المساعد الشخصي الرقمي

مشاهدة النسخة كاملة : ماهي الكماليات وماهي الاساسيات من وجهة نظرك؟


مساهمة بسFresh
18-08-2011, 03:17 PM
الكماليات هي الأمور التي لا تعتبر أساسية في الحياة، وبالتالي فهي فقط (تكمل) الحياة، بمعنى أنها إضافات، فمثلاً المأكل والملبس من الأساسيات، لكن المجوهرات وغيرها هي من الكماليات.
وبعبارة أخرى هي الأكسسوارات.

على سبيل المثال :
شراء سيارة من الضروريات
لكن
شراء سيارة آخر موديل من الكماليات

بناء بيت من الاساسيات
لكن
بناء بيت باعلى التكاليف من الكماليات

الزواج من الاساسيات
لكن
الصرف الزائد والبذخ في الزواج من الكماليات بل وضرب من الجنون احيانا

امتلاك موبايل قد يكون من الاساسيات
لكن
شراء رقم مميز واحدث جهاز وامتلاك اكثر من جهاز وخط من الكماليات

تذكر :
محيطك ومجتمعك ليس هم من يفرضون عليك ماهو الاساسي وماهو الكمالي ولكن ظروفك واحتياجاتك انت هي من يحدد ذلك
فمن الغريب والمضحك ان تقول : لقد اشتريت افخم سيارة لان معظم افراد المجتمع لديهم ذلك
فوقتها قد اصبحت امعة




بالنسبة لك او لكي :
ماهي الكماليات والاساسيات؟


-منقول مع شوية اضافات -:shy:
صعبة وصوفه
18-08-2011, 07:25 PM
صح صادقة أختي،،
باعطيج مثال،، شرايج بالبنات اللي يشترون شناط ماركة بمبلغ لا يقل مثلا (عن 3000 ريال!!!)،، شتقولين عنهم؟؟!!
وإذا سألتي وحدة منهم ليش تشترين هالشنطة وبهالمبلغ حرام تبذير، تتوقعين ايش الرد؟!!! تقولج والله كل ربعي يشترون شناط ماركات وأنا مب أقل منهم!!! :rolleyes2:
عذر أقبح من ذنب، المشكلة البعض ماعندهم القدرة إنهم يشترون بهالمبلغ ومع هذا يضغطون على نفسه بس عشان فلانة سوت كذا أن لازم أسوي مثلها!! :rolleyes2: اللهم لك الحمد على نعمة العقل...
*
أذكر نفسي وغيري بهذا الحديث الشريف:
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " لَا تَزُولُ قَدَمَا عَبْدٍ يَوْمَ الْقِيَامَةِ حَتَّى يُسْأَلَ عَنْ أَرْبَعٍ : عَنْ مَالِهِ ، مِمَّ اكْتَسَبَهُ ؟ وَفِيمَ أَنْفَقَهُ ؟ وَعَنْ عِلْمِهِ ، مَا صَنَعَ فِيهِ ؟ وَعَنْ شَبَابِهِ ، فِيمَ أَبْلَاهُ ؟ وَعَنْ عُمُرِهِ ، فِيمَ أَفْنَاهُ ؟ "
سما الوطن
18-08-2011, 07:38 PM
قد يكون الضرويات عند احدهم هو الشي الذي لا يمكن العيش من غيره او يجعل الحياه صعبه نوعا ما من غيره
والكماليات هي كل شي اخر

وعند البعض تكون الضروريات كل ما تسمح به ميزانيته ..والكماليات هي الاشياء التي لا تسمح بها ميزانيته

كلاهم تفسير عقلاني


بالنسبه لي اميل للمفهوم الثاني


المشكله عند البعض هو تحويل الكماليات الى ضروريات
بعض الاحيان باقتناع ..وبعض الاحيان مجرد تقليد او حتى حب للرفاهيه
لا تهم ميزانيه .... المبلغ دائما يستطيع تدبيره بشكل ما وبشكل مؤقت
وهنا تكمن المشكله
ضغوطات ومصاعب لن يتحملها لم يكن يريدها ومع هذا لن يتنازع عن اي كماليه ..بل الحل هو ندب الخط ولوم الاخرين
المسك1969
18-08-2011, 07:44 PM
الاساسيات عندي هي ما تضمن لي ولابنائي العيش... فقط العيش

والكماليات هي الزيادة التي أن توفرت المادة وفرتها وإن لم تتوفر المادة فسأغض النظر عنها ولن ينفعني فيها الناس... حتى يكون هناك وقت مناسب لها وظروف مناسبة فأوفرها والحمدلله

وأنتي حفظكِ الله أجدتِ في الطرح
جزاج الله خيرا
ابن البيطار
18-08-2011, 07:45 PM
ماغربلنا وجاب لنا هم الدين غير الكماليات وياليت جات على الكماليات بأسعار معقوله الا صار المبالغه في اسعار الكماليات.
KHALiDiSH
18-08-2011, 07:54 PM
افضل واكبر بيت واخر موديل سيارة ليس من الكماليات

بل من الاساسيات الي وصى عليها رسولنا الكريم...

http://islamweb.net/hadith/display_hbook.php?hflag=1&bk_no=2026&pid=359477

فلا تختلط عليج الامور ... وتوج صغيره تحتاجين تقرين في الدين والسنه اكثر لتفرقي بين الحقوق والضروريات والكماليات
Q.p.R
18-08-2011, 07:58 PM
الدخل الفردي يحدد للعقل نوعيه الاساسيات و الكماليات

قرأت مره عن موضوع وفيه قصه ظريفه

واحد اشترى عمله افتراضيه يعني توكنز في لعبه حرب من شاب في دوله اخرى

اشتراها ب 120 الف ريال

قال واحد لصاحب القصه ان هذا تبذير محرم

فقال له صاحب القصه انت قد مره شريت شي تحبه - مثل طراد او دراجه

قال نعم شريت طراد ب 20 الف من كم سنه

قال له اذن انت حدد هوايتك بحسب مدخولك وان 20 الف ما تضرك لو صرفتها فيها

و الي دفع 120 الف في لعبه حدد هوايته و ما اتعبته تكلفتها بحسب مدخله ايضا

مب عيب ان الواحد يظهر فضل الله عليه باكسسوارات و كماليات مادامت لا تنقص من مدخوله وفي نفس الوقت ينفق في الخير

العب ان نبذر مدخولنا في كماليات و نهمل الاساسيات

لو كل شاب اول ما بدأ حياته العمليه اكتفى بسياره مقنعه و جمع للزواج كان ما شفنى عزوبيه

وكان دارت الاموال ي دورتها الاقتصاديه السليمه مثل شراء بيت و تكوين اسره

لكن الله يهدينا جميعا نشوف البعض طاف عمره 30 سنه وهو كل سنه يبدل موتره بموديل جديد
و السلف تطوف ربع و نص مليون

ويقولون الزواج مكلف مع ان اغلب الجهات تعطي سلف زواج و سلف اعباء معيشه و بونص سنوي و سلفه سياره و علاوات زواج

كلها ممكن تزوجه في ليله و ضحاها واذا كلش بياخذ 100 الف من البنك لاكمال الناقص

لكن لا - الموتر اولى و ابونص للسفره و سلف العمل تندفع فرقيه لموتر موديل جديد

وبعضهم يطلع له موترين كروزر و جمس بيك اب

سأله ليش

يقو لك حق الاحساء و التبضع

وهو عمره ا راح الاحساء و لا تبضع لاهله

اذا ما في عقل فلا فرق بين الاساسيات و الكماليات

والله اعرف شباب عليهم فوق مليون و800 الف و بعضهم اكثر ويا ليت عنده موتر عدل او تزوج بهالفلوس

شكرا على الموضوع و نتمنى ان الجميع يوعى على الي بيصير في البلاد و تحولها الى بلد سياحي و غلاء

المواقف صارت بفلوس و الرسوم تفرض على كل شيء و المواتر صكت 200 الف
و الراتب ما تغير ولازم نعرف معنى التوفير و الادخار
ابن البيطار
18-08-2011, 08:03 PM
افضل واكبر بيت واخر موديل سيارة ليس من الكماليات

بل من الاساسيات الي وصى عليها رسولنا الكريم...

http://islamweb.net/hadith/display_hbook.php?hflag=1&bk_no=2026&pid=359477

فلا تختلط عليج الامور ... وتوج صغيره تحتاجين تقرين في الدين والسنه اكثر لتفرقي بين الحقوق والضروريات والكماليات



اتق الله ولاتفسر احديث سيد الخلق على مزاجك وتذكر قوله صلى الله عليه وسلم (من كذب علي متعمدا فاليتبوأ مقعده من النار)
KHALiDiSH
18-08-2011, 08:11 PM
اتق الله ولاتفسر احديث سيد الخلق على مزاجك وتذكر قوله صلى الله عليه وسلم (من كذب علي متعمدا فاليتبوأ مقعده من النار)

اخي الكريم الحديث امامك ولم افسره على كيفي.... ام تجد صعوبة في فهم الحديث...
مساهمة بسFresh
19-08-2011, 04:40 PM
صح صادقة أختي،،
باعطيج مثال،، شرايج بالبنات اللي يشترون شناط ماركة بمبلغ لا يقل مثلا (عن 3000 ريال!!!)،، شتقولين عنهم؟؟!!
وإذا سألتي وحدة منهم ليش تشترين هالشنطة وبهالمبلغ حرام تبذير، تتوقعين ايش الرد؟!!! تقولج والله كل ربعي يشترون شناط ماركات وأنا مب أقل منهم!!! :rolleyes2:
عذر أقبح من ذنب، المشكلة البعض ماعندهم القدرة إنهم يشترون بهالمبلغ ومع هذا يضغطون على نفسه بس عشان فلانة سوت كذا أن لازم أسوي مثلها!! :rolleyes2: اللهم لك الحمد على نعمة العقل...
*
أذكر نفسي وغيري بهذا الحديث الشريف:
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " لَا تَزُولُ قَدَمَا عَبْدٍ يَوْمَ الْقِيَامَةِ حَتَّى يُسْأَلَ عَنْ أَرْبَعٍ : عَنْ مَالِهِ ، مِمَّ اكْتَسَبَهُ ؟ وَفِيمَ أَنْفَقَهُ ؟ وَعَنْ عِلْمِهِ ، مَا صَنَعَ فِيهِ ؟ وَعَنْ شَبَابِهِ ، فِيمَ أَبْلَاهُ ؟ وَعَنْ عُمُرِهِ ، فِيمَ أَفْنَاهُ ؟ "

