هل تعلم ان عدد القطريين العصبيين ! ازداد خلال السنتان الماضيتان بشكل كبير جدا ...

[المخلب]

تحقيق : بقلم المخلب ..
السلام عليكم ..

http://www.kuwait91.ws/uploads/fcf141a3f7.jpg (http://www.kuwait91.ws/)


لم يخفى على احد من سكان قطر .. ازدياد العصبيه ! في المواطنين والمقيمين في هذه الدوله الكريمه ..

لو تاملنا الواقع وحللنا الحاله النفسيه ولماذا تم ازدياد عدد العصبيين في الدوله ..؟؟ نجد الاجابه الشافيه في عده نقاط اساسيه ! اولها تغير الجو العام في هذه البلد ! ..

فلا يخفى على احد ان هناك ايظا اسباب فرعيه تلقائيه ! .. واخرى مسببه ومن دون قصد ! ..

فالناخذ كل نقطه على حدى ..

1- الشوارع ..

حينما نتحدث على الشوارع في قطر ... فنحن نقصد وبشكل اكيد الحفريات المزعجه للشوارع ..

فقد تم الملاحظه انه قبل سنتان تقريبا ! .. لم يكن عدد المصابين والموتى في الدوله قد زاد الا بعد ان تم تحفير الشوارع بشكل جذري وبالقطري (( طولت السالفه ومصخوها ! )) يعني للاسف اول كنا نروح الدوام باي وقت نطلع نوصل على الاقل في الوقت نفسه ! .. او نتاخر 10 دقايق ! .. اما اليوم صار التاخير كبير جدا !! .. مع ان الخروج صار قبل الوقت بساعه ! او اكثر ولكن زحمه السيارات اصبحت لاتطاق ! ..

وللاسف القوانين المروريه الي تم طرحها مؤخرا .. لم تساعد - للاسف - في حل الازمه المروريه ! او حتى تقليل الخسائر الماديه والروحيه ! .. حيث تزايد عدد القتلى من المواطنين والمقيمين ! بالدوله الى اكثر من النسب السابقه .. ( واحد تلاقيه صاقع بصبيه اسمنت ! والثاني طاب بحفره بالغلط ! والثالث صاق بكيبل كهرب بنص الشارع ! .. والرابع مسرع .. مايشوف الا تاكسي قدامه وله سوداني او هندي مخفف ماتشوفه الا يلف وينقلب ويموت !! .. ) حتى الي تصل اليهم الاسعاف ! .. للاسف وهذا نشاهده بالعين المجرده !! خوف الكثير من الوافدين الي جاوا بلادنا من تجاوز الاشاره المروريه ! ( لعمل خير انساني ! )
يجعل المصاب في الاسعاف يموت ! قبل مايوصل المستشفى ...!

والي يبط الجبد ! لما يجيك الشرطي ! يحرر الحادث الي صار بين سيارتين ! صاقعين بعض من الخلف ! يقول الغلط على الي ورى ! من دون ان يرى الحادث او يعرف اسبابه .. ( يااخي في همج يضغطون بريكات في نص الشارع ! ماتشوف الا المسكين الي وراه صقع فيه ! طبعا ما يطيح فيها الا الي ورى حتى لو ما كان غلطان ! ) وازيدكم من الشعر بيت !! الدوله حاولت تقلل بشكل كبير عدد السيارات المعاد تصنيعها في الكراجات ! تجيك سياره عمرها 80 سنه ! ومافيها شده تمشي !! يمشيها لك المصري غصب ! .. ويشوه المنظر العام!! تروح الكورنيش تبي تشوف شئ عدل يمر قدامك ! تحس نفسك في الصعيد مو في قطر !! .. طبعا الدوله الله يحفظها حطت لنا الفحص الفني !! .. الي الله يستر عليه .. اسهمه نااازله والسبب ادارتهم الفاشله ! .. ( بالله عليكم .. سياره موديل 2002 ! تدخل الفحص يقوله فيها بلاوي الدنيا ! <<< بس لان صاحبها قطري ! .. ويروح المسكين يعدل في ام امها !! .. وبالاخير يقولون والله سيارتك ماتنفع رح عيد الامتحان مره ثالثه !!!! ..) .. (( وسياره موديل 1983 بيجو كحيان مكسر ! .. دخل الفحص الفني طلع بشهاده امتياز ! .. <<< بالله عليكم ذي شركه تبي تحقق ارباح حقيقيه ! السياره مكسره ! مافيها اصطابات .. حتى المكيف خربان ! والطفايه مخلصه ! .. يعني بس شكليه ! .. ويقوله ناجح ! .. )) .. طبعا كل هذي اسباب غير اساسيه لجعل الشعب يصير منفس ! ومحتاج يراجع العيادات النفسيه .. لان الزحمه والانتظار خاصه بالصيف تجيب المرض والهم ! .. وماننسى .. هي هي المجاري - الله يعزكم - طبعا بلديتنا الله يسلمهم ! دائما معروفين ! نسوي الشارع ونخلص منه وبعدين لما يجون الناس ويسكنون وتصير الدنيا زحمه نجي نكسره من اول وجديد ونحفر ونركب نص بيب ! بدون اشراف !! .. ونردم ونسكر مانشوف الا في تسريب !! والبيب مفقوع ! .. ويبيله تحفير من اول وجديد !! .. ترى يااامسهل الشغل وانت تخلصه اول باول ! كلها بيب تركبه ! وتخلص من تمديده ! وبعدين تجيب مشرف يشرب على ان البيبات ماتسرب ! وتدفن وتحط القار وانتهت السالفه .. !

