اشلون ترد على زملائك بأسلوب راقي

[الفرحه]

السلام عليكم جميعاً
الموضوع هو اشلون اذا انا في الشغل وسمعت كلمة تجرح من فلانة أوغيرها والكلمة ما تكون متوجهه لي مباشرة يعني أكون في حالي واسمع كلام والكلام له دخل فيني أشلون يكون الرد ولا تقولون اضربي لنا أمثلة .والشي الثاني اذا واحد اسألج عن الموظفات وانا الصراحة مش عارف قصده ويسألج ان هي مثلا ما تشتغل او كسلانه في شغلها لاني وايد اتعرض لهذا الشي من موظف يحب يسولف وانا ما ارد عليه علشان مايصير أحتكاك بيني وبين الموظفات بس أحس ان يفهموني غلط .
ياليت اللي عنده خبره بأسلوب الرد المحترم والراقي يفيدني.

:weeping::weeping::weeping:

[Senior]

من وجهة نظري ان صعب النصح في مثل هذه الحالات، لأن أنتي شخصيا الي قاعده تمرين بهالمواقف وأنتي أفضل شخص لإيجاد حلول لهالمشكلتين،

ايجاد الحلول لازم ينبني عليها عوامل كثيره منها نوع المشكله ! سبب المشكله ! نوع وطبيعة الناس الي متواجدين في إطار هالممشكله ! شنو العواقب الي راح تنبني على اختيار حل من الحلول الي ممكن تطلعين بها.

الحلول العامة الي ممكن اطلع فيها شخصيا من غير معرفة تفاصيل المشكلتين:

المشكله الأولى افضل حل لها من وجهة نظري الحقران يقطع المصران، وكله اجر ان شاء الله.
أما المشكله الثانيه فما لج حق تسولفين عن زميلاتج أمام شخص او موظف، لأن المشاكل الي ممكن تترتب عنها كثيره وكبيره، الأفضل انج تعطينه كاش.

[بـــــــنت النوخـّــــذه]

موضوعج فيه سؤالين :discuss::

سؤال خاص بينج وبين مجموعه بنات:

الكلام الفاضي دامه ماوجه لج مباشره وانذكر اسمج سمعي من اذن وطلعي من الثانيه لاتنزلين نفسج لهالمستوى واتقولين هااااااه تتكلمون عني واخرتها يحرجونج يقولون من جاب طاريج:shy:

خبرج الحريم اهههههه

ااذ ذكر اسمج وكان مباشر اهنيه لج الحق تتدخلين باسلوب لبق واتقولين لهم ممكن اعرف شسالفه بس ابعدي عن العصبيه اكسري عينهم بطيب اصلج واخلاقج ترفعي عن المستوى السوقي الهواش الي نشوفه في المسلسلات كل وحده اتهاوش مع الثانيه من البلكونه جدام الناس:)


نجي للشق الثاني من السؤال وهو متعلق بينج وبين (رجل ) بمجال العمل :

اهو اصلا" اشله يحشر نفسه بالحريم 00ذيه 00لاتكلمين ولا موظف ولادشين معاه باي نقاش الا بمجال العمل يخص المعاملات والمهام 000اما سوالف شاي الضحى شرايج بفلانه كسلانه متينه ضعيفه طويله هذا الكلام مرفوض ولا تدخلين باي نقاش مع اي شخص يخص موظفه الا اذا كان عن معامله او تخليص مهام00

ولو افترضنا ان مديرج يسئلج عن موظفه قولي له شنهو مهام المدير ؟؟؟
اكيد من مهامه مراقبه الموظفين عن بعد
التأكد من ان المعامله تمت بدقه وبنزاهه من الموظف
يتاكد ان الموظف قبل لايطلع مخلص معاملاته ومهامه بالكامل
منها بيحدد مدى اجتهاد الموظف 00

