الكورنيش قبل المغرب !!! وشباب الغد و عدسة كانون

[تركي محمد]

بحكم عملي اضطر يوميا اخذ الكورنيش من الشيراتون الى اشارات المنتزة

و يوميا في شهر رمضان اشوف شي غريب وبنفس الوقت يبط الجبط :secret:


سيارات عاليمين صافه بشكل مايل وجه السيارة بره عالشارع واهم شي التواير تكون لافه عشان الشكل يكون احلى :omen2:

تلاقي سيارات من نفس النوع يمشون بسرعة 20 ورى بعض او جنب بعض و لاك كانه ف اوادم وراهم :anger1:

والشي الي يضحك

شباب معلقين الكيمرا فايدهم ويلتقطون الصور اهم شي انها كانون
يعني الاخ مقطع التصوير منذ ايام الطفولة :tease:

بصراحة حسيت بشي يضحك و يقهر بنفس الوقت

لهالدرجة صاروا بعض الشباب تافهين !!! مافي هدف او مستقبل عدل نفس الاوادم :discuss:

مادري شالحكمه من هالحركة و شمعنى ماتصير الا برمضان!!! الي المفروض يشغل اغلب وقته وخصوووووصا قبل الفطور بالدعاء والقران والصلاة



ليش ماتكون في توعية بالكورنيش او انشطة قبل الفطور فالكورنيش بدل هاللويه والدوارة الي مالها معنى !!!

[Scorpion]

هههه الله لا تبلانا !!!

[almaf1a]

وين المشكله؟

[تركي محمد]

وين المشكله؟

كيف الحال؟ :eek5:


نقول رمضان و صلاة ودعاء وصايمين
نعلم عيالنا على القعدة فالبيت و المسجد ابرك من الدوارة الي تسبب الزحمة و الحوادث و مضيعة وقت الصيام بشي تافه

وهالدوارة ماتكون الا قبل الاذان بساعة او ساعة ونص

الي هو وقت الاستعداد للفطور و الدعاء قبل الفطور


صدقت يالغالي وين المشكلة :anger1:

موضوعي اهم مافيه هو مقترح لعمل انشطة رمضانية فالكورنيش قبل الفطور : )
بدل هالدوارة

[توشيبا]

لهالدرجة صاروا بعض الشباب تافهين !!! مافي هدف او مستقبل عدل نفس الاوادم


انت جاوبت بنفسك

[Qtr95]

خخخخ

ما شفتهم يوم جمعوا قرود .. وكل واحد حاط قرد فوق موتره :)
ويمشون 20 ..

[المسك1969]

أنا الصراحه أول مره اسمع هالشيء ما أذكر اني طلعت في الوقت ذي إلا إن رحت بيت أبوي وما أمر الكورنيش طبعا...

بس هم شنو يصورون؟؟؟

وأنت تقول لا يضيعون وقتهم بالدوراه... كلامك صحيح بس ربي يحفظك ناس راقدة لين العصر ويمكن حتى الصلاة بعد ما قضوها... تمللوا وحبوا يرفهون عن نفسهم شوي:anger1:

بس شنو يصورون؟

[Mohammed2]

الموضوع مكرر ....

[نيساني]

الله المستعان من الهمجيه والسب في العالم

[بو منيرة]

واذا سألت الشباب شتبون ... بيقولون لك نبي اسقاط الديون :)

[القلب المؤمن]

والله ما ألومهم المفروض الدولة توفر لهم نوادي يجتمعون فيها الشباب وينظمون لهم انها تجمع بين التسلية والثقافة والوعي الديني بأسلوب يجذبهم, يعلمونهم شلون يحددون أهدافهم وتكون لهم رؤية واضحة للمستقبل.

اكتشاف مواطن موهبة كل شاب وتوجيهه بالاتجاه الصحيح لاستغلالها, مثال بسيط :

-نسبة كبيرة من الشباب يعشقون الالكترونيات والكمبيوتر ممكن يجمعونهم ويعلمونهم تطوير هذي الموهبة ممكن ينتجون مخترعين ومحترفين في استخدام الكمبيوتر بدل مايصيرون هاكرز !
-نسبة أخرى شبه خبراء في السيارات والميكانيك ممكن يجمعونهم ويسوون لهم مسابقات تشجيعية ويطورون معرفتهم بهالمجال.