صدق رسول الله

لكن اخوي بس 3000 ريال؟
الحين هالمبلغ صار ولا شي عند البعض
ولو الواحد عنده اوكيه
لا الكل يبي يقلد غيره ويبي يفوشر لو حتى ماكان عنده
ولو سالته بيقول لك هذا شي اساسي
مساهمة بسFresh
20-08-2011, 02:17 PM
قد يكون الضرويات عند احدهم هو الشي الذي لا يمكن العيش من غيره او يجعل الحياه صعبه نوعا ما من غيره
والكماليات هي كل شي اخر

وعند البعض تكون الضروريات كل ما تسمح به ميزانيته ..والكماليات هي الاشياء التي لا تسمح بها ميزانيته

كلاهم تفسير عقلاني


بالنسبه لي اميل للمفهوم الثاني


المشكله عند البعض هو تحويل الكماليات الى ضروريات
بعض الاحيان باقتناع ..وبعض الاحيان مجرد تقليد او حتى حب للرفاهيه
لا تهم ميزانيه .... المبلغ دائما يستطيع تدبيره بشكل ما وبشكل مؤقت
وهنا تكمن المشكله
ضغوطات ومصاعب لن يتحملها لم يكن يريدها ومع هذا لن يتنازع عن اي كماليه ..بل الحل هو ندب الخط ولوم الاخرين
:nice:
وهذا سبب سقوط كثير من الناس في الديون
الاساسيات عندي هي ما تضمن لي ولابنائي العيش... فقط العيش

والكماليات هي الزيادة التي أن توفرت المادة وفرتها وإن لم تتوفر المادة فسأغض النظر عنها ولن ينفعني فيها الناس... حتى يكون هناك وقت مناسب لها وظروف مناسبة فأوفرها والحمدلله

وأنتي حفظكِ الله أجدتِ في الطرح
جزاج الله خيرا
وجزاج اختي
وكلامج عين العقل
ماغربلنا وجاب لنا هم الدين غير الكماليات وياليت جات على الكماليات بأسعار معقوله الا صار المبالغه في اسعار الكماليات.
:nice:

افضل واكبر بيت واخر موديل سيارة ليس من الكماليات

بل من الاساسيات الي وصى عليها رسولنا الكريم...

http://islamweb.net/hadith/display_hbook.php?hflag=1&bk_no=2026&pid=359477

فلا تختلط عليج الامور ... وتوج صغيره تحتاجين تقرين في الدين والسنه اكثر لتفرقي بين الحقوق والضروريات والكماليات

اعتقد اخوي انك مافهمت معنى حديث الرسول
:)

الدخل الفردي يحدد للعقل نوعيه الاساسيات و الكماليات

قرأت مره عن موضوع وفيه قصه ظريفه

واحد اشترى عمله افتراضيه يعني توكنز في لعبه حرب من شاب في دوله اخرى

اشتراها ب 120 الف ريال

قال واحد لصاحب القصه ان هذا تبذير محرم

فقال له صاحب القصه انت قد مره شريت شي تحبه - مثل طراد او دراجه

قال نعم شريت طراد ب 20 الف من كم سنه

قال له اذن انت حدد هوايتك بحسب مدخولك وان 20 الف ما تضرك لو صرفتها فيها

و الي دفع 120 الف في لعبه حدد هوايته و ما اتعبته تكلفتها بحسب مدخله ايضا

مب عيب ان الواحد يظهر فضل الله عليه باكسسوارات و كماليات مادامت لا تنقص من مدخوله وفي نفس الوقت ينفق في الخير

العب ان نبذر مدخولنا في كماليات و نهمل الاساسيات

لو كل شاب اول ما بدأ حياته العمليه اكتفى بسياره مقنعه و جمع للزواج كان ما شفنى عزوبيه

وكان دارت الاموال ي دورتها الاقتصاديه السليمه مثل شراء بيت و تكوين اسره

لكن الله يهدينا جميعا نشوف البعض طاف عمره 30 سنه وهو كل سنه يبدل موتره بموديل جديد
و السلف تطوف ربع و نص مليون

ويقولون الزواج مكلف مع ان اغلب الجهات تعطي سلف زواج و سلف اعباء معيشه و بونص سنوي و سلفه سياره و علاوات زواج

كلها ممكن تزوجه في ليله و ضحاها واذا كلش بياخذ 100 الف من البنك لاكمال الناقص

لكن لا - الموتر اولى و ابونص للسفره و سلف العمل تندفع فرقيه لموتر موديل جديد

وبعضهم يطلع له موترين كروزر و جمس بيك اب

سأله ليش

يقو لك حق الاحساء و التبضع

وهو عمره ا راح الاحساء و لا تبضع لاهله

اذا ما في عقل فلا فرق بين الاساسيات و الكماليات

والله اعرف شباب عليهم فوق مليون و800 الف و بعضهم اكثر ويا ليت عنده موتر عدل او تزوج بهالفلوس

شكرا على الموضوع و نتمنى ان الجميع يوعى على الي بيصير في البلاد و تحولها الى بلد سياحي و غلاء

المواقف صارت بفلوس و الرسوم تفرض على كل شيء و المواتر صكت 200 الف
و الراتب ما تغير ولازم نعرف معنى التوفير و الادخار
كلام في الصميم:nice:

اتق الله ولاتفسر احديث سيد الخلق على مزاجك وتذكر قوله صلى الله عليه وسلم (من كذب علي متعمدا فاليتبوأ مقعده من النار)

:nice:
BIG-VEGA
20-08-2011, 02:38 PM
افضل واكبر بيت واخر موديل سيارة ليس من الكماليات

بل من الاساسيات الي وصى عليها رسولنا الكريم...

http://islamweb.net/hadith/display_hbook.php?hflag=1&bk_no=2026&pid=359477

فلا تختلط عليج الامور ... وتوج صغيره تحتاجين تقرين في الدين والسنه اكثر لتفرقي بين الحقوق والضروريات والكماليات


اخوي دور في التفسير عدل ... مب شرط الانسان الي يفهمه انه صح هو الصح

ولاتستعجل
الـمـرقاب
20-08-2011, 02:40 PM
من وجهة نظري كل شي فيه زيادة عن الاساس فهو مكمل، يعني ممكن الواحد يسكن
في بيت حجمه مناسب له ولعائلته وهذا اعتبره اساسي، لكن الكماليه فيما زاد عن ذلك وكان
فوق طاقة الانسان!

ممكن اللي الله منعم عليه يقدر يصرف على أمور نعتبرها كماليات من منظورنا، لكن بما ان عنده
خير ماراح تأثر عليه، طالما ينفق ماله لراحته وراحة اسرته في الحلال..!

لكن المشكله في اللي على قد حاله ويطالع هذا وذاك ويبي يشتري ويسوي مثل مايسوي غيره،
حتى لو اضطر يراكم ديون على ظهره!
حسن
20-08-2011, 03:02 PM
من وجهه نظري دام الحكومه داعمه وموفره المواد التموينيه مثل العيش والحليب والزيت والسكر ولا تنسون بعد الاشوار والشعير هذا اهم شي
almaf1a
20-08-2011, 03:06 PM
شراء سيارة من الضروريات
لكن
شراء سيارة آخر موديل من الكماليات
:shy:

ومن قال ان شراء السيارة من الضروريات
عيل ليش موفرين باصات وتكاسي كروه ومكيفينها
ليش مب سيكل نفس باقي الدول
وسائل المواصلات كثيرة
انا اتمنى من شبابنا القطرين انهم يركبون بدراجه نفس مالت هارديز
علشان تخف الزحمه
الوان
20-08-2011, 04:31 PM
ومن قال ان شراء السيارة من الضروريات
عيل ليش موفرين باصات وتكاسي كروه ومكيفينها
ليش مب سيكل نفس باقي الدول
وسائل المواصلات كثيرة
انا اتمنى من شبابنا القطرين انهم يركبون بدراجه نفس مالت هارديز
علشان تخف الزحمه

:eek5:
Mohammed2
20-08-2011, 04:52 PM
ومن قال ان شراء السيارة من الضروريات
عيل ليش موفرين باصات وتكاسي كروه ومكيفينها
ليش مب سيكل نفس باقي الدول
وسائل المواصلات كثيرة
انا اتمنى من شبابنا القطرين انهم يركبون بدراجه نفس مالت هارديز
علشان تخف الزحمه

دراجات في هذا الحررر!!!!!!

السيارات صارت من الضروريات في هذي الايام
مستحيل حد يعيش من غير سياره
بيروح شغله في الوقت المحدد واذا شي طارئ سيارته عنده والاماكن بعضها بعيده يحتاج سياره
بيروح بيت الاهل او اي شي لازم سياره
ماينفع الباص او تاكسي

والاغلبيه اكيد بيوافقوني الرأي
Mohammed2
20-08-2011, 04:53 PM
واللي مسوي الزحمه مب الشباب القطريين :@
chillis
20-08-2011, 05:23 PM
من الضروريات سياره على قدي للمشاوير والدوام وبيت يلمني يكون ملك لي مرتب ومهب لازم عود وفخم. وملبس وماكل ومهب شرط ماركات. يعني المعيشه الطبيعيه والي عنده خير له يلبس ويركب افخم السيارات رزق
almaf1a
20-08-2011, 05:44 PM
دراجات في هذا الحررر!!!!!!

