المساعد الشخصي الرقمي

مشاهدة النسخة كاملة : محلات ديكور للمجالس والجلسات الارضيه ؟


بوعلي-Qtr
21-08-2011, 06:34 AM
السلام عليكم ورحمة الله وبركاته

ناوي اجدد الميلس ان شاء الله بعد العيد
فبغيت اعرف شنو احسن انواع الصبغ ومن اي محل بالظبط ؟
والستاير كذلك ابي اللي يكون طبقه وحده بدون للدواير اللي فوق والعفسه .. وين المحلات الزينه ؟ سمعت سيدار اشياءهم حلوه فهل توافقوني ؟
والجلسات الارضيه بغيت محلات يفصلون لي الجلسات مع تلبيستهم وتلبيشة المساند والتكايات ..
والباب لو تعطوني محلات عندهم ديزاينات حلوه لبيبان الالمنيوم تسوون خير

اللي عنده فكره عن المحلات او حتى لو عنده صور لديكورات الميالس يسوي خير - علما باني دورت في انكل قوقل - ياليت يحطهم لي ولا تهونون جميع

بارك الله فيك وتقبل الله طاعتكم
ن.سهيل
21-08-2011, 09:46 AM
بالتوفيق
بوعلي-Qtr
22-08-2011, 06:26 AM
تسلم يالشيخ
QTR-SOUL
23-08-2011, 06:25 AM
السلام عليكم
اخوي دامك بتجدد المجلس اهم شي تختار الكراسي لانه بتضبط عليهم الورق او الصبغ والستاير والارضيه
انا من رايي حلاته الجبس ساده ويكون فيه سبوت لايت والستاير امريكيه ساده مب شرط سيدار اي محل قول لهم ابي ساده والارضيه باركيه والطوفه ورق

الجبس واجد محلات تسوي
الورق عندك محل الفشت في بروه
الستاير اي محل ممكن يسويه واذا بغيت بدز لك رقم واحد على الخاص
الباركيه عند كازابلو في سلوى المتر على 70ريال
الكنب للاسف ماعندي خبره
QTR-SOUL
23-08-2011, 08:10 AM
http://img20.imageshack.us/img20/5930/llkkt.jpg
http://img844.imageshack.us/img844/6449/alcala008.jpg
http://img683.imageshack.us/img683/5641/freegrh.jpg
بوعلي-Qtr
23-08-2011, 05:20 PM
قطر سول تسلم طال عمرك عالرد والمعلومات
والله ياخوي ميلس شباب والجلسه الارضيه اريلحنا من الكراسي .. فمب مشكله ان شاء الله بس ابي حد يدلني على محل يسويلي القعده كامل بتلبيسة المساند والدواشك والتكايات والخ ...
وشفت الزل في مفروشات الاندلس - الاصمخ
زل امريكي نوع ممتاز بصراحه متين وناعم وشعر كثيف بس غالي قالي المتر ب٤١٠

والله تسوي خير لو تطرشلي رقمه ولو عنده بو ريموت بعد افضل
بالنسبه للجبس والله الموجود جيّد بس المشكله اني حاط نفس كشاف وابي اشيله ان شاء الله فماعرف اذا يصير اشيل جزء معين او لا .. هو جزء صغير يعني ١٠سم *٣٠سم

وجزاك الله خير يالحبيب وماقصرت
ننتظر الباقي
بوعلي-Qtr
23-08-2011, 10:57 PM
للرفع
ام عبدالعزيز
23-08-2011, 11:14 PM
ربي يوفقك
بوعلي عندي كذا محل

مسويه انا عنده


بس اذا نصيحتي لك الشرقيه ارخص واحلى بوايد
القلم الصريح
24-08-2011, 03:26 AM
خياييط المساند والدواشق اللي مجابلين سوق النجاده
بوعلي-Qtr
24-08-2011, 04:03 AM
تسلمون يا شباب
ام عبدالعزيز مالي بارض السفر والخط .. لو يعطوني ببلاش ماسافرتلهم ههههههه
هناك اجيبلهم وفالدوحه يخيطونلي والخ .. هذي يبيلهم شهر
خلنا في دوحتنا ابرك
بوعلي-Qtr
24-08-2011, 04:04 AM
تسلمون يا شباب
ام عبدالعزيز مالي بارض السفر والخط .. لو يعطوني ببلاش ماسافرتلهم ههههههه
هناك اجيبلهم وفالدوحه يخيطونلي والخ .. هذي يبيلهم شهر
خلنا في دوحتنا ابرك
كبير المتداولين
24-08-2011, 01:27 PM
نصيحه قبل تسوي اي شي روح عند مصمم على 1000 او 2000 ريال يصمم لك المجلس كامل على خاطرك عقب ابدى التنفيذ
بوعلي-Qtr
24-08-2011, 03:50 PM
والله كلام طيب ياخوي
تدلني على مصمم الله لا يهينك ؟
HUMAX
24-08-2011, 04:12 PM
بالحبيب أنا بنصحك لوجه الله ....

