موضوع للنقاش : هل من حل جذري لغلاء كل شيء في قطر

[شاعر المليون]

الاراضي والفلل

أقل سعر أرض بضواحي الدوحة مساحة 450 م ب مليون ريال .
اقل سعر فيلا بضواحي الدوحة تبلغ 2 مليون ريال لمساحة 450 م .

طيب قرض بنك التنمية 1.2 مليون ريال .
وناس يستحقون فقط قرض مالهم ارض كيف ممكن
يشترون فيلا ب هالاسعار المرتقعة .

الايجارات :
البيت الشعبي 5 غرف ب 8 و 9 الاف ريال . يعني (96000 - 108000 ريال بالسنة )
في السعودية نفس البيت كامل ب 40000 و 50000 ريال بالسنة.

أسعار السلع والخدمات :
القطرية كل كم شهر ترفع الاسعار باعذار مختلفة .
سعر البترول اللتر الواحد السوبر ب 1 ريال وبالسعودية 60 درهم .
سعر الدقيق 45 جم ( الطحين ) عندنا 150 ريال وفي السعودية 35 ريال.
قاعات الافراح عندنا تبدأ من 45 الف ريال للنساء فقط .
بالاحساء بالسعودية مثلا القاعتين الرجال والنساء ب 27 الف ريال ( افخم واحسن قاعة ).


نقطة مهمة : بيردون ناس يقولون القطريين رواتبهم عالية والماي والكهرباء ببلاش الرد عليهم بكلمة وحده . صحيح الرواتب جيدة بس الاسعار والديون والاحتكار الي صاير بالبلد هو سبب كل المشاكل .

في 2005 قبل الاسياد كان عدد الوافدين 400 الف الان 1500000 وافد هو سبب من اسباب هذا الغلاء وعدم ردع الدولة للتجار عند حدهم .
.

[عليه العوض]

الله يعين كل مبتلي بالغلاء وخاصة ارتفاع الاجارات المبالغ فيها جدا وخاصة السكن وغيره من المحلات التي بالاخير تنعكس على المواطن والمقيم لان المؤجر للمحل التجاري يظطر يرفع الاسعار حتى يقدر يستمر في تجارته والا الخساره مصيره ( ليه رفيق تاخذ فلوس كثير والله بابه اجار واجد كثير انا وايس سوي)

[مهل]

الحل هو تغيير المسؤولين و خصوصا الكبار و تغيير توجهات الدوله الداخليه و الخارجية و تقليص عدد المقيمين الى النصف .. تحريم كره القدم نهائيا و باقي الرياضات تعتبر مكروه :(

[عاشق الشهادة]

الحل هو تغيير المسؤولين و خصوصا الكبار و تغيير توجهات الدوله الداخليه و الخارجية و تقليص عدد المقيمين الى النصف .. تحريم كره القدم نهائيا :weeping::weeping:و باقي الرياضات تعتبر مكروه :(


يـ هلا ومرحبا بالغالي مهل والله نور المنتدى :nice:

[ريم الشمال]

المقاطعة للسلع الغاليه والبحث عن البديل من الكل
المواطن هو الاساس وهو الي يربح ويخسر التاجر
ريم الشمال

[قطر دزاين]

ما راح شي يرخص ولا تحلم لان اهل المناصب هم من يمسكون كل شي

[Q.p.R]

الاراضي والفلل

أقل سعر أرض بضواحي الدوحة مساحة 450 م ب مليون ريال .
اقل سعر فيلا بضواحي الدوحة تبلغ 2 مليون ريال لمساحة 450 م .

طيب قرض بنك التنمية 1.2 مليون ريال .
وناس يستحقون فقط قرض مالهم ارض كيف ممكن
يشترون فيلا ب هالاسعار المرتقعة .

اخوي بدأ من بعد العيد سيستحق المواطن بدل ارض 800 الف في ادوحه و 600 الف خارجها
كامل المبلغ مليونين و مليون و 800 على التوالي
راجع الاسكان عن هذا التغيير الجديد لتعرف المزيد


الايجارات :
البيت الشعبي 5 غرف ب 8 و 9 الاف ريال . يعني (96000 - 108000 ريال بالسنة )
في السعودية نفس البيت كامل ب 40000 و 50000 ريال بالسنة.

