أفضل حل بدل الرادارات

[love life]

حلقة اليوم من خواطر7 الحلقة 16 الجزء 1والجزء 2 اعجبتني وياريت يطبقونه في قطر بدل الرادارات الي الواحد يخفف عندها بس الحلقة تتكلم عن اسطنبول اشلون مراقبين الطريق والخدمات ال يقدمونها وعن السعوديه الطريقة الي مسوينها علشان إشارة المرور

حاولت احط الفيديو بس اسفه ما عرفت احط الرابط ممكن أحد يقول لي الطريقة علشان انزله

[تاجر كشخة]

الله يجزاج خير اذا عندج حساب في اليوتيوب ارفعيه

[Frosty]

خواطر 7 - التكنولوجيا في خدمة الشعب
http://bit.ly/opGaiN

[ابوالكلام]

هناك يفكرون كيف اخدم المجتمع التركي وكله لاجل تركيا عندنا نهب وفساد وكل العمالة مستوردة من الخارج وكل واحد يفكر في الارباح شوفي اختي المشاريع الجديدة الي عندنا اقلبها غش ولافي رقابة ولاشي كل واحد يضرب ويمشي

والحمدلله على كل حال

[توشيبا]

مشاء الله علي النظام في تركيا

عجبني يوم سوو الحادث كل واحد وقع علي الورقه وانتها الموضوع بدون انتظار المرور

[Qtr95]

ماشاء الله ..
اخوي للأسف ماراح يكون في تفاعل كبير في الموضوع.
لأن الناس بس همها المشاكل والمواضيع السلبية ..
:(..

تفضل هالرابط :
http://qatarshares.com/vb/showthread.php?t=470677

[بوسلمان 2010]

الله يجزاك خير ويارب يفكرون عندنا في حمايتنا ولايفكرون الله يصلحهم في المدخول المادي الي عندهم اهم


من اي شي

[love life]

الله يعطيك العافيه أخوي Frosty مشكور على الرابط واشكر الجميع أنا يوم نزلت الموضوع عجبني طريقة مراقبتهم للطريق والمعلومات الي يقدر يحصل عليها أي شخص بسهوله مع أمل يطبقونه في قطر ما ندري البلد فيها خير وفيها ناس لحد الحين يفكرون لمصلحة البلد ما نقدر نظلم الكل إن شاءالله يسوون شئ

[عيون الدوحة]

صعبه صعبه جداً على ربعنا في الداخلية
همهم الأول والأخير الفلوس
مستحيل يصرفون فلوس لخدمة الشعب

[falsaadi]

مهما كانت الافكار اللي بتنحط هني ماراح تفيد
لان المرور مستحيل يستغني عن الرادارات
ليش؟
لسبب بسيط

لان لو حطينا شرايح بالسيارات
او رادارات متعقبه لاجهزه بالسيارات
او اي مجسات في الشوارع ماراح ادخل فلوس للمرور

لان الرادارات اللي في قطر تصورك من ورى
الرادار يبعث موجه فوق ال ٩.٧ جيجاهرتز على عرض الشارع من بعد الستاند مال الرادار لكذا متر قدام، واي جهاز ممكن تجيبه ماراح يصيد الرادار الا اذا الرادار يبث موجات خلفيه او موجات اومني دايركشينال
عشان جذي يحطون بعد بوكسات عالرادارات اللي بالخطوط عشان ماتنتشر الموجات
ومعظم الموجات ار اف .. يعني مثل موجات الراديو والابراج بغض النظر عن النوع الليزر
ف وانت مار تيليفونك او راديو السياره بينبهك في تقطع صاير
وبعد لو تلاحظون في شاشات نوع الفلاي اوديو للسيارات فيها سيتينق للرادارات بجميع انواعه سرعه واشاره وممكن اذا ماحددوا اتجاه الموجات اتصيد الموجه عن طريق ال دي في دي

مافي حل الا ان نسوي برنامج او خريطه انحدد فيها الرادار الثابت بالاسم
والاسم سهل..اذا عندك اي فون قرب من اي رادار وانت ماشي صوبه وطالع الوايرليس في اي فونك بيعطيك اسم الرادار .. مثال ( radar31 or radar 7) لان فيهم وايرليس

بس الرادار المتحرك صعب..فيحطونه ورى طابوق او يخشونه عشان موجاته ماتنتشر للي عنده جهاز متعقب بموتره مايصيده الا وانت خلاص جنبه الا صايدك

دول العالم بدت اتحط رادارات تصيدك فالوجه
او متحركه في نص ارصفة الشارع واضحه للناس

لكن هني عندنا هذا النوع اللي للحين ماينصاد من الرادارات
حتى جهاز فالنتينو وان مايصيدها بشكل صحيح ١٠٠٪ وباقي التجهزه تصيد ٠٪ من موجات الرادار

ف هذا هو السبيل الوحيد لهم لجني المال عن طريق هذا النوع من الرادار

خلنا نسوق اسبوع بس بهدوء وادب راح تشوفون المرور كله نازل الشارع مخالفات حزام ومخفي لان ماقام الرادار يصيدنا ف تعقدوا ويبون يجمعون كم من فليسه

بعد كل هذا التحايل والتفكير العميق بطرق التفنن باصطياد الناس يالمرور تبي تفهمنا انكم مهتمين فينا مش بالفلوس؟؟ اي صدقتكم


عزيزي / أخي / حبيبي ... الخرجي؛
مايحتاج تغنيلي .. "جبتها عالجرح.."

[Bin hamad77]

اييي واللة فننن شفته في ام بي سي

[ابوجلمبو]

شكرن علا الموضوع

[The_Be$t]

هالنظام موجود في دبي وقريبا انشالله في قطر