هل تتوقع ان الدلاله رااح تكون افضل من الشركات الحاليه ! [الأرشيف]

المخلب

28-04-2005, 01:16 PM

السلام عليكم

كلنا عاارفيين ان الشركات الحاليه مستوها بدء بالانخفاض (( يعني مو مثل اول )) وصاروا مشبعيين فلوووووس يعني يخدمك من غير نفس ولو عليه يقولك مااابيك روح لغيري !

ومع اقتراب نزول شركه جديده الي هي دلاله
فهل تتوقع انها رااح تكون افضل منهم ؟ او كلهم بالهواء سوى !

Banana

28-04-2005, 01:28 PM

انا وحده باشتري فيها لويعطوني مايعطوني ربحانه ربحانه :nice: :)

المخلب

28-04-2005, 01:46 PM

بس يااموزه حرام يقولون الاكتتااب فيها ! :confused:

Banana

28-04-2005, 02:53 PM

الله يهدنا ويهداهم مش ناقلات قالوا حرام وبعدين حلال احنا بنشتري وبنخليها استغفر الله العظيم لين يقولون حلال وبنبيعها.

قطر

29-04-2005, 02:39 AM

السلام عليكم
اتوقع انها بتكون الافضل خصوصا انها بتكون السباقه في خدمة التداول عن طريق الت

بس الله ايعينا على كيوتل والضغط اللي بيصير على الشبكة

××××
بالنسبه للحرام والحلال ... هم مااقصدوا تعامل الشركة مع البنوك الربوية اتوقع ومن وجهة نظري عشان محد ايقول اني افتيت...

اللي يقصدونه ان انت كمساهم بيجيك ربح فيها كعائد سنوي ... العائد بيكون عن طريق التعامل بشراء وبيع الاسهم الربوية والاسلامية على حد سواء
هذا العائد نسبة الربى فيه اكبر من الحلال لذلك فهذي الشركة حرام...

يعني هم مااقصدوا التعامل معاها ... عشان محد ايقول الشركة اللي انت تتعامل معاها ايش تشترري..

مااقصدوك انت يالعميل ... اقصدوا المساهم ...

والله اعلم

المخلب

30-04-2005, 10:40 AM

الصراحه بعد مشاكل وسوء خدمه المجموعه والشركات الثانيه

اعتقد نص اعضاء هذا المنتدى (( اذا ماكان كلهم )) بينتقلون للدلاله !

هتلر

30-04-2005, 02:33 PM

حــــــــــــــــــــــــرام اتقو الله يا جماعه الخير لا تخلون الفلوس تعمى عيونكم عن الحرام و الحلال

عزيز

01-05-2005, 12:05 AM

السلام عليكم
اتوقع انها بتكون الافضل خصوصا انها بتكون السباقه في خدمة التداول عن طريق الت

والله اعلم

هلا والله قطر شحالك الغالي عساك طيب؟ :)

متأكد اخوي من هالخبر انه شركه دلاله بتكون فيها خدمه النت ؟ يعني نبيع ونشتري واحنا بيوتنا؟ :D :nice:

المخلب

01-05-2005, 10:12 AM

صحيح انت انت متاكد من هذا الخبر ؟؟

طبشور

01-05-2005, 02:22 PM

أخي العزيز هتلر .. أنت تتكلم عن الحلال والحرام وحاط أسم واحد كافر قاتل مجنون (هتلر) كنك نيم لك .. يا أخي الحلال والحرام بعيد عن النازية ... وشكراً لك عزيزي

هتلر

01-05-2005, 02:36 PM

السلام عليكم و رحمه الله و بركاته
اولا احب ان اشكرك عزيزى طبشور على هذا الاطراى
وبنسبه لنك . ما ا عتقد ان النك له خص في الموضوع
وحتى لو كان هتلر دكتاتورى لا يعنى ذالك ان وضع اسمه كنك حرام فارجوا ان لا تفتى ياعزيزى ..
وارجو ان لا تضع الشعر و ذلك لانه ممنوع في المنتدى وشكرا
:nice:

qatarboy

01-05-2005, 03:21 PM

انشالله تكون احسن

المخلب

01-05-2005, 05:30 PM

الاخوان قلبوها طق ! :court:

يالله كل وااحد يحرك موتره من اهني احنا طلبنا راايكم وكل وااحد وذمته محد يكفر حد ترى الله يحاسبكم

