صباح الخير ياكيوتل [الأرشيف] - منتديات شبكة الأسهم القطرية

مشاهدة النسخة كاملة : صباح الخير ياكيوتل

مخفي

22-08-2011, 05:40 AM

بسم الله الرحمن الرحيم

اخواني الكرام

الموضوع بدالة 111 والتاخير في الرد على المتصل

قبل يومين صارت مشكلة عندي في الفواتير ودقيت على 111

يعلم الله اني قعدت اكثر من ساعة ونص محد رد على وسكرتة

ورديت اتصلت وقعدت ساعه ولحد رد وسكرتة

اخر شي سويتة دقيت على 180 ورد على وانا اعرف ان المكالمة مسجلة

وقلت للموظف ياخي الكريم انا مابي استفسر عن اي رقم انا داق عليك ابي اعرف وش الطريقة الي توصلني حق الاخوان في 111

قال احنا منفصلين عنهم قلت انا ماراح اسكر لين تشوفلي طريقة حولني على اي مسؤل عندك
ولاراح اسكر الخط لين تلقون لي حل
هاذي موب حالة

قال ياخي الكريم والله العظيم احنا منفصلين المبنى منفصل قلت طيب حولني على اي مسؤل قال محد بيفيدك
المبني غير المبني

قلت طيب انت حولني قال لحظة

حولني رد على شخص بلغتة بلي صاير رد على قال اخوي وش مشكلتك

قلت انا سدتت تلفون البيت عن طريق الصراف حق كيوتل

وصارلي 6 ساعات ماشتغل

وادق على 111 محد يرد قلت مافية الا انتو

قالي فالك طيب وانا برسل ايميل لهم

قلت طيب مافية رقم مباشر لهم قال لا

سئلتة عن اسمة بلغني

وعقب قال انا برسل الايميل الحين وان شاء الله خير

وقام يتاسف

من الي حصل وبرر انه ضغط من العملاء ومن ه الكلام

وفعلن بعد ساعه من مكالمة هذا الشخص

اشتغل التلفون

وكل الشكر لة على تفاعلة وخدمتة لي
مع انه في 180

رسالتي لكيوتل

ليش كل ه التاخير في الرد وش السبب ياكيوتل

اذ فيه نقص في الموظفين

كثير من الشباب والبنات مقدمين عليكم وكثير منهم ماجاة حتى رد بالرفض بقاء طلب التوظيف حقة عندكم من دون مايفتح
ليش ماتشوفون وش الخلل الي عندكم وتصلحونة

ليش ماتستقبلون طلبات التوظيف

وتوظفون في البدالة في اي مكان في نقص ويخدم العملاء

تعبنا تعبنا تعبنا من الانتظار ع الخط

مع العلم انه فية كثير وكثير من الملاحظات عليكم

وطرحت اكثر من مرة

ولاحياة لمن تنادي

اتمنى هاذي الرسالة توصل

واسمحولي على الاطالة

آخر حبه

22-08-2011, 05:57 AM

سبحان الله

والله توني من ربع ساعه اتصلت على 111

نقعووووووووني 10 دقايق على الخط ومحد رد وسكرت من القهر

ام السعف

22-08-2011, 06:27 AM

أكره كيوتل أكره كيوتل أكره كيوتل

اتصلت من شهر وزود قلت لهم ،، النت تعبان قالوا لي من المودم اللي عندكم
ولازم مودم كيوتل قلت لهم ما عندي مودوم كيوتل ،، عندي شبكتين في البيت وثنتيهم
حالتهم حالة قالوا لي مب قادرين انسوي شي ،،

قلت لهم بقدم بلاغ ،، قالوا بتدفعين فلوس لو المودم طلع خربان
قلت لها متأكدة اني المودم مافيه شي ،، قدموا البلاغ على اساس
48 ساعة ويوصلني الفني ،، ولليوم النت زفت ويلوع الجبد ويشبك ويفصل
ورضينا ندفع الفلوس لكنهم ما يوونا ،،

في الأخير نكتشف ان الفريج بكبره يشتكي من نفس المشكلة
من جذيه ما يطرشون الفني علشان ما يتفشلون ،،

كم اكره كيوتل وخدمات كيوتل
ما في مظاهرة ضد كيوتل :(

اما 111
حظك نصيبك مرات تصيب ومرات تخيب

MAZEN37

22-08-2011, 06:42 AM

1 1 1
عليهم ضغط وكيوتل ما توظف

bentalgala

22-08-2011, 07:18 AM

كيوتل مشكلتهم مشكله من زمااااااااان

يا ليت بس يتأخرون في الرد

اغلبهم حتى لو ردوا ما يعطونك معلومات كامله او صحيحه

ذكرتوني بالهندية اللي في فرع فيلاجيو لا تعرف انجليزي ولا عربي وحاطينها خدمه العملاء