خلص بيت الاسكان بسرعه و افتك من هم الايجارات هذا الي اقدر اقوله


أسعار السلع والخدمات :
القطرية كل كم شهر ترفع الاسعار باعذار مختلفة .

عندك البديل اخوي
تذكره البحرين ب 1000 ريال على القطريه و 570 ريال على البيطانيه و ايضا غيرها موجود و بسعر ارخص من القطريه

سعر البترول اللتر الواحد السوبر ب 1 ريال وبالسعودية 60 درهم .

كان متوقع ارتفاع سعره و سيرتفع اكثر مستقبلا ولسنا ملزين ببنزين السوبر و العادي ما يخرب السيارات ولله مب حادنا على 8 سلندر
الجي اكس يمشي تانكيه 4 ايام هذا و احنا نمشي فيه ليل نهار

سعر الدقيق 45 جم ( الطحين ) عندنا 150 ريال وفي السعودية 35 ريال.

تقصد 45 كم اخوي
ما اعرف حد ياخذ هالكميه شهريا ولا احد يخبز خبزه في البيت الا اللهم لبعض الاكلات وم تحتاج الا كم كيلو

قاعات الافراح عندنا تبدأ من 45 الف ريال للنساء فقط .
بالاحساء بالسعودية مثلا القاعتين الرجال والنساء ب 27 الف ريال ( افخم واحسن قاعة ).

لا مقارنه اخوي بقاعاتهم لان عدد الفنادق عندنا محدود و محتكر والناس غير ملزمه بقاعه الردز او فور سيزون و الي يبي الدح ما يقول اح
الي يبي الستر يتزوج في قاعه الدفنه ومش كثيره 45 الف لقاعه زواج مقارنه مع رواتب قطر



نقطة مهمة : بيردون ناس يقولون القطريين رواتبهم عالية والماي والكهرباء ببلاش الرد عليهم بكلمة وحده . صحيح الرواتب جيدة بس الاسعار والديون والاحتكار الي صاير بالبلد هو سبب كل المشاكل .

انا اكثر واحد ما يعجبه احتكار الوظائف و الرواتب الجيده للوافدين لكن ايضا احنا مقصرين في البحث عن الافضل و الاجتهاد و اقتناص وظائف في القطاع الخاص مثلا
وايضا كثير من الديون في غير محلها الا اللهم من اخذها لعلاج او امر مهم جدا وهم قله
سو استطلاع عن السلف واذا كان بامانه بتشوف اسباب السلف
كثير ياخذونها عشان سيارات ب 200 الف و اكثر وناس تبدل الموتر كل سنه
كأن الكروزر و اللكزس فرض عليهم - و السفر كل سنه بالسلف و بطاقه الفيزا شغاله حدها

عن الاحتكار فهو موجود عيني عينك لكن لازم اكون مستهلك مثقف
التموين كنت آخذه باكثر من الف ريال - الحين 370 اخذ تموين مدعوم
سيارتك قطع غيارها غاليه كان فكرت قبل لا تشتريها بان هناك سياره تعمر و ارخص منها
ناس تاخذ بي ام الماني و ناس تاخذ كامري
الاثنين عايشين الا اللهم ان راعي البي ام ما يبقى شي من راتبه بعد ما يشيك الموتر في الوكاله هذا فوق سعرها اصلا

في ناس حتى لو عندهم كامري - يتصل بمحل في الاحساء و يطشون له قطع غيار و اطارات نصف السعر

وفي واحد طلع في اكس ار 2007 و الى اليوم صرف عليه 47 الف لانه دوم يشيك في الوكاله و يحب يقول ان موتره شد وكالته وهذا راجع له لكن ما يقول ان الدنيا غاليه لانه هو من طلب الغلاء
مع ان البدائل متوفره و التششيك في التيسير و اي سي دلكو جنبه


في 2005 قبل الاسياد كان عدد الوافدين 400 الف الان 1500000 وافد هو سبب من اسباب هذا الغلاء وعدم ردع الدولة للتجار عند حدهم .
.

