاتقول لاحد لايحسدونك

[بو خليفه 123]

اتوقع هذا كابوس و يفضل انك ماتفسره

تعوذ من الشيطان و كمل رقادك

[عجيب]

ماعندك حلم غيره

[لاجل QT]

ضغائن احلام:nice:

[بوخالد911]

ضغائن احلام:nice:

ويمكن صج


:eek5::secret::eek5:

[لاجل QT]

ويمكن صج


:eek5::secret::eek5:

مرحبتين بو خالد:)

اشلون صج :( سنيين نحلم ولا صار شي...:weeping:

كان علينا حنا نتمنى يتحقق هالحلم :)

بس غيرنا يشوفة من عمل الشيطان وبيقول لصاحب الحلم تعوذ من الشيطان و تفل عن يمينك 3 مرات:eek2:

خبرك في ناس حتى الحلم تستكثرة على المحتاج:(

يلا انشالله خير:)

[الأستاذ]

الله يستر .. خير اللهم أجعله خير ..
أختنا داون حلمت .. وجابت لنا الغبار .. والله ستر وعدت ..
أنت مدري اشبتجيب لنا ..
يا خوي لا عاد تحلمون في الأمور العامة .. كل واحد يحلم باللي يخصه ..
على كل حال ..
كانك صادق في حلمك ..
ولا تريد من خلاله إثارة أشجاننا .. وتذكيرنا بما لم ننسى ..
فإليك تفسير حلمك :
ستّمر على البلاد فترة من الرخاء الذي يجعلها محسودة من الكثيرين ..
هذا الرخاء لن يدوم طويلاً .. سنوات محدودة ..
بعده سيأتي أمر جلل لعله اقتصادي أو بيئي ..
سينخفض فيه عدد المقيمين بشكل كبير ..
أمّا خوفاً أو لعدم جدوى البقاء ..
ستنجلي الغمة .. ولكن آثارها ستبقى .. سنين ..
سنواجه المتاعب من جيراننا ..
سيصيبنا بعض ما أصاب من كان قبلنا ..
تفاصيل حلمك .. كالتعليم والصحة والأراضي ..
هي من عبث الشيطان .. عشان يخرب باقي الحلم ..
وختاماً ..
هي أضغاث أحلام ..
وما كناّ بتأويل الأحلام بعالمين ..
:tease:

[قطري طموح]

خير يجي اهل قطر وشر ينصرف عنهم انشالله

[وحيد-الشوق]

متأكد انه حلم اخاف كابوس مب حلم

:(

[بطل الفريج]

انصحك بتناول حبوب .. منع الحلم

[ابوالكلام]

كل شي انشاء الله بيصير بس لازم نتكاتف اكثر وكل واحد يخاف على الثاني بعدين نقدر نحقق كل شي

[sendarala]

معليش اضغاث احلام في عز الاوهام اللي عايشه والله يعينك


الله يجزيك بكل خير

[استغفرالله]

مرة ثانية قول اذكار المساء وادعية النوم والمعوذات واية الكرسي قبل لا تنام

وان شاء فال طيب حلمك واتوقع نصه يتحقق

[Frosty]

انصحك بتناول حبوب .. منع الحلم


شـــــــــــدخـخخخخخخخل!!! xD

[(بوطلال)]

في واحد من هالاحلام يتعلق بالامور الماديه راح يتحقق قريب ان شالله

[وحش الصناعات]

هذي حلم ولا امنيه
واذا امنيه جزاك الله خير انك تفكر في اخوانك
ماااااااااااافيك حيله يا المليونير

[توشيبا]

يازين بعض الاحلام

[المليونير الفقير]

في واحد من هالاحلام يتعلق بالامور الماديه راح يتحقق قريب ان شالله

ياريت توضح اخوي عشان ماتحرم نفسك دعاء اخوانك

[سهم قطر]

تعبنا من الاحلام

[المليونير الفقير]

يازين بعض الاحلام

:nice:

[سهم نيشان]

في واحد من هالاحلام يتعلق بالامور الماديه راح يتحقق قريب ان شالله

يا تجيب المصدر، يا تخليني أشك انك فوق:shy:
وصدق من قال
ما يمدح السوق إلا من ربح فيه

[roma27]

بسنا احلام ياحسن بسنا احلام

اقول ليتك حلمت انك كنت قاعد تتغدى مع شيخنا على السفره

[المليونير الفقير]

بسنا احلام ياحسن بسنا احلام

اقول ليتك حلمت انك كنت قاعد تتغدى مع شيخنا على السفره

اتغدى فارمضاان لايكون:secret:

[المليونير الفقير]

خير يجي اهل قطر وشر ينصرف عنهم انشالله

الله يسمع منك:)

[بوسلمان 2010]

الله يكتب الي فيه الخير واصلاح لنا

[لطآم]

اتوقع هذا كابوس و يفضل انك ماتفسره

تعوذ من الشيطان و كمل رقادك

هههههههههههههههههه

[(الفيصل)]

تحلمت
الحق كله في هذه الكلمه
انت تحلمت :)

ولهذا تحتاج لمن يحقق احلامك، لا لمن يفسر احلامك !!

والله أعلم

[ابوجلمبو]

حلوه فلم هندي

[qatara]

حلم شعبولي

[aljaber1]

هذا كابوس مو حلم بالنسبة الدولة
بس حلمك هذا حلم كل مواطن
خصوصاً في مايتعلق بالخدمات الصحيه
ياريت يتحقق هالجزء من الحلم اليصبح حقيقه
ونفتك من مؤسسة حمد الطبيه