أنا مأثث لي مجلسين من الستائر لين الفرش كامل من الحسا برخص التراب...

وابداء من الستائر سويت الستارة نفس مالت سيدار تقريباً الى تنسحب على فوق مع القماش والبطانة والعازل والشيفون الوحدة طلعت ب٤٠٠ ريال . المقاس مترين ونص طول ومتر و٨٠ عرض طبعاً من غير ريموت

الجلسات مش أرضية مرتفعة شويه تقريباً من الارض نص متر مع تكايات طلع لي المتر مع القماش ٢٥٠ ريال

والجلسات الأرضية طلعت لي ب١٥٠ مع القماش والتكايات فري

الفرش نفس نوعية الفرش الي في مفروشات دلمون ومفروشا ت المير الفرش تركي منقش الى متره عندهم ٣٥٠ وانت طالع أنا مأخذ المتر ب ١٩٠ ريال ...


وصلنا لآخر شي وهو النقل والتركيب ....

النقل السيارة الكبيرة تطلع لك بين ٨٠٠ وال ١٢٠٠ على حسب

التركيب ماتحتاج الا لأربع أشخاص ٢ الستائر و ٢ للفرش وتقدر تأخذهم من اي محمل للمفروشات ترتب معاهم يجونك بعد الدوام وتعطيهم ١٠٠ ريال وكل شي تمام

اما نقل الجلسات تتفق مع المحل الي بيفصل لك ان الشحن عليه ويستلم باقي المبلغ وقت التلسليم ....

الحين انت احسبها وشوف الفرق ....
بوعلي-Qtr
24-08-2011, 05:52 PM
والله ياخوي السفر صعب .. صحيح كلامك ارخص لكن وين امسك خط خصوصا واني لازم اشوف الاشيا قدامي وامسك الخامه واشوف الشكل على الطبيعه عرفت ..
والفرق والله مب بسيط لكن صعب السفر شوي بالنسبه لي مالي خلق
بعدين مانخرب على هل السعوديه الحين محلاتهم قاموا يرفعون عليهم بسبتنا ههههههههه

عموما تسلم الشيخ وماقصرت وبشوف لو لقيت فرصه او صار نصيب بروح ليش لا خصوصا وان السعر اقل ..

اشكرك ياسعادة الريس
دلال قطر
24-08-2011, 07:23 PM
وانا بغيت رقم المصمم لاهنتو

بس اخوي يعني مانصحك بسيدار وايد غالي رحت بفصل ستاره مو طويله بعد على قد الدريشه والقطعه عباره عن مخمل اسود بسسس قالي 4000 !!! ليش والله مايستاهل


بعد عندي استفسار لو تسمحلي ... اشرايكم في المجالس الي طايحين فيها الحين على شكل خيام بس هي مو خيمه يعني اشكثر عمرها الافتراضي !! افيدوني لو سمحتوا :)
بوعلي-Qtr
24-08-2011, 09:48 PM
والله مادري ماعندي فكره عن الاسعار
بمرهم ان شاء الله بشوف شعندهم وشلون اسعارهم
جزاكم الله خير
ja077
11-09-2011, 01:32 PM
مرحبا اخوي
عندك ستائر الجميل في طريق سلوي
بوعلي-Qtr
11-09-2011, 09:08 PM
اختي دلال
والله مانصح لان في تمديدات كهربه فانا عن نفسي اخاف اذا صار التماس يحترق علي المكان

جي ايه
مشكور ياخوي
شفت سيدار وقالي الشيفون متر ب٣٠٠ بط جبدي
قلت باخذ الستاره بروحها والشيفون بسويه مكان ثاني
saeedqatar
14-09-2011, 07:52 AM
باتوفيق يالشيخ
استغفرالله
14-09-2011, 12:15 PM
شارع الاصمخ كذا محل تلقاهم مبينين في داعوس