2- الاسياد ..

ماهي الاسياد .. ؟

الاسياد ياطويل العمر .. هي عباره عن العاب اسيويه ! اولومبيه فقط ! لقاره اسيا ! علشان كذا سميت بالالعاب الآسيويه ! .. قطر ولله الحمد فازت بهذي الجوهره الرائعه .. وهي استقبال الاسياد بيلادنا قطر .. طبعا .. الدوله حطت خطه وماقصرت من افضل الخطط لانجاح الاسياد .. علشان كذا جمعت جميع الخبرات .. ونادت بافضل المجهزين للالعاب الاولمبيه في العالم لانجاح دوره الالعاب الاسيويه في قطر ..

وبدات قطر بمشاريع الاسياد .. ابتدائا بالاهم وانتهائا بالمهم .. الاهم كان قريه ( مدينه ) رياضيه تستقبل الاف الاشخاص وتبيض الوجهه .. وهي القريه الرياضيه -الي تبتدي باستاد خليفه الدولي .. وتنتهي بالاسباير - طبعا لحسن الحظ ان كل شئ تم انجازه الى الان تمام وعال العال .. ولكن نروح للاهم ! وهي سكن الاسياد الي بجانب المستشفى .. حيث صمم لكي يكون تابع للمستشفى بعد انتهاء الاسياد .. ولكن الي صار ان الى الان لم يتم الانتهاء منه ! .. مع ان الدوله ما قصرت حثت العاملين والمقاولين على سرعه انجاز اعمالهم ! خاااصه << واكرر خاااصه ان قطر مابخلت عليهم ! ولا كاسرتهم في الاسعار ! .. توقع العقود .. وعطتهم فتره ( مهله ) لانهاء اعمالهم ! ولكن للاسف شكلهم مطولين ! ويبون يفشلونا ! ..

وخلوا الناس تتكلم عن ان دوره الالعاب هذي راح تكون فاشله ! .. ولكن اكرر يااخوان الدوره بتكون من افضل الانجازات الي بتقوم فيها قطر .. وبتثبت قطر انها قدها وقدود ! .. صحيح يمكن ان اللجنه المشرفه عطت انذار لقطر ! .. والسبب مو الدوله السبب المقاولين ! الي اعطوا فرصه للجنه انها تعطي قطر انذار ! ..لكن انتوا شوفون بعينكم .. اللجنه التطوعيه للاسياد .. شغاله اربع وعشرين ساعه .. وكل يوم تزيد الطلبات عندهم .. علشان يبون يجهزون كادر ! لانجاح الدوره ..

نتمنى ان ننتهي من الاسياد .. باسرع وقت ! لانه صار كحمل ثقيل وكامااانه يجب تسليمها بعد الانتهاء منها ! ..

3- الاسهم ..

بورصتنا الي ورتنا العجب .. الناس حطت حلها وحلالها في البورصه ! .. ناس ماتت .. والسبه البورصه ! .. وناس تبي تطلع من الاسهم وماهي بقادره ! .. كانه قرقور ! تدش منه السراديين ! وماتعرف تطلع الا وهي ميته ! .. <<< طبعا لما يجي الصياد ويرفع الشبك ! تكون ماتت !! .. اما الهامور فهو عارف انه متين وكبير ! مايقدر يدش القرقور .. فعلشان كذا مايموت بسرعه ! الا لما ينصاد بالشبك ! ..