السيارات صارت من الضروريات في هذي الايام
مستحيل حد يعيش من غير سياره
بيروح شغله في الوقت المحدد واذا شي طارئ سيارته عنده والاماكن بعضها بعيده يحتاج سياره
بيروح بيت الاهل او اي شي لازم سياره
ماينفع الباص او تاكسي

والاغلبيه اكيد بيوافقوني الرأي

ليش الواحد مايركب الباص مال كروه سريع ومواعيده ممتازه
بكره اذا حطوه القطارات عندنا حق كأس العالم من بيركبها
السيارة من الكماليات وليست من الاساسيات
المواصلات هي من الاساسيات وهي متوفره
سواء تاكسي او باص او سيكل او سيارة
البعض يشوف السياراة والبعض يشوف الباص
والبعض يشوف سيارة 4 سلندر
والبعض يقول لازم فورويل حق البيت الي ينراح له قطوع والشوارع المكسره
والموضوع كله ممتد مابين ال300 ريال للسيكل حتى المليون للبنتلي
وكل واحد يصنف على كيفه وعلى جيبه

واقولها ان البعض الموبايل بالنسبه له من الكماليات يقدر يمشي روحه بالبليب

المشكله ماهي فينا ولا نحتاج حد يقولنا ماهي الكماليات والاساسيات
نحتاج نعرف هل نحن نعيش حياة فيها كل الاساسيات واغلب الكماليات او لا
اجزم ان الاساسيات غير موجوده
وين تكون موجوده للاباء الي توصل اعمارهم 35 سنة وللحين في بيوت ابهاتهم في غرفه او ملحق

البعض يرد الكماليات تكون بالنسبه لك هي ماتضمن لك العيش فما فائدة السيارة اذا؟؟
بدون
21-08-2011, 02:23 AM
المسالة نسبية
الغني بتكون عنده الاساسيات الأكل المتنوع الأصناف كل يوم و اللبس الفخم و السيارة الفارهة و البيت الواسع الذي يضم الأسرة و التعليم الجامعي لكل الأبناء .

و الكماليات سفرات طويلة كل سنة و سيارة جديدة آخر موديل عدا عن السيارة اليومية و سيارة المطاريش بالإضافة إلى بيت يسع جيش من الخدم و الضيوف بالإضافة إلى الأسرة ، و التعليم في أفضل المدارس و الجامعات للابناءالخ .....

لمتوسط الحال الأساسيات طبعا الملابس و الطعام المتنوع و البيت المتوسط الحال و السيارة الجيدة و تعليم جيد للأبناء و سفرة إلى دولة خليجية في نهاية العام .
و الكماليات هي سفرة لبلد اوروبي كل كم سنة و سيارة جديدة كلما تضررت السيارة القديمة و ربما جامعة جيدة لتعليم الأبناء .

أما للفقير فتعتبر الأساسيات المأكل الذي يسد الجوع و الملابس البسيطة التي تستر الحال و البيت البسيط الذي يجمع الأسرة من التشتت تحت سقف واحد و قد يتكون بكامله من غرفتين و صالة و مطبخ و حمام و التعليم الأساسي لأبنائها.

أما الكماليات قد تكون البيت الشعبي و سيارة للمشاوير الضرورية و بعض الوجبات في مطعم متوسط الحال و ربما دراسة في جامعة محلية لأحد أبنائها و ربما سفرة لإحدى دول الجوار

كما أسلفت فإن المسألة نسبية و تعتمد على الحالة المادية للعائلة و الفرد و ما أراه ضروريا لي مثل السيارة قد يراه غيري من الكماليات , فأنا لا أحبذ أن أتنقل في المواصلات العامة و لا أتقبل أن أرى عائلتي تتنقل في الباصات العامة و سيارات الأجرة مختلطة مع الأغراب في حيز ضيق جدا و خاصة و نحن في هذا الزمن الذي قل فيه الأمان بشكل كبير. كما انني أحب أن اشتري ما تشتهيه نفسي و ما تريده عائلتي مما أنعم الله علي ولكن بحدود المعقول بحيث لا أصل إلى حد التبذير و الإسراف.


و شكرا على الطرح المميز :nice:
hamoor4ever
21-08-2011, 03:21 AM
من وجهه نظري دام الحكومه داعمه وموفره المواد التموينيه مثل العيش والحليب والزيت والسكر ولا تنسون بعد الاشوار والشعير هذا اهم شي


صادق هاذه اهم شي :eek5:
تحداني
21-08-2011, 03:31 AM
كل شي ما يخليني احتاج للناس اعتبره اساسيات
وكل شي يحوجني للغير اكتبره كماليات وماله داعي


لو عرفنا انعيش بدون ما انشوف الي في يد الغير راح نعيش مرتاحين

لكن ما تتفقين معاي يا اختي الفاضله ان الحياه صارت اثقل من ميزانياتنا
وتحتاج منه تنازلات كبيره تصل لحد حرمانه من بعض سبل الرفاهيه الي من حقنا انه نمتع انفسنا فيه


نشتغل 12 شهر وما يصفى من الراتب شي عشان نرفه على نفسيه اعيالنا
نشتغل 12 شهر ومو لاقين دخل ثاني غير هالراتب عشان نقضي فيه يومين في مكان جميل حتى لو كان قريب


نشتغل 12 شهر واحيانا ما يصفى منه شي عشان نجامل قريب وعزيز لنا بهديه ثمينه نوعا ما



مجرد سؤال .. واذا ازعجج اعتذر

جملك الله برضاه
20 دي
21-08-2011, 09:07 AM
الشخص الوحيد اللي عرف سبب هالموضوع تحداني زماني ..

تروحين وترجعين على نفس المواضيع ..جيبيها من الاخر لا تطالبون بزيادات ولا تسديد ديون لان انتو سبب ديونكم بالكماليات ..ولا تشوفون اللي في يد غيركم ..وعلى قولتج مدو ريولكم على قد لحاكم ..

مواضيعج مكرره وهدفها واحد لا غير وصارت بلاطعم ..والهدف من هالموضوع انج تقنعين الناس بان الغلط منهم لان اللي راتبه 5 الاف ما يكفيه وليش يطلب زياده ..يعيش على الاساسيات ويخلي الكماليات..من الاخر اساسيات الناس تختلف من شخص للثاني وانتي مستعده تخلين الاساسيات كماليات بس عشان تثبتين وجه نظرج ..للاسف كلنا فهمناج..ومواضيعج ماخوذ خيرها..ياليت تجددين في مواضيعج ..ودعي الخلق للخالق..يكفي الناس اللي فيها..

استغفر الله واتووووب اليه
almaf1a
21-08-2011, 10:55 AM
الشخص الوحيد اللي عرف سبب هالموضوع تحداني زماني ..

تروحين وترجعين على نفس المواضيع ..جيبيها من الاخر لا تطالبون بزيادات ولا تسديد ديون لان انتو سبب ديونكم بالكماليات ..ولا تشوفون اللي في يد غيركم ..وعلى قولتج مدو ريولكم على قد لحاكم ..

مواضيعج مكرره وهدفها واحد لا غير وصارت بلاطعم ..والهدف من هالموضوع انج تقنعين الناس بان الغلط منهم لان اللي راتبه 5 الاف ما يكفيه وليش يطلب زياده ..يعيش على الاساسيات ويخلي الكماليات..من الاخر اساسيات الناس تختلف من شخص للثاني وانتي مستعده تخلين الاساسيات كماليات بس عشان تثبتين وجه نظرج ..للاسف كلنا فهمناج..ومواضيعج ماخوذ خيرها..ياليت تجددين في مواضيعج ..ودعي الخلق للخالق..يكفي الناس اللي فيها..

استغفر الله واتووووب اليه

:nice:
مريومة
21-08-2011, 11:05 AM
احيانا بعد فترة الكماليات .. اتصير اساسيات

يعني اللي رضى بكامري في بداية حياته .. والا بملحق في بيت ابوه

والا بألفين ريال تموين البيت .. والا .. والا .. والا

بعد جم سنة طبيعي .. يكون عليه ديون .. دامه على الله وعلى هالراتب

طبعا هذا في الحالات الطبيعية .. في عدم وجود مرض احد من الاهل

اوالتزام فجائي او مصيبة يحتاج فيها عينية

لما يزيد عدد الاسرة اتزيد احتياجاتهم .. وفي نفس الوقت الراتب محلك سر

الكماليات تصبح اقل من الاساسيات .. والناس ظروفهم تختلف

مب كلهم .. عايشين مع والدين يصرفون عليهم لين يخلصون جامعة

وعقب على طول يلقى وظيفة .. وبسرعة يكون مجمع حق زواجه

وفجأة لقى الملحق بناه ابوه .. الواحد شيقول .. كفاية سالفة البريد


والله المستعان
مريومة
21-08-2011, 11:09 AM
واللي يقول باصات مكيفة

.. انت شفت العمالة وهم ينطرون

كم ليتر عرق يصب منهم لين يركبون هالباص المكيف

احنا في رمضان وفي المطبخ وتحت المكيف .. يصيدنا هبوط

اتقول باص .. ناقصين امراض

والله المستعان
Amal_QTR
21-08-2011, 11:27 AM
كل هذا يعتمد على الدخل ..
يعني لو انا دخلي الشهري 40,000 و اشتريت لي شنطه ب 5000 و صرفت على عيالي و تصدقت و وفرت .. ماشوف فيها اسراف لان دخلي يسمح لي !
انا عندي الاساسيات هي اني اصرف على تعليم الاطفال حتى لو كان غالي لاني بهالشكل ابني لهم اساس حتى لو زالت النعمه و النعمه زواله يكون عندهم اساس قوي يقدرون يشيلون نفسهم ..
المنزل الطيب اساسيه من اساسيات الحياه ..
يقول المثل على قد الحافك مد رجليك ..
و الحياه عباره عن عمليه توازن .. ما يفهمها الا الاذكيه ..
ابو محمد7
21-08-2011, 12:28 PM
الاساسيات: ضروريات يحتاجها الانسان لكي يعيش حياته بشكل طبيعي

مثل: الاكل والشرب والمسكن والعلاج ومصاريف التعليم و وسيلة مواصلات

اما الكماليات: اضافات تجعل الانسان يعيش برفاهية اكبر

مثل: المجوهرات او السيارات والملابس الفارهة المكلفة

بعض الامور مثل السكن والسيارة تعد من الاساسيات وذلك في الحد الادنى من التكلفة والاسعار

اما عند تجاوز السعر المتوسط للسوق والمبالغة تتحول الى كماليات خاصة ان البعض هدفه من ذلك يكون ارضاء الناس ولفت انتباه الاخرين
مساهمة بسFresh
21-08-2011, 03:53 PM
اخوي دور في التفسير عدل ... مب شرط الانسان الي يفهمه انه صح هو الصح

ولاتستعجل



:nice:

والرسول عليه السلام وتعاليم الدين الاسلامي اصلا ضد الاسراف مهما كان
مساهمة بسFresh
21-08-2011, 03:54 PM
من وجهة نظري كل شي فيه زيادة عن الاساس فهو مكمل، يعني ممكن الواحد يسكن
في بيت حجمه مناسب له ولعائلته وهذا اعتبره اساسي، لكن الكماليه فيما زاد عن ذلك وكان
فوق طاقة الانسان!

