ما عندنا مبدعين فـ || الــســوق الــقــطــري || ....

[pinky-qtr]

|| بسم الله الرحمن الرحيم ||

ليش القطري عندنا مب مبدع بحد الأبداع ..ما نشوف أفكار جديده .. مانشوف مشاريع جديده فالسوق القطري تكون completely Qatari 100% ... ليشششششش؟؟؟

ليش القطري دايما يوم تتكلم معاه مخه ما فيه أفكار جديده – محبط شوي – ما يعرف شيسوي – كل شي عنده صعب فالحياه ..

بنقول ان القطري ما يدعم القطري ودايما يروح يشوف Made in WHERE? ، واذا شافه Made in Qatar ما يرغب فيه ..
|| عشان جذي القطري ما يتعب عمره ويجتهد وايد ويفتح مشروعه الخاص حتى لو عنده أفكار ||

|| الخلل وين في نظركم ||

.. فـ نظره بعض الناس اللي تتبع الأجانب دايما ، والا بسبب الصوره السلبيه اللي حكموها بعض التجار والتاجرات القطريين فالسوق ..

وبالنسبه للنظره السلبيه اقصد
||الطمع شوي|| ..
||والكوالتي شوي|| ..
يعني تشوف شي اشكره ينباع برع بسعر xx وتلقى صاحبنا جايبه بالسعر xxx وحزات xxxx ليش زين ؟؟؟

تلقى صاحبنا عارض شي معين بملغ XXXX والشي المعين هاي الكوالتي ماله ما يسوا XXXX ، وهالنوعيه شفناها فالمعارض حتى خلو الدول المجاوره يسون نفسهم .. للأسف ...

|| نبي أفكار قطريه بدون طمع وهاي كوالتي وبدون غرور :) ||

شلون نوصل لـ هالشي ؟؟


شكله هالشي موجود في عالم Disney بس

[الملا]

في عدة احتمالات للموضوع

- يمكن وجود دخل ثابت يكون سبب في عدم وجود افكار جديدة لطرح مشروع جديد
- اللي يفتح شركة فقط يكون بالاسم واللي يديرون فعليا هم غير القطريين
- الخوف ولهالسبب محد يجازف ويدخل بفكرة جديدة واعتقد بعد المجازفه اللي صارت في البورصة الكل بدا يحسب الف حساب لاي مشروع اقتصادي .

[شبح الصمت]

ترى اختي في عقول مبـدعه بس ما عندها سيـوله ..

تحصلينها تبي تسوي شيء بس خايفه انه يطب الفأس بالراس

وبخصوص السلع وارتفاع اسعرها

طبعا السلع الكولتي راح يكون سعرها فوق فوق والناس ادور بو رخوص ..

يعني مش مشكلة التاجر مشكلة المشتري نفسه هل باستطاعته انه يشتري سلعه اصليه او انه يلجا للتقليد ..

طبعا عن نفسي في شغلات تتطلب اني اخذ الاصلي عشان يعمر وفي شغلات الجأ فيها للتقليد لاني حاط لها عمر معين بتم فيه عندي وعقب خلاص ..

وبخصوص الاسعار الله يعينا على الي يجيب شغله من الصين بـ 40 ريال ويبيعها اهنيه بـ 400 ريال ..

اخ ظهري احس انكسر

:weeping:

[pinky-qtr]

في عدة احتمالات للموضوع

- يمكن وجود دخل ثابت يكون سبب في عدم وجود افكار جديدة لطرح مشروع جديد
- اللي يفتح شركة فقط يكون بالاسم واللي يديرون فعليا هم غير القطريين
- الخوف ولهالسبب محد يجازف ويدخل بفكرة جديدة واعتقد بعد المجازفه اللي صارت في البورصة الكل بدا يحسب الف حساب لاي مشروع اقتصادي .

صح كلامك أخوي .. لكن لو تشوف المشاريع الكبيره اغلبها بعد تكون فرع من مشروع ماشي برع .. ليش هالشخص ما يفتح مشروع قطري بحت .. ويطوره

[pinky-qtr]

ترى اختي في عقول مبـدعه بس ما عندها سيـوله ..

تحصلينها تبي تسوي شيء بس خايفه انه يطب الفأس بالراس

وبخصوص السلع وارتفاع اسعرها

طبعا السلع الكولتي راح يكون سعرها فوق فوق والناس ادور بو رخوص ..

يعني مش مشكلة التاجر مشكلة المشتري نفسه هل باستطاعته انه يشتري سلعه اصليه او انه يلجا للتقليد ..

طبعا عن نفسي في شغلات تتطلب اني اخذ الاصلي عشان يعمر وفي شغلات الجأ فيها للتقليد لاني حاط لها عمر معين بتم فيه عندي وعقب خلاص ..

وبخصوص الاسعار الله يعينا على الي يجيب شغله من الصين بـ 40 ريال ويبيعها اهنيه بـ 400 ريال ..

اخ ظهري احس انكسر

:weeping:

بالضبط xx ويبيعه ب xxx هاي المشكله ..

خلت الناس لما تشوف بضاعه قطريه تقول هاي الحين مكلفه xx وقاعد يقص ع خلق الله ..

و ع طاري العقول المبدعه .. موجودين بس اللي يخاف الناس تبوق فكرته || يعني مب مسويها ولا بيتكرم ع غيره ||

واللي محتفظ فيها لنفسه مادري ليش ، واللي يخاف الناس يضحكون عليه .. واللي يقول لالالا بسوي نفس مشروع فلان ( نفس حلقه تصانيف ) لان فلان ربح فيه .. ما يبي حتى يشغل مخه ويفكر في مشروع جديد ..

الله المستعان

[<اضرب واشرد>]

- عدد الشعب صغير

- الابداع والاختراع يأتي من الحاجة والألم ، والحياة المدللة - الحمدلله - التي نعيشها وتيسر الوظائف وأمور الحياة لا تحفز العقل على الابداع ، هذا في قطر وفي باقي دول الخليج - إلا السعودية نسبيا -

- المنافسة التجارية صارت أصعب الآن من السنين السابقة في قطر

[الـمـرقاب]

الاعتماد على الراتب من الاسباب، وغير هذا، الاحتكار! اسمع افكار جدا مميزه من شباب قطريين
ولكن للأسف الحصول على رخصه تجاريه في "مجالات معينه" حكر على ناس دون ناس!

وإذا جينا للصناعه، الكواليتي مب عائق، لان البضاعات الصينيه على ضعف الكواليتي لكن لها سوقها،
اعتقد الخوف من الدخول في الصناعة خاصه ان لم يسبق ان اقدم عليها احد في قطر، هو سبب من الاسباب،
لكن لو واحد بس يبدا، بنشوف غيره تشجعوا!

[شبح الصمت]

بالضبط xx ويبيعه ب xxx هاي المشكله ..

خلت الناس لما تشوف بضاعه قطريه تقول هاي الحين مكلفه xx وقاعد يقص ع خلق الله ..

و ع طاري العقول المبدعه .. موجودين بس اللي يخاف الناس تبوق فكرته || يعني مب مسويها ولا بيتكرم ع غيره ||

واللي محتفظ فيها لنفسه مادري ليش ، واللي يخاف الناس يضحكون عليه .. واللي يقول لالالا بسوي نفس مشروع فلان ( نفس حلقه تصانيف ) لان فلان ربح فيه .. ما يبي حتى يشغل مخه ويفكر في مشروع جديد ..

الله المستعان



لا اختي وتحصلين بعض الاحيان

الحين انا فاتح محل في مكان معين ومحتكر في هالمكان اشوي الا اشوف محل جاء جمبي وفتح نفسي ..

مدري سالفة مناحس والا سالفة انه شافني اتربح قال يعطيني على راسي ..