حسبي الله ونعم الوكيل

انا لا أبيح كيوتل والمسؤولين عنها من أخذ اي ريال مني من دون وجه حق

والله المستعان

ام السعف

22-08-2011, 07:23 AM

[vip]

22-08-2011, 07:27 AM

آووه ياكثر سوالفهم أنا مره دفعت الفاتوره مرتين وكانو يقولون لي المره الاولى الي دفعت فيها هو مبلغ الفاتوره الرئيسي وثاني مره مبلغ غير مدرج مع العلم تلفوني تم مقطوع اسبوعين

بس شتسوي مجبور كيوتل احسن من غيرها على الاقل يردون عليك وتعرف تتفاهم معاهم

مب غيرهم الي لأتأخذ حق من باطل

دمتم بود

[vip]

22-08-2011, 07:29 AM

يازين خدمة النخبه تتصل في 100 ويردون عليك على طول

الو فلان امر ههههههههههههههه

بـن عدوان

22-08-2011, 07:29 AM

الله كريم ،،،،

ام السعف

22-08-2011, 07:31 AM

الله كريم ،،،،

يا اخي توقيعك يفطر في رمضان :(

pinky-qtr

22-08-2011, 09:37 AM

قبل رمضان كانت خدمه 111 شوي اوكي

لكن في رمضان أعوذ بالله

بوسلمان 2010

22-08-2011, 09:58 AM

ويقولون ضغط على الرقم 111 انزين وضفو ناس خل الضغط يقل مافي وظايف والي يرد عليك احم احم مافي

قطرين ماادري وين راحو

بوخالد911

22-08-2011, 10:05 AM

الله يعيينكم

بس ال180 قايميين بدورهم عدل

غايه الطواش

22-08-2011, 10:21 AM

انا اتصل ع النخبه ولاني منهم

الجوكر90

22-08-2011, 10:50 AM

ههههههاااااي
يازين فودا فون
قبل لا اضغط 0 يردون علي

مره كنت مسافر بالسياره بر
المهم طول خط بوسمره انا اتصلهم
والله اني ماسك 3 تلفونات ولاحد رد علي
صكرت ما باليد حيله يوم رجعت من السفر خلصت اموري

FCB 123

22-08-2011, 11:23 AM

تدري .. يعلمني واحد من الربع يشتغل في شركة الإتصالات السعودية

يحلف والله إنه لو حد اتصل على خدمة الإستعلامات أي من الخدمات الي تقدمها الشركة ومحد رد على الهاتف وجلس العميل ينتظر (دقيقتين) اقرا عدل (دقيقتين ) يروح مسج تنبيه لمسؤول الشفت .. وبعدين لو مثلا مسؤول الشفت ماشاف المسج لمدة ( دقيقتين ) يروح مسج ثاني لمدير القسم أو المسؤول الكبير مادري شنهي مسمياتهم

وتصير مشكله ويتحاسب الكبير قبل الصغير عن التأخير

والله الرجال يحلف لي وصادته هاي المشكلة من قبل في السعودية

الله المستعان والسموحة على الإطالة

bohilal191

22-08-2011, 11:46 AM

;7554215']يازين خدمة النخبه تتصل في 100 ويردون عليك على طول

الو فلان امر ههههههههههههههه

يازينها والله وبعض المرات اخلص امور الشباب اللي ماعندهم خدمة النخبة ومايقصرون يساعدون ،،،وان شاء الله اتم معاهم على طوووول

بوخالد911

22-08-2011, 11:46 AM

falsaadi

22-08-2011, 11:53 AM

بغض النظر على صحة كلامك..وان الانتظار ل 111 يصل أوقات ل 46 دقيقه بالتمام والكمال كما حصل معي

مع اني اذا حطيت في بالي ابي اكلمهم..وانا طالع من البيت بعد الافطار اتصل على 111 واحطه سبيكر واروح اخلص شغله سريعه واكرك واتصل على ربعي من الرقم الثاني..وعقب 46 دقيقه اسمع حد يقول سلام عليكم معاك فلان\فلانه من كيوتل..كيف ممكن اساعدك اخوي ...

ماحسيت فيهم ولا بالوقت .. هذا الحل الوحيد اللي انا توصلت اليه

بعدين نقطه أخرى .. اذا زادوا العدد او لم يزيدوه..بصراحه ياكيوتل وبكل أمانه..خدمة العملاء عندكم قاربت الصفر
شركات الاتصالات المتحضره..يكون في الكستمر سيرفيس 3 خطوط عمل
يعني قصدي 3 درجات سبورت للناس

يعني انا اتصل الحين وابلغ عن مشكله عندي..واللي كلمني ماعرف يحلها..يا اخي حولني على تقني ثاني يكون احسن منه..شنو كلهم مايعرفون؟
والاشخاص اللي يعرفون حاطينهم بال آي تي بقسم بروحه ومحد يقدر يتصل عليهم..[س يطرشون لهم ايميلات شوفلنا المشكله الفلانيه حلها لنا لان الزبون زعلان ومتأخر .. وهكذا

يا كيوتل..التقني اللي مايعرف يحل المشكله...ماقلنا عاقبوه وللا اطردوه..بس خله يقول للزبون (انتظر دقيقه لو سمحت بحولك على القسم التقني بالخط الثاني ) اللي هم اعلى منه درجه بالعلم..وجذي تسوي شركات امريكيه واوروبيه..ماعرف التقني يرد ..يحوله عاللي اعلى منه
يسمونهم (تقنيين خط ثالث، تقنيين خط ثاني، تقنيين خط اول) و100% التقنيين الخط الاول خبره قويه ولازم يحلون المشكله..مش يخشونهم في ال اي تي ويطرشون ايميلات وتعال انتظر يحلونها وللا اجازه وللا ايام عمل

الله يهديكم بس

وبعدين دام كل هذا يصير مع موظفينكم اللي مسمينهم (تيك سبورت TECH SUPPORT) ماتسمعون المكالمات المسجله بينهم وبين الزباين
وماتدرون ان مرات بعض الموظفين يتعمدون التحدث بسرعه وعدم اعطاء الزبون فرصه يتكلم عشان يمل منهم ويسكر لانهم خايفين الزيون يحكرلهم ومايعرفون يردون

ترى اللي عندكم البعض منهم يشتغلون بس لملأ الفراغ ولزياده في الراتب اذا كان مسائي او للراتب نفسه وخلاص

ومشكله من المشاكل الاخرى، ان في مصيبه عندكم بالسيم كارد...وانا وسبق وذكرتها..لكن..لاحياة لمن تنادي

يا كيوتل العزيزه..السيم كارد مالكم فاشل..وربي فاشل..التقنيه اللي فيه بايخه جدا..اذا حصل وشخص مركب السيم كارد على اي فون او بلاك بيري وسافر لدوله ثانيه ..شيصير ؟؟
يخترررررررررررررب السيم كارد
اذا اي فون..يخترب السيم كامل ولا عاد يشبك النت فيه..بس اتصال واستقبال
واذا بلاك بيري..يخترب اتصال البلاك بيري مسنجر

وكل ماتروحلهم..يقولون بدل الجوال وجرب..محد يبي يغلط عليكم برمضان..مش اغبياء احنا وللا حتى مابقول اني ماجربت وغيرت قبل لاتقولون
ومرات..يقولون روح شبكات الاتصال وريفريش
ومرات..سكر وبند الجوال
ومرات سكره وخله نص ساعه..ليش..قاعد اطبخ انا ؟
ومرات..كنسل الخدمه ورد فعلها مره ثانيه
ومرات غير الشبكه خلها 2G

لا والقهر يقولك اذا اشتغل خلها 2G .. يا حبيبي انا دافعلك فلوس والوف واشتراكات عشان اتشغلني عال 2G ??
ال تو جي خلها لك..انا ابي ال 3 جي وللا ماكان اصلا تعاملت معاك واشتركت بخدمات النت..وللا انت ماتعرف شي اسمه سرعه ؟

وبالنهايه..بعد عدم الوصول الى حل للمشكله .. يقولك..بدل السيم كارد وطلع بدل فاقد
هيهيهيهيهيه

عالعموم..المشكله اللي ذكرتها انا بالسيم..هذي مالها حل الا اثنين
1- يتم التواصل مع ال اي تي عن طريق الايميل وذلك عن طريق احد مراكز كيوتل واخبارهم بان يقوم قسم ال اي تي بمسح السيريال نمبر للسيم كارد من السيستيم نهائيا واعادة كتبته مره اخرى وتفعيل الخدمه من جديد..وعلى فكره هالشي ماياخذ منهم اكثر من 40 ثانيه..لكن.......كيوتل
2- في حالة مانفع معاك هالامر..غصبن عليك اطلع بدل فاقد..خصوصا اذا الحاله صارت معاك وانت مركب الشريحه عال اي فون...لان السيم كارد اللي نستخدمه برمجته قديمه..والشركات العالميه مسويه سيمات جديده فريجين 2 فيها "سيكيورتي" افضل وماتخترب مع تغيير البلد

الerror اللي يطلع عند تغيير البلد من غير ماتحط اختيار ال roaming
هو
[Safari cannot open the page because it is not connected to the internet].

والحل مثل ماقلت..تغير السيم كارد وبس

اوكي كيوتل...هل تعدونا بالاحسن ؟

وشكرا

CH Engineer

22-08-2011, 12:27 PM

ماعتقد ان في ضغط على البداله
اخوي انت انتظرت ساعه ونص
يعني الي قدامك منتظرين من ساعه الى ساعه ونص !!!
او الموظف كان يسولف مع الي قبلك لمدة ساعه ونص!!

انا اتوقع انهم ساحبين على الاتصالات ومسوين لهم قعده والامور طيبه ويمكن يسولفون عن البريد او عن الزيادات وخذهم الوقت