قناص الاسهم

08-05-2005, 06:34 AM

اخوي طبشور الصراحه ان ردك على هتلر يخليه ما يعرف شيقول لك لان فعلا النك نيم بعيد كل البعد عن الحلال والحرام ومفاهيمه مع الاخذ بعين الاعتبار ان مجرد نك نيم ومع احترامي البالغ لاخوي هتلر واتمنى ان يغير نك نيمه الى شخصيه اسلاميه بارزه امثال طارق بن زياد او عمر بن الخطاب او اسامه بن زيد

وبخصزص الاخت الي قالت انها بتشتري وبتستغفر وتبيع لما يقولون حلال ههههههههههههههههههههههههههههههههههههه ابي اقول لها انها ضحكتني بهالكلام الحلوا مع اني ما فيني الضحكه :D

واخيرا بخصوص الدلاله واذا بتكون افضل من غيرها او لا : انا اقولها وبكل صراحه واتمنى ما تعتبروني متشائم بس هذي الحقيقه.... العورا اخت العميى .... وبلال اخو بخيت .... واختلفت الاسباب وشركات الوساطه وحده :court:
ودمتم سالمين

رحال

08-05-2005, 03:02 PM

يا أ خوان خلكم مع التطور ومافي شيء قد يم يكون أفضل من الجديد لا نسبق الا حداث ، وبعد ين

شركة دلا له ماراح تأثر على البورصة على اعتبار أن عدد أسهمها قليلة جدا جدا بالنسبة لباقي الشركات

وعلى فكرة الواحد لو حط أعلى لمت بالكثير يحصل على 60 سهم والعملية محسوبة ، وحسب توقعات

الخبرة أن احتمال نفس طريقة الفحص الفني الا سهم تتوزع من 60 الى 100 سهم بالتساوي

حسب أعداد المكتتبين والله أعلم !!!

ابوعلي

08-05-2005, 07:27 PM

يا احبه اتمنى ان الماده ما تاخذنا وتعمي عيونا ، في الناقلات بعض العلماء اجازوا ، بس الدلالة الجميع متفق ان الاكتتاب حرام ، ترى عملية الاكتتاب والكلام عن الحلال والحرام سهل ، بس اتمنى من الجميع ان يتحرى الحلال في ماله وما يأكل نفسه وأهله من شي الله ما يرضى فيه
ترى نحرم نفسنا شي من الدنيا ولا الله سبحانه وتعالى يحرمنا من الجنه

حالي الذوق

08-05-2005, 10:56 PM

حــــــــــــــــــــــــرام اتقو الله يا جماعه الخير لا تخلون الفلوس تعمى عيونكم عن الحرام و الحلال :deal:

:app: :app: :app:

alkaabi

09-05-2005, 11:43 AM

الموضوع انقلب فتاوي ماشاء الله

الهدف من الموضوع

هل ستكون شركة دلالة في تعاملاتها افضل من الشركات الحالية ( كشركة وساطة )

كالمجموعة والاسلامية وغيرها من الموجود الان

مب القصد حرام او حلال الاكتتاب فيها مثل مابعض الاخوان تفضلوا ....!!!!

المخلب

10-05-2005, 08:06 PM

امبين من الحين الشركه رااح تكون الافضل !

خاصه بعد معرف سوء خدمه المجموعه !

ولخبطته الاسلاميه !

وعجز البورصات البنكيه !

فاعتقد اكيد الافضل !

ملك الناقلات

15-05-2005, 05:48 PM

في البداية لا ولكن في المستقبل القريب نعم

القانوني

15-05-2005, 11:40 PM

أتوقع انها ستكون مقبولة

ولكن ربما ضغط عليها من المساهمين

عليان

15-05-2005, 11:41 PM

نعم للأسف سوف تكون الأفضل

سلطان بروناي

16-05-2005, 12:33 AM

اتوفع انها تكون احسن وانشاء الله انه احنا نقدر انضارب عن طريقها واتمنى انه يكون تنظيم في الشركه مب نفس المجموعه ضرب ومضارب لين ماتوصل عند الوسيط

ويعطيك الف عافيه اخوي مخلب على الموضوع

الخبير المالي

16-05-2005, 01:31 AM

اذا لم تكن الافضل فعلى الاقل نتمنى ان تكون افضل السيئين.

المخلب

16-05-2005, 09:43 AM

اذا لم تكن الافضل فعلى الاقل نتمنى ان تكون افضل السيئين.