لو في خطة واضحة لتطوير الجيل القادم والله الدولة بتشهد ظهور علماء يسجل التاريخ انجازهم.

*هذا رأيي الشخصي :nice:
وشكرا على موضوعك الهادف

[love life]

الصراحه هي وقتها يمكن غلط قريب الفطور وفي رمضان صج فيه نسبة خباله بس الصراحه شفت الصور في منتدى قطر اسبيد واعجبتني الحركات الي مسوينها بالسيارات وطريقة التصوير حلوه

[مريومة]

واذا سألت الشباب شتبون ... بيقولون لك نبي اسقاط الديون :)

بذمتك ذيله شباب؟

الله المستعان

[زئير الاسد]

فراغه ومصاخه !

[بو منيرة]

بذمتك ذيله شباب؟

الله المستعان

ضريبة النعمة والترف اختي

[مايبخ]

انا اشوف مافيها شي
والله يهديكم حتى اذا شفتوا الشباب في الشارع بتكلمون
يعني لا يستعرضون ولا يتحرشون في احد
والاخوان اللي عندهم كميرات بعد مافيهم الا الزين هواية حلوة
احسن من بعض الهوايات
بس المشكلة انتم اللي اي شي لازم تنتقدونه

[Frosty]

مــــكـــرر!!

[منابر خالده]

مشكله بعض النفسانيين

ماعندك سالفه يالطيب انت وموضوعك

[وطن]

زحمه ع الفاضي

:secret:

[" Snake "]

للأسف ان في ناس مرضى نفسيين في المنتدى

[شبح الصمت]

خلو الشباب يطلعون مواهــبهم

ترى في ناس ما تشوف بعض إلا في هالشهرالكريم

[بوسلمان 2010]

الله يهديهم ويصلحهم ان شاء الله ادعو لهم باالهديا لانهم اخونا واعيلنا وربعنا الله يصلحهم

[hxamad]

الله المستعان

[QTR SHOOTER]

الله يهديهم

[ابن الجزيره]

وين المشكله؟


فن وذوق واخلاق

[بوعلي 8]

ربي لاتؤاخذنا على مافعل السفهاء منا

[اشراقة الشمس]

اليوم اول مرة اشوفهم على شاشة تلفزيون قطر التقاهم المذيع خليفة الرميحي

[<اضرب واشرد>]

من فتحوا موقع فلكر وكل يهال الشعب القطري صاروا على غفلة مصورين وإذا ماحصل شي يصوره تجيه حكة في جلدة ويصور زرع بيتهم تاير موتره عينه اليسار صبع ريله اليمين ..

[Bin.Yousef]

اليوم اول مرة اشوفهم على شاشة تلفزيون قطر التقاهم المذيع خليفة الرميحي


شسم البرنامج ؟

[قطر77]

هوايه محكرين لهم في كل شي وين يرحون من حق كل واحد يمارس هوايته

[بدون]

أخي الكريم ، لقد ذكرت أن الشباب يتجمعون على الكورنيش و يصورون سياراتهم و يتمشون
ربما يكون عندك مأخذ عليهم و لكن هداك الله أليس من الأفضل النصح بطريقة ألطف و ذلك بالدعاء لهم بالهداية و بعرض الحلول بدون القدح و الذم بهم بهذه الطريقة.
هم اخواننا و أبنائنا و نتمنى لهم كل خير ، و يكفي أنهم يمارسون هوايتهم بدون سرعة مهلكة و لا تعريض أراوح الآخرين للخطر !!
ندعو الله لهم بالهداية و الصلاح و أن تعود عليهم هواياتهم بكل فائدة و أن يكون تجمعهم على الخير دائما و أبدا .

