ليش المواد المدعومه من الدوله تكون رديئه حتى الخروف السوري المشهور ( صور)

[مساهم قديم]

[size="4"]ياجماعه تعالو نحلل هالضاهره العجيبه والغريبه ,,, والمكشوفه للكل وعلى علم المسئولين ... ليش المواد المدعومه من الدوله كلها نوعيات رديئه مع ان اسعارها طالعه على الدوله اسعار غاليه مثل اي منتج جيد ....

الرز - تعبان لدرجة ان تضيع بين شكله وبين شكل الهريس ( بعد الطبخ)
الزيت - نوع ردي بالمره مايصلح حتى للقلي
السكر - حبوب كبار ( كأنه نخالة السكر الناعم)
الحليب - تطبخ فيه طول اليوم ( وطعمة الدهن ماتروح عنه ) كأنه مصفا من الحليب المعروف

مع اني مره قال لي شخص عن اسعار استيراد هالمواد من برا وشفت العجب .... الاسعار اغلا من اسعار كل المواد التجاريه المعروضه فالبلد ... وتكلف الدولة قيمة احسن المنتجات..

واخيرا ( خرفان رمضان) المدعومه ( زعما) من المسؤلين .... لا اهتمام في نوعيات الشراء من الاساس ..... ولا حتى اهتمام في تغذيتها بعد وصولها ... ..

هذه صورة خروف تعيس لانه من الخرفان ( المدعومه) طبعا مش ( مدعومه على الطريق) لا مدعومه من الدوله واصيب بالهزل والوهن والضعف لانه مدعوم...

يقول العامل ان السبب ان ماتنعطى اكل ولا حشائش ولا شعير مجرد اعزكم الله ( تبن) لانه ارخص علف بالسوق واقل فايده ...[

طبعا بهالصوره انحرمت من الدعم الحكومي ورحت لااقرب تاجر وخذت مرادي والله الحمد /size]

[البحار00]

هههههه يازين فروته

علشان يبين اظهرة

[الكولونيل]

أكيد إنت رايح السوق متأخر
لأن القصاصيب يهجمون على الشبك والخرفان ويحجزونها بالقوة
ولا في أحد قادر يوقفهم
وأنا قد كتبت في هذا الموضوع
الله المستعان

[محمد 93]

تبيعة ب500 ريال :telephone:

[مستجدة]

والله عمتي في الكويت طرشت لنا رز من التموين مال بيتها انصدمنا
درجه اولى كانه مهيدب او وبوابة الهند ماشاءالله تبارك الله ربي يزيدهم

وعندنا الرز كانه هريس بعد الطبخ مثل مقال اخوي مساهم

[الكولونيل]

تبيعة ب500 ريال :telephone:

ههههههه حرام عليك كل هالعظامة بس500 ريال

[محمد 93]

رز التموين الي عندنا يبيله حرمه تشييخ عليه ؟

[محمد 93]

ههههههه حرام عليك كل هالعظامة بس500 ريال



هههههههه قلت باحطه في العزبه لين يجي موعد الاضحية :nice:

[توشيبا]

هههههههه قلت باحطه في العزبه لين يجي موعد الاضحية :nice:

الله يعزك التبن والماي تدفع عليها اكثر من قيمته :secret:

متسوا عليك والله :tease:

[مساهم قديم]

تبيعة ب500 ريال :telephone:


انا ماخذته واذا في خاطرك باشتريه لك واعتبره عيديه ... ولا يهمك

[الكولونيل]

انا ماخذته واذا في خاطرك باشتريه لك واعتبره عيديه ... ولا يهمك

يمكن لو تروحون له بكرة بتحصلونه ميت

[ابن التويم]

هههههههههههه

بس هالخروف يبي له إعادة تأهيل يبي له كورس تغذيه دخن و صويا و ذره مجروشه .. يعني يمكن يكلفك 500 ريال بعد

خذ لك خروف مو " مدعــــوم " احسن لك :)

[الكولونيل]

هههههههههههه

بس هالخروف يبي له إعادة تأهيل يبي له كورس تغذيه دخن و صويا و ذره مجروشه .. يعني يمكن يكلفك 500 ريال بعد

خذ لك خروف مو " مدعــــوم " احسن لك :)