تفاؤلوا بالخير تجدوه

اتوفع انها تكون احسن وانشاء الله انه احنا نقدر انضارب عن طريقها واتمنى انه يكون تنظيم في الشركه مب نفس المجموعه ضرب ومضارب لين ماتوصل عند الوسيط

ويعطيك الف عافيه اخوي مخلب على الموضوع

بعون الله اكيد

نعم للأسف سوف تكون الأفضل

ليش ياعلينا للاسف !

أتوقع انها ستكون مقبولة

ولكن ربما ضغط عليها من المساهمين

اكيد ولازم الي عنده حسابات بشركات ثانيه يخلص نفسه اول باول !

LIMIT UP

17-05-2005, 02:07 AM

نتوقع كل خير انشالله

RO7QATAR

23-05-2005, 12:40 AM

الحين حلال ولا حرام ....... اذا حرام الله يبعدنا عن الحرام ...واحنا في غناا عنه

رفيع الشان

23-05-2005, 08:08 AM

انا سمعت ان مب كلها حرام فيها نسبه!!!! :confused:
بس مالقيت أي مقال أو أي فتوى!!!!!!
إذا حد عنده إفاده يفيدنا قبل يخلص الأكتتاب :deal:

موظف بالبورصه

27-05-2005, 06:31 PM

السلام عليكم ,,, على ماعتقد الحين حللوا شركة الدلاله وافتوا فيها ,, بس اكيد في ضوابط من ناحيه التخلص من نسبه الربا ..والخ وعلما انه واجد بنوك ربويه بتكون مشاركه فييها ,, بس على كلام مفتي مصرف قطر الأسلامي وبنك قطر الدولي والشركة الأسلاميه للأوراق الماليه (وليد بن هادي) حلل الشركه وقال انها حلال ,,
يعني الي ماكتتب يلحق يوم الاحد اخر يوووم :)
تحياااتي ,,,

السهم الازرق

28-05-2005, 05:04 AM

لا نعم ولا لا :court:

انا بس بعرف على اي اساس قلتوا نعم او لا :confused:

الا اذا كان الهدف من التصويت تضييع وقت فهذا شي ثاني ..

انا اقول ننتظر تشتغل و بعدين نقيمها :deal:

لان الكلام الحين لا بيقدم ولا بيأخر

Millionaire Mind

28-05-2005, 07:12 AM

Ro7qatar
انا موب مفتي ولكن نزلت في الدوحه بتاريخ 14-5-2005 وسالت شيخ مفتي عن حلالها او حرامها ....فقال لي هي حرام والسبب الرئيسي ان الشركه بعض الموسيسن بنوك ربويه بنسبه 3 % ثاني سبب ان من نشاط الشركه الوساطه الماليه والشراء في الاسهم القطريه بما يعني انه تشتري جميع الاسهم المحليه والتي من ضمنها بنوك ربويه وشركات محرمه او نشاطها في شكوك في امره لد' لك السبب تصبح الدلاله حرام .

هتلر

28-05-2005, 01:34 PM

اشكرك اخى الكريم على مجهودك الطيب
وانا معاك في هذا الكلام فعلا هى حراااااام بحيث حرمها الشيخ القرضاوى و كذالك القرداقى
ولنفس الاسباب الى ذكرتها ..
وانصح الجميع بالابتعاد عنها و عن الحرام فهناك شركات كثير اقوى و ربحها باين و في نفس الوقت حلال و هناك كذالك شركات قادمه انشاء الله ايكون الاكتتاب فيها حلال و تعتبر هذى الشركات القادمه اكبر و اقوى بكثير من الدلاله فيا اخى المسلم لا تدع الطمع يعمى عينك ..
فالحلال بين و الحرام بين
هذا و اتمنى من الله ان يرزقكم من نعمه .

قــطــريــه وأفــتــخــر

28-05-2005, 07:37 PM

هتلر

29-05-2005, 01:05 AM

بارك الله فيج اختى و كثر الله من امثالج

المخلب

31-05-2005, 10:20 AM

ياأخوان ليش انتوا مب راضيين تقتنعون من حرمتها 00 هل انتم تجهلون حرمتها ام انتم تتجاهلون الحرمه

لقد اعمت الماده عيونكم عن تحري الحلال في أموالكم 00 اتقوا الله واتقوا النار التي وقودها الناس والحجاره

وتذكروا دائما ان من ترك شيئا لله عوضه الله بخير منه 00 ودمتم سالمين

اختي اشكرك على المداخله الجميله هذي والمبهره بعالم الصحافه !