اهني انا اايدك 100% دام افتحوا البلاد فالواجب توفير البدائل و كسر الاحتكار وهذا قصور واضح من الدوله

وخصوصا بعض التجار النافذين الي محد قال لهم انتوا اهلكتوا الشعب كله

لو في بلاد ثانيه كان دخلوهم السجن


اخوي تعليقي هو وجه نظري و اعرف اصدقاء لي رتبوا امورهم بلا ديون ولا تكلف و الان هم في افضل الاوضاع المعيشيه

الكل بيعيش لكن من يعيش و يطور نفسه هو الباقي و الطافي على السطح براحه و امان

[وحيد-الشوق]

والله لما اقول حق ناس برا ان عندنا مانقدر نشتري بيت بمليون و200 الف محد يصدقني

يا اخوان البيوت والاراضي صارت اغلى من عقارات اوروبا شقة استديو بمليون ونص ليش عسى ماشر

وغير وغير والله انه كل شيء غالي وفي اشياء كثيره حصلتها في اوروبا بلد الضرايب والاستغلال ارخص من عندنا بكثير

[qatara]

هذا الي استفدناه من الاسياد ماسوت فينا خير وربي
من يومها ماترقعنا

[ريتويت]

لا حول ولا قوه الا بالله

[غزلان]

من اسبوعين رحت لمعرض عبايات اول عبايه سألت عن سعرها الا تقولي 4250 !!! خير ان شاء الله

قلت لها مب كانكم مبالغين هالمره ؟ الا تقول لي الأسعار تغيرت كل شي صار الضعف ؟؟؟

طلعت مارديت عليها حتى الدول الى حذانا صاروا يستغلونا باسعارهم عندنا سعر وعندهم سر اخر

[Frosty]

من اسبوعين رحت لمعرض عبايات اول عبايه سألت عن سعرها الا تقولي 4250 !!! خير ان شاء الله

قلت لها مب كانكم مبالغين هالمره ؟ الا تقول لي الأسعار تغيرت كل شي صار الضعف ؟؟؟

طلعت مارديت عليها حتى الدول الى حذانا صاروا يستغلونا باسعارهم عندنا سعر وعندهم سر اخر

عباية بـ 4250؟ ولا ثياب عارضات الازياء...

[درع الجزيرة]

نعم هناك حل جذرى لهذا الغلاء الى وهو

تقوى اللـــــــــــــــــــــــــــــــــــــــــــــــ ـه
فى عباده

[al-buainain]

هذا الي استفدناه من الاسياد ماسوت فينا خير وربي
من يومها ماترقعنا


ولحين عاااااااااااد قافيناااااا


المونديال

:weeping::weeping::weeping:

[الجسراوي]

سيارتي العراوي اختربت وبعتها لان تصليحها اكثر من نصف سعرها .....توهقت رمضان بيخلص والعيال يبون يروحون المدارس قلت اخلي الجمس لهم وانا اخذ لي موتر يوديني الشغل ويرجعني

شاسوي يارب

رحت البنك قلت لهم ابي اشتري موتر سلف

قالوا لي الليمت عندك 75% من الراتب الاساسي والاجتماعيه

ومجموع الاقساط عندك مع الاسكان 16000 ريال

مايصير تاخذ سلفه

بالله عليكم شاسوي بعد قرار البنك المركزي ؟؟؟؟؟؟؟؟؟؟؟؟؟؟؟؟؟

يعني ياحكومه لا ترحمونا ولا تبون الرحمه تنزل علينا

شيلوا اقساطنا وديونا ولا زيدوا رواتبنا عشان نعرف نعيش في بلد الارتفاعات اللي مالها داعي

لاحول ولا قوه الا بالله

الديون قطعتنا والحكومه سافهتنا والواتب ما تحركت

[استغفرالله]

الحل زيادة الرواتب وفرض قيود على الفيز

[مستجدة]

حسبي الله ونعم الوكيل

[نجدي قطري]

للأسف يا شاعر المليون لا يمكن حلّ هذه المسألة إلاّ من فوق.
إذا أبت الحكومة التصرّف فعلى أهل قطر السلام.

[دلة الرسلان]

هذا السؤال موجه لسمو الأمير وولي عهده الأمين :)

[khaldoon]

المقاطعة للسلع الغاليه والبحث عن البديل من الكل
المواطن هو الاساس وهو الي يربح ويخسر التاجر
ريم الشمال

يا اختي الفاضله صار كل شي صيني هالايام ....يعني بالصين اعطيهم اي شي بيسون لج مثله

[غزلان]

عباية بـ 4250؟ ولا ثياب عارضات الازياء...