ممكن اللي الله منعم عليه يقدر يصرف على أمور نعتبرها كماليات من منظورنا، لكن بما ان عنده
خير ماراح تأثر عليه، طالما ينفق ماله لراحته وراحة اسرته في الحلال..!

لكن المشكله في اللي على قد حاله ويطالع هذا وذاك ويبي يشتري ويسوي مثل مايسوي غيره،
حتى لو اضطر يراكم ديون على ظهره!

مداخلة روعة
اختصرت الموضوع كله اخوي الليوان بكلام موضوعي ومنطقي وماعليه كلام

تحياتي
مساهمة بسFresh
21-08-2011, 03:55 PM
من وجهه نظري دام الحكومه داعمه وموفره المواد التموينيه مثل العيش والحليب والزيت والسكر ولا تنسون بعد الاشوار والشعير هذا اهم شي

الله يعز الحكومة
ويوفقها لما يحب ويرضى يارب

والحمدلله اولا واخيرا
مساهمة بسFresh
21-08-2011, 03:57 PM
دراجات في هذا الحررر!!!!!!

السيارات صارت من الضروريات في هذي الايام
مستحيل حد يعيش من غير سياره
بيروح شغله في الوقت المحدد واذا شي طارئ سيارته عنده والاماكن بعضها بعيده يحتاج سياره
بيروح بيت الاهل او اي شي لازم سياره
ماينفع الباص او تاكسي

والاغلبيه اكيد بيوافقوني الرأي


فعلا السيارة في بلادنا ولمجموعة كبير جدا من الناس هي ضرورة
بس اي سيارة؟هذا السؤال

اللي عنده يشتري له سيارة غالية اوكيه
واللي ماعنده؟
مساهمة بسFresh
21-08-2011, 04:00 PM
من الضروريات سياره على قدي للمشاوير والدوام وبيت يلمني يكون ملك لي مرتب ومهب لازم عود وفخم. وملبس وماكل ومهب شرط ماركات. يعني المعيشه الطبيعيه والي عنده خير له يلبس ويركب افخم السيارات رزق

وانا معاج ياشيليز في كلامج
المشكلة في اللي يصور اي شي كمالي انه ضروري
يعني لو قلنا السيارة ضرورة
يروح يشتري له سيارة باكثر من طاقته ويقول السيارة ضرورة!
انزين هي ضرورة بس اي سيارة اللي ضرورة؟
مشكورة على مشاركتج
مساهمة بسFresh
21-08-2011, 04:03 PM
المشكله ماهي فينا ولا نحتاج حد يقولنا ماهي الكماليات والاساسيات
نحتاج نعرف هل نحن نعيش حياة فيها كل الاساسيات واغلب الكماليات او لا
اجزم ان الاساسيات غير موجوده
وين تكون موجوده للاباء الي توصل اعمارهم 35 سنة وللحين في بيوت ابهاتهم في غرفه او ملحق

البعض يرد الكماليات تكون بالنسبه لك هي ماتضمن لك العيش فما فائدة السيارة اذا؟؟

اخوي كل واحد هو يقدر يحدد الاشياء الكمالية بالنسبة له ومدة حاجته لها


اما بالنسبة حق سؤالك الاخير :
فاعتقد انك مافهمت الطرح
ولاتزعل من كلامي اخوي
مساهمة بسFresh
21-08-2011, 04:05 PM
المسالة نسبية
الغني بتكون عنده الاساسيات الأكل المتنوع الأصناف كل يوم و اللبس الفخم و السيارة الفارهة و البيت الواسع الذي يضم الأسرة و التعليم الجامعي لكل الأبناء .

و الكماليات سفرات طويلة كل سنة و سيارة جديدة آخر موديل عدا عن السيارة اليومية و سيارة المطاريش بالإضافة إلى بيت يسع جيش من الخدم و الضيوف بالإضافة إلى الأسرة ، و التعليم في أفضل المدارس و الجامعات للابناءالخ .....

لمتوسط الحال الأساسيات طبعا الملابس و الطعام المتنوع و البيت المتوسط الحال و السيارة الجيدة و تعليم جيد للأبناء و سفرة إلى دولة خليجية في نهاية العام .
و الكماليات هي سفرة لبلد اوروبي كل كم سنة و سيارة جديدة كلما تضررت السيارة القديمة و ربما جامعة جيدة لتعليم الأبناء .

أما للفقير فتعتبر الأساسيات المأكل الذي يسد الجوع و الملابس البسيطة التي تستر الحال و البيت البسيط الذي يجمع الأسرة من التشتت تحت سقف واحد و قد يتكون بكامله من غرفتين و صالة و مطبخ و حمام و التعليم الأساسي لأبنائها.

أما الكماليات قد تكون البيت الشعبي و سيارة للمشاوير الضرورية و بعض الوجبات في مطعم متوسط الحال و ربما دراسة في جامعة محلية لأحد أبنائها و ربما سفرة لإحدى دول الجوار

كما أسلفت فإن المسألة نسبية و تعتمد على الحالة المادية للعائلة و الفرد و ما أراه ضروريا لي مثل السيارة قد يراه غيري من الكماليات , فأنا لا أحبذ أن أتنقل في المواصلات العامة و لا أتقبل أن أرى عائلتي تتنقل في الباصات العامة و سيارات الأجرة مختلطة مع الأغراب في حيز ضيق جدا و خاصة و نحن في هذا الزمن الذي قل فيه الأمان بشكل كبير. كما انني أحب أن اشتري ما تشتهيه نفسي و ما تريده عائلتي مما أنعم الله علي ولكن بحدود المعقول بحيث لا أصل إلى حد التبذير و الإسراف.


و شكرا على الطرح المميز :nice:

بيض الله ويهك اخوي ومشكور على المشاركة

وانا اعتقد ان اي شخص يخطط حق حياته ويعرف هو شنو محتاج بالضبط وايش اللي ممكن يرهقه ويرهق ميزانيته فاكيد راح يعيش مرتاح
مساهمة بسFresh
21-08-2011, 04:09 PM
كل شي ما يخليني احتاج للناس اعتبره اساسيات
وكل شي يحوجني للغير اكتبره كماليات وماله داعي


لو عرفنا انعيش بدون ما انشوف الي في يد الغير راح نعيش مرتاحين

لكن ما تتفقين معاي يا اختي الفاضله ان الحياه صارت اثقل من ميزانياتنا
وتحتاج منه تنازلات كبيره تصل لحد حرمانه من بعض سبل الرفاهيه الي من حقنا انه نمتع انفسنا فيه


نشتغل 12 شهر وما يصفى من الراتب شي عشان نرفه على نفسيه اعيالنا
نشتغل 12 شهر ومو لاقين دخل ثاني غير هالراتب عشان نقضي فيه يومين في مكان جميل حتى لو كان قريب


نشتغل 12 شهر واحيانا ما يصفى منه شي عشان نجامل قريب وعزيز لنا بهديه ثمينه نوعا ما



مجرد سؤال .. واذا ازعجج اعتذر

جملك الله برضاه

اولا اختي شكرا على مشاركتج
وانا اتفق معاج في بعض اللي ذكرتيه

اجابتي على سؤالج:
انتي ذاكرة في سؤالج اكثر من مرة كلمة ترفيه
اختي كلمة ترفيه ترى في النهاية من الكمالياتن
اكيد لازم الواحد يرفه عن نفسه بس بحدود المعقول
افرضي اختي اني ماعندي فلوس اسافر هالسنة
ولا اللي بعدها
ولا اللي بعدها
شاسوي هنيه؟انا على حسب كلامج انحرمت من الترفيه
هل لازم اروح اتسلف او ابهدل عمري علشان اسافر؟ولا اصبر نفسي وارفه نفسي بوسائل اقل لين تصير عندي المقدرة اسافر؟
ترى اختي وسايل الترفيه كثيرة ومالها حد
بس تعتمد على الشخص نفسه

وكل واحد ومقدرته


مجرد اجابة .. واذا ازعجتج اعتذر
:)
مساهمة بسFresh
21-08-2011, 04:10 PM
الشخص الوحيد اللي عرف سبب هالموضوع تحداني زماني ..

تروحين وترجعين على نفس المواضيع ..جيبيها من الاخر لا تطالبون بزيادات ولا تسديد ديون لان انتو سبب ديونكم بالكماليات ..ولا تشوفون اللي في يد غيركم ..وعلى قولتج مدو ريولكم على قد لحاكم ..

مواضيعج مكرره وهدفها واحد لا غير وصارت بلاطعم ..والهدف من هالموضوع انج تقنعين الناس بان الغلط منهم لان اللي راتبه 5 الاف ما يكفيه وليش يطلب زياده ..يعيش على الاساسيات ويخلي الكماليات..من الاخر اساسيات الناس تختلف من شخص للثاني وانتي مستعده تخلين الاساسيات كماليات بس عشان تثبتين وجه نظرج ..للاسف كلنا فهمناج..ومواضيعج ماخوذ خيرها..ياليت تجددين في مواضيعج ..ودعي الخلق للخالق..يكفي الناس اللي فيها..

