ممكن حد يرد علي رد اكيد الله يخليكم ( الموضوع للمرور )

[تمون]

السلام عليكم ورحمة الله وبركاته

يا اخوان كثر الكلام عن منع اطارات البالون في قطر هل هذا الكلام اكيد ؟؟ واذا كان اكيد متى بيتنفذ ؟؟؟!
الصراحه سيارتي محتاجه تبديل 4 اطارات واخاف اركب ويمنعونهم واتوهق والسياره عليها فحص فني وحاله وغير ان اسعار السيم ما شاء الله وصلوا 4000 ريال اذا مب اكثر

ياريت يا اخوان تعطوني الرد الاكيد ممنوع ولا لا :omen2:

[Store]

بالتوفيق ان شاء الله

喜んで成功、神

وان شاء الله حد يرد عليك

[bojassem13]

بلنسبه للمحلات انا عندي بنشري وفعلا جاني واحد من حماية المستهلك وعطانا انذر بان التواير اعتقد في نهايه شهر 10 بيتم منعهم واي محل يبيع هالتواير بيتخالف ويغرم
ولين سالت المدير المسؤول عن قسم حماية المستهلك قال لي انه بيتم التنسيق بين حماية المستهلك والمرور نه بيخالف اي شخص مركب تواير بالون من بعد تاريخ سحبها من المحلات التجاريه اللي تبيعها

يعني بعد شهر 10 ما بنلاقي تواير الا بالتهريب :)

[تمون]

طيب يالغالي لو ركبتها الحين بتخالف بعد شهر ولا المخالفه على المحلات الي تبيعها

الصراحه لازم المرور توضح هالنقطه للجمهور والله مب حاله

[بوطويشم]

السلام عليكم

المشكلة ان مافي توضيح من قبل المرور

يعني يوم يقولون ممنوع و يوم يقولون في بعض الأنواع

يعني الي بيمنعونهم التواير الصينية و سمعت ان السيام بيتم

الخلاصة

مافي الا انك تروح اتكلمهم او عند البنشري

لان كل يوم لهم كلام

[البحار00]

نبي رد من المرور

لان صراحه تعبنا من هالقرارات


وينك يا اخ جاااسم نبي رد

[تمون]

ان شاء الله حد بيوضح لنا

ننطر التوضيح السليم من ادارة المرور

[مزيون الدوحه]

توكل على الله وبدل :)

بالتوفيق

[تمون]

مايسوى علي اركب تواير بـ 4000 ريال شهر ولا مخالفيني بعد 1000 ونزل التواير وبعدين تروح تشتري تواير مره ثانيه ليش هالشحططه ياريال

[بوخالد353]

اخوي منطقيا لو نزل القرار شهر 10 مايصير يطبق المخالفات بنفس الوقت لازم مهله اقل شي سنه يعني يطلبون من المحلات تصريف الكميه ومنع استيرادها ,, ويمهلون الي مركبين هالتواير سنه لان الناس مالهم ذنب الي مركبين قبل القرار بيوم او فتره قصيره ,, او ان المرور يعوضون اصحاب التواير بقيمتهم ,, وهاذي مستبعده..

[فارس قطر333]

الله اعرف انه في بعض الانواع اللي راح يمنعونها

ويصراحه ما عندهم سالفه يدخلون في كل شي حتى التواير

[السد]

الله اعرف انه في بعض الانواع اللي راح يمنعونها

ويصراحه ما عندهم سالفه يدخلون في كل شي حتى التواير

لسلامتكم تم منع البالون

[Mr.Qtr]

مرور قطر على كل شي يطلعون لك حجه

طيب مثلا الواحد يبي يكشخ موتره وشعليهم منه فلوسه وهو حر يسوي الي يبيه

لايكون المرور هم الي دافعين له سعر الموتر وانا مادري

نحاااسه والله

[رغوودة]

السلام عليكم ورحمه الله وبركاته


ماااامنوعوهااا الا لاسباب واكييد لها مضار خطيرة

بس المطلوب من المرور توضيح اسباب المنع

تقبلوو مروري

[تمون]

الحين الي ابي افهمه ممنوع ولا لا

يعني نزل كتاب منع من المرور ؟؟؟؟!!!!
حد سمع هالخبر من المرور ولا اشاعات بلاك بيري