[[vip]]

وين يروحون من عرفت الكورنيش وهو كله زحمه في رمضان


حتى اخبر اكثر من مره شفت سمو الامير الله يحفظه العصر في رمضان



هو المتنفس الوحيد العصر أنا عن نفسي اركب العيال واتمشى وياهم هناك



دمتم بوووود

[سويسرا]

الله الهادي

[كاس العالم]

من فتحوا موقع فلكر وكل يهال الشعب القطري صاروا على غفلة مصورين وإذا ماحصل شي يصوره تجيه حكة في جلدة ويصور زرع بيتهم تاير موتره عينه اليسار صبع ريله اليمين ..

ههههههههههههههههههههههه

والمشكله الحين البنات اذا مالقت شىء تصوره

نفس الحاله تصورون ظفرها ولا شباصتها ولا تلفونها وهو على المخده وحركات

الله يهدينا ويهديهم

[ابوجلمبو]

جزاك الله خير

[&كلنا قطر&]

الله يهديهم ويصلحهم ان شاء الله ادعو لهم باالهديا لانهم اخونا واعيلنا وربعنا الله يصلحهم

شكو ..؟

اللي يقول الله المستعان ..واللي يقول الله يهديهم .. شسوو المساكين ..؟

اللي ماتعرفونهـ .. أن هالوقت بالذات وقت الغروب .. والكورنيش بهالوقت يطلع شكله روعه .. واللي عنده هواية تصوير يفضل وقت الفجر ووقت العصر ..

مافيها شيء ..

من حقهـ يمارس هواياتهـ .. والشخص أكيد مرتبله جدول يمشي عليه ويونس عمره وبنفس الوقت ستغله بالعبادة وطاعة الله ..

ترا رمضان فيه أمور يتسلون فيها الشباب .. ومنها مسابقة مثلاً أفضل صورة رمضانية .. وهالشكل ..

شبابنا فيهم البركة ولاتخاف عليهم .. تلقاه مسكين صلى العصر .. وراح قال خلني باخذلي كمن صورة قبل الفطور ..

الله يهديكم بس ..

[بوحارب]

يالربع تكفون خلوا الشباب في حالهم

انصحوهم بالتي هي احسن ولا ادعولهم بظهر الغيب

ياخي الأجانب يتمشون شبه عراه في الكرنيش وفي كل مكان في قطر مانشوف حد تكلم بكلمه :)

عجبي !!!

[ممنوع اللمس]

انا بجاوبك

هالعاده موجوده في قطر من زمــان
بعدين الشباب يمشون بهداوه ولا هم مزعجين خلق الله والطريق اليسار مفتوح للي مستعجل
ماعتقد حد بيته فالكورنيش.؟ وبعدين اهم مجتمعين بين دوار الشيراتون والدوار الثاني يعني شارع واحد
اكثر الناس يروح هناك ويدخل بنص الزحمه ويقعد يتحلطم.؟ الشارع اليسار فاضي حرك وتوكل على الله

وبعدين انت تقول رمضان وخير الحمـد للـه ندري رمضــان وخيـر عندنـا خبـر
وفي ناس يمكن تلقاهم ختمو القرآن ثلاث واربع مـرات ويروحون الكورنيش يتمشون نص ساعه ويردون البيت مافيها شي

شفيكم كل ما حد شاف حد من الشباب يسوي شي اكلتوه بقشوره قسم بالله ما تسوى عليه الطلعه من البيت؟

ويوم تقول اللي يصور يعني شفيها لو صور؟ لو جا وقالك بصورك ذيك الساعه يسير خير

ان سافرو قلتو الشباب يسافرون حق خرابيط ان تمشو قالو يسوون زحمه نشنق نفسنـا مثلا؟
مـع تحيـاتي راعي الـgmc

[qtr qtr]

الله يعيينكم ياشبااب .. خلوهم في حالهم دامهم ما ضروا حد ..

والموضوع مكرر .. مكرر .. وماله داعي ينطرح .. مع احترامي للكل

[oqbah]

هذولا يحتاجون الدعاء لهم بالهداية