أبي رايكم؟؟

[lifeqatar]

السلام عليكم


بعد ما أصبح جرام الذهب ب 200 ريال قطري .
والذبايح الراس ب 1400 ريال قطري .
ومهر العروس من 80 ألف ريال وطالع .
والقاعات إبتداء من 100 ألف ريال قطري .
وإيجارات الشقق من 30 ألف ريال قطري وطالع .
والقروض ما تغطي نص تكاليف الزواج .
والمخالفات لازم يسددها .
أصبح الزواج في قطر كالحج!! لمن إستطاع إليه سبيلا

ودمتم

[رمــش الغلا]

امس كان واصلني هالكلام على البي بي :)

يعطيك العافيه

[falsaadi]

هذا الكلام اعتقد انه اللي يتكلمون عنه في البلاك بيري..مادري لانه ماعندي بس سمعت الشباب يذكرون هالعبارات من ال بلاك بيري

[falsaadi]

السلام عليكم


بعد ما أصبح جرام الذهب ب 200 ريال قطري .
والذبايح الراس ب 1400 ريال قطري .
ومهر العروس من 80 ألف ريال وطالع .
والقاعات إبتداء من 100 ألف ريال قطري .
وإيجارات الشقق من 30 ألف ريال قطري وطالع .
والقروض ما تغطي نص تكاليف الزواج .
والمخالفات لازم يسددها .
أصبح الزواج في قطر كالحج!! لمن إستطاع إليه سبيلا
ودمتم


اخي مش كل ماينشر في ال بلاك بيري تجي تنسخه هني
ترى في بعض المصطلحات والالفاظ..ان لم تجرحنا..جرحت الدين

[روح الاطلس]

تبي راينا في شنو؟

[ريتويت]

من طلع البلاك بيري وهو مسوي مشاكل

الحمدلله الايفون احسن منه بوااااااااااااااايد

[lifeqatar]

إخواني أخواتي الأعضاء
بس حبيت أقولكم انه هذا مب من البلاك بيري ناسخه
هاي مجرد كلام من معناة شباب قطر للزواج

والحمدلله أنا ما عندي بلاك بيري والحمدلله..

ودمتم

[ريتويت]

السموحه اخوي فهمناك غلط

ولا انا اشيله ولا احبه

[مستجدة]

حتى لو بلاك بيري هني صدق

هاذي معظم مشاكل لتاخر سن الزواج وسبب عنوسة بنات قطر
والمشكله طلعوا الحصاء وحتى الان مافيه حل حق المشاكل

[درع الجزيرة]

راح نهرم وبعدنا ماكونا بيت
شكله بيكون من الامنيات..
بس لتوفير المهر والمصرف
الزواج من خارج الديره ..اوفر..وبصراحه أفضل

[love life]

هههههههههههههههههههههههههههههه تستاهلون علشان بعدين إذا فكرتوا تلعبون بذيلكم اتفكرون مليون مره لمن استطاع إليه سبيله هههههههههههههه

[ذرية صالحة]

في بنات حلال يرضون بالقليل ابحث اخوي و بتلاقي في قطر
و اقلهن مهرا اكثرهن بركة
ياليت البنات و اولياء الامور يذكرون هالشي

مو مهمة المظاهر المهم السعادة و الاستقرار و السكينة و المودة و الرحمة بين الزوجين
الفلوس تيجي و تروح لكن البركة هي المهم


~~~