ماداني المدير الي يسئل موظفه هاه شرايج بفلانه 00!! يعني تسئل مره عن مره مشكله اههههه

الله يستر عليج دنيا وآخره وانا اقولج هالكلام عن تجربه مجال عملج خلج رسميه ولبقه بالحديث ولاتنزلين لمستوى الهلاقه مثل البعض خلج مثل ما انتي000 وثقي تماما ان اسلوبج الرسمي بالعمل واحترامج للجميع وعدم التحدث عن اي شخص من خلفه بتكسبين احترام الجميع وبيحطونج فوق راسهم حتى لو مابينو هذا الشي لج 00انتي بمجال عمل ينعرف من انتي وبنت من فخلج مثال مشرّف00

وواثق الخطوه يمشي ملكا"

وشكرا"

[بوحارب]

اللي يقل ادبه صيري ملسونه معاه

الطيبة الزايدة ماتنفع هالأيام

[الفرحه]

جزاكم الله خير على ردودكم .
بس المشكله اللي يسألني مش المدير بس انه يعلمنا بس الصراحه اذا سألني انا مأرد عليه المشكله البنات احسهم يفهموني غلط

[بـــــــنت النوخـّــــذه]

اللي يقل ادبه صيري ملسونه معاه

الطيبة الزايدة ماتنفع هالأيام

بوحارب هذا مجال عمل شنهو اتصير ملسونه وين قاعدين بكرك النعيمي اتحسب


شغل الملاسين هذا اسلوب هيلقي باللغه العاميه 000في طرق ثانيه ممكن الشخص يلجأ لها خصوصا البنت مافضل اتكون ملسونه وسوقيه الكلام بمجال العمل وتجلس تردح للعالم 00

[بوحارب]

بوحارب هذا مجال عمل شنهو اتصير ملسونه وين قاعدين بكرك النعيمي اتحسب


شغل الملاسين هذا اسلوب هيلقي باللغه العاميه 000في طرق ثانيه ممكن الشخص يلجأ لها خصوصا البنت مافضل اتكون ملسونه وسوقيه الكلام بمجال العمل 00

خلاص عيل اذا حد هزأج قدام خلق الله

قولي له يسلموا :tease:

[الفرحه]

اللي يقل ادبه صيري ملسونه معاه

الطيبة الزايدة ماتنفع هالأيام

كلامك في محله علشان جذي نزلت الموضوع بس المشكله انا من النوع الساكت واللي ما يعرف يرد ابي اتعلم اسلوب الرد الراقي .

[رآعي موآجيب]

السلام عليكم جميعاً


الموضوع هو اشلون اذا انا في الشغل وسمعت كلمة تجرح من فلانة أوغيرها والكلمة ما تكون متوجهه لي مباشرة يعني أكون في حالي واسمع كلام والكلام له دخل فيني أشلون يكون الرد





وعليكم السلام

الصراحه يافرحه إذا الواحد بيرد على كلمه موجه له بطريقه مباشره او غير مباشره مهب خالص ابد وبيقعد كل يوم في نشبه مع فلان وعلان ويمكن يحطون اللوم عليه بعد !!

في ذا الحاله انا انصح بتجاوز الكلام وبالذات الغير مباشر مع ترديد الأستغفار بصوت مسموع قليلا

حاولي كم مره اذا ما نفع معاهم هالشي تكلمي معهم ( بهدوء ) وقولي تراني حاشمتكم ولا زلت حاشمتكم ، فرجاء ما ابي منكم إلا تعاملوني بالمثل ولا عاد تحتكون فيني عشان ما تتطور الأمور وتاخذ منحنا غير مرغوب فيه

وإذا ما نفع , قدمي شكوى رسميه ضدهم في الشغل أو مركز الشرطه




[size="5"]

الشي الثاني اذا واحد اسألج عن الموظفات وانا الصراحة مش عارف قصده ويسألج ان هي مثلا ما تشتغل او كسلانه في شغلها لاني وايد اتعرض لهذا الشي من موظف يحب يسولف وانا ما ارد عليه علشان مايصير أحتكاك بيني وبين الموظفات بس أحس ان يفهموني غلط .
ياليت اللي عنده خبره بأسلوب الرد المحترم والراقي يفيدني.