الناس صارت معقده .. اعصاب .. الابو ماقام يكلم عياله مثل اول ! . . كله يصارخ في البيت !! انتوا فلستونا ! كله طلبات ! وكله وكله ... <<< يااخوك انت الي دشيت القفص محد قطك فيه ! .. طبعا سبحان الله المغريات كثيره في الحياه .. منها الربع ... يقولون طب وتخير واشتر واشرد ! اول مايجي يطب يطلعون هم !! ويتوهق هو .. !!

على طاري البورصه .. اذكر واااحد صار معقد ! كان احسن واحد من الشباب .. كله يضحك ويمزح ومرتب ! مايطلع الا وكاشخ ! (( مو متزوج مثل طقتنا ! )) لكن ماشاء الله عليه تقول رايح عرس ! .. بس سمع ان في طريقه علشان يجيب منها فلوس وهي البورصه ! حط قريشاته ..المسكين ماصدق ربح شوي ..وطلع .. مستانس انا ربحت والضحكه على وجهه ! .. يوم حس ان اللعبه جد .. دش بكل قوته .. الله وكيلكم .. دخل ومن ذاك اليوم مانشوفه الا مصرقع ! .. العقال بصوب والغتره بصوب .. صار ولد فقر!! .. التكشيره على وجهه ولا يحلق الا بالشهور .. كله بسبه البورصه !! وبعض الاحيان ماينام الليل كله يفكر بالاسهم ..وصار يكلم روحه لما يجلس على قناه السي ان بي سي ! يفكر ! اي محلل يصدق ! كلام الربع وله كلام نانسي المذيعه ..

على العموم مب حالته هو بس غيره كثار والامبير عندهم موصل حده لدرجه انهم مايعرفون يتكلمون بهدوء وبرزانه بعد ماخسروا بالبورصه ! .. كل هواش في بيتهم ! ..

وللحديث بقيه مع الجزء الثاني غدا ..

[khaldoon]

يعطيك العافيه يا الغالي

[وطن]

موضوع حلو اخوي

وان شاء الله الدورة الاسيوية بتنجح
ولا تخاف مدينة حمد الطبية راح تتسلم في موعدها ان شاء الله :)

انا اشوف ما باقي شي على المشروع الا شوية رتووش .. وعلى كلام اللي يشتغلون هناك من أشغال انها راح تتسلم قريب ان شاء الله


اما بخصوص الأسهم والشوارع
ما اقدر اعلق الصراحة ... الله كريم

[سراب الامل]

تحقيق : بقلم المخلب ..
السلام عليكم ..

1- الشوارع ..

حينما نتحدث على الشوارع في قطر ... فنحن نقصد وبشكل اكيد الحفريات المزعجه للشوارع ..

فقد تم الملاحظه انه قبل سنتان تقريبا ! .. لم يكن عدد المصابين والموتى في الدوله قد زاد الا بعد ان تم تحفير الشوارع بشكل جذري وبالقطري (( طولت السالفه ومصخوها ! )) يعني للاسف اول كنا نروح الدوام باي وقت نطلع نوصل على الاقل في الوقت نفسه ! .. او نتاخر 10 دقايق ! .. اما اليوم صار التاخير كبير جدا !! .. مع ان الخروج صار قبل الوقت بساعه ! او اكثر ولكن زحمه السيارات اصبحت لاتطاق ! ..

وللاسف القوانين المروريه الي تم طرحها مؤخرا .. لم تساعد - للاسف - في حل الازمه المروريه ! او حتى تقليل الخسائر الماديه والروحيه ! .. حيث تزايد عدد القتلى من المواطنين والمقيمين ! بالدوله الى اكثر من النسب السابقه .. ( واحد تلاقيه صاقع بصبيه اسمنت ! والثاني طاب بحفره بالغلط ! والثالث صاق بكيبل كهرب بنص الشارع ! .. والرابع مسرع .. مايشوف الا تاكسي قدامه وله سوداني او هندي مخفف ماتشوفه الا يلف وينقلب ويموت !! .. ) حتى الي تصل اليهم الاسعاف ! .. للاسف وهذا نشاهده بالعين المجرده !! خوف الكثير من الوافدين الي جاوا بلادنا من تجاوز الاشاره المروريه ! ( لعمل خير انساني ! )
يجعل المصاب في الاسعاف يموت ! قبل مايوصل المستشفى ...!