طبعا الشركه تقولين حرام او حلال الموضوع لالا يتعلق بلحليه او الحرمه !

بل يتعلق على كون الشركه ستكون افضل ام اسوء من الشركات الوساطه الحاليه !

تحياتي ;)

رحال

31-05-2005, 07:26 PM

أ كيد أ فضل 100 %
لا يوجد شيء في الدنيا يأتي بدراسة ويفشل ، والى ستلاقي انتقاد من المتعاملين معها !!!

المخلب

01-06-2005, 02:10 PM

اشكرك اخوي وانشاء نتمنى انها اتكون افضل وبشكل كبير وتبيض الوجيه باذن الله تحياتي لك

رجاءاً من غير ليش

02-06-2005, 02:25 AM

يا جماعه انا راح اريحكم...

اولا الشركة راح تكون افضل من الشركات الحاليه وذلم للآتي :

1- لأن هذه الشركة هدف انشاءها خدمة اكبر شريحه من المستثمرين.

2- راح تتداول بالانترنت ( وعموما لجنة السوق وافقت على التداول بالنت ولكن أجلت تطبيقها لحين بدء شركة دلالة نشاطها.

3- راح يسمحون لها بالتداول عن بعد يعني من مكاتب خارجيه.

4- موفره 16,000.000 ريال للتكنولوجيا والأنظمة .

5- تعاون ادارة السوق معاها في توفير خدمات لأكبر شريحه في العالم .

وسلامتكم

المخلب

04-06-2005, 01:59 PM

زين شبسوون الشباب الي النت ماايشتغل بمقر عملهم بسبه ان بعض الشركات منعت موقع البورصه انه ينعرض على النت ! ؟؟؟

فشبيكون مصيرهم ذوله .؟

رجاءاً من غير ليش

06-06-2005, 03:56 AM

يقدر يتداول بالتليفون او نفس الاليه الحين ..... لكن خدمة النت اسرع الطرق...

قطريه مغروره

08-06-2005, 12:08 PM

ان شالله اتمنى انها تكون احسن وياليت يكون البيع والشراء عن طريق النت وبيكون اسهل لنا كبنات وشكرا على الموضوع :)

السهم الماسي

10-06-2005, 10:21 PM

شو من اوراق مطلوبه من الاماراتي علشان يقدر يداوول في بورصة الدوحه

المخلب

11-06-2005, 11:38 PM

والله كلها اعتقد ورقه بيانات ولازم لك احساب في احد بنوك قطر وحاجات وحاجات خفيفه مثل صوره من البطاقه وجواز السفر وغيره تقدر تروح موقع بورصه قطر فيه معلومات كامله عن فتح حساب لغير القطري في البورصه الوطنيه

بوراكان

13-06-2005, 01:46 AM

ياجماعه اي شركه تطرح اسهم جديده طبعا انت بتكون ربحان اقل شى خمسين فى المئه ومب خسارة تحط فلوسك

سهم123

18-06-2005, 12:07 PM

100 % أفضل

كويتي فهمان

18-06-2005, 12:22 PM

الله يهدنا ويهداهم مش ناقلات قالوا حرام وبعدين حلال احنا بنشتري وبنخليها استغفر الله العظيم لين يقولون حلال وبنبيعها.

قوه اخوي المخلب

قوه اختي موزه

موزه انتي مجرد انج اكتتب فيها هذا يثير الشبهه الشرعيه

انا ترا مالي شغل وزعلان انها حرمت

وبعدين يا اختي الفاضله لو وانا اقول لو

ما حللوها شنو راح يكون الناس الي مكتتبه

يا ليت مطاوعتكم مثل مطاوعتنا

خخخخخخخخخخخخخخخخخخخخخخخ

وارجو ان كلامي هذا يعتبر وحهة نظر

كويتي يموت بقطر

كويتي فهمان

18-06-2005, 12:33 PM

انا سمعت ان مب كلها حرام فيها نسبه!!!! :confused:
بس مالقيت أي مقال أو أي فتوى!!!!!!
إذا حد عنده إفاده يفيدنا قبل يخلص الأكتتاب :deal:

هلا اخوي رفيع الشان

يا بعد قلبي الحرام يعني حرااااااااااااااااام ولا يمكن تصنيفه

ما قليله مسكر فكثيره حراااااااااااام

وبعدين الله يهدى الجميع
اول مره اسمع فيه شي حرام بس نسبه منه والنسبه الباقي حلاااااااااااال

ومشكور ولاهنت اخوي رفيع