الحسد بعد موجود

ونفس ما تفضلتي التفكير في مشروع بسيط ..

تدرين لو ابيع حب صدقيني راح اربح اشوي اشوي بصير تاجر حب بس فكرة الحب تضحك بس في مضمونها ومدخولها راح اوصل لشيء ابيه ..

:shy:

وحبيت اضيف احنا ما نبي نفكر نبي ناس تفكر لنا ..

الله يستر على واحد عنده شركة كبيرة وجاءه والله واحد من الشباب مبدع وقطري قاله انا عندي هالفكره وهيك هيك هيك ..

اش قال اخونا ..

ياخي اسمح لي روح للمدراء الي انا حاطهم لاني ما افهم ولا بشيء .. !!


تخيلوا جايب له مربح ورفضه ومخلي الخيط والمخيط وملايـــــــــين يتحكمون فيها ناس غيره وهو بس يبي يدخل في حسابه هالمبلغ الفلاني وريح باله ..

[pinky-qtr]

- عدد الشعب صغير

- الابداع والاختراع يأتي من الحاجة والألم ، والحياة المدللة - الحمدلله - التي نعيشها وتيسر الوظائف وأمور الحياة لا تحفز العقل على الابداع ، هذا في قطر وفي باقي دول الخليج - إلا السعودية نسبيا -

- المنافسة التجارية صارت أصعب الآن من السنين السابقة في قطر

صح كلامك .. بس بعد ترا احنا عندنا ناس تعيش هالوضع حاجه والم .. مع هاي مافيه ابداع ..

ما اعتقد بس هاي المشكله .. مشكلتنا لو يحصل للبعض || مخ || للايجار كان اجروه .. وخلوه يأدي وظيفته عنهم ..

وبالنسبه للحياه المدللله .. في وايد مشاريع ماسكينها هوامير .. هل تعتقد ان مفتقد العيشه المدللله ؟؟
:secret:

[مهل]

الابداع يحتاج راحه بال و نوع من الفراغه .. حتى يستطيع الشخص ان يفكر بافكار جيده و جديده ثم يصوغها في منتج جيد و ناجح .

الكل مهموم يركض ورى الدنيا .. الطالب يبحث عن التخرج و الوظيفه و العزابي يبحث عن الزواج و المتزوج يبحث عن بنيان البيت و الي متزوج و باني بيته شايل هم دراسه عياله .

الا من رحم ربي

[pinky-qtr]

الاعتماد على الراتب من الاسباب، وغير هذا، الاحتكار! اسمع افكار جدا مميزه من شباب قطريين
ولكن للأسف الحصول على رخصه تجاريه في "مجالات معينه" حكر على ناس دون ناس!

وإذا جينا للصناعه، الكواليتي مب عائق، لان البضاعات الصينيه على ضعف الكواليتي لكن لها سوقها،
اعتقد الخوف من الدخول في الصناعة خاصه ان لم يسبق ان اقدم عليها احد في قطر، هو سبب من الاسباب،
لكن لو واحد بس يبدا، بنشوف غيره تشجعوا!

صح كلامك .. المفروض بعد يكون فيه دعم .. ما نبي دعم اعلامي ويوم نتصل لهم نشوف كل المساله تعقيدات .. وكانهم مسوين دراسه بانواع المشاريع اللي يبونها ويفرضونها ع خلق الله ..

خل يعطون القطري Space يمتد فيه .. يمكن نوصل للقمر وشدراك :)

|| تسلم ع المشاركه القيمه ||

[شبح الصمت]

اختي ولا تلومين العالم اعرف ناس عندها افكار بس تخاف احد يسرقها منها ..

ويا كثرهم الي يسرقون الافكار

الحين العالم قامت تحفظ لو عندها فكره ما تعرضها لأي شخص وانما تنتقي الاشخاص الي راح تخدم نفسها وتخدمها ..

انا عندي فكره وودي اطبقها بس الحين قاعد ادور لي على شخص من ربعي اطرح عليه الفكره وإن شاء الله الفكره صغيره وباذن الله مهب موجوده في الدوحه وفكرتها بسيطه ..

ادعو لي انها تظهر على ارض الواقـع ويكون لها وقـع جميل

وتقبلوا مروري

[pinky-qtr]

لا اختي وتحصلين بعض الاحيان

الحين انا فاتح محل في مكان معين ومحتكر في هالمكان اشوي الا اشوف محل جاء جمبي وفتح نفسي ..

مدري سالفة مناحس والا سالفة انه شافني اتربح قال يعطيني على راسي ..

الحسد بعد موجود

ونفس ما تفضلتي التفكير في مشروع بسيط ..

تدرين لو ابيع حب صدقيني راح اربح اشوي اشوي بصير تاجر حب بس فكرة الحب تضحك بس في مضمونها ومدخولها راح اوصل لشيء ابيه ..

:shy:

وحبيت اضيف احنا ما نبي نفكر نبي ناس تفكر لنا ..

الله يستر على واحد عنده شركة كبيرة وجاءه والله واحد من الشباب مبدع وقطري قاله انا عندي هالفكره وهيك هيك هيك ..

اش قال اخونا ..

ياخي اسمح لي روح للمدراء الي انا حاطهم لاني ما افهم ولا بشيء .. !!


تخيلوا جايب له مربح ورفضه ومخلي الخيط والمخيط وملايـــــــــين يتحكمون فيها ناس غيره وهو بس يبي يدخل في حسابه هالمبلغ الفلاني وريح باله ..

|| الـحـسـد || مشكله كل العصور والأزمان ومالها حل للأسف ..

هالنوعيه من الناس اللي مسويه اوف حق مخها انا يقهروني ..

طيب ليش الله معطيك مخ .. ؟؟ شتسوي فيه ..

شرايك ياصمت نفتح مشروع ندور هالنوعيه من الناس ونشتري مخها ونبيعه حق الناس المحتاجه صدقني بنربح .. لأنهم واااااااااااااااااااايد :)

وخل عنك مشروع الحب .. ما يوكل عيش :tease:

[pinky-qtr]

الابداع يحتاج راحه بال و نوع من الفراغه .. حتى يستطيع الشخص ان يفكر بافكار جيده و جديده ثم يصوغها في منتج جيد و ناجح .

الكل مهموم يركض ورى الدنيا .. الطالب يبحث عن التخرج و الوظيفه و العزابي يبحث عن الزواج و المتزوج يبحث عن بنيان البيت و الي متزوج و باني بيته شايل هم دراسه عياله .

الا من رحم ربي


اممممممممممممممممممممممممم .. مافيه حد مخه فاضي 100% لكن المفروض يخلي حق كل شي مساحه .. والابداع من وجهه نظري لازم يعلمونه اليهال فالمدارس ويغيرون طريقه تفكيرهم من تقليديه الى مبدعه ..

[pinky-qtr]

اختي ولا تلومين العالم اعرف ناس عندها افكار بس تخاف احد يسرقها منها ..

ويا كثرهم الي يسرقون الافكار

الحين العالم قامت تحفظ لو عندها فكره ما تعرضها لأي شخص وانما تنتقي الاشخاص الي راح تخدم نفسها وتخدمها ..

انا عندي فكره وودي اطبقها بس الحين قاعد ادور لي على شخص من ربعي اطرح عليه الفكره وإن شاء الله الفكره صغيره وباذن الله مهب موجوده في الدوحه وفكرتها بسيطه ..

ادعو لي انها تظهر على ارض الواقـع ويكون لها وقـع جميل

وتقبلوا مروري

|| والله شي حلو || ، اجتهد لين توصل فكرتك ولا تيأس .. ولو يطلع باسم قطري خل يفتحون منه فرع برع مب بس كله احنا اللي نفتح لهم فروع اهنيه :)

والله يوفقك ان شاء الله

[<اضرب واشرد>]

وبالنسبه للحياه المدللله .. في وايد مشاريع ماسكينها هوامير .. هل تعتقد ان مفتقد العيشه المدللله ؟؟

أنا قصدي أفكار جديدة ومبدعة ، الهوامير اللي تقولين عنهم يجيبون وكالات لعلامات تجارية ويكونون الوكيل الحصري ويطلع ذهب ، هذا مب ابداع أبدا .. اللي سواه سواه ( بملايينه ) و ( واسطته ).

كنت أتكلم عن الأفكار الابداعية والجديدة اللي تحتاج عقول تفكر فيها ثم أموال تنفذها.

هناك الكثير من الأفكار الابداعية في عقول أهل الحاجة والشباب الطموح لبناء مستقبله ، لكن لا يملكون المال فتموت الفكرة.

[pinky-qtr]

أنا قصدي أفكار جديدة ومبدعة ، الهوامير اللي تقولين عنهم يجيبون وكالات لعلامات تجارية ويكونون الوكيل الحصري ويطلع ذهب ، هذا مب ابداع أبدا .. اللي سواه سواه ( بملايينه ) و ( واسطته ).

كنت أتكلم عن الأفكار الابداعية والجديدة اللي تحتاج عقول تفكر فيها ثم أموال تنفذها.

هناك الكثير من الأفكار الابداعية في عقول أهل الحاجة والشباب الطموح لبناء مستقبله ، لكن لا يملكون المال فتموت الفكرة.

معاك حق اخوي :nice:..

ولا تتكلم عن اللي في قطر .. شوف الهوامير اللي برع || مبدعين ||

شوف موسسين اغلب الماركات ..بداياتهم ولين الحين واهم يبدعون في تطوير أفكارهم ..

|| أتمنى وصلت فكرتي||

[الـمـرقاب]

صح كلامك .. المفروض بعد يكون فيه دعم .. ما نبي دعم اعلامي ويوم نتصل لهم نشوف كل المساله تعقيدات .. وكانهم مسوين دراسه بانواع المشاريع اللي يبونها ويفرضونها ع خلق الله ..

خل يعطون القطري space يمتد فيه .. يمكن نوصل للقمر وشدراك :)

|| تسلم ع المشاركه القيمه ||


لو يكون فيه دعم للأفكار المميزه، يتوقف الاحتكار وتصير الرخص التجاريه مفتوحه لأي
نوع من المشاريع، صدقيني ان هذا راح يعزز اقتصاد الدوله ولن نعتمد كلياً على الغاز والبترول!

ان شاء الله، غيرنا مب احسن منا..
شاكر لك طرحك المميز..}

[pinky-qtr]

لو يكون فيه دعم للأفكار المميزه، يتوقف الاحتكار وتصير الرخص التجاريه مفتوحه لأي
نوع من المشاريع، صدقيني ان هذا راح يعزز اقتصاد الدوله ولن نعتمد كلياً على الغاز والبترول!

ان شاء الله، غيرنا مب احسن منا..
شاكر لك طرحك المميز..}

الدوله لها سياسه انا لين الحين مب فاهمتها .. يبون ما يكون الاعتماد كليا ع البترول والتعقيدات وايد بالنسبه للتجار الاصغار وتوابع البزنس
وفي جانب ثاني .. يفتحون مكاتب لدعم المشاريع الاصغيره .. ويوم تتصل تسال عن الاجراءات تلقاها معقده وشروطهم مب قايله تعجيزيه .. بس بقول || يبون يمللون خلق الله || ويحبطونهم للاسف


|| شاكره لك اهتمامك بالموضوع ||

[الـمـرقاب]

الدوله لها سياسه انا لين الحين مب فاهمتها .. يبون ما يكون الاعتماد كليا ع البترول والتعقيدات وايد بالنسبه للتجار الاصغار وتوابع البزنس
وفي جانب ثاني .. يفتحون مكاتب لدعم المشاريع الاصغيره .. ويوم تتصل تسال عن الاجراءات تلقاها معقده وشروطهم مب قايله تعجيزيه .. بس بقول || يبون يمللون خلق الله || ويحبطونهم للاسف


|| شاكره لك اهتمامك بالموضوع ||


بس مقارنة بسيطة اختي بين بداية الستينات ومافوق وبين هالسنين راح تلاحظين ان
الدخول في التجاره كان ميسر اكثر من الحين، اما هالوقت، الاحتكار مسيطر على كل
شي!

مكاتب دعم المشاريع الصغيره الظاهر انها بس "شو" لا أكثر، والدليل الشروط اللي
مالها داعي! بس تنفك عقدة الاحتكار، التجاره بتكون بخير!

[روح الاطلس]

المشكلة في الدولة اختي

انا مثلا عندي فكرة مشروع ابداعية لكن مايعطون ترخيص لها !!
مع انها موجودة ومطبقة بدول مجاورة :)
بس اهنيه ممنوع نسويها

مشكلتنا مع التراخيص ولا الافكار الابداعية موجوده عن الكثير

[الـمـرقاب]

المشكلة في الدولة اختي

انا مثلا عندي فكرة مشروع ابداعية لكن مايعطون ترخيص لها !!
مع انها موجودة ومطبقة بدول مجاورة :)
بس اهنيه ممنوع نسويها

مشكلتنا مع التراخيص ولا الافكار الابداعية موجوده عن الكثير


وهذا أكبر عائق! سبق وذكرته، المشكله في الرخص التجاريه، تعطى لناس دون ناس!
احتكار في كل شي، ولذلك اكثر المشاريع الابداعيه لا ترى النور بسبب هالاحتكار!
فتح الباب امام المشاريع بشتى أنواعها له فوائد كبيره على اقتصاد الدوله، لكن ليت
قومي يعلمون!

[سهم عتيج]

بس مقارنة بسيطة اختي بين بداية الستينات ومافوق وبين هالسنين راح تلاحظين ان
الدخول في التجاره كان ميسر اكثر من الحين، اما هالوقت، الاحتكار مسيطر على كل
شي!

مكاتب دعم المشاريع الصغيره الظاهر انها بس "شو" لا أكثر، والدليل الشروط اللي
مالها داعي! بس تنفك عقدة الاحتكار، التجاره بتكون بخير!

أي شيئ تكون فيه غرفة تجارة وصناعة قطر طرفا فيها عبارة عن شو لا أكثر للأسف.. ومعظم أعضاء غرفة تجارة قطر يتقلدون مناصب تشريفية لا أكثر ..

نرجع للموضوع الأساسي وعن غياب الابداع في التجارة والصناعة..

بس أتمنى من الأخوة اذا زاروا دولا مثل دولة الكويت والبحرين وخلهم يركزون على بعض الامور اللي قد تكون خافية علينا وهي تاريخ التجار في تلك الدول.. فتجد أن محل عطور تأسس في 1925 وآخر للملابس تأسس في 1920 وآخر بتاريخ أقدم... الخ,, ولازال هؤلاء التجار موجودون في المهنة ويقدمون سلعا طيبة وبأسعار مناسبة للجميع..

اما في قطر,, فقد اختفى دور التاجر الحقيقي كما كان في السابق.. فلم نجد أولائك التجار الذين قدموا للبلد والمواطنون والمقيمون سلعا جيدة وبأسعار مناسبة لعدة أسباب منها..

1- لايوجد جيل ثاني او ثالث لاؤلائك التجار الذين أبدعوا في الماضي,, فعند موتهم ماتت تجارتهم معاهم وانتهت تجارتهم بتصفية تجارتهم من قبل الورثة..

2- في الماضي كان أغلب التجار يمارسون تجارتهم من خلال محلات تعود ملكيتها لهم وبالتالي كان التاجر يستطيع تقديم سلع جيدة وبأسعار تنافسية,, اما اليوم ومع ازالة العديد من المحلات التي تعود ملكيتها للتجار أنفسهم,, اضطر التاجر الى استئجار محلات أخرى بأسعار كبيرة مما جعل المنافسة في السوق صعبة جدا لعدم امكانية دخول منافسين جدد بسبب ارتفاع التكاليف الثابتة..

3- عدم التركيز على نشاط معين شتت التاجر,, فتارة تجده تاجر تجزئة,, ومن ثم يتحول الى مضارب شرس في البورصة,, وبعده يتحول الى دلال أراضي,, هذا التشتت أضر كثيرا بالتجارة..

والله أعلم,,

[intesar]

المبدعين موجودين بس أعدادهم قليلة.. للأسف الجيل القادم أو جيل المستقبل.. يبحث عن الكشخة والترزز.. الا فئة قليلة منهم.. والدليل انهم ٢٤ ساعة بالمولات..
ثانيا: نظرة الناس لكل شي قطري .. ما يثقون فيه.. ليش وربك العالم.. وبعدها يتشكون ليش الأجنبي ماكل أكثر من القطري..

[الـمـرقاب]

أي شيئ تكون فيه غرفة تجارة وصناعة قطر طرفا فيها عبارة عن شو لا أكثر للأسف.. ومعظم أعضاء غرفة تجارة قطر يتقلدون مناصب تشريفية لا أكثر ..

نرجع للموضوع الأساسي وعن غياب الابداع في التجارة والصناعة..

بس أتمنى من الأخوة اذا زاروا دولا مثل دولة الكويت والبحرين وخلهم يركزون على بعض الامور اللي قد تكون خافية علينا وهي تاريخ التجار في تلك الدول.. فتجد أن محل عطور تأسس في 1925 وآخر للملابس تأسس في 1920 وآخر بتاريخ أقدم... الخ,, ولازال هؤلاء التجار موجودون في المهنة ويقدمون سلعا طيبة وبأسعار مناسبة للجميع..

اما في قطر,, فقد اختفى دور التاجر الحقيقي كما كان في السابق.. فلم نجد أولائك التجار الذين قدموا للبلد والمواطنون والمقيمون سلعا جيدة وبأسعار مناسبة لعدة أسباب منها..

1- لايوجد جيل ثاني او ثالث لاؤلائك التجار الذين أبدعوا في الماضي,, فعند موتهم ماتت تجارتهم معاهم وانتهت تجارتهم بتصفية تجارتهم من قبل الورثة..

2- في الماضي كان أغلب التجار يمارسون تجارتهم من خلال محلات تعود ملكيتها لهم وبالتالي كان التاجر يستطيع تقديم سلع جيدة وبأسعار تنافسية,, اما اليوم ومع ازالة العديد من المحلات التي تعود ملكيتها للتجار أنفسهم,, اضطر التاجر الى استئجار محلات أخرى بأسعار كبيرة مما جعل المنافسة في السوق صعبة جدا لعدم امكانية دخول منافسين جدد بسبب ارتفاع التكاليف الثابتة..

3- عدم التركيز على نشاط معين شتت التاجر,, فتارة تجده تاجر تجزئة,, ومن ثم يتحول الى مضارب شرس في البورصة,, وبعده يتحول الى دلال أراضي,, هذا التشتت أضر كثيرا بالتجارة..

والله أعلم,,


والله ياخوي الغرفه ماشفنا منها شي ابد، وحتى رابطة رجال الاعمال القطريين، اللي يدخلونها
معروفين ومافي غيرهم، لان حتى شروطهم مايقدر يلبيها إلا ناس ينعدون عالاصابع!

إن شاء الله نشوف الوضع التجاري في قطر افضل في المستقبل!