استفسار : مساعده يازوار ايطاليا (ميلان) [الأرشيف]

مشاهدة النسخة كاملة : استفسار : مساعده يازوار ايطاليا (ميلان)

سونيتا

19-08-2011, 05:23 PM

ام عبدالعزيز

19-08-2011, 05:38 PM

ربي يوفقج بس دخلي في الجدول فينا

لان 8 ايايام ايطاليا وايد حدها 3 ايام،وحاولي ان طلعتي من ميلان خلاص لاتردين يعني الوصول لميلان والعوده من اي ميدنة ثانيه ولج تحياتي..

اخو البشر منزل موضوع حلو عن ايطاليا وكذا منطقه وايد حلووو..جوفيه

غير البشر

19-08-2011, 06:57 PM

ياهلا ومرحبا اختي
ميلان زرتها مره وحده
مدينه حلووووه لكن مافيها اماكن سياحيه كثيره

لي رجعه للموضوع بأذن الله :nice:

Charisma

20-08-2011, 06:02 AM

صباح / مساء الورد

محتاجه مساعدتكم في ترتيب جدول سياحي لميلان لمده 8 ايام

من هذي الايام راح ازور فينيسيا يوم وارجع لميلان ....زياره لوقانو بسويسرا ليوم واحد وراجعه لميلان .....زياره بحيره كومو والاوت لت سيرفالي ....يوم ملاهي الجاردا...

انتظر مساعدتكم ياخبراء ميلان

ميلان .. من احب الوجهات عندي ..

*فينيسا زين عطيتيها يوم
*بحيره كومو هاديه ورايقه وجو خيالي :nice:

في ميلان تقريبا كل شي متمركز حولين ساحة الدومو من اسواق ومطاعم
" يعني لو الفندق يكون اهناك احسن"
ومحطه قطار كوردانو مسافه خمس دقايق مشي من الدومو توديج لاي مكان ...

*قلعه سفورزا قريبه من محطه الكوردانو . وهي قلعه جميله وفيها حديقه كبيره وحلوه

هالموقع بيفيدج :
http://sokalarab.com/mb/printthread.php?tid=1445

khaleeji

20-08-2011, 09:09 AM

لا تفوتون روما احلى وايد من ميلان

خلو سفركم دوحه ميلان -روما دوحه وانتوا طالعين من ميلانو مروا فلورنس و بيزا شوفو البرج

واخذوا 3 ايام في روما

سونيتا

20-08-2011, 12:49 PM

ام عبدالعزيز ,غير البشر ,khaleeji ,Pilot .....لكم جزيل الشكر

انا ان شالله بسكن بفندق بارك حياه بوسط الدومو وبالنسبه للمواصلات خارج ميلان بأجر سياره مع سايق ...وبالنسبه للمده انا اربع ايام راح تكون خارج ميلان واربع ايام داخل ميلان....الاربع ايام خارج ميلان راح تكون رحلات يوميه لبعض المناطق والعوده بنفس اليوم ...
حبيت اعرف رحله فينيسيا ايش اهم الاماكن اللي لازم ازورها في هذا اليوم ....

khaleeji

20-08-2011, 04:08 PM

انصحك تتنقلين بالقطار اليوروستار (سريع) لان المسافات بعيده
فينيسيا فيها مراكب كبيره مثل النقل العام اخذوا بطاقه يوم كامل واركبو بتلفونها كامله ومافيها الا الساحه الي عند الكنيسة والباقي دواعيس :)

التيما

20-08-2011, 10:14 PM

ميلانو مافيها اماكن وايد ماغير الساحة واكبر مجمع للماركات .. والله يعينج لو بتستخدمون القطارات .. في ايطاليا ! اكبر غلطة سويتها اني كنت اسافر بالقطارات كارثة حقيقية حتى اليورو ستار وتتكنسل الرحلات بالراحة وتبهذلوا عشان تغيرون القطار ااف لا تذكروني .. فينيسيا رووعه وعندكم فلورنسا رووعه بعد وبيزا وكل وحده يوم يكفي وجنوا تهبببل .. ودامج رايحه سويسرا بتمرون منطقة visp هالمنطقة منها روحي زيرمات منطقه خيالية حق يومين لو تبون ..

الله يعينكم عالقطارات في ايطاليا .. مابي اتذكر هالفترة اتنرفز .. *

سونيتا

21-08-2011, 12:01 AM

اختي التيما

ماراح استخدم القطارات باجر سياره مع سايق وهذا اتبعه بكل سفراتي ماحب القطارات لان معي عيالي واخاف عليهم فالسياره اريح لنا حتى لوكانت المسافات بعيده .....

