بغيت رايكم في خرايط البيت

[بوسـعد]

السلام عليكم ورحمة الله وبركاته


بغيت رايكم في خرايط البيت واذا فيها اغلاط او اي اقتراحات منكم اتخلينا نتفاداها ومشكورين مقدمآ:shy:

[الجنوبي 11]

ليش مضيع الحوش ومخلي الحوش في الخلف ،أشوف الاستور والملحق مكانه مب مناسب ولو تستغل مساحه اكبر للمجلس بيكون احسن وخاصه ان الارض كبيره و على عدة شوارع ،لو تفضل تكون الغرفة ألرئيسيه تحت وغرف العائلة فوق ترى احسن واريح ،والله يبارك لك

[قطري قديم]

جعله منزلا مبارك وانا مع اخوي الجنوبي وشيك الخاص بوسعد

[عيون الدوحة]

حرام والله الحوش كله ضاع
مافي تنسيق كلش التوزيع كلش

[MAZEN37]

انا لو مكانك اغير كل الخريطه واسولي خريطه تجاريه
يعني محلات على الشارع وميزانين وشقق مكتبيه ومدخلهم من الخلف
واصرف النظر عن الفيلا تماما
خصوصا انه الارض على شارع تجاري
حرام والله
انت حر بالنهايه والله يوفق الجميع

[king999]

انا لو مكانك اغير كل الخريطه واسولي خريطه تجاريه
يعني محلات على الشارع وميزانين وشقق مكتبيه ومدخلهم من الخلف
واصرف النظر عن الفيلا تماما
خصوصا انه الارض على شارع تجاري
حرام والله
انت حر بالنهايه والله يوفق الجميع


محلات تجارية!!!! المحلات لازم تكون الارض تجارية وبالنسبة لشقق والميزانين مارح يصرف لة اتمام بناء وفي حال المخالفة يدفع غرامة 500 ريال ع المتر

اما بالنسبة لخوي صاحب الموضوع انصحك بالابتعاد عن تصميم الفراشة وبالتوفيق للجميع

[بوسـعد]

ليش مضيع الحوش ومخلي الحوش في الخلف ،أشوف الاستور والملحق مكانه مب مناسب ولو تستغل مساحه اكبر للمجلس بيكون احسن وخاصه ان الارض كبيره و على عدة شوارع ،لو تفضل تكون الغرفة ألرئيسيه تحت وغرف العائلة فوق ترى احسن واريح ،والله يبارك لك


مرحبا الجنوبي يعطيك العافيه على التفاعل وعلى كلمك الممتاز بخصوص ليش مخلي الحوش ورى لسبب لان لو بتلاحظ طوفة الي مكتوب عندها شارع تجاري هاذي الطوفه قدامها حول 490 متر مساحة فاضيهمن اول الطوفه لين نهايتها وجيراني قدمو على زيادة اراضيهم وزادوهم التخطيط العمراني وصارت اراضيهم مساحت الاراضي 1700 متر فا انا لين الحين مابنيت قلت اودي البيت قدام واخلي مساحه ورى في حال ضميت الارض ومستقبلآ تكون المساحة الي عندي ورى مساحه كبير واقدر ابني فيها فيلا ثانيه وأجرها لكن لو رجعت البيت ورى وضميت الارض الي ضموها جيراني ماراح استفيد منها بشي لان جيراني حاطين على الطوفه نفسها طبعآ المطبخ وملاحق لكن بعد مازادو صار المطبخ والملاح في النص بين الفيلا وبين الشارع مب لازقين في الطوفه

[بوسـعد]

جعله منزلا مبارك وانا مع اخوي الجنوبي وشيك الخاص بوسعد

يعطيك العافيه

[PLATINUM]

التصميم بشكل عام حلو
بس في الدور الثاني احس الصاله اللي فوق وايد كبيره وماله داعي صاله هالكبر في الدور الثاني وعندك الماستر روم حاول شوي تدلعها لو تاخذ من الصاله للماستر من رايي يكون افضل
ويبيلك بعد شوي تنسيق في اتجاه الفيلا بالنسبه حق الارض والملاحق والمجلس يعني اعاده توزيع
يعني شوي تكتيك وتضبط المسائل
وجعله منزل عامر ان شاء الله

[نواااف البوعينين]

بيت ماشاء الله حلو وزين
عساه مبارك
تبارك الرحمن ولا اله الا الله
بالتوفيق ويارب يسعدك يابو سعد
والله يرزقك كل مسلم ومسلمه
ولا تنسى تدعي لنا
تحياتي لك

[بوسـعد]

التصميم بشكل عام حلو
بس في الدور الثاني احس الصاله اللي فوق وايد كبيره وماله داعي صاله هالكبر في الدور الثاني وعندك الماستر روم حاول شوي تدلعها لو تاخذ من الصاله للماستر من رايي يكون افضل
ويبيلك بعد شوي تنسيق في اتجاه الفيلا بالنسبه حق الارض والملاحق والمجلس يعني اعاده توزيع
يعني شوي تكتيك وتضبط المسائل
وجعله منزل عامر ان شاء الله

تسلم اخوي على رأيك

[بوسـعد]

بيت ماشاء الله حلو وزين
عساه مبارك
تبارك الرحمن ولا اله الا الله
بالتوفيق ويارب يسعدك يابو سعد
والله يرزقك كل مسلم ومسلمه
ولا تنسى تدعي لنا
تحياتي لك

الله يجزاك خير وتسلم على كلامك

[aljar]