استغفر الله واتووووب اليه

اخوي انا طرحت الموضوع لغرض غير اللي تتكلم عنه

انت شفته من زاوية ثانية هذا شي راجع لك
وانت حر

استغفر الله واتوب اليه
:)
مساهمة بسFresh
21-08-2011, 04:12 PM
احيانا بعد فترة الكماليات .. اتصير اساسيات

يعني اللي رضى بكامري في بداية حياته .. والا بملحق في بيت ابوه

والا بألفين ريال تموين البيت .. والا .. والا .. والا

بعد جم سنة طبيعي .. يكون عليه ديون .. دامه على الله وعلى هالراتب

طبعا هذا في الحالات الطبيعية .. في عدم وجود مرض احد من الاهل

اوالتزام فجائي او مصيبة يحتاج فيها عينية

لما يزيد عدد الاسرة اتزيد احتياجاتهم .. وفي نفس الوقت الراتب محلك سر

الكماليات تصبح اقل من الاساسيات .. والناس ظروفهم تختلف

مب كلهم .. عايشين مع والدين يصرفون عليهم لين يخلصون جامعة

وعقب على طول يلقى وظيفة .. وبسرعة يكون مجمع حق زواجه

وفجأة لقى الملحق بناه ابوه .. الواحد شيقول .. كفاية سالفة البريد


والله المستعان

اشكر لج المشاركة مريومة مع اني مافهمت شلون تقولين بعد كم سنة بشكل طبيعي بيكون عليه ديون!! ليش بشكل طبيعي؟
بس بعد ارجع واقول لج الانسان ووضعه هم اللي يحددون الكماليات مب الظروف المحيطة
وانتي بنفسج قلتي ظروف الناس تختلف

اما بالنسبة لسالفة البريد فانا والله اشوف الغلط من الناس
نشروا الاشاعة وساعدوا عليها
:)
مساهمة بسFresh
21-08-2011, 04:14 PM
كل هذا يعتمد على الدخل ..
يعني لو انا دخلي الشهري 40,000 و اشتريت لي شنطه ب 5000 و صرفت على عيالي و تصدقت و وفرت .. ماشوف فيها اسراف لان دخلي يسمح لي !
انا عندي الاساسيات هي اني اصرف على تعليم الاطفال حتى لو كان غالي لاني بهالشكل ابني لهم اساس حتى لو زالت النعمه و النعمه زواله يكون عندهم اساس قوي يقدرون يشيلون نفسهم ..
المنزل الطيب اساسيه من اساسيات الحياه ..
يقول المثل على قد الحافك مد رجليك ..
و الحياه عباره عن عمليه توازن .. ما يفهمها الا الاذكيه ..

الف شكر اخت امل
مشاركة موضوعية من وجهة نظري
مساهمة بسFresh
21-08-2011, 04:15 PM
الاساسيات: ضروريات يحتاجها الانسان لكي يعيش حياته بشكل طبيعي

مثل: الاكل والشرب والمسكن والعلاج ومصاريف التعليم و وسيلة مواصلات

اما الكماليات: اضافات تجعل الانسان يعيش برفاهية اكبر

مثل: المجوهرات او السيارات والملابس الفارهة المكلفة

بعض الامور مثل السكن والسيارة تعد من الاساسيات وذلك في الحد الادنى من التكلفة والاسعار

اما عند تجاوز السعر المتوسط للسوق والمبالغة تتحول الى كماليات خاصة ان البعض هدفه من ذلك يكون ارضاء الناس ولفت انتباه الاخرين
مالقيت رد اقدر اعقب فيه
مليون شكر اخوي
مريومة
21-08-2011, 05:42 PM
اشكر لج المشاركة مريومة مع اني مافهمت شلون تقولين بعد كم سنة بشكل طبيعي بيكون عليه ديون!! ليش بشكل طبيعي؟
بس بعد ارجع واقول لج الانسان ووضعه هم اللي يحددون الكماليات مب الظروف المحيطة
وانتي بنفسج قلتي ظروف الناس تختلف

اما بالنسبة لسالفة البريد فانا والله اشوف الغلط من الناس
نشروا الاشاعة وساعدوا عليها
:)

فديتج لو تقرين المشاركة بتركيز اكثر

بتعرفين ليش طبيعي يصير مديون ( في وجود الراتب اللي ما يزيد الف الا زاد الغلا اربعة الالف)

العيال لين كثروا يبون بيت غير الملحق .. هذا غير الحفاظات والحليب

ومحتاجين سيارة اكبر .. المدارس وما ادراك ما المدراس وكثرة طلباتهم

ومصاريف البنات غير الصبيان .. والامور الطارئة .. مثل خراب السيارة

احتياجهم لدريول .. مرض احدهم ..يعني غصب طيب لازم بيتدين ..


والله المستعان
تحداني
22-08-2011, 12:17 AM
اولا اختي شكرا على مشاركتج
وانا اتفق معاج في بعض اللي ذكرتيه

اجابتي على سؤالج:
انتي ذاكرة في سؤالج اكثر من مرة كلمة ترفيه
اختي كلمة ترفيه ترى في النهاية من الكمالياتن
اكيد لازم الواحد يرفه عن نفسه بس بحدود المعقول
افرضي اختي اني ماعندي فلوس اسافر هالسنة
ولا اللي بعدها
ولا اللي بعدها
شاسوي هنيه؟انا على حسب كلامج انحرمت من الترفيه
هل لازم اروح اتسلف او ابهدل عمري علشان اسافر؟ولا اصبر نفسي وارفه نفسي بوسائل اقل لين تصير عندي المقدرة اسافر؟
ترى اختي وسايل الترفيه كثيرة ومالها حد
بس تعتمد على الشخص نفسه

وكل واحد ومقدرته


مجرد اجابة .. واذا ازعجتج اعتذر
:)



ابد ما ازعجتني مداخلتج وعلى العين والراس
انتي ليش ركزتي بس على السفر مع العلم ضربت امثله كثيره ومتعدده .. انا معاج مو لازم اسافر .. ولا لازم اتونس .. ولا لازم اروح ابعيد يكفي اقضي مشوار لبحر امسيعيد او على شاطئ سيلين بأقل القليل .. واذا صار رحت البحرين .. بس ما اتسلف
انا مو مع نقطه السلف والديون بترجع هاذي حريه شخصيه
كل انسان يدرك بعد تصرفاته وكل انسانه عارف ايش الي قاعد يسويه

اليوم يا اختي الفاضله مو قادرين ابرواتبنا البسيطه انعلم حتى اعيالنا هاذي وحده من الاسياسيات المهمه ... تخيلي ان المدارس المجانيه المستقله مو قادره اطلع لي اعيال قادرين يواجهون كل هالتطور مو قادرين يستوعبون معنى حرف الالف من النون
بتقولين الام مهمله او يمكن راح ادورين لي مليون عذر .. تالي انا ابي اعلم اعيالي في مدرسه تليق بمستقبلهم مو هاذي وحده من الاساسيات

بتقولين يعني كل الي في المدارس المجانيه فاشلين برد اقول لج تعبانين
يمكن تسألين في ايش تعبانين راح اقول لج دوري احد قريب منج وتسألينه

هنا ما عندي بدل تعليم
ولا عندي ميزانيه اتغطي ثلاث واربع من اعيالي
ولا قادره اوفر شي لليوم الاسود


وما عدنا في ظل هالظروف الصعبه انعرف ايش هي الاساسيات من الكماليات
الي اتشوفينهم في لندن واستراليا وايطاليا
وراكبين بنتلي وجاكور وفراري .. هذيلن مو كل الشعب القطري
في شعب قطري اكثر منه قاعد يعاني صدقيني

يبي يتزوج
يبي يشارك ويساعدابوه
يبي يعالج امه
يبي ملحق يعيش فيه
يبي يخلي كل طفلين في غرفه وحده
يبي يشتري سياره حق ولده كتى لو كانت كامري اصغيرونه بدون اقساط
يبي يسوي صيانه حق حوش بيته



انتي قوليلي ألحين ايش هي الكماليات وايش هي الاساسيات
اذا قلتي لي اكل .. بقول لج مافي احد راح يموت من الجوع
وان قلتي لي ملبس .. قول لج لا تتوقعين تشوفين امفصخ في الشوارع يعور
واذا قلتي لي مسكن .. ما صار عند الكثير مسكن لدرجه صاروا يعيش بالقرب من المناطق الي كانت مهجوره


جملك الله برضاه
سهم نيشان
22-08-2011, 05:58 AM
اتفق مع الموضوع
بس سؤال وأبي إجابة مباشرة وصريحة
هل الهدف من الموضوع أن يكون حجة ضد المواطن، الي عايش في دولة أعلى دخل فرد في العالم، ان يسكت عن مطالباته بتحسين دخله بحيث يكون متواز مع دخل بلده ؟
MAZEN37
22-08-2011, 06:55 AM
الله يحب ان يرى اثر النعمه على عبده
بشرط
ان تكون حركته بالحياه متوازنه وعلى حسب امكانياته
يعني نسبه وتناسب وبدون مشقه وتحمل ديون واعباء
ومن حقه ان يشتري الغالي والنفيس
ومن غير المنطقي انسان ربنا منعم عليه يروح يسكن بشقه ويقول هذه من الاساسيات حتى لو انها تفي باحتياجاته
ببساطه الناس مقامات وهناك تفضيل بعض على بعض
pinky-qtr
22-08-2011, 09:43 AM
.. مافيه قاعده عامه تحدد الكماليات والأساسيات ..

|| كل واحد يمد ريوله ع قد الحافه || .. بس فيه ناس مساكين مب قادرين يتمتعون في حياتهم والسبب كثره المصاريف والالتزامات

- الرفاهيه مطلوبه << بالنسبه لي اعتبرها من الأساسيات، مب لازم تكلف الشي الكثير لكن اكيد انها بتكلف...
بدوي
22-08-2011, 10:37 AM
اشسالفة هالمواضيع !!!!


ماتطلع الا تاريخ 20 من الشهر !!!! :eek5:
OREO
22-08-2011, 11:52 AM
مواضيعج تعجبني و تخليني اقرا كل كلمة سردتيها ،،

كنت في السابق من مؤيددين اسقاط الديون و زيادة الرواتب و صرف شرهات ع المواطنين بالرغم لا علي دين و لا عمري طبيت الديوان و لا انتظر زيادة في الراتب و ربي شاهد ،،


لكن حلياً ضد مساعدة الدولة للمواطنين سواء في اسقاط الديون و الا غير ما عدا الفقراء ( اللي فعلاً يثبت انه فقير ) ،،،

شكلي طلعت برا الموضوع و خذيت اشوية يوش ،،،

مثل ما تفضلتي اختي مساهمة ،، للاسف فئة كبيرة تعتبر الكماليات من الضروريات و هذا ان دل فيدل على جهل الشخص ،،،

اختي مساهمة يزاج ربي كل خير على تثقيف اخوانج و خواتج المواطنين ،،
مساهمة بسFresh
22-08-2011, 12:46 PM
فديتج لو تقرين المشاركة بتركيز اكثر

بتعرفين ليش طبيعي يصير مديون ( في وجود الراتب اللي ما يزيد الف الا زاد الغلا اربعة الالف)

العيال لين كثروا يبون بيت غير الملحق .. هذا غير الحفاظات والحليب

ومحتاجين سيارة اكبر .. المدارس وما ادراك ما المدراس وكثرة طلباتهم

ومصاريف البنات غير الصبيان .. والامور الطارئة .. مثل خراب السيارة

احتياجهم لدريول .. مرض احدهم ..يعني غصب طيب لازم بيتدين ..