أخوي هم مش قصدهم مدعوم ماديا
إنت فهمتهم غلط هم قصدهم مدعوم يعني داعمته سيارة*

[Right]

من صورة الخروف ... لو أني مو مصدق أنه خروف



تكرمون كنت بقول " سلوقي " من ضعفه

[ابن التويم]

أخوي هم مش قصدهم مدعوم ماديا
إنت فهمتهم غلط هم قصدهم مدعوم يعني داعمته سيارة*



لو كان مدعوم كان بتلقى فيه كسر و إلا شي .. بس على الأقل بيكون فيه لحم ينأكل

للأسف هذا مرعــــوص ... أسومه بـ .. 130 ريال يمكن ينفع فيه التسمين

[تحداني]

الوالده تحب تاخذ من التموين " السكر والزيت "
تمدح فيهم واتقول وايد زين اما باقي الاشياء تتركها للغير

جملكم الله برضاه

[hamoor4ever]

بعيد عن الموضوع بس الزر اخر مره ماينفع ينوكل استغفر الله شريته وقطيته برع بصراحه حتى الخدم حرام اعطيهم منه لان بصراحه ماينعد اكل وحرام اظلمهم واعطيهم شي مايعتبر اصلا رز او اكل ، ترى يامسؤولين احنا بشر ، ونستحق ناكل نفس اكلكم ولا احنا بأقل منكم بالشي هذا ، والله العظيم ان انا كنت بعطيه للخدم عندي لكن قلت حرام وفي ذمتي هاذه انا ماقدر اكله ، اما الزيت والسكر والحليب ماشي حالهم . للاسف اهتمامهم بالمواطن اخر شي وكل اللي يسوونه كلام في كلام وشعارات مامنها فايده قالو بيجيبون خواريف مدعومه ، طلعت خواريف معصقله جلد وعظم خافو ربكم والله انكم محاسبين

[بو منيرة]

والله شي غريب ... يعني تبي الخرفان كلها سمان؟؟؟ يا جماعة الخرفان اتجي من سوريا بشاحنات فيها السمين وفيها المتوسط وفيها الضعيف ... والتجار يشترون بالعزل ما ينقون الخرفان ... يعني ياخذون 100 راس مثلا الواحد على 800 لكن اذا جاو يبيعون يبيعون السمين على 1000 والضعيف على 700 ... عشان يدخلون ربح

عاد مواشي الظاهر تشتريهم وتبيعهم كلهم بسعر واحد ...

فالنهاية سؤال ... هل في دولة خليجية تدعم المواشي؟؟ وكم سعر الخروف في الدول المجاورة ؟؟؟

[BIG-VEGA]

الوالده تحب تاخذ من التموين " السكر والزيت "
تمدح فيهم واتقول وايد زين اما باقي الاشياء تتركها للغير

جملكم الله برضاه

السكر ينفع حق بلاليط ممكن
بس حق شاي او حلويات لا ... يكون فيه طعم غريب شوي

والزيت ... ينفع حق قلاي

والحليب ... مب شي كلش مع الكرك

والرز ... بسرعه يستوي ويصير (هميـch) ولازم مايتنقع وايد

اما الخروف الي في الصوره ... يمكن يكون سلق لابس فروه

[gt_511]

لا تعليق ما نقول الا الحمد لله ولا يوجد تعليق اخر بس اتمنى المسؤلين يتذوقون ها الاطعمه بدال السفرات والروحات والجيات اتمنى انسوي لهم اكله طيبه بمواد التموين نفس فلم طباخ الريس

[كبير المتداولين]

اخوي فهمت السالفه غلط الخروف مسوي رجيم في رمضان

[ضوى]

بكل امانة واحقاقا للحق

انا اخذ جميع المواد التموينية الحليب والرز والزيت والسكر ، وطبخ البيت من حلويات وموالح وارز وخلافه كله من هذي المواد التمويينة والحمد لله الرز يطلع من تحتي ايدي نثري ياحلوه ولا عمره تعجين والا صار زي الهريس يمكن في فترة سابقة كان بهالشكل بس الجودة وايد تحسنت من فترة سنتين واكثر ، السكر وايد حلو نستخدمه للشاي والحلويات وللقطر ، الحليب بصراحة ماستخدمه لي لاني ماحبه احب الفريش ام عيالي فيستخدمونه للكرك والخدم والدريولية يستخدمونه ، الزيت اشتري علبة ا لتر عافية دوار الشمس لي انا للبيض فقط لاني احبه واحب طعمه اما باقي استخدامنا من زيت التموين