إذا انتي المفروض تقيمين الموظفات للي يسأل وهو في مجال عمله تتبع وتقييم الموظفات فلا بد من اخباره أو اطلبي تغيير الوظيفه ، وإذا مش من اختصاصه هالشي فقولي له بكل بساطه ( بأي صفه اقولك ؟ ) وانا من الحين اقولش عمره ماراح يكررها

وماله داعي اسلوب راقي ، هذا رد محترم وحازم وخلصنا

[بـــــــنت النوخـّــــذه]

جزاكم الله خير على ردودكم .
بس المشكله اللي يسألني مش المدير بس انه يعلمنا بس الصراحه اذا سألني انا مأرد عليه المشكله البنات احسهم يفهموني غلط

يابنت الحلال دامج بالبدايه كوني لج شخصيه خاصه ومميزه اشعليج من البنات شيقولون ولا شيفهمون دامج رسميه ولبقه ومحترمه ثقي تماما بيسحدونج على هالطبع

وذيه الي يدربج خليه يخلص تدريبه ويتوكل لايحشر نفسه بالحريم ترى ماتعرفين هالحركات 00 خلج رسميه لي سئلج على طول سئليه عن شي بمجال العمل قولي اشلون يسون كذا دامه مهمته التدريب واللبيب بالاشاره يفهم ان حط السانك بلهاتك وكمل شغلك :tease:

[الفرحه]

انا كلمت رئيس القسم وجاني واعتذر وقال ان هو ما يقصدني يقصد البنات بها الكلام المشكلة اني سألت كم وحده وقلت لهم اذا صار معاج هاموقف الكلام بتفهمينه حق من قالوا أكيد قصده أنتي .

[بـــــــنت النوخـّــــذه]

خلاص عيل اذا حد هزأج قدام خلق الله

قولي له يسلموا :tease:

اذا وضعت لي حدود وقيود والله محد بيقدر يتطاول وعن تجربه كلامي مهب جايبته نقل من مكان 000

فيه فرق بين الحديث بلباقه وحده بالصوت مع احترام لمكان العمل وبين الرديح000وبعدين فيه فرق بين السذاجه وقوه الشخصيه

[بوخالد911]

اللي يقل ادبه صيري ملسونه معاه

الطيبة الزايدة ماتنفع هالأيام

أحسنت يا حكيم
:weeping::eek5::weeping:

[بـــــــنت النوخـّــــذه]

انا كلمت رئيس القسم وجاني واعتذر وقال ان هو ما يقصدني يقصد البنات بها الكلام المشكلة اني سألت كم وحده وقلت لهم اذا صار معاج هاموقف الكلام بتفهمينه حق من قالوا أكيد قصده أنتي .


يابنت الحلال بالمختصر لان هذرت وايد:

شخصيه قويه
انسانه واثقه
متربيه محترمه محتشمه
اسلوب لبق بالحديث
حدود وقيود
حده بالصوت وليس طوالة لسان اذا استدعى الامر

وتخلص امورج 00ترى بعض المدراء او المووظفين بشكل عام يحبون يطيحون البنات ببعض ويحبون يتفرجون 00

والسلام عليكم ورحمة الله وبركاته
والله وليّ التوفيق

[بوحارب]

كلامك في محله علشان جذي نزلت الموضوع بس المشكله انا من النوع الساكت واللي ما يعرف يرد ابي اتعلم اسلوب الرد الراقي .
لازم ترافجين بنات تتعلمين منهم شلون تردين على اللي يغلط عليج

وترى السكوت الزايد يخلي الضعيف قوي عليج صدقيني


عاد قوي شخصيتج ولا بتاكلج الجرذان :vampire:


أحسنت يا حكيم
:weeping::eek5::weeping:

خلينا الحكمة لك يالعرباوي الفاشل :p

[سهم طايش]

من شيم الكرام التجاوز عن الكلام

[غايه الطواش]

من شيم الكرام التجاوز عن الكلام

مب كل كلام الواحد يتجاوز عنه ...في ناس لازم تحط لهم حد...:secret:
وفي الاخير الانسان طاقه بيسكت بيسكت بس لحظع الانفجار الواحد مايعرف شلون تكون رده فعله ..فمن البدايه الواحد يحط له حد ..سواء مع حريم او ريايييل ...

[الفرحه]

من شيم الكرام التجاوز عن الكلام

مشكور على ردك واشكر من قال عني اني ساذجه حبيت اوضح اني انسانه هاديه وساكتة بس اذا الشي زاد عن حده اعصب ويطلع صوتي وانا ماابغي أوصل لهذه المرحله لاني في مكان عام
واللي تعلمته طنش تعش .
بس حبيت اعرف منكم لو كنتوا في مكاني ايش كنتوا بتسوون بس بأحترام وشكرا

[الـمـرقاب]

موضوعج فيه سؤالين :discuss::

سؤال خاص بينج وبين مجموعه بنات:

الكلام الفاضي دامه ماوجه لج مباشره وانذكر اسمج سمعي من اذن وطلعي من الثانيه لاتنزلين نفسج لهالمستوى واتقولين هااااااه تتكلمون عني واخرتها يحرجونج يقولون من جاب طاريج:shy:

خبرج الحريم اهههههه

ااذ ذكر اسمج وكان مباشر اهنيه لج الحق تتدخلين باسلوب لبق واتقولين لهم ممكن اعرف شسالفه بس ابعدي عن العصبيه اكسري عينهم بطيب اصلج واخلاقج ترفعي عن المستوى السوقي الهواش الي نشوفه في المسلسلات كل وحده اتهاوش مع الثانيه من البلكونه جدام الناس:)


نجي للشق الثاني من السؤال وهو متعلق بينج وبين (رجل ) بمجال العمل :

اهو اصلا" اشله يحشر نفسه بالحريم 00ذيه 00لاتكلمين ولا موظف ولادشين معاه باي نقاش الا بمجال العمل يخص المعاملات والمهام 000اما سوالف شاي الضحى شرايج بفلانه كسلانه متينه ضعيفه طويله هذا الكلام مرفوض ولا تدخلين باي نقاش مع اي شخص يخص موظفه الا اذا كان عن معامله او تخليص مهام00

ولو افترضنا ان مديرج يسئلج عن موظفه قولي له شنهو مهام المدير ؟؟؟
اكيد من مهامه مراقبه الموظفين عن بعد
التأكد من ان المعامله تمت بدقه وبنزاهه من الموظف
يتاكد ان الموظف قبل لايطلع مخلص معاملاته ومهامه بالكامل
منها بيحدد مدى اجتهاد الموظف 00

ماداني المدير الي يسئل موظفه هاه شرايج بفلانه 00!! يعني تسئل مره عن مره مشكله اههههه

الله يستر عليج دنيا وآخره وانا اقولج هالكلام عن تجربه مجال عملج خلج رسميه ولبقه بالحديث ولاتنزلين لمستوى الهلاقه مثل البعض خلج مثل ما انتي000 وثقي تماما ان اسلوبج الرسمي بالعمل واحترامج للجميع وعدم التحدث عن اي شخص من خلفه بتكسبين احترام الجميع وبيحطونج فوق راسهم حتى لو مابينو هذا الشي لج 00انتي بمجال عمل ينعرف من انتي وبنت من فخلج مثال مشرّف00

وواثق الخطوه يمشي ملكا"

وشكرا"


اتفق مع هالراي :)
والحريم ادرى بالحريم