رايكم يا جماعة يهمني كثيراً

[البديل]

السلام عليكم ورحمة الله وبركاته

يا جماعة الخير أنا بنيت بيتي المكون من طابقين عظم بدون بلاستر

والصراحة وقفت حاليا لاني تعبت

لذلك .. شرايكم شنو تنصحوني فيه

أدور على شركة مقاولات تكمل بيتي تشطيب كامل ؟

وهل فيه شركة مقاولات زينة تعرفونها وتنصحوني فيها

رايكم يمهني

وشكرا

[MAZEN37]

انا اشوف تكمل بنفسك التشطيب

[The_Be$t]

ريح شوي وكمل بنفسك شوي شوي ولاتستعجل

هذا بيت العمر

[AL-ANSARI]

كمل بنفسك احسن

[كبير المتداولين]

بدون تفكير اتعب وكمل بنفسك والله يوفقك

[فويرط]

كمل بنفسك احسن ، واي شي تبيه قول لنا واحنا بنفيدك إن شاء الله

[توفني ساجدا]

نصيحه كمل بنفسك لان التشطيب فن الأبداع وكل شخص وله ذوقه ، فإذا انت عندك القدره تشتري و((((تشرف <<< ضروري جدا لان التشطيب اخطاءه وارده وبكثره ولازم اتحذر العماله كل اشوي وتوقف على راسهم علشان الفينشينج)))) و ادبر العماله الحرفييه وهذا سهل امرهم هالايام فتوكل على الله وكمل بنفسك انا ما اقولك الي ذكرته عشان ارهبك او اخوفك واخليك تروح شركة مقاولات بالعكس انا مقاول والاخ الانصاري ايضا مقاول بالعكس انا انصحك وانبهك على بعض الامور فقط لاغير.

[بن غيث]

انت ما تبي مقاول .. انت تبي شركة ديكور علشان تشطبلك
وفي مصلحه المقاول انه ياخذ البيت عظم مب تشطيب (( للعلم ))
التشطيب اصعب واعقد واطول مرحلة من مراحل بناء البيت
خذ اجازة طويله وارجع مرة ثانية وكمل تشطيبك
واذا انت وصلت مرحله مب قادر تكمل فيها
شوفلك شركه ذات سمعه محترمه وتوكل على الله .. مع متابعتك طبعا ( لانك لازم تتعب شوي )

[السد]

شوف اذا مستغني عن 300 ألف ريال
فهناك شركات تستغل النصب عل الناس
هم ما يسوون شي
فقط
اتصال لراعي الصبغ - جبس - تركيب بلاط - منجرة - درابزين
الله لا يهينك بتتعب شوي نفس ما قالو الاخوان

وفلوس 300 ألف تحطهم في امور التشطيب ابرك
او اتعب لمدة سنة واحصل على كروزر مجانا من جيبك الخاص !!

[جرناس]

اول شي عليك عمل البلاستر وبعد البلاستر عليك بالتشطيب الجيد
واي خدمة انا حاضر

[نواااف البوعينين]

شوف اذا مستغني عن 300 ألف ريال
فهناك شركات تستغل النصب عل الناس
هم ما يسوون شي
فقط
اتصال لراعي الصبغ - جبس - تركيب بلاط - منجرة - درابزين
الله لا يهينك بتتعب شوي نفس ما قالو الاخوان

وفلوس 300 ألف تحطهم في امور التشطيب ابرك
او اتعب لمدة سنة واحصل على كروزر مجانا من جيبك الخاص !!