[chillis]

والله عمتي في الكويت طرشت لنا رز من التموين مال بيتها انصدمنا
درجه اولى كانه مهيدب او وبوابة الهند ماشاءالله تبارك الله ربي يزيدهم

وعندنا الرز كانه هريس بعد الطبخ مثل مقال اخوي مساهم

رز الكويت نفس رز قطر ما يفرق الفرق في الطباخ يعني حسب طباخج :)

[بوسلمان 2010]

الله المستعان والله حتى الخروف منبطه جبده

[BIG-VEGA]

الله المستعان والله حتى الخروف منبطه جبده


تذكرت اول مره اروح فيها بريطانيا ...
واحنا في السياره والجو ربيع وعلى اليمين واليسار حشيش وشجر على مد البصر ...

سالت رفيجي سوال...

لو جبت خروف من عندنا وعيونه مربطه ومره وحده هديته في هاي الخضار ... ايش راح يكون شعوره ؟؟!!

فعلا الله المستعان

[درع الوطن]

لاحد يتكلم في السياسة .... :telephone:

[بوخالد911]

مسكيين هالخروف

كسر خاطري

:(

[مريومة]

بكل امانة واحقاقا للحق

انا اخذ جميع المواد التموينية الحليب والرز والزيت والسكر ، وطبخ البيت من حلويات وموالح وارز وخلافه كله من هذي المواد التمويينة والحمد لله الرز يطلع من تحتي ايدي نثري ياحلوه ولا عمره تعجين والا صار زي الهريس يمكن في فترة سابقة كان بهالشكل بس الجودة وايد تحسنت من فترة سنتين واكثر ، السكر وايد حلو نستخدمه للشاي والحلويات وللقطر ، الحليب بصراحة ماستخدمه لي لاني ماحبه احب الفريش ام عيالي فيستخدمونه للكرك والخدم والدريولية يستخدمونه ، الزيت اشتري علبة ا لتر عافية دوار الشمس لي انا للبيض فقط لاني احبه واحب طعمه اما باقي استخدامنا من زيت التموين

معاج حق يا ضوى

المواد التموينية كلها ماعليها كلام .. بس تحتاج حرمة اتعرف تستخدمهم

وعيش الحكومة صار لنا فوق 6 سنوات نستخدمه من احسن ما يكون

ما يحتاج يتنقع وايد لانه بسرعة يتكسر وعقب ما تطبخه يعجن

يفضل تغسله واتنقعه دقايق وعلى طول تطبخه

يمكن لان بيتنا ما يحبون الرز الطويل جنه ازهب ..

او اللي جنه عيش مصري اشمتنه

اما الخرفان مادري عنها

والله المستعان

[عيون الدوحة]

أما حليب التموين الي مب عاجبكم والله أني شفته بتايلند
عند كشك نادية كرك وتسوي الكرك به
بس أنا مستغربة اشلون وصل تايلند

[ورقة غار]

اشفيه الخروف مشترك في نيو ترشن ههههههههههههه


بخصوص اغراض التموين الحمدالله نعمه من رب كريم وشخصيا احب عيش التموين ومااكل غيره

[فتى الجود]

السلام علييكم

والله ياخوى كلامك صحيح

والدليل ان الخاروف منتهي

لاحظ تحته انه لايوجد (( بعر )) الله يعزك انت والقراء

وذلك لقلة الاكل - مايطعونه شي يطعمونه
مب مثل الخرفان الراهية !!!

[نيساني]

بالنسبه لي استغرب الصراحه من اللي يقولون رديئه وماتنفع


نتخيل انه مافي تموين بنتم نتذمر مافيه ومافيه

ويوم انه فيه بعد نتذمر رديئه وماتنفع

والخروف ذي على حد علمي كان مشارك في الحرب العالميه الاولى بدفع فيه ال٨٠٠ وانا اضحك
لانه قبل لاتنزل الاسعار هذا كان سعره لايقل عن ١١٠٠ واردني بعد وناخذه واحنا ساكتين

رضا الناس غايه لاتدرك

اللهم لك الحمد على هالنعمه

وتحياتي وشكراً على الموضوع

[البارع]

ردا المواد الغذائيه سببه ان المسؤل عنها مادش بيته ولايعرف عنها شي

واعارف ومتأكد محد قايله شي لذا الدرعا ترعا الى ان يدير الله فلك

[koketa]

الحمد لله على نعمه الامن والامان والاكل والشرب

يا جماعه احمدوا ربكم

في الصومال 29 الف طفل تحت سن ال5 سنوات توفوا من الجوع

احمدوا ربكم انكم تحصلون خرفان مدعومه غيركم في الصومال يصوم رمضان ويأذن المغرب حتى ما يحصل يفطر على شربه ماي

[بوعلي2]

صاااااااادق

[ابن التويم]

اسغفر الله على ما تقدم من ردودي ..

و الحمد لله على نعمه التي لا تحصى ..

و جزالله خير الحكومه و القائمين على دعم هذه السلع و ان عازتها بعض الجوده ..

اللهم اكفنا بالرضا و اغفر لنا و ارحمنا

جزاك الله خير يـ koketa على التذكير

[ولد قحطان]

قولو الحمد لله
شوفو مقطع من الصومال
وبتقولون كثر الله خير الحكومة

[المسك1969]

عن الخرفان ماعرف شيء ولكن عن التموين فمن تجربتي له لسنوات أن الرز كان تعيس في الفترة الأولى ولكن الموجود الحين ماشاء الله تبارك الله طيب ولا يعجن ولا شيء

ويازين البرياني فيه... ومجبوس الهامور... والمجبوس

وأما الحليب فنسوي كرك أحسن من كرك برع المحروق اللي يعور البطن

والزيت ممتاز والسكر أسوي فيه كل أنواع الحلويات من الساقو للكيك للتارت للبسبوسه

صراحة التموين ماعليه كلام وذلك من خلال تجربتي فيه

جزاك الله خير

[nono80]

اي والله صدقت الله يعز النعمه من ياكل عيش التموين وهالخروف. الظاهر انه مسوي ريجيم. ومع نوترشين تدرون صارت موضه بس اتبع الريجيم غلط خخخخ الله المستعان

[تاجر كشخة]

متابع

[ريتويت]

الحمدلله على كل حال

[ahmed jasim]

فى ناس ماتقدر الشىء إلا إذا إرفعو سعره
صراحة التموين ماعليه كلام
والمشكلة فى اللى يطبخ لكم

[راقي]

احمد ربكم على نعمه ياا نـاس :)
غيركم مب محصـل يشرب مااااي او حتى خبزه ياابسه وانتوا هذا مب زين وهذا عجيين

احمد ربكم بـس :))

الحمدالله على النعمه الله يدومهااااااااا ولا يزولهاا

وعلى فكرهـ في حكوماات ماااااا تعطي تمويين حق المواطنين يعني احنا للحين بنعمه وخير

[حمد بن سعد]

من الي قال انها خرفان سوريه اسمع الخبر

رجال يشتغل في هذا المجال ايقول يشترون الخرفان من تركيا ويخلونها شهرين في مرعى سوريا ويضهرون لها اورقه بالواسطه انها سوريه ويجيبونها لنا .

والله هذا الكلام الي قالي اياه الرجال وعليكم بالسعودي تراه اطيب

[مشاكل]

لاحول ولاقوة الا بالله
ماتقدرون النعمه اللي حنا فيها
والله انه التموين وخصوصا السكر والزيت والحليب افضل من المنتجات التجارية بالف مره
غير الاسعار اللي تساوي ربع اسعار السلع التجاريه
غير الكميات الممنوحه لكل عايله ادبال ادبال اللي نحتاجه
والخرفان اللي تقول عليهن عجاف
رح السعوديه وشف النجدي على كم .. مب اقل من 1200

مشكله لاتكلم الواحد وهو شبعان

اللهم ادم علينا نعمك يارب واحفظها علينا من الزوال

[موضي قطر]

عن الخرفان ماعرف شيء ولكن عن التموين فمن تجربتي له لسنوات أن الرز كان تعيس في الفترة الأولى ولكن الموجود الحين ماشاء الله تبارك الله طيب ولا يعجن ولا شيء

ويازين البرياني فيه... ومجبوس الهامور... والمجبوس

وأما الحليب فنسوي كرك أحسن من كرك برع المحروق اللي يعور البطن

والزيت ممتاز والسكر أسوي فيه كل أنواع الحلويات من الساقو للكيك للتارت للبسبوسه

صراحة التموين ماعليه كلام وذلك من خلال تجربتي فيه

جزاك الله خير

صدقتي اول العيش مب شي ماكنا ناخذه ومن حول سنتين صار زين وينفع للمجبوس والبرياني والحليب اتوقع على حسب اللي يعرف له .. والسكر احنا نسوي فيه كل انواع الحلو

[تحداني]

السكر ينفع حق بلاليط ممكن
بس حق شاي او حلويات لا ... يكون فيه طعم غريب شوي

والزيت ... ينفع حق قلاي

والحليب ... مب شي كلش مع الكرك

والرز ... بسرعه يستوي ويصير (هميـch) ولازم مايتنقع وايد

اما الخروف الي في الصوره ... يمكن يكون سلق لابس فروه



:) والله تبي الحقيقه ما اعرف في شنو تستخدم هالسكر وفي شنو تستثنيه
بس الي اعرفه ما لقيت غيره في المطبخ فأعتقد هو لجميع الاستخدامات
اما عن الزيت فمشاركه باقي الاخوان والاخوات اتفقت على انه جيد

ويبقى الناس اذواق
وجزاهم الله كل خير

جملك الله برضاه

[ابن البيطار]

الشعب القطري بطران مب مثل غيره يرضى بأي شي لازم الحكومه تنتبه لهالنقطه

[بو منيرة]

شعب وصل قمة الرفاهية ... والله شي كارثة

كل واحد يسأل نفسة ابوه شكان ياكل؟

اعتقد لو الحكومة تفرش الارض ذهب بعد بنقول ليش مب الماس ؟؟؟؟

[MAZEN37]

الواحد يروح السوق حق الدعم او التدعم
حرمت اشتري من السوق - اليوم الاسود يوم قررت اروح اشتري من هناك
حتى الحمالي يبي 100 ريال يعني يطلع عليك ب 900 + الزحمه الموت

[ام السعف]

فى ناس ماتقدر الشىء إلا إذا إرفعو سعره
صراحة التموين ماعليه كلام
والمشكلة فى اللى يطبخ لكم

التموين ولله الحمد تمام كل شي فيه ما عدى العيش ،، يبي له خبير طبخ عيوش
على عكس الانواع الثانية في السوق اللي ما يبي لها الا ماي حار وملح :telephone:

[BIG-VEGA]

:) والله تبي الحقيقه ما اعرف في شنو تستخدم هالسكر وفي شنو تستثنيه
بس الي اعرفه ما لقيت غيره في المطبخ فأعتقد هو لجميع الاستخدامات
اما عن الزيت فمشاركه باقي الاخوان والاخوات اتفقت على انه جيد

ويبقى الناس اذواق
وجزاهم الله كل خير

جملك الله برضاه

اكيد اقدر استخدم السكر (او غيره) لكل شيء :)

بس المثل يقول مش كل سكر ...سكر :yes:

ولتقريب وجهات النظر ... باعطيك مثال وتجربه اتسوينها في البيت
سوي دله شاي عاديه وستخدمي ماي غراش (مب من الولف)
وصبي الشاي في خمس اسكانات
وفي كل استكانه حطي نوع مختلف من السكر بشرط نفس الكميه
مثلا سكر التموين, و سكر من الجمعيه الاسره مثلا, وسكر نباتي, وسكر دايت, ونوع غير بعد

وجربييهم كلهم وشوفي الفرق
وانا استثنيته في البلاليط مثلا ... لانه البلاليط مش محتاج جوده عاليه للسكر
(يحتاج جوده عاليه للهيل و الزعفران) ...من واقع تجربه

وفعلا هي هي اذواق
انا تقيمي الشخصي انه مقبول لانه انا نفسي اطبخ ومجرب كذا منتج والطعم يفرق كثير
وفيه مشاركين يشوفونه احسن منتج في العالم تقريبا


تقبل الله صيامك وقيامك

[ام السعف]

اكيد اقدر استخدم السكر (او غيره) لكل شيء :)

بس المثل يقول مش كل سكر ...سكر :yes:

ولتقريب وجهات النظر ... باعطيك مثال وتجربه اتسوينها في البيت
سوي دله شاي عاديه وستخدمي ماي غراش (مب من الولف)
وصبي الشاي في خمس اسكانات
وفي كل استكانه حطي نوع مختلف من السكر بشرط نفس الكميه
مثلا سكر التموين, و سكر من الجمعيه الاسره مثلا, وسكر نباتي, وسكر دايت, ونوع غير بعد

وجربييهم كلهم وشوفي الفرق
وانا استثنيته في البلاليط مثلا ... لانه البلاليط مش محتاج جوده عاليه للسكر
(يحتاج جوده عاليه للهيل و الزعفران) ...من واقع تجربه

وفعلا هي هي اذواق
انا تقيمي الشخصي انه مقبول لانه انا نفسي اطبخ ومجرب كذا منتج والطعم يفرق كثير
وفيه مشاركين يشوفونه احسن منتج في العالم تقريبا


تقبل الله صيامك وقيامك


ماشاءالله عليك خبرة في السكر

انا عندي السكر سكر والسلام :shy:

[BIG-VEGA]

شعب وصل قمة الرفاهية ... والله شي كارثة

كل واحد يسأل نفسة ابوه شكان ياكل؟

اعتقد لو الحكومة تفرش الارض ذهب بعد بنقول ليش مب الماس ؟؟؟؟

ابوي الله يرحمه يوم كان عايش كان ياخذ رز التموين بجوده احسن من الي قبل وفاته :)

هو بنفسه كان يقول يوم بدلو للعيش الجديد" ليش العيش صار جذيه ..القبلي احسن"

[ام السعف]

ابوي الله يرحمه يوم كان عايش كان ياخذ رز التموين بجوده احسن من الي قبل وفاته :)

هو بنفسه كان يقول يوم بدلو للعيش الجديد" ليش العيش صار جذيه ..القبلي احسن"

غريبة ردود البعض ،، خله يشرب من ماي الخريج لأن قبل الناس كانوا يشربون ماي
مب مكرر،، قمة الرفاهية ان الواحد يشوف الجودة في السوق والعادي في التموين الحكومي :omen2:

يعين ما يصير الواحد يقول ان هناك احتمال يكون تلاعب من المستوردين ؟
معقولة الدولة اتخصص ميزانية لنوع رز عادي ؟

سؤال الى ذوي الاختصاص :telephone:

[BIG-VEGA]

ماشاءالله عليك خبرة في السكر

انا عندي السكر سكر والسلام :shy:

هاي مشكلتكم ياحريم هاي الايام :weeping:

انتو الحين اغلب بهاراتكم من الجمعيه .....

اي شي تخلطونه مع بعض وتحطونه على الضو .. وعقب بكل فخر تسالون اشلون طباخي؟!:rolleyes2:

لايبه .....كل شي غير ...وكل شي له درجات... وكل شي له طعم

الطباخ السنع يبتدي من اختيار كل المكونات باجود الانواع

بنات هاي الايام مايعرفون عن الزعفران والهيل والبهارات شي .... معذورين .. ياخذون مال الجمعيه ويشوفون طعمه عادي

وين زمان اول .... البهارات كانت مثل الذهب

[ام السعف]

هاي مشكلتكم ياحريم هاي الايام :weeping:

انتو الحين اغلب بهاراتكم من الجمعيه .....

اي شي تخلطونه مع بعض وتحطونه على الضو .. وعقب بكل فخر تسالون اشلون طباخي؟!:rolleyes2:

لايبه .....كل شي غير ...وكل شي له درجات... وكل شي له طعم

الطباخ السنع يبتدي من اختيار كل المكونات باجود الانواع

بنات هاي الايام مايعرفون عن الزعفران والهيل والبهارات شي .... معذورين .. ياخذون مال الجمعيه ويشوفون طعمه عادي

وين زمان اول .... البهارات كانت مثل الذهب

:omg:

يووووممممة وسويتني بنات هالأيام :weeping:

شوف بقول لك شي مهم جدا وايد خالص ،،

اولا بشكل عام مالي في الشاي ولا طقوسه ولا اهتم ابدا اشلون ممكن يطلع طعمه لذيذ
مثل ما اشوف هوس البعض في اجادة صنعه وطبخه ،،