السلام عليكم اول شي الله يوفقك ان شاء الله وجعله بيت السعاده بالنسبه للتصميم في اكثر من ملاحظه اولا فكره ان يكون الحوش ورا البيت هذه فكره حلوه وتستر الحوش اذا هلك ودهم يقعدون فالحوش وتقدر بعد اتسوي لك بركه مغطاه فالحوش الخلفي وبالنسبه للملاحق مب ضوروري يكونون مفصولين عن الفله بشكل كامل ممكن تخلي الملاحق ملاصقين للفله مع اضافه ممر او جزء داخلي يفصلهم عشان الروائح والازعاج وبالنسبه لتصميم الفراشه مثل ماقلك اخوي فهو يقسم الفله لطرفين وانصحك قبل ماتاخذ قرارك النهائي تمر على مهندس ديكور ممتاز ويكون عنده خلفيه عن قوانين ( الغنق شوي ) حتى لو دفعت له اشوي بس بيجنبك العديد من الاخطاء الموجوده فالتصميم والله يعينك على الاستشاري الي مسويلك المخطط هل هو مصري ؟
بالتوفيق

[بوحارب]

التصميم ماله حل يابوسعد ما شاء الله روح والقلب داعيلك

الله يوفقك ان شاء الله وجعله بيت عامر على اهله بالأيمان

اهم شي اذا جهز البيت لاتنسى تعزمني على الكرك :) ههههه

[dream~qa]

الدور الارضي احسه ضايع بالصالات والمجالس وهذا يعتمد على عدد الافراد اللي بيسكنون الفيلا واللي اشوفه أن العدد قليل بالنسبة لملاحظاتي المتواضعة واقتراحاتي :

أولا مجلس الحريم راح يضيع في توزيع الاثاث لان عندك فتحتين متقابلتين وهذا راح يخلي توزيع الكنب على شكل صفين متقابلين وعندك غرفة الطعام أصغر من المجلس بمتر اقترح جعل الغرفتين بمساحات متساوية للمستقبل لو حبيتو تفتحونهم على بعض ويصير المجلس أكبر والدارج الحين أن مجلس الحريم يكون كبير وخصوصا أنه معزول عن الصالة .

* بالنسبة للغرفة اللي في الصالة ومفتوحها عليها هي حلوة علشان تكون قعدة عائلية بس اقترح عليكم تسكرونها وتخلونها غرفة إضافية لان الصالة اساسا كبيرة وتخلون الملاحق قريبة من زاوية البيت الخارجية وتسكرونها بصالة اضافية بين البيت والملاحق وتكون القعدة العائلية فيها . الملاحق تكون على شكل حرف ال انجليزي ( الكيبورد عندي فيه مشكلة )

* لاحظت الفيلا ما فيها ملحقات اساسية ومهمة مثل غرفة الخادمة وغرف الغسيل والكوي طبعا اقترح تكون مكان المطبخ الداخلي والمطبخ الخارجي يتكبر وقلنا ان يتوصل مع الفيلا بصالة اضافية .

* فكرة الحوش خلف البيت بيكون عملي اكثر خصوصا لو حديقة ونوافير وقعدة واقترح تكون فيه جهة من الصالة مطله عليه بزجاج .

والله يوفقكم .

[aljar]

الدور الارضي احسه ضايع بالصالات والمجالس وهذا يعتمد على عدد الافراد اللي بيسكنون الفيلا واللي اشوفه أن العدد قليل بالنسبة لملاحظاتي المتواضعة واقتراحاتي :

أولا مجلس الحريم راح يضيع في توزيع الاثاث لان عندك فتحتين متقابلتين وهذا راح يخلي توزيع الكنب على شكل صفين متقابلين وعندك غرفة الطعام أصغر من المجلس بمتر اقترح جعل الغرفتين بمساحات متساوية للمستقبل لو حبيتو تفتحونهم على بعض ويصير المجلس أكبر والدارج الحين أن مجلس الحريم يكون كبير وخصوصا أنه معزول عن الصالة .

* بالنسبة للغرفة اللي في الصالة ومفتوحها عليها هي حلوة علشان تكون قعدة عائلية بس اقترح عليكم تسكرونها وتخلونها غرفة إضافية لان الصالة اساسا كبيرة وتخلون الملاحق قريبة من زاوية البيت الخارجية وتسكرونها بصالة اضافية بين البيت والملاحق وتكون القعدة العائلية فيها . الملاحق تكون على شكل حرف ال انجليزي ( الكيبورد عندي فيه مشكلة )

* لاحظت الفيلا ما فيها ملحقات اساسية ومهمة مثل غرفة الخادمة وغرف الغسيل والكوي طبعا اقترح تكون مكان المطبخ الداخلي والمطبخ الخارجي يتكبر وقلنا ان يتوصل مع الفيلا بصالة اضافية .

* فكرة الحوش خلف البيت بيكون عملي اكثر خصوصا لو حديقة ونوافير وقعدة واقترح تكون فيه جهة من الصالة مطله عليه بزجاج .

والله يوفقكم .

:victory:

[بوخالد911]

منزل عامررر

[ذكي جدااا]

بو سعد الله يبارك لك بالبيت بالنسبه للمطبخ الداخلي اشوف انه غلط تحط له بابين بيضيع عليك جزء كبير منه . انصحك تفتح باب من الممر لغرفه الطعاام . احسن من انك تفتحه من داااخل المطبخ.
بشكل عااام لو كنت مسوي شكل البيت مربع كان احسن لك بتستفيد وسع وغرف اكثر ووأوسع ماادري ليش المصمم مسووي مقيييد نفسسسه وبالتوفيييق

[بوخالد911]

هلا

س : لما نزلت الخرايط اهنييه

بأي حجم نزلتهم ؟

a4
؟
a3
?