رايح بانكوك ثاني العيد

[العميد الركن]

السلام عليكم

ان شاء الله ثاني العيد انا رايح بانكوك

ممكن مكتب يحجز لي على الخطوط التايلانديه الى بوكت

ابغي اول ماوصل مطار بانكوك اطير الى بوكت

ممكن حد يساعدني؟

ويساعدني بحجوزات الرحلات البحرية في بوكت

[ام عبدالعزيز]

ريح في بانكوك يوم

لان الطيران 7ساعات ع القطريه ومطبات على الرحله بتلوع جبدك


سفريات الديره يرتب لك الحجوزات..


لك ارق التحيات

[العميد الركن]

مشكوره ام عبدالعزيز

بشوف الديرة

[صغيرون قطر]

مرحباً
نعم في السكن والحجز لبانكوك
لكن رحله داخليه أحجز من هناك ارخص قيمة الحجز بين 500_ 600 ريال
لكن أحجز ع التايلندية مب طيران فوكيت او بانكوك
أنا مجرب تحجز من هني للرحلات الداخليه بين 1200-1500 ريال من الديره
أنا سالت
ورحو سفريات الديرة فرع المطار القديم
اسعارهم ارحم من فرع الاول

[ღLady Qtrღ]

لرحت هناك من لمطار احجز ارخص من لحراميه الي عندنا التذكره دبل

[فارس قطر333]

http://www.thaiairways.com/plan-your-trip/booking/en/booking.htm

حاول تحجز من الموقع مال الطيران التايلندي احسن لك

انا حجزت منه

[الاستاندر]

احجز من المطار نفسه
في رحلة تقريبا كل ساعه
ولو تسوي نفسي في كل سفره اريح يوم في بانكوك واحجز من محل في شارع العرب اسمه
موسى البانكوكي
بوكيت حلوه وكل شي فيها سهل
بتحصل كشكات حق الجداول السياحية والرحلات
وحتى في الفنادق نفسها بتحصل الرحلات
روح رحلة جيمس بوند + بي بي لاند
روح حديقة الحيوان
اممممممممم
رحلة حلوه وايد وايد بس بعديه شوي
واذا ماعليك عيله مالها داعي لان الرحلة شوي متعبه اسمها الرافتنق
بوكيت سهله بتحصل الرحلات كلها موجوده في الكشكات
ورخيصة الرحلة تقريبا سعرها 1000 الى 1200 بات
شاملة الاكل مع اني ماكل من اكلهم هههههههههه
واذا رحت تحجز قولهم تبي في اي بي ولا قولهم ابي الطراد السريع
ترى اريح لك بوايد
وتروح وترجع بالسلامه

[عيون الدوحة]

يالطيب القطرية عندها رحلة دايركت لبوكت
خذها أحسن لك من الترانزيت وعوار الراس وتطلع أرخص على ما أظن
ويوم بتسافر من بوكت لبانكوك خذ القطرية بعد طيار الليل قيمتها 350 ريال أحنا خذناهما من بوكت لين كولموبر بهاي السعر

[العميد الركن]

جزاكم الله خير شباب ساعدوتني كثير