زواج الصغيرة ... قبل الكبيرة حرام وااالا لا

[قطرة مسك]

السلام عليكم ورحمة الله وبركاته
اليوم جايبه موضووع مهم
وابي اشوف رايكم با الموضوع
واهو زواج الاخت الصغيره قبل الكبيره
انتي بنت في عمر الزواج
وسمعتي انه عندكم خطاب
والاكيد خطر ببالك انه انتي العروس
وبطبع البنت تفكر في كل الاشياء
الزواج
الزفه
وشلون تعيش
وكيف يكون شكله
بس تتفاجين
ان الخطيب متقدم لاختك الصغيره
وش راح تكون ردة فعلك
راح تتقبلين الموضوع
او لا
واذا تزوجت الصغيره قبل الكبيره البنت الكبيره
ما تتزوج
لان تفكير بعض الناس يقولون
لو ما في الكبيره عيب
ما زوجو الصغيره قبل الكبيره
يعني
هذي عادات وتقاليد
او انوه عيب تتزوج الصغيره قبل الكبيره
او ايش الموضوع
تكفون ابي ارائكم بصراحه

[مهل]

السلام عليكم


العنوان فيه سوال واضح ... وهو استفسار عن حرمه او جواز .. زواج البنت الصغيره قبل البنت الكبيره ؟

الجواب ،، يسئل في ذلك مفتي مختص بالافتاء

مع اني اتوقع انه مش حرام لان كثير صارت ان البنت الصغيره تتزوج قبل الكبيره

هي راجعه للعادات و التقاليد . ولو عندي بنات ثنتين وخطبت الصغيره قبل الكبيره .. انا راح اسئل الكبيره و اشوف مدى رضاها . و راح ازوج الصغيره ان كنت مقتنع جدا بالزوج المتقدم .

وفي النهايه عسى ان تكرهو شيء وهو خير لكم و الزواج هذا قدر من رب العالمين ،، الواحد يتحرى فيه صلاح الطرفين و يتوكل على الله

[U Welcome]

لا عيب ولاحرام
كل واحده لها نصيبها
واعرف عوائل كثيره تزوج بناتها وعيالها بدون ترتيب

[قطرة مسك]

مشكووورين نورتوا الموضوع
واكييييييييييد قبل كل شيء النصيب
بس اعرف ناس ماتزوجوا لي الحين عشان هالسبب
يقولون اكيد فيها شيء مادام تركوها
مدري متى الناس عقولهم بتنفتح

[sara jsm]

هاي كله نصيب ,,
رفيجتي تزوجت قبل خواتها ,,
وسبحان الله من عرست عقبها في نفس السنة خواتها عرسوا ,,
مجرد عادات وتقاليد لدى البعض ,, :)

[HADi]

صحيح مجرد عادات وتقاليد

وهذا الاخوان بعد عادي اذا ماتزوج الكبير الصغير يتزوج اذا حب يتزوج ما فيها شي



بين قوسين ليش هالموضوع في استراحة المنتدى المفروض في العام


وشكرا على الموضوع

[آخر الفرسان]

اعرف وحدة تزوجت بعد (( بنتها ))

وين المشكلة

[المسك1969]

شرعا الزواج حلال مب حرام... وماله خص كبيرة أو صغيرة... بس بالعرف ما نزوج الصغيرة قبل الكبيرة وهاي ترى بدأ يندثر الحين...

