نصيحتكم اشتري لابتوب وآيباد من امريكا؟؟

[تراثكم]

السلام عليكم
انا رايح امريكا انشاء الله وبغيت تنصحوني اشتري لابتوب وآيباد من هناك؟

هل فيه فرق في الاسعار والمواصفات؟

وشنهي الشغلات اللي انتبه لها والمواصفات؟

لاني اشوف وايد يجيبون هالاجهزه من امريكا

اتمنى اللي عنده هالمعلومات ويفيدني وجزاكم الله خير

[ن.سهيل]

بالتوفيق

[قطر77]

اكيد ارخص بواجد من هني وانت دافع ضرايب بعد

[TEAMspirit]

خذ ايباد من امريكا وشرط يكون تابع لشركه at&t اذا كان ثري جي ولا تاخذ الي يدعم شركة فيرزيون هذا اذا كان ودك باايباد ثري جي اما ودك واي فاي فما تفرق وعن اللاب توب ما انصحك اذا كان اي شركه ثانيه غير ابل لان الكمبيوترات هنيه تمام واسعار معقوله اما اذا بتاخذ لاب توب ابل فبتحصله رخيص بعد بوايد من هنيه .

[وطن]

أنا اخذ اللاب توب من امريكا "سوني"
لان المواصفات هني ما تعجبني

والسعر هناك يكون ارخص بوايد

[الب ارسلان]

كل عام انتم بخير
بالتوفيق

[][ الغلا ][]

لاتاخذ من امريكا بيكون محتكر حق شركه at&t ولازم تسوي جلبريك

[TEAMspirit]

[ الغلا ][;7547382']لاتاخذ من امريكا بيكون محتكر حق شركه at&t ولازم تسوي جلبريك

لا اذا الايباد 2 تابع لشركة at&t 3جي مفتوح على كل الشبكات ومب محتكر . اما اذا كان تابع لشركة فيرزيون فشبكتها تشتغل في امريكا وبعض الدول باختلاف دول الخليج والدول العربيه ونظامها حق شبكة الجوال ، طبعا لنظام الثري جي فقط اما اذا كان ايفون ففعلا بيكون مقفول .

[Yaas]

فرصة خذ لك MacBook بس الكيبورد ما يجي عربي بس حله بسيط ليزر او ستكرز والأسعار تقدر تشوفها على الموقع الخاص بالشركة والله يحفظك

[تراثكم]

خذ ايباد من امريكا وشرط يكون تابع لشركه at&t اذا كان ثري جي ولا تاخذ الي يدعم شركة فيرزيون هذا اذا كان ودك باايباد ثري جي اما ودك واي فاي فما تفرق وعن اللاب توب ما انصحك اذا كان اي شركه ثانيه غير ابل لان الكمبيوترات هنيه تمام واسعار معقوله اما اذا بتاخذ لاب توب ابل فبتحصله رخيص بعد بوايد من هنيه .

تسلم اخوي وانا باخذ 3 جي وبشتري على نصيحتك من شركة at&t
وبخصوص الكبيوتر أبل ممكن اعرف المواصفات الاساسية اللي لازم تكون فالجهاز.(استخدام عادي)
وجزاك الله خير

[تراثكم]

جزاكم الله خير وماقصرتو على الردود

[TEAMspirit]

تسلم اخوي وانا باخذ 3 جي وبشتري على نصيحتك من شركة at&t
وبخصوص الكبيوتر أبل ممكن اعرف المواصفات الاساسية اللي لازم تكون فالجهاز.(استخدام عادي)
وجزاك الله خير


اذا ودك تغير وتاخذ ابل الاستخدام العادي ادخل على موقع ابل ستور وشوف عروض اللاب توب مب كثيره وتضيع في موديلاتها بسيطه جدا ، شوف لك macbook air 13 inch وشوف مواصفاته وبتكون هذي المواصفات الاحدث واخر الموديلات . www.apple.com . وعلى حسب السعر ومادام بتروح لامريكا فالاسعار نفسها المعروضه في موقعهم .