ابي حد مضمون يغير الارضية بأقل الخسائر !!!!!

[dream~qa]

من فترة بسيطة جددنا البيت من ارضيات رخام وصبغ وورق جدران ومكيفات يعني خسرنا وايد لان تقريبا كان تغيير شامل

المهم اللي صار ان في الصالة والمجلس حطينا رخام كريما مارفل وللاسف تغير لمظهر سيء جدا ( الظاهر مغشوش ) وجبنا شركة جلي قالو ما ينفع معاه الجلي لان نوعيته اصلا رديئة وعقب شهرين بيرد مثل قبل فنصحنا بتغييرة لان لاحظ رداءة النوعية مع ان ماخذينه على انه اسباني نخب اول .

الحين نبي نغير الارضية ونبي حد نصوح ويخاف ربه سواء شركة أو أفراد .. يغير لنا الارضية بس ما نضطر أن نغيير ورق الجدران ولا ياثر على الصبغ . ويركب لنا بديل ممتاز ؟؟

اتمنى مساعدتكم وجزاكم الله الف خير .

[Chambray]

عطنا اسم الشركة الي خذت منها الرخام الردئ وكم سعر المتر الي خذته علشان ناخذ حذرنا ..

[المزن الرياني]

ماعندك الا تركب باركيه فوق الرخام

[بن غيث]

لا تستعجل في قرار تغييرالارضيات
شوف اذا ينفع تصبغ الارضيات صبغ رخامي خاص بالارضيات فقط ( عن طريق شركات معروفة )

وبعد فكرة المزن زينه ..
ولا تخاف على الصبغ وورق الحائط لان لها حلول كثيرة
وانا متابع موضوعك

[MeMe MoOoON]

الله يعينك اخوي

والله خرعتنا قبل لا نركب بنسأل مليون مره
اي محل علشان ناخذ حذرنا منه
الله لا يوفقه كم كلفك تقريبا

[بن رومي]

ليش ما ترجع للي شريت منه يعاين الرخام على ارض الواقع

ويكون يتحمل تبديله 100%

او على الاقل 70 %

لانه على كلامك (( نخب اول ))

واسال الله لك تييسر امورك


بن رومي

[MAZEN37]

فكرة الباركيه عجبتني

[توفني ساجدا]

السلام عليكم ورحمة الله وبركاته،،
يعطيك العافيه


نحن شركة ويل دن للتجارة والمقاولات والخدمات Wd

طاقمنا يضم مجموعة من المهندسين العاملين سابقاً بشركات عقارية كبرى ومشاريع كبرى للدولة.
لقد قرر مؤسسين الشركة فتح الشركة بنظام تحدي جديد، بخبرات وكفاءات عالية تستند لاعمالهم السابقة سواء من (قصور و مجمعات فلل و مجمعات شقق ومباني ادارية) والعمل على دراسة دورية للاسعار بالسوق العقاري وبين المقاولين لرفع الكفاءات والجودة بالعمل وتقليلا بالتكاليف على الملاك معتمدين على دراساتنا وبحوثنا الخاصة وطاقم موظفينا الذين تملأهم الخبرات المتينة لديهم.
Wd على استعداد لبناء العظم مع بلاستر داخلي خارجي والسور والصرف الصحي وتمديدات الكهرباء باسعار خيالية ومنافسه و كما لدينا التشطيب العادي والديلوكس والسوبر ديلوكس و VIP كل ذلك تحت ادارة هندسيه من اصحاب الخبرة و الكفاءة بمشاريع كبرى بالدوله كما يضم طاقمنا العمالة الماهرة لاعمال منازلكم في المجالات التالية: الجبس والديكورو الاعمال والتمديدات الكهربائية والنجارة والحدادة والسباكه والصرف الصحي ..اعمالنا على أرض الواقع عين خالد و ام صلال محمد و فريج كليب و مدينة خليفة و الوكره .