والي يبط الجبد ! لما يجيك الشرطي ! يحرر الحادث الي صار بين سيارتين ! صاقعين بعض من الخلف ! يقول الغلط على الي ورى ! من دون ان يرى الحادث او يعرف اسبابه .. ( يااخي في همج يضغطون بريكات في نص الشارع ! ماتشوف الا المسكين الي وراه صقع فيه ! طبعا ما يطيح فيها الا الي ورى حتى لو ما كان غلطان ! ) وازيدكم من الشعر بيت !! الدوله حاولت تقلل بشكل كبير عدد السيارات المعاد تصنيعها في الكراجات ! تجيك سياره عمرها 80 سنه ! ومافيها شده تمشي !! يمشيها لك المصري غصب ! .. ويشوه المنظر العام!! تروح الكورنيش تبي تشوف شئ عدل يمر قدامك ! تحس نفسك في الصعيد مو في قطر !! .. طبعا الدوله الله يحفظها حطت لنا الفحص الفني !! .. الي الله يستر عليه .. اسهمه نااازله والسبب ادارتهم الفاشله ! .. ( بالله عليكم .. سياره موديل 2002 ! تدخل الفحص يقوله فيها بلاوي الدنيا ! <<< بس لان صاحبها قطري ! .. ويروح المسكين يعدل في ام امها !! .. وبالاخير يقولون والله سيارتك ماتنفع رح عيد الامتحان مره ثالثه !!!! ..) .. (( وسياره موديل 1983 بيجو كحيان مكسر ! .. دخل الفحص الفني طلع بشهاده امتياز ! .. <<< بالله عليكم ذي شركه تبي تحقق ارباح حقيقيه ! السياره مكسره ! مافيها اصطابات .. حتى المكيف خربان ! والطفايه مخلصه ! .. يعني بس شكليه ! .. ويقوله ناجح ! .. )) .. طبعا كل هذي اسباب غير اساسيه لجعل الشعب يصير منفس ! ومحتاج يراجع العيادات النفسيه .. لان الزحمه والانتظار خاصه بالصيف تجيب المرض والهم ! .. وماننسى .. هي هي المجاري - الله يعزكم - طبعا بلديتنا الله يسلمهم ! دائما معروفين ! نسوي الشارع ونخلص منه وبعدين لما يجون الناس ويسكنون وتصير الدنيا زحمه نجي نكسره من اول وجديد ونحفر ونركب نص بيب ! بدون اشراف !! .. ونردم ونسكر مانشوف الا في تسريب !! والبيب مفقوع ! .. ويبيله تحفير من اول وجديد !! .. ترى يااامسهل الشغل وانت تخلصه اول باول ! كلها بيب تركبه ! وتخلص من تمديده ! وبعدين تجيب مشرف يشرب على ان البيبات ماتسرب ! وتدفن وتحط القار وانتهت السالفه .. !
..

وللحديث بقيه مع الجزء الثاني غدا ..


:eek3: :eek3: :eek3: :eek3: :eek3: :eek3:

http://www.9wrh.com/get.php?filename=1147872368.gif

[الشحانية يونايتد]

:mad: :anger2: :anger1: :court: crazy


لا تعلــــــــــــيق

[بوحمد1]

يعطيك العافيه يا الغالي

[Northman]

يعطيك العافيه اخوي المخلب

جبتها ع العويقه

خلها على الله ..

[ROSE]

ماشاء الله عليك المخلب وربي انك جبتها


تسلم يارب على هالسرد وفي انتظار الجزء الثاني

[abo rashid]

يعطيك العافيه اخوي المخلب

[M O 7 A M M E D]

يعطيك العافية يالغالي كفيت ووفيت :)

[خاربه خاربه]

http://www.l22l.com/l22l-up-3/d1d739e557.gif (http://www.l22l.com)

انت رائع من قلب :strong

وننتظر الجزء الثاني :app:

[المخلب]

الله يسلمكم ويستر عليكم ..

نزلنا الجزء الثاني .. ياريت نسمع راايكم فيه .. ترى رايكم يهمني ..

تحياتي المخلب ..