تسجيل الدخول

مشاهدة النسخة كاملة : مساعدتكم في تاثيث غرفة نوم


سمو الاميرة
24-08-2011, 01:48 PM
مرحبا

ابي مساعدتكم في محلات تاثيث الغرف .. من باركيه وستائر وابواب خشب للغرفة وفرشة وطقم عراسي وسرير ..
ورق جدران وتلفزينون ودش ..
ابي غرفة نظام فندقي .. وشو محلات غرف نوم غير هوم سنتر وذون ناعمين ..

ويسلمو على مشاركة
KHALID J
24-08-2011, 02:04 PM
مرحبااا
اختي
عرسي قريب بعد شهرين اقدر افيدج
من ناحيه السرير
المحلات وايد لكن لو انتي تقولينلي كم ميزانيتج وشنو الستايل الي تبينه موديرن او كلاسيك.. ؟
تعرفين الفرق طبعا بينهم

بصراحة انا لفيت كل محلات طريق سلوى والمطار وهالكلام من اسبوعين .. وعندي فكرة جيده بالاسعار
قوليلي الستايل واقولج المحلات .... منتظر الرد


بالنسبه لمحلات ورق الجدران عندج محل العساف ( الطريق الي من اشارات السينما لين دوار الرغيف الساخن وكملي على طول والمحل هناك)

بالنسبه لللابواب والكبت انا الباب ما غيرته بس فصلت كبت في غرفه الدريسينج رووم وعلى مزاجي وماخذ الفكرة من غرفه شفتها في احدى الفنادق / عندي واحد يفصل لنا دايما حق الكبت والدرايش للبيت والابواب اتوقع

الستاير وايد محلات في النجمة وكلهم متقاربين واهم شي تختارين السرير وبعدين تحددين لون الغرف والارضية والستاير وكل شي..

الادوات الكهربائية اتوقع كارفور او فيرجن الاسعار متقاربة وعلى حسب الموديل والحجم الي تبينه..
سمو الاميرة
25-08-2011, 02:13 AM
ابي سرير ابيض جلد مودرن
The_Be$t
25-08-2011, 07:29 AM
بالنسبة للسرير الجيوان ديزاين طريق سلوى

الستائر افينيو avenue

الإلكترونيات محلات الخاجة شارع الاصمخ

الباركييه مفروشات الخليج إشارات الاصمخ جنب جنرال
KHALID J
25-08-2011, 10:19 AM
السرير الابيض الموديرن موجود عند مفروشات المفتاح على طريق الوكرة بس سعره غالي شوي وبدون كبت
تقدرين تشوفينه

في محل يفصل الموديل الي تبينه اسمه ريلاكس بعد على طريق الوكره قبل مفروشات جميل انصحج تروحينله

ريلاكس
تفصيل على ذوقج وعندهم الكتالوج تختارين هاي رخيص تبتدي اسعاره من 3000 بس سرير من غير التسلريحة ولا الكبت
وارخص شي لقيته
ولو تبين شي جاهز مع الكبت والتسريحه وتريحين بالج روحي مفروشات الجميل عندهم الموديلات معروضه لكن اللون الي تبينه بياخذ شهر لين شهرين عشان يوصل ..انا خذت من عندهم واسعاره تبتدي ب 14000

المحلات كلها على خط الوكرة وقريبه من بعض يعني في ساعه بتشوفينهم كلهم .
المفتاح بس غالي
ريلاكس تفصيل ورخيص وحلووو بدون كبت
مفروشات الجميل حلو ومع كل شي واسعاره معقوله


المشكله حاولت انزل الصور بس ما عرفت اشلون عندي صور لكل المحلات الي دخلتها

وشكرا
سمو الاميرة
28-08-2011, 02:11 AM
مشكورين وجزاكم الله خير
KHALID J
28-08-2011, 09:26 AM
العفو
ja077
11-09-2011, 01:28 PM
مرحبا اختي
انا انصح اتشوفين معرض الجميل للمفروشات عندهم اشياء جاهزة وراقية وايد
وعندهم غرف نوم وكل انوع المفروشات وبخصوص الستائر و ورق الجدران في
ستائر الجميل طريق سلوي
اذا تبين تفصيل وشغل راقي ممكن اتشوفين ريلاكس بيد شارع المطار او
المصنع الوطني للمراتب طريق سلوي عندهم تفصيل اسرة ووخزاين وفرشات طبية ......
هارودز
11-09-2011, 01:30 PM
اثاث الجيدة حلو بس على حسب الميزانية
تحداني
13-09-2011, 02:11 AM
جميل
تيفولي
قطر ديزاين
المعرض على ما اعتقد هذا اسمه الي بعد الجسر

وفي معرض من فتره فاتح اشوفه جدا راقي " مفروشات الخليج " احذى الرونق في المطار




جملك الله برضاه
محمد 93
13-09-2011, 02:14 AM
مفروشات حول الامارات هذا اسمهم على ما اعتقد - طريق سلوى بعد محطه بترول التيسير وعندهم عروض مميزة الآن , وهم فرع من الامارات