هدفنا ارضائكم و تحقيق حلمك لحقيقه والسمعه والرقي باعمالنا وليس الربح السريع.
تفضلوا بزيارة مكتبنا او الاتصال على الخاص
اسعار خاصه بمناسبة الشهر الفضيل و قدوم عيد الفطر المبارك

وعلاقاتنا مع شركات مواد البناء والنقليات المحلية والعالمية التي تربطنا بهم علاقات وطيدة وقوية. التي تساعدنا على منحكم افضل الاسعار وافضل المواد.
فيسرنا ان نقدم لكم عرضنا بالبناء مهما كانت المساحه و مهما كانت اعمال البناء و الديكور والتشطيب التي خططتتم لها فهي كالتالي:-

1. تكلفة الاعمال حسب الفواتير
2. فترة الإنجاز حسب رغبة المالك بنوع البناء: 8 اشهر للعظم و تصل الى 20 شهرا مع التشطيب وحسب نوعه.
3. الاتعاب= المصاريف الإدارية وأجرة العمال (المصنعية) = 25 إلى 13 % من تكلفة الاعمال حسب الفواتير.
4. حاليا قد تم اقتتاح مكتبنا على دوار الصناعية فوق سفاري الاولوية لاول 5 مشاريع لهذا العام تم استقبال 3 مشاريع حالياً.
5. مرحبا بعملاء بنك التنمية
6. مرحبا بالعملاء الذين يريدون ان يبنوا بالاقساط.

التزامنا هو عنواننا وثقتكم هي هدفنا مع تحيات Wd
للاستفسار على الخاص

[بوفصول]

كثر الزل

[dream~qa]

مشكورين على اقتراحاتكم

قطع الاعناق ولا قطع الارزاق ترددت وايد اني احط اسم المحل ( عموما هو مب من محلات شارع سلوى ) لأني لقيت حل بعد البحث في أفضل الحلول لتركيب الرخام وبيفيد كل اللي خايف من أن الرخام يخترب وهو أنكم ما تحطون الرخام على الرمل مباشرة ،،، تصبون صبية ويتركب عليها الرخام والحين هالشي ممكن يصير وبعدها ينجلي علشان يتساوى وهذا اللي انا ناوي اسويه .. بس ابي مثل ما قلت ابي شركة تقدر تسوي هالشغل بدون ما تخرب الحوائط .

بالنسبة للباركية والزل يصلح للغرف أكثر من الصلات والمجالس . شرايكم في البورسلان الشبيه بالرخام ؟؟

توفني ساجدا ممكن عنوان الشركة . ؟؟

[dream~qa]

ليش ما ترجع للي شريت منه يعاين الرخام على ارض الواقع

ويكون يتحمل تبديله 100%

او على الاقل 70 %

لانه على كلامك (( نخب اول ))

واسال الله لك تييسر امورك


بن رومي

كلمته من البداية وقال يمكن المشكلة من عندكم اكيد عندكم تسريب ( ما في محل يقول احنا غلطانيين ) بس انا عن نفسي اشك ان نخب اول واحتمال يكون كلامه صح علشان جذيه ما ابي اتحمل أثمه وأشهر فيه .. وشحادني ارجع له ويحط لي تعديل مؤقت ويرد يخترب ابي شغل مضمون يعمر ويانا سنين .

الله المستعان

[بن رومي]

كلمته من البداية وقال يمكن المشكلة من عندكم اكيد عندكم تسريب ( ما في محل يقول احنا غلطانيين ) بس انا عن نفسي اشك ان نخب اول واحتمال يكون كلامه صح علشان جذيه ما ابي اتحمل أثمه وأشهر فيه .. وشحادني ارجع له ويحط لي تعديل مؤقت ويرد يخترب ابي شغل مضمون يعمر ويانا سنين .

الله المستعان


يمكن يكون صادق

وفي مثل مصري يقول (( المية تكدب الغطاس ))

قول حق الشركة ...

انك بتشيل الرخام واذا طلع فيه تسريب (( الدفان بيكون رطب ومتشرب ماي ))

يكونون مب غلطانين واذا مافي تسريب فعلى الشركة الفك والتوريد والتركيب

(( لا ضرر ولا ضرار ))

بن رومي

[بازار]

عندك الله يسلمك

" مركز الرخام والجرانيت " قرية بروة آآخر شي مقابلين البر ..

عن تجربة شخصية .. واكثر من فيلا ومشروع

تعامل ممتاز ودقه في المواعيد

والبضاعة ممتازة صحيح اغلى من السوق لكن بفارق بسيط

والله يعوضك على الخساره

[dream~qa]

مشكورين جميعا .

اقتراح بن الرومي جيد لكن الغلطة أن العقد ما فيه ضمان وهذه غلطة اتمنى الكل يستفيد منها .

قررنا التغيير ... دعواتكم .