المساعد الشخصي الرقمي

مشاهدة النسخة كاملة : كيف الحصول على محل في سوق واقف ؟؟


Exclusiveperfumes
23-08-2011, 03:45 AM
السلام عليكم ورحمه الله وبركاته

اخواني احد الاخوان كان يسالني عن كيفية الحصول على محل في سوق واقف؟

يبي يفتح محل عطورات ودهن عود وسوق واقف يعتبر من افضل الاماكن للتجاره هذي

وحبيت استفسر وين اقدر اخذ محل خاصه اني عرفت ان اجاره باسعار رمزيه للقطريين .


واتمنى احصل الاجابة الوافية .


دمتم بود
STAR
23-08-2011, 03:53 AM
الله يوفقه.. هلة هلة بالواسطة...
Exclusiveperfumes
23-08-2011, 03:57 AM
انا ماعرف وين يقدمون ولا طريقه الطلب عشان نشوف الواسطات ههههه

اذا عندك خبر وين اقدم الطلب
STAR
23-08-2011, 04:14 AM
http://www.qatarshares.com/vb/showthread.php?t=225009&highlight=%E6%C7%D3%D8%C9+%D3%E6%DE+%E6%C7%DE%DD



http://www.qatarshares.com/vb/showthread.php?t=233771&highlight=%E6%C7%D3%D8%C9+%D3%E6%DE+%E6%C7%DE%DD
Exclusiveperfumes
23-08-2011, 04:53 AM
ماقصرت اخوي ستار

بس للحين ماحصلت الجواب اللي يفيدني

ابي رقم المكتب الهندسي ولا اداره السوق وين مكانها او على الاقل رقمها عشان اقدر اتفاهم وياهم .

واذا احد عنده محل يبي يأجره بفايده بسيطه انا ممكن اخذه منه .
رُفق المجنّا
23-08-2011, 03:03 PM
جيتهم قبل 8 أشهر والطلبات متكدسة وقالوا لي أنه يمكن اعطائك محل إذا كان نشاطك مختص بالطيور ( بيع وشراء وتقييض ووو )

والمكتب موجود في السوق نفسه وبتلقاه في الجهة الغربية من السوق قرب محلات الخياطة الرجالية وأنت انشد وبدلّونك


وبالتوفيق إن شاء الله
Exclusiveperfumes
23-08-2011, 06:10 PM
الله يعطيك العافيه اخوي ماقصرت ان شاء الله بروح لهم عقب التراويح واشوفهم
وحيد-الشوق
23-08-2011, 06:17 PM
لقافة فقط لاغير كم اسعار ايجار المحلات في سوق واقف ؟؟
Exclusiveperfumes
23-08-2011, 07:32 PM
اللي اعرفه اسعار رمزيه للقطريين ب500 ريال
STAR
23-08-2011, 11:47 PM
ماقصرت اخوي ستار

بس للحين ماحصلت الجواب اللي يفيدني

ابي رقم المكتب الهندسي ولا اداره السوق وين مكانها او على الاقل رقمها عشان اقدر اتفاهم وياهم .

واذا احد عنده محل يبي يأجره بفايده بسيطه انا ممكن اخذه منه .


العفو.. ركز على اللي باللون الاحمر في كلام العضو falsaadi



اما اذا كان الموضوع عن سوق واقف..ف اقول
محلات سوق واقف تابعه للديوان..وفي مكتب خاص يتم التعاقد معه وهو المسؤول عن السوق
محلات سوق واقف يتم اعطاءها للقطريين فقط..او ربما لاسماء قطريه والاداره يتفق القطري مع غيره على ادارتها
محلات سوق واقف تؤجر معظمها بالباطن... الاجار رمزي جدا في اغلى محل بالسوق لايصل اكثر من 1200 الى 1600 ريال..هذا اذا كان محل كبير وعلى زاويه حتى ولكن يتم تأجيره بالباطن بمبالغ كبيره شوي..ك 4000 او 8000 ريال قطري
والاكثر من ذلك..يجبر المتعاقد الاصلي للمحل مع الشخص الذي سيجؤ عليه بالباطن بان لايفتح غير نشاط معين في هذا المكان وذلك لاسباب شخصيه مستقبليه..(عنده نشاط نفسه برع ويبي الشخص المستأجر ان يقومله هذا المكان وسمعته وينشهر وعقب يكشت فيه ويشوته ويسيطر عالاسم والسمعه ويفتحله فرع)

والشكر


ملاحظه: اللي يبي محل بسوق واقف...بس في داعوس..انت وشطارتك..يقولي وبدليه على المالك..وللعلم المالك ماخذ المحل بايجار 400 ريال..ولكن يؤجره عالاشخاص ب 3000 ريال
اذا لك نيه..بخليك تتواصل معاه..
Exclusiveperfumes
24-08-2011, 03:37 AM
ما شاء الله ليش كل هذا؟
حلوه هذي نشاط معين بس بنكلمه ونشووف
وجاري مراسلة الاخ السعدي
وماقصرت اخوي ستار بيض الله وجهك اكثر واحد رد علي وساعدني
انا رحت سوق واقف اليوم وتعبت وانا ادور الاداره ماخليت محل ولا حمالي ماسالته بس الظاهر بتصلهم الصبح .
اكرر شكري لك ياستار وكثر الله من امثالك في هالمنتدى
Exclusiveperfumes
24-08-2011, 03:44 AM
حاولت اراسل اخوي السعدي بس مسكر الرسائل الخاصه

اتمنى انه يسمعنا من هالموضوع ويفتح الرسايل
Exclusiveperfumes
24-08-2011, 06:10 PM
مافي جديد يالشباب على الموضوع ؟

اذا يعرف احد عنده محل بسوق واقف

او يعرف السعدي يقوله يفتح الرسايل الخاصة
مـراحـب
26-08-2011, 02:25 PM
أنا اقدر اساعدك

راسلني ع الخاص