اي يااختي 4250 شي مب طبيعي ذهلت من السعر وطلعت من المحل

[رُفق المجنّا]

ليش ما يكون هنالك موضوع متجدد يُذكر فيه اسم المحل المبالغ في الأسعار مقارنة بمحال أخرى داخل أو خارج الدولة

فيه محل كويتي مشهور بالحلويات أسعاره ما بين 80 الى 120 ريال قطري
نفس المحل في الدمام يزيد عن سعر المنتج في الكويت بـ 10 ريالات
في قطر وبشراكة معى المحل الكويتي يزيد بـ 30 الى 50 ريال

....

لا يوجد عندنا حملات شعبية لـ المقاطعة أسوة ببعض الدول الخليجية لأننا شعب مستهلك بدرجة امتياز مهما زاد السعر أو نقص لا تجد منا الا التذمر

واصلوا تذمركم :omen2:

[ذرية صالحة]

مادري ؟؟؟؟؟؟؟

[pinky-qtr]

ليش ما يكون هنالك موضوع متجدد يُذكر فيه اسم المحل المبالغ في الأسعار مقارنة بمحال أخرى داخل أو خارج الدولة

فيه محل كويتي مشهور بالحلويات أسعاره ما بين 80 الى 120 ريال قطري
نفس المحل في الدمام يزيد عن سعر المنتج في الكويت بـ 10 ريالات
في قطر وبشراكة معى المحل الكويتي يزيد بـ 30 الى 50 ريال

....

لا يوجد عندنا حملات شعبية لـ المقاطعة أسوة ببعض الدول الخليجية لأننا شعب مستهلك بدرجة امتياز مهما زاد السعر أو نقص لا تجد منا الا التذمر

واصلوا تذمركم :omen2:

ايدك والله اخوي .. خاصه التاجرات اللي فالبيوت وايد يبالغون باسعارهم ..

[الدوحه1]

اشرايكم في اللي يبيع بسعر ارخص حتى من الانترنت!!!
واللي يحصل البضاعه ارخص من المحل يجيب الاعلان عن السعر(+تكلفة الشحن) ويأخذ البضاعه مجانا!!
http://www.qatarshares.com/vb/showthread.php?t=463283

[قطريه ماركه]

أرخصوه انتم ...

(جاء الناس إلى عمر رضي الله تعالى عنه وقالوا : ( غلا اللحم فسعره لنا ، فقال : أرخصوه أنتم!فقالوا : نحن نشتكي غلاء السعر واللحم عند الجزارين ونحن أصحاب الحاجة فتقول : أرخصوه أنتم!؟
وهل نملكه حتى نرخصه !؟ وكيف نرخصه وليس في أيدينا؟ قال : اتركوه لهم)

[أكاديمية]

أنا أقترح أن يخفضوا من رواتب موظفي المجلس الاعلى وينزلون من رواتب المدرسين والمدرسات ويوقفون الترقيات ......... بكذا أكبر شريحة في المجتمع رواتبها بتنزل وبالتالي بيتم تخفيض الاسعار


فكرة جهنمية صح !!!!! @@

[بوعلي-Qtr]

الوافدين اغلبهم عمال
المشاريع الكبيره اللي تصير فالدوله حالي مايكفيها ٥٠٠ ولا ١٠٠٠ عامل لكل مشروع ..
والحين عندك ٢٠٢٢ يعني الوافدين ٣ دبلات اقل شي
فهذا طبيعي يصير عندك ..

والوالد صاحب تجاره .. يقول كل مازادوا الرواتب زادوا علينا الاجارات ١٠٠٠ ولا ٢٠٠٠ ريال .. فمظطر يعادل هالزياده اللي صارت فالاجار بزياده في قيمة السلعه .. وهذا اللي حاصل
ماختلف معاك ان لازم يكون في رقابه على المحلات بس في نفس الوقت المؤجرين تكون عليهم رقابه كذلك

[سالم بن]

اقولك وبصراحة عندما نستطيع بأن نخرج روسنا من تحت الرمل حنا يمكن يستعدل وترجع لنا حقوقنا:fight: