قضيه قانونيه وأستشاره عن بيع سياره

[بوعلي 8]

السلام عليكم ورحمه الله





أستفسار


واحد من الشباب شرا سياره من واحد مايعرفه راعي قراج

والسياره جديده مسوين عليها حادث مرهونه للبنك

وكانت البيعه عباره عن ورقه بينه وبين الرجال وشاهد واحد من كلى الطرفين


وكانت طريقه البيعه بالتقسيط ان رفيجي يدفع الي هو 4800 كل شهر بايداع نقدي في حساب راعي القراج

الحين بغيت اسال

الرجال وصل مع راعي القراج لي نص المبلغ قريب 40 الف

سؤال

الحين قانونيا راعي القراج يقدر ينكر وياخذ السياره من رفيجي

لن امس قالي عن الموظوع وانا عن نفسي قلت له ان الاوراق الي عندك بلها واشرب مايتها

انا ابي اعرف بطريقه قانونيه حقه محفوض ولا ماله حق

[ابن الجزيره]

السلام عليكم ورحمه الله





أستفسار


سؤال

الحين قانونيا راعي القراج يقدر ينكر وياخذ السياره من رفيجي

لن امس قالي عن الموظوع وانا عن نفسي قلت له ان الاوراق الي عندك بلها واشرب مايتها

انا ابي اعرف بطريقه قانونيه حقه محفوض ولا ماله حق




طبعا= اذا ثبت انه معاه اثبات ورقة المرور بالغاء (كنسل ) السيارة

او انك سرقت السيارة بدون الرجوع للمرور
الافضل تفاهم
والله اعلــم
وراجع المرور بالاول ؟؟؟

[شموخ دائم]

,

,


مرحبا


اخوي الكريم


ان شاء الله ما يضيع الحق بهذا البلد والحمدالله

وما يقدر ينكر البيعه

لا سباب كثيره

* عنده ورقه تثبت البيع وحتى لو كانت ورقه عاديه
* عنده شاهد على البيعه
* ايداع الفلوس في حساب الطرف الثاني اثبات للبيعه عليه يحتفظ في ايصالات الايداع كلها

ولكن اخي الكريم

الاحسن هو اتباع الطرق القانونيه حتى نتجنب المشاكل

* خل ياخذ فورمه البيع نقل الملكيه من المرور ويوديها لصاحب الكراج يخليه يوقع على البيع
هذه فورمه رسميه للبيع الاحسن يوقعون عليها بدل الورقه العاديه الي وقعوا عليها
يعني الدوله حاطه فورمه مالت المرور ليش ما يستخدمونها احفظ للحقوق
خله يوقع عليها ويحتفظ فيها مو شرط يوديها المرور بس يخليها عنده موقعه
تثبيت البيع

ملاحظه
خل صديقك يتاكد من البنك المرهونه فيه كم باقي على السياره ؟؟؟
وخله يوقع على البيع بفورمه المرور الرسميه

,

,


اخوك


شموخ دائم

[(الفيصل)]

السيارة كالعقار لاتنتقل ملكيتها الا بالتسجيل ، وتسجيل السيارة يكون بالمرور كما تعلمون

ولاعبرة بمسئلة الاقساط فهذا الموضوع يكون بين البائع والمشتري ، ويبين في ملكية السيارة .

وإذا كانت هناك ورقة (عرفية) ولم يسلم البائع السيارة للمشتري رغم سداد الاخير للثمن المتفق عليه
فمن حق الاخير(المشتري) اللجوء للمحكمة المدنية المختصة حسب سعر السيارة حتى ولو كانت السيارة أصبحت عند الغير (حسن النية) يعني مشتري جديد. وهذا الاخير ايضاً يستطيع أن يرجع على البائع بذات الطريقة سابقة الذكر .

[barod]

استغرب لحد الان فيه ناس تتعامل بورقه عاديه في البيع والمشترى والامور تطورت .. على العموم الافضل مثل ما قالوا الاخوان انه يحضر فورمه المرور ويخليه يوقعها ويتاكد (يحده على اقصاه)

[abdulla4u]

اخرتها محكمه مدنيه .. واهم شي يحتفظ بالوصول البنكيه والعقد والشاهد ..

[بوحمد2]

اخرتها محكمه مدنيه .. واهم شي يحتفظ بالوصول البنكيه والعقد والشاهد ..

مش مهمه الوصولات البنكيه طول ما انه تم الدفع بشيكات بنكيه لانه في هل الحاله يقدر ياخذ كشف حساب من البنك وبيوظح للقاضي انه تم الدفع مبلغ كذا في تاريخ كذا واسم المستفيد كذا وبذالك ينثبت قانونيا انه استلم مبالغ من الشاري حتى لو الشاري لايوجد لديه اي وصل...:nice:

[hamoor4ever]

مايضيع حقه بس بدش بسوالف محاكم وغيره اذا انكر

[@north_star@]

;كل عقد غير رسمي وخارج المرور فهو باطل واللي باعه السيارة ممكن ينكر كنه العيد والمفروض رفيجك سوى مبايعة او يكمل المبلغ عن طريق شركات تمويل السيارات وبالنسبة لو صار شي بينهم لاقدر الله بتصير بالمحاكم واثباتات الشهود والمسألة بتاخذ وقت

[(الفيصل)]

تم الرد بالخاص
شيك أخوي

[Q.p.R]

اخوي ان انكر البائع فالامر الى المحكمه

يقدم شكوى في النيابه اولا وهم اما يرفعون قضيه اضرار بمال الغير او يحولونك للمحكمه وانت ترفع القضيه


حقه محفوظ لكن بعد عده مرافعات و الاثباتات الموجوده اهم شيء


بعطيك نصيحه جربها

انا تخاصمت مع واحد على غرض و ما وفر الكميه كامله

رحت لمركز الشرطه وقل لضابط ما ابي اقدم شكوى بس ابيك تخرعه عشان يعطيني حقي

اتصل بالشخص و قال له ان المشتكي عنده اثباتات و بتدخل في قضيه و باين من الاوراق انك بتتعاقب
حلوا المشكله ودي افضل لكم
ثاني يوم جاب باقي الكميه و افتكينا من عوار الراس و المحاكم


جربها اخوي يمكن رفيجك يخلص مشكلته بلا محاكم ولا صداع