والأهل يخافون أنهم لو زوجوا الصغيرة أن الكبيرة ما تتزوج وبهالشيء يكونون خربوا على الجميع الكبيرة والصغيره ويتمون كلهم في رقبتهم

بس الصح اللي ايي لها نصيبها تتوكل ... والكبيرة وإن تأخرت بيجي لها نصيبها... وأنا ضد حكر الصغيرة من أجل الكبيرة...لأنه حرام رفض ناس محترمه من أجل العرف وكلام الناس لأن في النهاية اللي بيتكلم ما بيزوج بنتنا ولده

على فكرة أنا الكبيرة بس عشان محد يعتقد شيء غير... وأذكر زمان أيام كنت أدرس قلت حق أمي لو يا لأختي ريل زوجيها ولا تفكرين إني بزعل

والأخير... ولا تزعلين أختي ترى من السخافه أن الوحده تزعل من أن الريل يا أختها ما ياها لأن مب من الضروري أنها تتزوج أول شيء وممكن بعد كلش ما تتزوج وممكن عمر الولد أصغر من عمر الكبيرة...

سبحانك اللهم وبحمدك اشهد أن لا اله الا انت استغفرك واتوب إليك

[راشد محمد]

عااادي لانه نصيبها جاء

[Right]

قال صلى الله عليه وسلم:



" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "



رواه الترمذي وغيره

[بـــــــنت النوخـّــــذه]

لاعيب ولاحرام

عادي خلهم يتيسرون البيوت انترست بنات

الي يجيها نصيبها تتوكل على الله صغيره ولا كبيره 000

الزمن تغيير الناس يدورون الستر لبناتهم

[(الفيصل)]

إذا البنت جاها نصيبها لاينبغي أن يوقف أحد في طريقها
متى كان الخاطب ذو دين وخلق
ولاعبرة بكبيرة أو صغيره ، بل لربما زواج الصغيرة يجلب زوج للكبيرة

ولنا في ذلك دروس وعبر من واقع الحياة التي علمتنا

[بنـ الدحيل ـت]

أضم صوتي للأخ الكريم الفيصل
والأخت الحبيبة بنت النوخذة

بارك الله فيكم

[qatara]

لاحرام الا ماحرمه الشرع

وهذا نصيب

والله قاسم لكل رزقه وبياخذه صغر ولاكبر

عادي مافيها شي

[ام السعف]

اوبيه

وليش حرام ؟

ما اخبر القاضي يسأل يا بنتي هل لديك اخوات اكبر منك حتى يحق لي
عقد قرانك على من تقدم لك :(

[بوسلمان 2010]

النصيب اذا جاى حق الوحده هذا طبعا ايرادت الله والله العالم انه مافي اي شي من ناحية الدين لانه هذا نصيب

[الأصيلة]

كثير من البنات حظهم وقف بسبب هذه العقليات...
وكانت الفكرة مسيطرة على ناس كثيرة...لكن مع الوقت اندثرت
بس والله الأم مازال يعورها قلبها لما تتزوج الصغيرة
قبل الكبيرة وخاصة لما تكون البنت البكر...
ومستحيل مايحز بخاطر الكبيرة سالفة زواج الصغيرة قبلها..
إلا إذا كانوا بنتين أو أكثر قبل اللي بتزوج يكون الوضع اهون شوي...
وفي الأخير النصيب هو الفيصل في الموضوع...

[نيساني]

بالنسبه لي ان جاها نصيبها الله يسهل عليها

وعادات الجاهليه بخليها عني

وشكراً

[طرفه]

الاجابه وصلت من كثير من الاعضاء
لا حرام ولا عيب

[صعبة وصوفه]

شدخل حرام:rolleyes2:
كل شي نصيب

[Best Man]

كلن ياخذ نصيبه كان صغير ولا كبير . في بعض يتحسسون من زواج الصغيره قبل الكبيره

[ولي العهد]

الزواج قسمة ونصيب والمفروض محد يعترض على ماكتبه رب العالمين

[&من ذهب&]

شدخل حرام يا اختي الحلال بين والحرام بين وحتى لو عادات او تقليد النصيب بيد الله والله الموفق

[بصمة قطرية]

كل وحدة و نصيبها ..
تزوجت قبل اختي وكانت اكبر مني بسنين ..
الحمدلله السنه اللي بعدها تزوجت اختي ..
الامر جداً عادي ..
كل شي قسمة ونصيب ..

[intesar]

هذي عادات وتقاليد ظلمت فيها البنات.. الزواج قسمة ونصيب.. اذا الكبيرة عنست ليش البقية يعنسون وراها..
دمتم بود..

[البريكاني]

شرعا الزواج حلال مب حرام... وماله خص كبيرة أو صغيرة... بس بالعرف ما نزوج الصغيرة قبل الكبيرة وهاي ترى بدأ يندثر الحين...

والأهل يخافون أنهم لو زوجوا الصغيرة أن الكبيرة ما تتزوج وبهالشيء يكونون خربوا على الجميع الكبيرة والصغيره ويتمون كلهم في رقبتهم

بس الصح اللي ايي لها نصيبها تتوكل ... والكبيرة وإن تأخرت بيجي لها نصيبها... وأنا ضد حكر الصغيرة من أجل الكبيرة...لأنه حرام رفض ناس محترمه من أجل العرف وكلام الناس لأن في النهاية اللي بيتكلم ما بيزوج بنتنا ولده

على فكرة أنا الكبيرة بس عشان محد يعتقد شيء غير... وأذكر زمان أيام كنت أدرس قلت حق أمي لو يا لأختي ريل زوجيها ولا تفكرين إني بزعل

والأخير... ولا تزعلين أختي ترى من السخافه أن الوحده تزعل من أن الريل يا أختها ما ياها لأن مب من الضروري أنها تتزوج أول شيء وممكن بعد كلش ما تتزوج وممكن عمر الولد أصغر من عمر الكبيرة...

سبحانك اللهم وبحمدك اشهد أن لا اله الا انت استغفرك واتوب إليك


عين العقل
بوركتي وسلمت أناملكِ أختي الكريمة

[لاجل QT]

مش حرام ابدا وهذا نصيب

بس مو معناة تعنس الصغيرة لان الكبيرة ماعرست ..في اي شرع هذا

اللى يجيها نصيبها الله يسهل لها دربها ويسعدها واللى ماجاها تنطر ولعلة خير لها

[ريتويت]

كل شي بهالدنيا نصيب محد يدري وين نصيبه

[intesar]

هذا عادات بالية لازم تتغير.. ولا بتزيد عدد العوانس.. أعتقد الحين هالمشكلة تكاد لا تذكر..

[elders]

الحرام انو ينرفض رجل صالح علشان في اخت اكبر ...
الزواج رزق وما من دابة الا على الله رزقها ..الشيطان ممكن يلعب على نفسية البنت الاكبر وللاسف الناس ممكن تساعدو بتعليقاتها ..لكن بنظري هذا اختبار في التوكل والرضا والثقة بالله

[الخزرجي قطر]

لايجوز الربط بين الحلال والحرام وبين العادات والتقاليد
هذا نصيب الصغيره او الكبيره ماله علاقه بالحلال اوالحرام

[بـــــــنت النوخـّــــذه]

ألي يجيها نصيبها تتيسر 00

الزواج ستروالستر مافيه كبير وصغير00

هذا اول يتشددون بهذا الشي اما الحين يوم البيوت انترست بنات قاموا يتساهلون الي يجيها نصيبها برجال والنعم فيه تتوكل 00

وبعدين لو حرام كان شفتوا نسبة العنوسة اضرب لي السما000

يسروا ولا تعسروا ^_^


دمتم سالمين

[فتى الجود]

السلام عليكم

أولاً /هو ليس بحرام
ثانياً / عندي واحد من عيال عمي عنده أربع بنات زوج بناته بهالترتيب :


01. زوج الثانية أول شي

02. وبعدها الرابعه ( الصغيره )

03. وبعدها الثالثة

04. وبعد 5 سنوات زوج الكبيرة .


والحمدالله كلن توفق وماشي بحياتي وكلن ياخذ نصيبه وما فيها شي اللى يجي نصيبها تروح مع رجلها .