عمود خرسانة ( كونكريت )

[سبع الظلما]

السلام عليكم اللي عندة شور او خبرة لا يبخل ناوي اكسر عمودين خرسانة عرض كل عامود 40 سانتي بكسر من كل عامود 20 سانتي عشان يتساوي مع الطوفة ولا يكون فية بروز ولا يبين ان كان فية عامود خرسانة .... المشكلة ان اللي ورا الطوفة حجر انا ملبس البيت حجر
اخاف مع الدق والتكسر يتحرك الحجر عن مكانة وتوهق
الســــــــــــــــؤاااال
فية قرندر او صاروخ او دريل يكسر الخرسانة بدون ما يسبب تشققات او تحركات للطابوق
اتمني اني وصلت المعلومة وسلامتكم

[كبير المتداولين]

اخوي ماعندك الا ال تي حاول تجيب ال تي صغير شوي وكسر على شوي شوي لاتحاول تكسر في كل مره حجم كبير من الخرسانه واستخدم حركه الدريل الدائريه او الاهتزازيه حسب العمود وطريقه تسكيره وبنفس الوقت حاول وانت تكسر العمود تخلي طريقه التكسير بزاويه لايكون عمودي او افقي
وان شاء الله ماراح تصير عندك مشاكل انا مكسر نفس الشي عمود بنفس الطريقه من دون اي مشاكل في ماحوله من جبس وبلاستر وصبغ وغيرها



بالنسبه للعمود بعد لو تخليه ظاهر في الطوفه يكون احسن هو ياخذ مساحه بس يعطي منظر وممكن تلعب فيه بالجبس او اي حركه ثانيه

الله يوفقك

[خبير صيانة]

اولا منزل مبارك انشاء الله


ثانيا ليه تكسر ممكن تلبس العمودين خشب مع حفر في الخشب ودهان الحفر دهبي والوان زاهيه
اذا حابب عندي اللي يعمل ديزاين زين

[jassimqtr]

انا عندي وجهة نظر ... ليش حطاين عمود سماكته 40 سانتي ؟
ولا تنسى ان بداخل العمود غضبان حديد يعني اذا بتشيل 20 سانتي لازم تقص الحديد ...
المراد فالكلام العمود عليه حمل وهو وزن السقف واذا نقصت من سماكت العمود يمكن يأثر علي البنيان فأن اقول من رايي انك تخليه نوع من الديكور يا تلبسه حجر او تسويله جبس وتخليه خشبي يعني نوع من الديكور افضل من انك تشيل نصه ويمكن يكون تاثيره سلبي على البنيان وشكرا

[بن رومي]

انا عندي وجهة نظر ... ليش حطاين عمود سماكته 40 سانتي ؟
ولا تنسى ان بداخل العمود غضبان حديد يعني اذا بتشيل 20 سانتي لازم تقص الحديد ...
المراد فالكلام العمود عليه حمل وهو وزن السقف واذا نقصت من سماكت العمود يمكن يأثر علي البنيان فأن اقول من رايي انك تخليه نوع من الديكور يا تلبسه حجر او تسويله جبس وتخليه خشبي يعني نوع من الديكور افضل من انك تشيل نصه ويمكن يكون تاثيره سلبي على البنيان وشكرا

كلام 100٪

وهذا لازم يكون من البداية

العامود يكون على نفس مسار الطوفة وليس متعامد عليها

الا اذا كان متعامد مع طوفه وانت الغيتها !

العب في العامود بالديكور

بن رومي

[نواااف البوعينين]

يالغالي
اي شي خرساني لا تكسره
وخاصه الاعمده
لان الاعمده اهي الي تشيل البيت
هي تشيل الاسقف وتخفف الحمل عن الاعمده الثانيه
فنصيحه لا تسكرهم
تحياتي لك

[ذكي جدااا]

العمود شي اساسي بالبيت ولا تنسى ان سمك العمود والحديد يتم تحديده على حسب الاحمال والابعااااد ووو . اللي قاعد تسويه شي خطيير جدااا ممكن يطيح عليك السقف او تسبب بانهيار جزء من المنزل . اذا شي ضروري لابد من استشارة مكتب هندسي وتاخذ منه شهااده علشان لو صار شي هو يتحمل المسؤليه

[المهندس عبدالعزيز]

يجب مراجعة المهندس الإنشائي المصمم في حالة إلغاء اي عامود ستكون هناك خطورة كبيرة بوقوع البيت

[بوفصول]

كسر عادي ياخو.. لا شي بيطيح ولا بينكسر

كسر بالهيلتي . بالتوفيق اخوي

[المحتار20]

كلام 100٪
يالغالي
اي شي خرساني لا تكسره
وخاصه الاعمده
لان الاعمده اهي الي تشيل البيت
هي تشيل الاسقف وتخفف الحمل عن الاعمده الثانيه
فنصيحه لا تسكرهم
تحياتي لك