الأخ خليجي
تسلم وماقصرت بالنسبه لقتراحك حلو لكن عيالي حابين يركبون الجندول ويجربونه وانا خايفه منه بشوف شنو يصير وان شالله تكون رحله حلوووه ...

cartier

22-08-2011, 07:56 AM

لاتروحين فينيسيا واذا كلش كلش روحي وارجعي لا تباتين

السكن في ميلان في الدومو او سنترالي

لاتفوتين اسي ميلان كومو اتجنن روحي لها من صبح

السياره ماتنفع في ايطاليا عليج بالقطار واعيالج محد بياكلهم

عيال ملوك يركبون قطارات وباصات

غير هذا اذا بتروحين عالقطريه قولي حق المضيفات انج بتنزلين ميلان

لانه الطياره اتنزل ركاب في ميلان عقب اتروح نيس

فا بلغيهم عشان تنزلين قبل السياحيه عشان تتفادين سيد الجوزات

واذا انتي خايفه من المركب والقطار خلج في الدوحه ولا روحي دبي ابرك

سونيتا

22-08-2011, 10:21 AM

لاتروحين فينيسيا واذا كلش كلش روحي وارجعي لا تباتين
هذا اللي بيصير زياره فينيسيا والعوده لميلان بنفس اليومالسكن في ميلان في الدومو او سنترالي
السكن بيكون بفندق بارك حياه بالدومولاتفوتين اسي ميلان كومو اتجنن روحي لها من صبح
زيارتها من ظمن المخطط
السياره ماتنفع في ايطاليا عليج بالقطار واعيالج محد بياكلهم

عيال ملوك يركبون قطارات وباصات
ادري محد بياكل عيالي واللي اعرفه اكثر ان عيال الملوك اركبو الحناطير بعد:) واستخدامي للسياره انا اشوفه اريح لنا...
غير هذا اذا بتروحين عالقطريه قولي حق المضيفات انج بتنزلين ميلان

لانه الطياره اتنزل ركاب في ميلان عقب اتروح نيس

فا بلغيهم عشان تنزلين قبل السياحيه عشان تتفادين سيد الجوزات
اتوقع لازم بيكون فيه اعلان للي بينزلون ميلان

واذا انتي خايفه من المركب والقطار خلج في الدوحه ولا روحي دبي ابرك
اخذتهم على دبي بالصيف لكن ركوب الجندول بيركبونه حتى لوانا خايفه عليهم منه حكم القوي على الضعيف:weeping:

وشكرا على المداخله المفيده

فكتوريا

23-08-2011, 10:27 AM

متى بتروحين ؟؟

احنا بنروح في العيد وادور معلومات

سونيتا

23-08-2011, 11:47 AM

متى بتروحين ؟؟

احنا بنروح في العيد وادور معلومات

احنا رايحين ان شالله يوم العيد

ع.م

26-08-2011, 02:42 PM

لوغانوا وايد حلوة على إنها في سويسرا لكن لأنها جنب ايطاليا هم يتكلمون إيطالي وأنا غرااامي هاللغة..لين رحتي لوغانو في جبل حلو ممكن تروحين له ارتفاعة حسب ماأذكر 900 متر بقطار خاص وفيه كوفي وأشيا تاريخية وحركات..اسمه Funicolare Monte Bre شوفيه في جوجل.. بتكون روحة ممتعة لأن الطبيعة من قمة الجبل وانتي قاعدة في الكوفي شوب شي خياااالي..

وفي قرية في لوغانو تروحين لها بالمركب اسمها قرية موركوتيmorcote .. أنصحج تروحين تتمشين فيها وايد حلوة وفيها مطاعم حلوة.. فريج صجي فيه ناس طيبين وحياة بسيطة.. شي روعة..

تدرين لوغانو على انها صغيرة لكن فيها و حواليها أشيا واااايد.. لو بتطولون كان نصحتج تقعدون في فندق هناك لأن فنادقها بعد روعة، وتأجرون سيارة وتدورون.. بس مافي مجال.. المهم خلوا لها يوم كامل طلعوا من الصبح من ميلان.. روحوا الجبل اللي قلت لج عليه ، كلش مايتعب مريح وحلو، وعقب لين نزلتوا روحوا البحيرة وروحوا القرية تغدوا واستانسوا عقب تمشوا في لوغانو بعد فيها سوق وقهاوي..عقب رجعوا ميلان..

خذي فكرة عن الجبل و القرية اللي حطيت لج أسمائهم فوق من يوتيوب..

وادعيلي :)

الله يسعدكم ويونسكم.. يازين ايطاليا وسويسرا..

نصيحتي تروحين من ميلان لين لوغانو بالسيارة حتى لو تكسي.. أبي توفرين طاقتج حق هناك وماتضيعينها فمحطة القطار وانتي رايحة وراجعة..

سونيتا

27-08-2011, 02:45 PM

ع.م

شكرا على المعلومات الروعه عن لوقانو وتم حفظ هذي المعلومات في مفكرتي عشان ازورها لما ازور لوقانو

سونيتا

09-09-2011, 06:11 PM

رجعنا من سفرتنا والحمدلله كانت سفره موفقه

وبالنسبه للرحله كنت عامله جدول سياحي وكان حلو ولكن حبيت اضيف لكم شي ماقريت عنه هنا وماعندي فكره هل زرتو هالمكان او لا وهو منطقه لاجو ماجوري وهي بحيره رائعه فيها ثلاث جزر تبعد عن ميلان حدود الساعه او ساعه الاربع وممكن تقضي فيها يومين او ثلاث ايام وبعدها ترجع لميلان وهذي المنطقه تصلح للي يحب الريلاكس والاجواء الهاديه ...انصح فيها بصراحه ...

ع.م

16-09-2011, 10:58 PM

الحمد لله على سلامتكم وشكراً على المعلومات الحلووة..

التيما

17-09-2011, 12:30 PM

حطيت المكان في خريطة الصيف الياي باذن الله واهم شي استانسوا اليهال

talal08

02-10-2011, 01:32 PM

موضوع حلو وردود احلا