يغيِّرون إطارات سيارتهم أثناء سيرها على إطارين في طريق سريع

[PIX]

واخرتها مع الشباب المجنن هذول وين بيوصلون مع جنون السواقة

قناة أمريكية وصفت العملية بالمذهلة ومنحتهم لقب أفضل السائقين

شباب سعوديون يغيِّرون إطارات سيارتهم أثناء سيرها على إطارين في طريق سريع


http://sabq.org/sabq/misc/get?op=GET_NEWS_IMAGE&name=news46486896.jpg&width=512&height=320

خالد علي – سبق – جدة: منحت قناة أمريكية متخصصة في السيارات "أوتو يو إس" أربعة شباب سعوديين لقب أفضل وأخطر قائدي السيارات خلال الستة أشهر الماضية؛ لقيامهم بتغيير إطارات سيارتهم وهي تسير على إطارين في إحدى الطرق السريعة.

وعرضت القناة مقطعاً مدته 3 دقائق و48 ثانية عبر أحد برامجها عن القيادة الخطرة، مشيرة إلى أن عملية تغيير إطارات السيارة وهي تسير على إطارين مذهلة وخطرة جداً في الوقت نفسه، ناصحة القناة جميع قائدي السيارات بعدم تجربة هذه الطريقة التي قد تؤدي للوفاة.

وبينت القناة أنها تلقت عدة مقاطع مماثلة إلا أنها لم تكن بالإتقان والسرعة التي قام بها الشباب السعوديون من عمل مميز وخطر، حيث إنه لم يكن هناك أي خطأ قاموا به قد يعرض حياتهم للخطر.

ويوضح المقطع قيام أربعة شباب على سيارة من نوع جيب يقومون بتغيير إطارين "أمامي وخلفي" وهي تسير على إطارين بسرعة فوق المتوسط.

طيب كل شيء مصور وين الشرطة والمحاكم عنهم الحين ....؟؟؟؟؟

[الدوحة 2010]

تهور وانتحار من قلب

[U Welcome]

وين الفيديو
ودنا نشوفه

[PIX]

وين الفيديو
ودنا نشوفه


اكتب في اليوتيوب هذه الجملة

والصراحة المقطع مثير جدا جدا والاهم الاغنية المرافقة مالت خدمنية

سعوديون يغيرون إطارات سيارتهم أثناء سيرها على إطارين

[الدوحة 2010]

تفضل مقطع فيديو ياالغالي

http://ysv.me/47813

[فويرط]

معقولة !!!

احس انه مب صج مادري ليش

في واحد طلع من دريشة السايق وقاعد يطالع اللي برع

شدعوه !!

السايق يسوق ولا قاعد يطالعهم ؟؟

واصلن مايصير واحد يسوق وواحد ثاني طالع من دريشه السايق .. هذيه وين حاط جسمه

مايندرى عنهم ... هذيله كل شي يسوونه

[القحطاني505]

السعوديين مهسترين

[khaldoon]

ما شفنا في المقطع اشلون فكوا التواير و اشلون ركبوها و شدوها مره ثانية....هذا اهم شي

[فتى الجود]

السلام علييكم
عجيبيين والصراحه يبيلهم من يتبناهم

مثل ماصار عندنا بقطر

هل الدراجات تبنتهم الحلبة وشوفوهم اوصلوا العالمية وانجحوا
وتصدروا
من فئة السوبر باياك الى فئة المتو جيبي


والله يحفظهم

[السندان]

جنوووووووووووووون الاحتراف .. بس لاحد يجرب .. الروح غاليه

يعطيك العافيه

[طاش]

هاذا انتحار ولوتعرض احدهم للوفاة الله العم شنو احسابة

[العساس]

إبداع

مواهب تحتاج الى صقل

وقلوب من حجر

الله يحفظهم انشالله

[TEAMspirit]

في واحد كان يقرى الوسيط و رفيجه يتصفح الانترنت الفنون جنون

[بوسلمان 2010]

الجنون فنون وقلة العقل مصيبه ولا شسالفتهم وين الدوريات وين اهليهم مااعرفوهم وبعد الحين القناه الامريكيه


امنحتم انهم اخطر شباب متهور ابشرك الله يستر من الياي كلن يبي الشهره الله يصلحهم

[وطن]

اللهم عافنا مما ابتليتهم به

هذول بايعينها

[ضوى]

فراغة وقلة عقل

الحمد لله الذي عافانا

[همر]

مافيهم حيله :nice:

[jeep-srt8]

وفي واحد فيهم كان حاط شيشة والابتوب هههههههه الفيديو ناقص خخخخخخخخ

خاطري اعرف بس وين هالطريق الي مأمنين له بشكل عجيب وشكله وسيع وطويل يبيله نطبلن علييه :d

[بوعلي2]

معقولة !!!

احس انه مب صج مادري ليش
في واحد طلع من دريشة السايق وقاعد يطالع اللي برع

شدعوه !!
السايق يسوق ولا قاعد يطالعهم ؟؟

واصلن مايصير واحد يسوق وواحد ثاني طالع من دريشه السايق .. هذيه وين حاط جسمه
مايندرى عنهم ... هذيله كل شي يسوونه


المقطع صج ومعروفين السعوديين بالهجوله على سرعة 200 والشيل على سرعة 160 تابع مقاطعم باليوتيوب بتاكد بنفسك :nice:


اتمنى يعلمونهم يسوقون طائرات اف 15 واف 16 احس بيلعوزون الامه بحركاتهم محد يقدر لهم :tease:

[بويعقوب]

وقت فراغ + صحة = جنون

بس فنان اللي يسوق ولاتحرك الموتر

المفروض ياخذونهم في حماية الشخصيات

[khaldoon]

الجنون فنون وقلة العقل مصيبه ولا شسالفتهم وين الدوريات وين اهليهم مااعرفوهم وبعد الحين القناه الامريكيه


امنحتم انهم اخطر شباب متهور ابشرك الله يستر من الياي كلن يبي الشهره الله يصلحهم

مره حضرت برنامج اعتقد على ام بي سي انه في واحد امريكي مليونير يعرض شراء اي حركه خطيرة يقوم فيها الشباب ...يعني كل شاب او بنت يقدر يسوي الحركه الخطيره القاتله اللي يبيها و يبيعها له و بتصير ملكه و بعدين هو بيعرضها و ببيعها في مواقع الانترنت بفلسو و اشتراكات


طبعا في حالات كانت موت او تشوهات و اعاقات خطيره يعني مثلا مره شفت واحد عمل شقلبة في الهواء و سقط على وجهه و انشل 75% من عضلات وجهه يعني وجهه صار ما يتحرك مثل القناع بعد عمليات تجميل كثيرة جدا و اشياء كثيره خطيرة.....تابع الحركات الخطيرة القاتله اللي يسوونها الشباب الامريكي و بتسأل نفسك ليش يعرضون انفسهم لمثل هذه الاخطار وهذا هو السبب

[نجد سهيل]

قديمة في مقطع لشباب قطريين يشلوون ويشيشوون شيشة !!

[ابوجلمبو]

كلك حركات اكيد شاربين بايسن

[أخت الكل]

هذي شلة علي العنزي من مدينة تبوك .. لهم مقاطع كثيرة تعرضها قناة خاصة بالاستعراض

الله يهديهم