والله المستعان

رديت قريت المشاركة مرة ثانية واسفة اذا مافهمتج اختي مريومة

لكن نرجع لنفس النقطة:
كل انسان لازم يرتب اوضاعه بناء على اللي في يده
وبناء على مايحتاجه فعليا

على فكرة يامريومة اللي يضطر يتدين معناها لا حول ولا قوة لكن بعد اللي يتدين يقدر يتدين بعقل
انا اقدر اتدين علشان شي انا اشوفه ضروري للسيارة مثلا واتسلف مبلغ بسيط لسيارة على قدي
واقدر اتسلف مبلغ كبير علشان افوشر بالسيارة ولا علشان ارضي رغباتي بغض النظر عن امكانياتي

مشكورة حبوبة على اثراءج للموضوع
مساهمة بسFresh
22-08-2011, 12:50 PM
ابد ما ازعجتني مداخلتج وعلى العين والراس
انتي ليش ركزتي بس على السفر مع العلم ضربت امثله كثيره ومتعدده .. انا معاج مو لازم اسافر .. ولا لازم اتونس .. ولا لازم اروح ابعيد يكفي اقضي مشوار لبحر امسيعيد او على شاطئ سيلين بأقل القليل .. واذا صار رحت البحرين .. بس ما اتسلف
انا مو مع نقطه السلف والديون بترجع هاذي حريه شخصيه
كل انسان يدرك بعد تصرفاته وكل انسانه عارف ايش الي قاعد يسويه

اليوم يا اختي الفاضله مو قادرين ابرواتبنا البسيطه انعلم حتى اعيالنا هاذي وحده من الاسياسيات المهمه ... تخيلي ان المدارس المجانيه المستقله مو قادره اطلع لي اعيال قادرين يواجهون كل هالتطور مو قادرين يستوعبون معنى حرف الالف من النون
بتقولين الام مهمله او يمكن راح ادورين لي مليون عذر .. تالي انا ابي اعلم اعيالي في مدرسه تليق بمستقبلهم مو هاذي وحده من الاساسيات

بتقولين يعني كل الي في المدارس المجانيه فاشلين برد اقول لج تعبانين
يمكن تسألين في ايش تعبانين راح اقول لج دوري احد قريب منج وتسألينه

هنا ما عندي بدل تعليم
ولا عندي ميزانيه اتغطي ثلاث واربع من اعيالي
ولا قادره اوفر شي لليوم الاسود


وما عدنا في ظل هالظروف الصعبه انعرف ايش هي الاساسيات من الكماليات
الي اتشوفينهم في لندن واستراليا وايطاليا
وراكبين بنتلي وجاكور وفراري .. هذيلن مو كل الشعب القطري
في شعب قطري اكثر منه قاعد يعاني صدقيني

يبي يتزوج
يبي يشارك ويساعدابوه
يبي يعالج امه
يبي ملحق يعيش فيه
يبي يخلي كل طفلين في غرفه وحده
يبي يشتري سياره حق ولده كتى لو كانت كامري اصغيرونه بدون اقساط
يبي يسوي صيانه حق حوش بيته



انتي قوليلي ألحين ايش هي الكماليات وايش هي الاساسيات
اذا قلتي لي اكل .. بقول لج مافي احد راح يموت من الجوع
وان قلتي لي ملبس .. قول لج لا تتوقعين تشوفين امفصخ في الشوارع يعور
واذا قلتي لي مسكن .. ما صار عند الكثير مسكن لدرجه صاروا يعيش بالقرب من المناطق الي كانت مهجوره


جملك الله برضاه

اختي تحداني الزمن انا فعلا تكلمت عن السفر بس وعلى فكرة كل الامثلة الثانية تصب في نفس السياق

وبعدين اختي شوفي اقول لج شغلة :
اللي يحتد ويتسلف هذا شنقدر نقول له؟في ناس عندها ظروف او تستجد عندها ظروف كالعلاج مثلا لكن هل الكل عنده ظروف استثنائية؟
وحتى اللي تصير عنده ظروف استثنائية شلون يتسلف؟ لازم يتسلف بعقل لان الدين بيصرفه في يوم لكن بيسدده على سنين طويلة

بالنسبة اني اقول لج الكماليات والاساسيات فهذا راجع لكل شخص حسب التالي:
احتياجاته
مقدرته

وهذا لب الموضوع
وارجع واقول اللي يحتد يتسلف لازم يتسلف بعقل
اللي يبي يشتري له سيارة مب لازم يشتري له سيارة غالية ويقعد يدفع اقساطها طول عمره

شاكرة لج تواصلج اختي اللي اتمنى انه يتواصل
مساهمة بسFresh
22-08-2011, 12:53 PM
اتفق مع الموضوع
بس سؤال وأبي إجابة مباشرة وصريحة
هل الهدف من الموضوع أن يكون حجة ضد المواطن، الي عايش في دولة أعلى دخل فرد في العالم، ان يسكت عن مطالباته بتحسين دخله بحيث يكون متواز مع دخل بلده ؟

اخوي
الجواب :
لا
مريومة
22-08-2011, 12:54 PM
رديت قريت المشاركة مرة ثانية واسفة اذا مافهمتج اختي مريومة

لكن نرجع لنفس النقطة:
كل انسان لازم يرتب اوضاعه بناء على اللي في يده
وبناء على مايحتاجه فعليا

على فكرة يامريومة اللي يضطر يتدين معناها لا حول ولا قوة لكن بعد اللي يتدين يقدر يتدين بعقل
انا اقدر اتدين علشان شي انا اشوفه ضروري للسيارة مثلا واتسلف مبلغ بسيط لسيارة على قدي
واقدر اتسلف مبلغ كبير علشان افوشر بالسيارة ولا علشان ارضي رغباتي بغض النظر عن امكانياتي

مشكورة حبوبة على اثراءج للموضوع


حلو الكلام

بس ليش دائما نأخذ الجانب السلبي ..

ليش نقول دين كبير عشان يفوشر .. يعني بدل سيارة بدون جودة كل شوي تخترب

اخذ سيارة عدلة اتم عندي 3 او 4 سنوات

الحمدالله .. الله يكافينا شر الطمع


والله المستعان
مساهمة بسFresh
22-08-2011, 12:55 PM
الله يحب ان يرى اثر النعمه على عبده
بشرط
ان تكون حركته بالحياه متوازنه وعلى حسب امكانياته
يعني نسبه وتناسب وبدون مشقه وتحمل ديون واعباء
ومن حقه ان يشتري الغالي والنفيس
ومن غير المنطقي انسان ربنا منعم عليه يروح يسكن بشقه ويقول هذه من الاساسيات حتى لو انها تفي باحتياجاته
ببساطه الناس مقامات وهناك تفضيل بعض على بعض

معاك اخوي مازن
وكلامك منطقي
لكن على فكرة في ناس عندها ملايين بس مايصرفون منها
هذا شي راجع لهم اخوي
ماتقدر تقول من غير المنطقي لان كل واحد حر في حلاله

اذا عندك مية مليون مثلا وتبي تشتري سيارة بسبعمية الف كيفك
لكن اذا كان راتبك مثلا بسيط وتبي تشتري سيارة وقلت باشتريها بربعمية الف اقساط
شرايك؟

شاكرة لك مرورك
مساهمة بسFresh
22-08-2011, 12:57 PM
.. مافيه قاعده عامه تحدد الكماليات والأساسيات ..

|| كل واحد يمد ريوله ع قد الحافه || .. بس فيه ناس مساكين مب قادرين يتمتعون في حياتهم والسبب كثره المصاريف والالتزامات

- الرفاهيه مطلوبه << بالنسبه لي اعتبرها من الأساسيات، مب لازم تكلف الشي الكثير لكن اكيد انها بتكلف...

مرحبا اختي بينكي قطر
كلامج فيه الكثير من الصحة
واكيد في ناس مب قادرين يتمتعون في حياتهم وهالشي في كل مكان في العالم

واذا انتي تشوفين الرفاهية من الكماليات فهذا شي يعتمد عليج اختي
انا اعتقد اللي يقدر على الرفاهية ويدفع لها وعنده ليش لا
يعني كل واحد ومقدرته

شاكرة لج المرور
مساهمة بسFresh
22-08-2011, 01:01 PM
مواضيعج تعجبني و تخليني اقرا كل كلمة سردتيها ،،

كنت في السابق من مؤيددين اسقاط الديون و زيادة الرواتب و صرف شرهات ع المواطنين بالرغم لا علي دين و لا عمري طبيت الديوان و لا انتظر زيادة في الراتب و ربي شاهد ،،


لكن حلياً ضد مساعدة الدولة للمواطنين سواء في اسقاط الديون و الا غير ما عدا الفقراء ( اللي فعلاً يثبت انه فقير ) ،،،

شكلي طلعت برا الموضوع و خذيت اشوية يوش ،،،

مثل ما تفضلتي اختي مساهمة ،، للاسف فئة كبيرة تعتبر الكماليات من الضروريات و هذا ان دل فيدل على جهل الشخص ،،،

اختي مساهمة يزاج ربي كل خير على تثقيف اخوانج و خواتج المواطنين ،،




وجزاك اخوي

ماقصرت وشكرا على مرورك
سما الوطن
22-08-2011, 03:38 PM
معليه يمكن اكون طلعت عن الموضوع بسؤالي
كثير ما اسمع ان البعض ساكن بملحق
سؤالي وين بيت اللي من الاسكان اللي تمنحه الدوله للموظف

هل الحالات التي تقال انهم بملحق هي لامراه ارمله او مطلقه
بتلك الحاله ايضا ما اعرفه انه يعطى للارامل مسكن من الاسكان والله اعلم
وايضا اين الزوج و مهمته في تربيه الاطفال وتكاليفها ..في حاله كانت المراه مطلقه

مجرد اسئله
ياليت حد يوضح لي
مريومة
22-08-2011, 04:12 PM
معليه يمكن اكون طلعت عن الموضوع بسؤالي
كثير ما اسمع ان البعض ساكن بملحق
سؤالي وين بيت اللي من الاسكان اللي تمنحه الدوله للموظف
هل الحالات التي تقال انهم بملحق هي لامراه ارمله او مطلقه
بتلك الحاله ايضا ما اعرفه انه يعطى للارامل مسكن من الاسكان والله اعلم
وايضا اين الزوج و مهمته في تربيه الاطفال وتكاليفها ..في حاله كانت المراه مطلقه

مجرد اسئله
ياليت حد يوضح لي

اجابة السؤال اللي بالاحمر

بيت الاسكان .. مايجي بيت مبني .. الله يسلمج

يجي ارض وقرض .. ولكن متى .. اخوي ، وخالي ، وغيرهم من معارفنا

ماطلعت لهم الارض الا بعد 5 سنوات ، ولين ادخلت فيها الخدمات صارت سبع سنوات

في هالسبع سنوات .. تعتقدين الملحق بيتوسع من نفسه .. مع زيادة عدد الاسرة

وهل خلال هالسبع سنوات .. محد في البيت الا هالولد .. يعني مافي غيره بيتزوج

وعلى طاري الملاحق في البيت .. البيوت قبل من كبرها .. خاصة الشعبية

يعني كم ملحق وملحق بينبني في هالبيت لين العيال يبنون اراضيهم ويطلعون

بس امانة عليج توج تدرين بهالموضوع ؟

والله المستعان
سما الوطن
22-08-2011, 05:47 PM
اجابة السؤال اللي بالاحمر

بيت الاسكان .. مايجي بيت مبني .. الله يسلمج

يجي ارض وقرض .. ولكن متى .. اخوي ، وخالي ، وغيرهم من معارفنا

ماطلعت لهم الارض الا بعد 5 سنوات ، ولين ادخلت فيها الخدمات صارت سبع سنوات

في هالسبع سنوات .. تعتقدين الملحق بيتوسع من نفسه .. مع زيادة عدد الاسرة

وهل خلال هالسبع سنوات .. محد في البيت الا هالولد .. يعني مافي غيره بيتزوج

وعلى طاري الملاحق في البيت .. البيوت قبل من كبرها .. خاصة الشعبية

يعني كم ملحق وملحق بينبني في هالبيت لين العيال يبنون اراضيهم ويطلعون

بس امانة عليج توج تدرين بهالموضوع ؟

والله المستعان

بردك شك
ولكن اعذرك
وها انا اقول وقبل الإفطار بقليل يعني نحن صيام الحين
طبعا ما كنت اقصد القرض والأرض
بذمتك هل طنيتي اني اقصد الأرض والقرض؟؟؟؟؟؟؟

اقصد البيت الذي يعطيه مكان العمل للموظف
يعني بدل مكان العمل يخيره اما مسكن او بدل سكن
ليه ما ياخذ السكن هذا لين تطلع الأرض والقرض ؟؟؟؟

صح؟؟؟؟؟؟
مريومة
22-08-2011, 06:48 PM
بردك شك
ولكن اعذرك
وها انا اقول وقبل الإفطار بقليل يعني نحن صيام الحين
طبعا ما كنت اقصد القرض والأرض
بذمتك هل طنيتي اني اقصد الأرض والقرض؟؟؟؟؟؟؟

اقصد البيت الذي يعطيه مكان العمل للموظف
يعني بدل مكان العمل يخيره اما مسكن او بدل سكن
ليه ما ياخذ السكن هذا لين تطلع الأرض والقرض ؟؟؟؟

صح؟؟؟؟؟؟

سما الله يرحم والديج

اي بدل سكن .. عن اي قانون اتكلمين ؟

واي سكن ياخذه قبل ما تطلع الارض .. حددي

والله المستعان
intesar
22-08-2011, 07:25 PM
توني بالأمس كنت أتناقش على هذا الموضوع.. وكيف نربي عيالنا على القناعة بالمصرف.. حسيت وأنا أناقش اني غلط.. ولا المجتمع اللي أنا فيه غلط.. نعم أنا أشتري شنط ماركات.. لكن مو هذي القضية.. تقول الأخت اللي ناقشتها أنا أحب عيالي انهم يلبسون الغالي والنفيس.. بس أعلمهم على أن اللي بصرفه عليهم يمكن ما يحصلونه لما كبروا وتزوجوا.. وكثير من الناس صرفوا بالهبل بس يوم تزوجوا عاشوا على قناعة ما عندهم.. ودار الحوار بينا لا هي مقتنعة ولا أنا مقتنعة.. المهم هي قالت بفتوى سمعته قبل ما أعرف اذا صحيحة ولا لا.. ان اللي عندة مثلا مليون عادي انه يصرف بالشهر ١٠٠ ألف.. ما يعتبر اسراف.. ما عرف مدى صحة هذي الفتوى..
بالفعل مثل ما قلت قبل الكماليات صارت عندنا أساسيات.. اللي عنده واللي ما عنده راكب أحسن سيارة.. ووين ما تروح تلاقي الناس وبالأخص الحريم يتكلمون عن الماركات والألماسات.. كأن الدنيا ما فيها الا فلوس وبس..
نصيحة علي الماشي..
تغذية الروح أهم من تغذية الجيوب..

ودمتم بود..
السلولي
22-08-2011, 07:43 PM
بردك شك
ولكن اعذرك
وها انا اقول وقبل الإفطار بقليل يعني نحن صيام الحين
طبعا ما كنت اقصد القرض والأرض
بذمتك هل طنيتي اني اقصد الأرض والقرض؟؟؟؟؟؟؟

اقصد البيت الذي يعطيه مكان العمل للموظف
يعني بدل مكان العمل يخيره اما مسكن او بدل سكن
ليه ما ياخذ السكن هذا لين تطلع الأرض والقرض ؟؟؟؟

صح؟؟؟؟؟؟


وازيدج من الشعر بيت اغلب الضباط اتن كان بالداخليه او بالجيش والذي ما انتفع باارض وقرض ياخذ علاوه سكن + raبيت على ايجار كل سته اشهر يدفعون له 72 الف تقريباً
مريومة
22-08-2011, 08:24 PM
وازيدج من الشعر بيت اغلب الضباط اتن كان بالداخليه او بالجيش والذي ما انتفع باارض وقرض ياخذ علاوه سكن + raبيت على ايجار كل سته اشهر يدفعون له 72 الف تقريباً

حسستني يالسلولي

ان كل افراد الجيش والداخلية ضباط

احنا نتكلم عن ذوي الدخل المحدود

على العموم

دامكم اتشوفون ان الشعب متفسق وبطران

اكيد اللي اشوفهم مب قطريين

انتهى

والله المستعان
hamoor4ever
22-08-2011, 08:41 PM
الله لايحوجكم لحد والايام تدور ودوام الحال من المحال

بالنسبه للموضوع خل نمتلك الاساسيات اختي عقب بنتكلم في الكماليات والحمدلله ع كل حال

وياحظج يااخت فرش :shy:
نجدي قطري
23-08-2011, 01:32 AM
وازيدج من الشعر بيت اغلب الضباط اتن كان بالداخليه او بالجيش والذي ما انتفع باارض وقرض ياخذ علاوه سكن + raبيت على ايجار كل سته اشهر يدفعون له 72 الف تقريباً

وهذي اللي مب فاهمه، الظاهر اخوانّا اللي في المنتدى ما يعرفون سالفة الآر إيه.
يخصمون بدل السكن ويعطونك بداله تقريبًا 12000 ريال، وأعرف ناس مب سناير ياخذونها.
مستجدة
23-08-2011, 01:38 AM
الكماليات هي الأمور التي لا تعتبر أساسية في الحياة، وبالتالي فهي فقط (تكمل) الحياة، بمعنى أنها إضافات، فمثلاً المأكل والملبس من الأساسيات، لكن المجوهرات وغيرها هي من الكماليات.
وبعبارة أخرى هي الأكسسوارات.

على سبيل المثال :
شراء سيارة من الضروريات
لكن
شراء سيارة آخر موديل من الكماليات

بناء بيت من الاساسيات
لكن
بناء بيت باعلى التكاليف من الكماليات

الزواج من الاساسيات
لكن
الصرف الزائد والبذخ في الزواج من الكماليات بل وضرب من الجنون احيانا

امتلاك موبايل قد يكون من الاساسيات
لكن
شراء رقم مميز واحدث جهاز وامتلاك اكثر من جهاز وخط من الكماليات

تذكر :
محيطك ومجتمعك ليس هم من يفرضون عليك ماهو الاساسي وماهو الكمالي ولكن ظروفك واحتياجاتك انت هي من يحدد ذلك
فمن الغريب والمضحك ان تقول : لقد اشتريت افخم سيارة لان معظم افراد المجتمع لديهم ذلك
فوقتها قد اصبحت امعة




بالنسبة لك او لكي :
ماهي الكماليات والاساسيات؟


-منقول مع شوية اضافات -:shy:



اصابع ايدك مب سوا
فيه ناس يمشون جنب الطوفه يبون الستر ومع هذا ظروفهم الله العالم فيها
اخوي قطري موظف من 1994 وسيارته كامري 2002 وعرسه بسيط ومع هذا كلف عليه
بناء ملحق وقاعه اقل شئ لو كان وقت عرسه مناسب مب حر كان عرس بالحوش
سما الوطن
23-08-2011, 01:42 AM
سما الله يرحم والديج

اي بدل سكن .. عن اي قانون اتكلمين ؟

واي سكن ياخذه قبل ما تطلع الارض .. حددي

والله المستعان

غريبه أختي
اي موظف يأخذ بدل سكن
او يأخذ بيت يسكن فيه

اي موظف

أيش احدد

زوجك موب موظف
قبل ما يطلع له الارض والقرض
من حقه يأخذ بدل سكن
او سكن جاهز الدوله تستأجره له ويتخصم عنه بدل السكن
ليه يختار بدل سكن ويسكن في ملحق عند اهله
الخيار له
يبي يوسع على نفسه يأخد السكن
يبي البدل ويسكن بملحق عند هله هذا خياره
Frosty
23-08-2011, 07:06 AM
المسالة نسبية
الغني بتكون عنده الاساسيات الأكل المتنوع الأصناف كل يوم و اللبس الفخم و السيارة الفارهة و البيت الواسع الذي يضم الأسرة و التعليم الجامعي لكل الأبناء .

و الكماليات سفرات طويلة كل سنة و سيارة جديدة آخر موديل عدا عن السيارة اليومية و سيارة المطاريش بالإضافة إلى بيت يسع جيش من الخدم و الضيوف بالإضافة إلى الأسرة ، و التعليم في أفضل المدارس و الجامعات للابناءالخ .....

لمتوسط الحال الأساسيات طبعا الملابس و الطعام المتنوع و البيت المتوسط الحال و السيارة الجيدة و تعليم جيد للأبناء و سفرة إلى دولة خليجية في نهاية العام .
و الكماليات هي سفرة لبلد اوروبي كل كم سنة و سيارة جديدة كلما تضررت السيارة القديمة و ربما جامعة جيدة لتعليم الأبناء .

أما للفقير فتعتبر الأساسيات المأكل الذي يسد الجوع و الملابس البسيطة التي تستر الحال و البيت البسيط الذي يجمع الأسرة من التشتت تحت سقف واحد و قد يتكون بكامله من غرفتين و صالة و مطبخ و حمام و التعليم الأساسي لأبنائها.

أما الكماليات قد تكون البيت الشعبي و سيارة للمشاوير الضرورية و بعض الوجبات في مطعم متوسط الحال و ربما دراسة في جامعة محلية لأحد أبنائها و ربما سفرة لإحدى دول الجوار

كما أسلفت فإن المسألة نسبية و تعتمد على الحالة المادية للعائلة و الفرد و ما أراه ضروريا لي مثل السيارة قد يراه غيري من الكماليات , فأنا لا أحبذ أن أتنقل في المواصلات العامة و لا أتقبل أن أرى عائلتي تتنقل في الباصات العامة و سيارات الأجرة مختلطة مع الأغراب في حيز ضيق جدا و خاصة و نحن في هذا الزمن الذي قل فيه الأمان بشكل كبير. كما انني أحب أن اشتري ما تشتهيه نفسي و ما تريده عائلتي مما أنعم الله علي ولكن بحدود المعقول بحيث لا أصل إلى حد التبذير و الإسراف.


و شكرا على الطرح المميز :nice:
فالدوحة يا غني يا فقير، مافي متوسط...
almaf1a
23-08-2011, 10:11 AM
غريبه أختي
اي موظف يأخذ بدل سكن
او يأخذ بيت يسكن فيه

اي موظف

أيش احدد

زوجك موب موظف
قبل ما يطلع له الارض والقرض
من حقه يأخذ بدل سكن
او سكن جاهز الدوله تستأجره له ويتخصم عنه بدل السكن
ليه يختار بدل سكن ويسكن في ملحق عند اهله
الخيار له
يبي يوسع على نفسه يأخد السكن
يبي البدل ويسكن بملحق عند هله هذا خياره

ال ار اي ينعطى لموظفين الدوله السنير فقط
ويتم خصم بدل السكن في حالة ال ار ايه
مب كل الموظفين ياخذون يعني الي في المؤسسات والشركات ما ياخذ ار ايه
بدل السكن الي ياخذه الموظف لا يرتقى للمطلوب فالبعض بدل سكنه 3000 ريال
بدل سكن قفص حمام هذا او بدل سكن بيت

الخلاصه ان الشخص يحتاج سكن وليس بدل سكن او ار ايه

يحتاج سكن يرتقي للمطلوب وللعصر الي عايشين فيه
وهذا السكن كان سابقا يحصل عليه المواطن بسرعه وسلاسه
اما الان الارض تحتاج وقت والبناء يحتاج وقت والفلوس الي بتجمعها علشان تزيدها فوق القرض تحتاج لوقت
والبعض لا يستطيع لان راتبه لا يتحمل اقساط بنك التنميه الاضافيه لان عليه سلفه سيارة وامور زواجه وبناء ملحقه

الموضوع يطوول ولكن المهم في الموضوع ان الشخص اذا تزوج لا يستطيع الخروج في بيت بعد سنه او سنتين وأتمنى ان لا يلقى باللوم على المواطن في الموضوع هذا

شكرا
كيلو حديد
23-08-2011, 10:28 AM
مجتمعنا ملعون خامس خامسه بالكماليات بس من يفهم ومن يسمع ومن يقتنع
سما الوطن
23-08-2011, 10:29 AM
ال ار اي ينعطى لموظفين الدوله السنير فقط
ويتم خصم بدل السكن في حالة ال ار ايه
مب كل الموظفين ياخذون يعني الي في المؤسسات والشركات ما ياخذ ار ايه
بدل السكن الي ياخذه الموظف لا يرتقى للمطلوب فالبعض بدل سكنه 3000 ريال
بدل سكن قفص حمام هذا او بدل سكن بيت

الخلاصه ان الشخص يحتاج سكن وليس بدل سكن او ار ايه



لا اخي
ليس لموظفين السنير فقط من يستطيع ان يرفض البدل ويطلب بدل عنه مسكن
كل موظفين عندهم هذ الخيار
بغض النظر عن ار ايه
إلا اذا كنت تتكلم عن الشركات الخاصه فتلك ليس لدي علم عنها
almaf1a
24-08-2011, 11:05 AM
لا اخي
ليس لموظفين السنير فقط من يستطيع ان يرفض البدل ويطلب بدل عنه مسكن
كل موظفين عندهم هذ الخيار
بغض النظر عن ار ايه
إلا اذا كنت تتكلم عن الشركات الخاصه فتلك ليس لدي علم عنها

الجينير لا يصرف له ار ايه
والسنير يتم خصم بدل السكن واعطائه ار ايه
البترول الجمارك البنوك شركات الاتصالات وغيرها الكثير لا يصرف لهم ار ايه
بدل سكن فقط

:)
سما الوطن
24-08-2011, 11:09 AM
الجينير لا يصرف له ار ايه
والسنير يتم خصم بدل السكن واعطائه ار ايه
البترول الجمارك البنوك شركات الاتصالات وغيرها الكثير لا يصرف لهم ار ايه
بدل سكن فقط

:)

السلام عليكم ورحمه الله وبركاته

ما قلته انت كان سابقا
الان السنير والجنير ممكن اعطاءه سكن وخصم بدل السكن عنه

تقديري
20 دي
24-08-2011, 12:53 PM
السلام عليكم ورحمه الله وبركاته

ما قلته انت كان سابقا
الان السنير والجنير ممكن اعطاءه سكن وخصم بدل السكن عنه

تقديري

للاسف فقط للسنير ..
نجدي قطري
24-08-2011, 08:49 PM
للاسف فقط للسنير ..

جماعة الخير واحد من الأهل مب سنير وياخذها.
ما أدري يمكن يكون توب جنير.
مساهمة بسFresh
25-08-2011, 03:36 AM
الشكر لكل من مر واثرى الموضوع

ومرة ثانية نقول :
كل واحد يحدد احتياجاته الاساسية والكمالية على ضوء :
1-حاجته الفعلية.
2-مقدرته.

واللي يقول انه مضطر فاكيد راح يتسلف لكن حتى السلف يكون بعقل

يعني :
اللي يبي يشتري سيارة ورابته مايساعده يشتري له في اكس ار مثلا يقدر يشتري له سيارة على قده لين يقدر يشتري له سيارة احسن
مساهمة بسFresh
25-08-2011, 03:55 AM
فالدوحة يا غني يا فقير، مافي متوسط...

والله اخوي مع احترامي لك وهاذي ساعة اذان ترى كلامك يضحك
سما الوطن
25-08-2011, 10:12 AM
جماعة الخير واحد من الأهل مب سنير وياخذها.
ما أدري يمكن يكون توب جنير.

فعلا اخي هي حتى للجنير
بـــــــنت النوخـّــــذه
25-08-2011, 10:46 AM
حلو الكلام

بس ليش دائما نأخذ الجانب السلبي ..

ليش نقول دين كبير عشان يفوشر .. يعني بدل سيارة بدون جودة كل شوي تخترب

اخذ سيارة عدلة اتم عندي 3 او 4 سنوات
الحمدالله .. الله يكافينا شر الطمع


والله المستعان

وجهة نظر عقلانية جدا ":victory:

المشكله في ناس مايفهمون ان فيه اسباب ومسببات 000

وفيه فروق فرديه في المجتمع مابين الكماليات والاساسيات عند الكل
مثلا" مايصير انا جدولي كذا وكذا بالكماليات اروح امشيه على الكل قصب
واقول انتوا بعد 00

صعب جدا" اسوي احصائيه على المجتمع لان كلن واسبابه الي الله اعلم بها ::
مساهمة بسFresh
26-08-2011, 10:37 AM
اضافة :

ان الله يحب الاعتدال في كل شئ
وقد نهانا ديننا عن الاسراف

هذا من منظور ديني

اما من منظور اقتصادي فان الانسان يصرف على قدر حاجته وموارده وقدراته
والفرد يستطيع ان يحدد بنفسه مدى اهمية اي سلعة او منتج بالنسبة له

واساس ذلك هو :
مدى حاجته الفعلية له
مقدرته عليه
مساهمة بسFresh
27-08-2011, 12:21 PM
فعلا اخي هي حتى للجنير

مشكورة ياسما الوطن على اثراءج للموضوع بهالمعلومة
مساهمة بسFresh
27-08-2011, 02:29 PM
وجهة نظر عقلانية جدا ":victory:

المشكله في ناس مايفهمون ان فيه اسباب ومسببات 000

اختي يمكن هالناس يقولون عنج نفس الكلام
مب شرط اي حد خالف وجهة نظرج يكون مايفهم
لانه يمكن يكون مؤمن بالمقولة اللي حاطتها في توقيعج :
لست مجبره أن يفهم الآخرون من أنا فمن يمتلك مؤهلات العقل+القلب+الروح سأكون أمامه كالكتاب المفتوح
:)
فياليت لو نحترم الراي والراي الآخر وهذا شي راجع لج طبعا لانها مجرد نصيحة
وانصحج بهالرابط:
http://qatarshares.com/vb/showthread.php?t=467094
وفيه فروق فرديه في المجتمع مابين الكماليات والاساسيات عند الكل
مثلا" مايصير انا جدولي كذا وكذا بالكماليات اروح امشيه على الكل قصب
واقول انتوا بعد 00

اختي اول شي هي بالغصب مب القصب
وبعدين من اللي يبي يمشي على الناس بالغصب؟
صعب جدا" اسوي احصائيه على المجتمع لان كلن واسبابه الي الله اعلم بها
محد سوا احصائية وياليت لو شفتي احصائية اختي اتدلينا عليها لاني مااشوف حد سوا احصائية بخصوص هالموضوع ومحد طلب اصلا عمل احصائية ::

تحياتي لج

واحب اشكر الادارة كل الشكر على حذفهم للردود التهريجية اللي مالها علاقة بالموضوع