ومن ثم ان شربت شاي تلقاني اشربه سكر خفيف كلش ،، مب لدرجة ممكن اقول
الله شربت شاي في بيت فلان احلى من بيت علان ،، المهم عندي السكر يكون خفيف
وفي الأخير اسميه شاي ،،


فمن جذيه مب ما عنيد خبرة في السكر ابدا ولا اهتم ابدا للحظة ذي اني ادور على
النوع الأفضل ،، لأن الهدف عندي ان اللي اطخه تكون نتيجته مقبولة في حال
كان من الحلويات وغير ذلك ما تهمني الجودة ،،

اما بخصوص ،، البهارات ،، ما نتعامل مع الجمعيات شغلنا كله مع سوق واقف
وننتج حاجتنا بصناعة منزلية من مواد خام ،،،،،،> تشتري الكيلو على 60 ريال :shy:
للصنف العادي والصنف الفاخر على 80 :shy:

[ضوى]

:omg:

يووووممممة وسويتني بنات هالأيام :weeping:

شوف بقول لك شي مهم جدا وايد خالص ،،

اولا بشكل عام مالي في الشاي ولا طقوسه ولا اهتم ابدا اشلون ممكن يطلع طعمه لذيذ
مثل ما اشوف هوس البعض في اجادة صنعه وطبخه ،،

ومن ثم ان شربت شاي تلقاني اشربه سكر خفيف كلش ،، مب لدرجة ممكن اقول
الله شربت شاي في بيت فلان احلى من بيت علان ،، المهم عندي السكر يكون خفيف
وفي الأخير اسميه شاي ،،


فمن جذيه مب ما عنيد خبرة في السكر ابدا ولا اهتم ابدا للحظة ذي اني ادور على
النوع الأفضل ،، لأن الهدف عندي ان اللي اطخه تكون نتيجته مقبولة في حال
كان من الحلويات وغير ذلك ما تهمني الجودة ،،

اما بخصوص ،، البهارات ،، ما نتعامل مع الجمعيات شغلنا كله مع سوق واقف
وننتج حاجتنا بصناعة منزلية من مواد خام ،،،،،،> تشتري الكيلو على 60 ريال :shy:
للصنف العادي والصنف الفاخر على 80 :shy:

اقول ام السعف

صباح الخير

اشربي شاهينا وعقب بتقولين شاي ضوى غير صج حلو :shy:

[نجدي قطري]

هاي مشكلتكم ياحريم هاي الايام :weeping:

انتو الحين اغلب بهاراتكم من الجمعيه .....

اي شي تخلطونه مع بعض وتحطونه على الضو .. وعقب بكل فخر تسالون اشلون طباخي؟!:rolleyes2:

لايبه .....كل شي غير ...وكل شي له درجات... وكل شي له طعم

الطباخ السنع يبتدي من اختيار كل المكونات باجود الانواع

بنات هاي الايام مايعرفون عن الزعفران والهيل والبهارات شي .... معذورين .. ياخذون مال الجمعيه ويشوفون طعمه عادي

وين زمان اول .... البهارات كانت مثل الذهب

يا إنّك تذكّرني بواحد من ربعنا، من كثر ما يحب الطباخ حتّى البهارات يشتريها جاهزة ومعاها فلفل علوب ويجفّفها، ويسوّي ذيج الجبسة اللي تستاهل بؤّك.

[D0ha]

صج موضوع ايونس... بمجرد متابعتي للردود اتمناها ما تخلص.....
ردود البعض صج خفيفة دم، واختلط الحابل بالنابل ( كنا في سوق الغنم، دشينا سوق البهارات، وعقب السكر.....) صج موضوع ممتع وبعض الاخوه والاخوات بمجرد الكتابه تتصور المكتوب على شكل صور..... أهنيكم

انا عندي أضافه لعلها ترضي الطرفين وتصلح الخلاف القائم بين المعارض والمؤيد....

للاخوه والاخوات الغير سعيدين بمستوى جوده السلع المدعومه يمكنكم نهج طريق الاخ صاحب الموضوع باعتبار هذه المنتجات غير موجوده على الاطلاق، ويمكنكم التوجه الى السوق وتبضع ماتراه الاعين وتتمناه القلوب، لأن مشكلة الجوده في قطر اصبحت مشكله ازليه منذ سنوات ولا تزال قائمة في وقتنا هذا....... *