يالغالي لا تقول هناك شركات تستغل النصب على الناس
اتق الله
اصحاب الشركات اغلبهم عرب ومسلمين
وهذا مب استغلال
وكل الناس عارفين شغل المقاوله بس لاتقول نصب
ما يلفظ من قول الا لديه رقيب عتيد
تحياتي اخوي

[نواااف البوعينين]

اخوي البديل
من رايي انت تكمل بنفسك
صج بتتعب بس دام سويت العظلم كمل البلاستر والتشطيب
لان شي طبيعي ان اي شركه بتاخذ فائده عليك لان عليهم التزامات

[السد]

يالغالي لا تقول هناك شركات تستغل النصب على الناس
اتق الله
اصحاب الشركات اغلبهم عرب ومسلمين
وهذا مب استغلال
وكل الناس عارفين شغل المقاوله بس لاتقول نصب
ما يلفظ من قول الا لديه رقيب عتيد
تحياتي اخوي

الا استغلال
اتصال لشركة عازل فقط 8 ألآف ريال
اتصلت انا فقط للشركة واتفقت معاهم ووفرت 8 ألآف ريال

وناهيك عن امور التشطيب الاخرى
من ابواب الخشب تختار نوع معين ومن وراك يتفق مع راعي المنجرة للتوفير من اختيار صبغ عادي للخشب ( حسبي الله عليهم )

بعض المقاولين عندهم 80 فلة وعدد العمال 200 عامل !!

اصبحوا بعض المقاولين مثل النار هل من مزيد ( يسقبلون المزيد من عملاء بنك التنمية) واول ما ياخذ الدفعة الاولى اتم اتلاحقه لين ما يخلص لك البيت

يستقبلون الناس ولا عندهم عمالة تخلص الشغل
لانهم يوزعون الشغل على كل الفلل

[نواااف البوعينين]

الا استغلال
اتصال لشركة عازل فقط 8 ألآف ريال
اتصلت انا فقط للشركة واتفقت معاهم ووفرت 8 ألآف ريال

وناهيك عن امور التشطيب الاخرى
من ابواب الخشب تختار نوع معين ومن وراك يتفق مع راعي المنجرة للتوفير من اختيار صبغ عادي للخشب ( حسبي الله عليهم )

بعض المقاولين عندهم 80 فلة وعدد العمال 200 عامل !!

اصبحوا بعض المقاولين مثل النار هل من مزيد ( يسقبلون المزيد من عملاء بنك التنمية) واول ما ياخذ الدفعة الاولى اتم اتلاحقه لين ما يخلص لك البيت

يستقبلون الناس ولا عندهم عمالة تخلص الشغل
لانهم يوزعون الشغل على كل الفلل



ياخوي اتق الله لاتقول استغلال
هذي شركه تشتغل عشان تربح مب لوجه الله
وانت وانا وكلنا ندري اننا لما نوقع العقد انهم يجيبون ناس من برى يكملون
هم فاتحين الشركه عليهم التزامات اقامات وايجارات وبترول ونثريات
بذمتك لو الاجاارات رخيصه والاقامات والنثريات نفس دول الخليج الجاورة بتلقى الغلا هذا
ثاني شي لو انت عندك شركه بتسوي شي لوجه الله ؟؟؟؟ وتترك الربح وتدفع من جيبك
الي بيسوي شي لوجه الله يعرف وين درب الخير والتبرعات
وثالث شي اذا هاذي كلامك عيل الخياط بعد هو يشتري خلق ويفصل بس الخلق مب هو الي يصنعه ؟؟
التلفونات بس يبيعون مب هم يصنعونها ؟؟
يااخوي مرات الانسان من كلمه يقولها ما يدري انه يرد فيها نصيب ناس كثاار
وانت ماتدري شنو الي عند الشركات
في واايد فاتحين الشركات بس عشان يعيشون لا عندهم لا رواتب ولا ميراث ولا ثروات
فياخوي لاتقول استغلال
انصح وقول اذا انت لك خلق حق العنا والتعب وكمل شغلك
واذا مالك خلق عطه البيت لشركه
بس لا تقول استغلال
اتمنى فهمت قصدي
تحياتي لك

[Right]

أخوي " البديل "


أنصحك تتفق مع شركة كبيرة ومصنفة لها سمعتها بالسوق


وتكمل بناء بيتك إن شاء الله


أحسن لك من عوار الراس ونصابي المقاولات


أنا بإذن الله تعالى بعد العيد ببتدي أتفق مع شركة كبيرة ومصنفة


تبني بيتي المكون من فيلا دورين وملاحق ومجالس خارجية


بالكامل تشطيب سوبر ديلوكس

[نواااف البوعينين]

