شباب ابي رايكم من هالشركة المافيه

[امير القلوب]

السلام عليكم

ياجماعه انا واحد من الشباب اللي حجز رنج من الفئه الجديده اي الشكل الجديد باب واحد وشهر خمسه دفعت لهم 25000 الف وقالو لي راح يوصل شهر 12 المهم اتصلو علي امس الشركة يقولي لي ترا الحجز تكنسل سالته ليه قال ماراح تنزل الا خمس سيارات فقط مب مقتنع بكلامه . والحل

[[vip]]

الله يعينك اهم شي فلوس حجزك ماتروح عليك

[مخطط قطري]

خذ فلوسك وقحص على باب الشركه وانت رايح بطيح في جبودهم هالرنجات خيره لك يالشيخ
مر على البراق واحجز كاين اس ابرك لك وارز ولا عبدالغني الكزس اليدده 4 ويل:)

[بوسيف الهاجري]

الشيخ ارفع عليهم قضيه يا يعطونك الموتر ولا يردون لك دبل عربونك

[BuFaisal]

خذ فلوسك وقحص على باب الشركه وانت رايح بطيح في جبودهم هالرنجات خيره لك يالشيخ
مر على البراق واحجز كاين اس ابرك لك وارز ولا عبدالغني الكزس اليدده 4 ويل:)

:victory:

[خريج اعلام]

خيره انشالله

بس الصراحه قهر


لو منك اهزئم شوي وامصخرهم
ورح خذ نيسان بقيمتة ابرك لك

[الصيفي قطر]

والله اخوي انا مافهمت الموضوع بالظبط يعني هل انه انت حاجز عن طريق الفردان وله من موقع وله شالموضوع؟

لكن روح لهم والعن خيرهم وقولهم مابي عربوني ابي موتر وترا لو رفعت قضيه انت الربحان وخل كل الاثباتات عندك لاتعطيهم ولا شي من اوراق الحجز ونفس ماقلك اخونا قحص على باب الشركه وشوفلك جمس رفرف خله يعطب صح

[أكتتاب]

احسنلك وخيره لك يالغالي - يقولون انها اربع سلندر !
خذلك بورشه احسنلك

بالتوفيق .. وماصار الا كل الخير ولا تعصب على باقي الاعضاء لعلهم مايقصدون

ورمضان كريم وكلنا اخوان

[D0ha]

أخي الكريم انا حبيت اعطيك استشاره قانونية لربما تنفعك, واعتقد انها لن تضرك في المحاولة.

القضية في موضوعك هو عدم ايفاء الشركة في المواعيد مع دفعك مبلغ للشركة علي صيغة عربون, وتم تأخير الموعد مع مخالفة الشركة بنود الأتفاق المبني بينك وبينهم والغاء التعاقد من طرف واحد دون ابداء سبب مقنع
(بموجب تاريخ متفق عليه + دفعك مبلغ مالي على صيغة عربون + عدول الشركه عن الاتفاق)
في حالة وجود أي ورقه تثبت التاريخ والمبلغ والفترة المحددة, اكمل قراءة التالي:

نصت المادة 103 من القانون المدني على أن دفع العربون وقت ابرام العقد يفيد أن لكل من المتعاقدين الحق في العدول عنه إلا إذا قضى الاتفاق بغير ذلك، فإذا عدل من دفع العربون فقده وإذا عدل من قبضه ردّ ضعفه ولو لم يترتب على العدول أي ضرر....

هنا انت لم تعدل عن الاتفاق, بل ان الشركه التي أجلت الاتفاق وما ترتبب عليه ضرر من صالحك, هنا يتم استرجاع المبلغ 25000 والذي هو عبارة عن عربون, بالاضافه الى مبلغ 25000 ريال بمثابة مبلغ مضاعف للعربون...
سوف تجد الكثير من الاخوه المحاميين الذين يعرضون خدماتهم في قاعة المحاكم المدنية والذين لربما يوافقون على اخذ القضية بمقابل مبلغ لا يتعدى 10000 ريال بعد صدور الحكم+ دفعك تكاليف القضيه في المحكمة (3500 ريال)

أو تقوم بالاتفاق مع الشركه في تداول الموضوع مع احد المسئولين الممثلين للمبيعات في الشركة المذكورة بالقيام بتسليمك السيارة في الموعد المحدد, او القيام بزيادة قيمة الخصم واختيارك لنوع اخر من السيارات او تتجه الى الخيار الاخير وهو موضوع القضية في حالة عدم موافقتهم....وهذي قضيه سهله التداول والقرار.

اتمني اني افدتك او الاخوه والاخوات

السلام عليكم وتقبل الله طاعتكم

[لطيف الروح]

انت ما تشوف مسلسل تصانيف للفنان غانم السليطي واللبيب بالاشارة يفهم
انصحك خذ افلوسك قبل ماتطير

[الامير]

والله انا لو مكانك لرفع عليهم قضيه مش خسران شي يا يعطونك دبل عربونك يا يعطونك الموتر

[فقط قطر]

اول شيء ارجع لشروط العقد اخوي...قبل لا ترفع الدعوى....وهم عارفين السالفة وعندهم محامي....
وترى القضية بطول في المحاكم...

[شعلان]

انت ما تشوف مسلسل تصانيف للفنان غانم السليطي واللبيب بالاشارة يفهم
انصحك خذ افلوسك قبل ماتطير

هههههههههههههههههههههههههههههههههههههههههههههههههه ههه


لطيف الروح انت كذا :victory: