وين احسن مكتب تصميم خرايط في الدوحه

[jassim_9]

السلام عليكم اخواني ارجوا منكم النصيحه وين احسن مكتب تصميم خرايط في الدوحه ويكون عن تجربة واذا ممكن فكره عن الاسعار

[صــوت قطــر]

ارشح لك

البيت القطري للاستشارات الهندسيه

موقعهم قريب اشارات العاصمه ..

وعن تجربه عندهم مهندس فلبيني فنان يستغل المساحات ويعطيك افكار حلوه ويصور لك البيت كامل 3d

والخرايط على حسب المساحه والشغل انا سويت عنده اكثر من 6 فلل وعيال عمي وانسابي كل ربعي عنده واقل سعر كان 16 الف وسوينا عنده فله مساحتها 1600 بــ 25 الف ..

بالتوفيق

[كحيلان قطر]

انا سويت عند المركز القطري
في شارع السلام
عند المهندس وليد الصراحه بدعلي في الخرايط
وسعره 10,000 ومساحة البناء عندي 857

[king999]

اخوي انا ارشح لك مثل ما قال لك اخوي كحيلان من واقع تجربة صممت فيلا 760 م ب 6000 الاف
وراعي المكتب ما يقصر اذا عطوك السعر دش علية ولا راح يقصر

موفق

[نواااف البوعينين]

والله يالغالي الاستشارين واحد بالتصميم
اقصد من ناحية الحديد والخرسانه
لان كل الاستشارين يصممون من ناحيه الامن والسلامه
واذا الخرائط فيها غلط البلديه بترفضهم
ولكن
بعض الاستشارين يحط حديد بكميات كبيرة
يعني مثلا اذا المبنى يتحمل حديد من 30 الي 50 طن
الاستشاري يحط 50 طن
لان الاستشاري مب خسران شي
لانها بالاخير بطيح براس المالك
لما تبي تبني عند مقاول بيطلب عليك سعر زياده بسبب كمية الحديد
عااد روح دور رخيص
بتتعب
اذا تبيني اساعدك راسلني عالخاص وابشر
تحياتي لك

[jassim_9]

السلام عليكم اخواني ارجوا منكم النصيحه وين احسن مكتب تصميم خرايط في الدوحه ويكون عن تجربة واذا ممكن فكره عن الاسعار


ارشح لك

البيت القطري للاستشارات الهندسيه

موقعهم قريب اشارات العاصمه ..

وعن تجربه عندهم مهندس فلبيني فنان يستغل المساحات ويعطيك افكار حلوه ويصور لك البيت كامل 3d

والخرايط على حسب المساحه والشغل انا سويت عنده اكثر من 6 فلل وعيال عمي وانسابي كل ربعي عنده واقل سعر كان 16 الف وسوينا عنده فله مساحتها 1600 بــ 25 الف ..

بالتوفيق

تسلم الشيخ وان شالله بامر عليه اشوف افكاره


انا سويت عند المركز القطري
في شارع السلام
عند المهندس وليد الصراحه بدعلي في الخرايط
وسعره 10,000 ومساحة البناء عندي 857

تسلم الغالي بعد بامر عليه اشوف افكاره


اخوي انا ارشح لك مثل ما قال لك اخوي كحيلان من واقع تجربة صممت فيلا 760 م ب 6000 الاف
وراعي المكتب ما يقصر اذا عطوك السعر دش علية ولا راح يقصر

موفق
تسلم الشيخ

والله يالغالي الاستشارين واحد بالتصميم
اقصد من ناحية الحديد والخرسانه
لان كل الاستشارين يصممون من ناحيه الامن والسلامه
واذا الخرائط فيها غلط البلديه بترفضهم
ولكن
بعض الاستشارين يحط حديد بكميات كبيرة
يعني مثلا اذا المبنى يتحمل حديد من 30 الي 50 طن
الاستشاري يحط 50 طن
لان الاستشاري مب خسران شي
لانها بالاخير بطيح براس المالك
لما تبي تبني عند مقاول بيطلب عليك سعر زياده بسبب كمية الحديد
عااد روح دور رخيص
بتتعب
اذا تبيني اساعدك راسلني عالخاص وابشر
تحياتي لك
تسلم الشيخ علي النصيحه بس انا كان تفكير كله في تصميم البيت وتوزيع الغرف واستغلال المساحات صح وماحطيت في بالي كميات الحديد او اي شي ثاني علي بالي انه ما راح يكون في اختلاف بين المهندسين في الكميات

[بن غيث]

حاول انك تبدع في تصميمك ولا تقلد حد .. وفكر في شغلات جديده قبل لاتروح لاي مكتب
ولا تدور على الرخيص او الغالي .. شوف الي تقتنع بكلامه وافكاره وامكانياته

[بوفهد555]

البيت القطري

[باتريوتP]

بأمكانك اخي العزيز التواصل معنا
حيث انه يوجد لدينا مهندس مختص بالتصاميم الهندسيه
وسنساعدك بكل ماهو يخدمك
زيارتكم تشريف لنا

[بايع بايع]

اخوي بالنسبة للتصميم

ترى المكاتب ماتفرق وايد عن بعض الا في السعر

لانك بعد ماتسوي الخرائط وتعتمدها راح تغير فيها سواء وانت قاعد تشرب شاي او تدخل زياده لاحد بيوت ربعك او تبات في اي فندق او عند تمشايتك في البيت وقت البنيان ورؤية المساحات على ارض الواقع

لانك بالاخير تبي تسوي شي حلو وراقي يناسب ذوقك وقدراتك المالية

لكن المشكله ان الخرايط غالبا مايكون فيها اخطاء تصميميه او انشائية او تنفيذية

ولهالسبب حاول تعمل الخرايط عند مكتب والاشراف عند مكتب ثاني حتى مايخفي الاستشاري عنك العيوب التصميميه وقت البناء اذا ماكان مكتبة هو اللي سوى التصميم ولا تقول اسهلي اذا هو المخطي عشان يعدل بسرعه

وخبرك كل واحد يبي يطلع نفسه فاهم سواء (المهندس او المقاول او الاستشاري) وقت البنيان فخل كل واحد يقولك عيوب البيت حتى انت تقرر الاصح والانسب

ونصيحه من اول لحظه تفكر فيها في البنيان الين تخلص بإذن الله

حاول تستمتع بكل لحظه في البنيان لانك تأسس لاسرتك واحفادك ومستقبلهم باذن الله

ولا تفكر ان الموضوع تعب وشقى وقرف ولوعة جبد حتى ما ترهق نفسك وجسديا ونفسيا

وبالتوفيق

[باتريوتP]

اخوي بالنسبة للتصميم

ترى المكاتب ماتفرق وايد عن بعض الا في السعر

لانك بعد ماتسوي الخرائط وتعتمدها راح تغير فيها سواء وانت قاعد تشرب شاي او تدخل زياده لاحد بيوت ربعك او تبات في اي فندق او عند تمشايتك في البيت وقت البنيان ورؤية المساحات على ارض الواقع

لانك بالاخير تبي تسوي شي حلو وراقي يناسب ذوقك وقدراتك المالية

لكن المشكله ان الخرايط غالبا مايكون فيها اخطاء تصميميه او انشائية او تنفيذية

ولهالسبب حاول تعمل الخرايط عند مكتب والاشراف عند مكتب ثاني حتى مايخفي الاستشاري عنك العيوب التصميميه وقت البناء اذا ماكان مكتبة هو اللي سوى التصميم ولا تقول اسهلي اذا هو المخطي عشان يعدل بسرعه

وخبرك كل واحد يبي يطلع نفسه فاهم سواء (المهندس او المقاول او الاستشاري) وقت البنيان فخل كل واحد يقولك عيوب البيت حتى انت تقرر الاصح والانسب

ونصيحه من اول لحظه تفكر فيها في البنيان الين تخلص بإذن الله

حاول تستمتع بكل لحظه في البنيان لانك تأسس لاسرتك واحفادك ومستقبلهم باذن الله

ولا تفكر ان الموضوع تعب وشقى وقرف ولوعة جبد حتى ما ترهق نفسك وجسديا ونفسيا

وبالتوفيق


مساء الخير اخوي العزيز
ماشاء الله كلامك وافي وكامل
وبصراحه عين الصواب
ولكن ملاحظه بسيطه
بالنسبه عن الاخطاء بالمخططات الي يسوونها الاستشاريين مش اخطاء قويه
او اخطاء فادحه
لان على حد علمي اي مخطط يقوم بأنشاءة المهندس (مهندس مصمم) يحال اي مهندس انشائي
ومهندس الانشائي يراعي الامن والسلامه
مثلا
كميه الحديد بالاسقف لازم تكون مناسبه بالنسبه لمسطح السقف
وكذالك الاهم الاعمده الحديد لازم يكون مناسب لان العمود اهو الي يشيل البيت كامل مش السقف
وكذاك كميلة الاعمده لابد تكون كافيه
ولكن نصيحتي انا كشركه مقاولات
ان المالك يوصي الاستشاري بأن يكون الدور الاول مطابق لدور الثاني بالجسور والاعمده
ولو تنازل المالك عن بعض المساحات او زاد بالمساحات
لان مطابقة الدور الاول على الدور الثاني بالاعمده والجسور وغيرة يكون اكثر امان واكثر نجاح واقل توفير للمالك لانه مش راح يدفع مبلغ اكثر من ناحيه التكلفه .
على كل حال اي حد يبي يصمم مخطط بأمكانه يتواصل على تلفون الشركه واحنا بنصمم له المخطط الي يبيه بكل هدوء ورواقه وانت صدق الخرائط بطريقتك
او اذا تبينا احنا نصدق الخرائط احنا بالخدمه
تحياتي لكم الاخوة الاعزاء

[فارس قطر]

شعاع للاستشارات الهندسية وسعرة مناسب شارع 22 فبراير

[حمد 2002]

السعر يختلف على حسب ، اذا انت بتخلص اوراقك عند البلديه والكهرباء والتخطيط اهنيه السعر ايقل عليك ، اما اذا الاستشاري بيخلصلك كل الامور وبسرعه اهنيه السعر يكثر

وعموما الاستشاريه اقلبهم يعطونك خريطه عاملينها لاكثر من الف شخص يعني مايتعب نفسه ويعملك افكار جديده ى، لأن البيت مب بيته ومب حلاله ، حلالك انت


بالتوفيق اخووي

[الرميله]

نصيحه لوجه الله من مجرب

لا تستخسر مبلغ الخرايط وروح لاحسن مكتب لان الخرايط اهم شي
لان انا واجهتني مشكله والسبب مكتب سوى خرايط ب 12000
وانا الحين قاعد ارقع خرابيطه ب 25000

[توفني ساجدا]

مكتب الفجر الجديد للاستشارات الهندسيه عند اشارات النجمه خلف المسجد
ونصيحه المكتب الاستشاري الي يسوي لك الخرايط خله هو الي يشرف على المقاول هذا المكتب (الفجر الجديد للاستشارات الهندسيه) هو مصنف درجه ثالثه بس احسن من مكاتب وايد درجه اولى الي كلها لعب ونصب واتفاقيات بين المقاولين ،،
انا مقاول و هذا المكتب هو الاستشاري للمالك و مب راحمني جنني!!! بس احترمه لانه عنده ضمير و ما يرحم بالشغل واعتدى عليه كذا مقاول و كسروا مكتبه السابق بالتاون سنتر لسرقة شيك ضمان لمقاول.!!! وكان يقول لهم سوري هذي امانه للمالك خلصوا الي عليكم ومهما سويتوا ماراح اتحصلوا الشيك كان خاشه بالخزنه ببيته.. يوم سمعت بسالفته من ناس تعاملوا معاه ضحكت .. واسعاره طيبه وعنده شغل وايد ومن خرايطه في سوق بام صلال هو الي مسوي الخرايط وعليه ضغط بالطلب.

[هارودز]

اتاك للمقاولات بس سعره غالي شوي

[هارودز]

ومكتب الفجر عند المهندس محمد انوار رجال والنعم فيه

[قطري قديم]

مرحبا اخوي عندك مكتب الريم للاستشارات الهندسيه مكتبهم في العزيزيه شغلهم نظيف من واقع تجربه بصراحه واسعارهم مناسبه جدااا جدااا والله يوفقك في منزل العمر انشاء الله .

[بنـ الدحيل ـت]

ليتنا نفهم في هذه الأمور

الله يعينا ان شاء الله

[ورقــة أمــل]

المها للاستشارات الهندسية

[المنصوري62]

السلام عليكم اخواني ارجوا منكم النصيحه وين احسن مكتب تصميم خرايط في الدوحه ويكون عن تجربة واذا ممكن فكره عن الاسعار

حيــاك الله

[q6ryah]

انصحك لوجه الله ابعد تماماً عن مكتب الواحة في مجمع غرناطه ومدير المكتب المهندس مرعي الخرايط في صوب والحقيقة في صوب ثاني حسبي الله ونعم الوكيل