أخوي " البديل "


أنصحك تتفق مع شركة كبيرة ومصنفة لها سمعتها بالسوق


وتكمل بناء بيتك إن شاء الله


أحسن لك من عوار الراس ونصابي المقاولات


أنا بإذن الله تعالى بعد العيد ببتدي أتفق مع شركة كبيرة ومصنفة


تبني بيتي المكون من فيلا دورين وملاحق ومجالس خارجية


بالكامل تشطيب سوبر ديلوكس







اخوي الغالي نصيحتك طيبه
وربي يوفقك
بس حبيت اوضح لك نقطه مهمه
وهي الشركه المصنفه
تدري يالغالي اذا شركه مصنفه او غير مصنفه مب نافعه الزبون بشي
لان الغير مصنفه عليها استشاري والمصنفه عليها استشاري
ماافي اي فرق وبالعكس المصنفه سعرها شووي غالي
ولكن المصنفه تفرق عن صاحب الشركه او فايدتها لشركه نفسها
لان المصنفه تاخذ مشاريع من الدوله وبس
وانت قيسها بعقلك شركه تاخذ مشاريع الدوله معقوله تبني فله او فلتين او ثلاث ؟؟
انا نفسك اول ادور مصنفه وبالاخير عرفت اننا كزبائين مب مستفيدين من التصنيف بشي
لان الحديد موحد
والخرسانه حسب مواصفات
والمخطط عند الاستشاري
والطابوق 7 نيوتن
والاسمنت حسب المواصفات والمقاييس
الفورمن بالمصنفه نفس الي مش مصنفه
والمهندس بالمصنفه نفس الي مش مصنفه
لين عقب قالي واحد بالجنة التصنيف قال تصنيف او غير تصنيف ينفع الشركه فقط
عشان مشاريع الدوله
ويمكن المصنفه سعرهم غالي
تحياتي لك يالغالي وربي يوفقني ويوفقك

[Right]

اخوي الغالي نصيحتك طيبه
وربي يوفقك
بس حبيت اوضح لك نقطه مهمه
وهي الشركه المصنفه
تدري يالغالي اذا شركه مصنفه او غير مصنفه مب نافعه الزبون بشي
لان الغير مصنفه عليها استشاري والمصنفه عليها استشاري
ماافي اي فرق وبالعكس المصنفه سعرها شووي غالي
ولكن المصنفه تفرق عن صاحب الشركه او فايدتها لشركه نفسها
لان المصنفه تاخذ مشاريع من الدوله وبس
وانت قيسها بعقلك شركه تاخذ مشاريع الدوله معقوله تبني فله او فلتين او ثلاث ؟؟
انا نفسك اول ادور مصنفه وبالاخير عرفت اننا كزبائين مب مستفيدين من التصنيف بشي
لان الحديد موحد
والخرسانه حسب مواصفات
والمخطط عند الاستشاري
والطابوق 7 نيوتن
والاسمنت حسب المواصفات والمقاييس
الفورمن بالمصنفه نفس الي مش مصنفه
والمهندس بالمصنفه نفس الي مش مصنفه
لين عقب قالي واحد بالجنة التصنيف قال تصنيف او غير تصنيف ينفع الشركه فقط
عشان مشاريع الدوله
ويمكن المصنفه سعرهم غالي
تحياتي لك يالغالي وربي يوفقني ويوفقك




الله يعطيك العافية أخوي " نواف "


حسب كلام واحد من الشباب إلي يبني حالياً بيته أن بنك التنمية يخليك توقع على


ورقة إذا الشركة إلي بتبني البيت مو مصنفة


فأتوقع لو حصل بينه وبين الشركة أي مشكلة بنك التنمية ماله شغل



وأهم شي بالموضوع كله لازم راعي البيت يتابع أول بأول بيته وما يكبر المخده


وأنا والحمدلله لدي خبرة عامة بالبناء والديكور من الصفر حتى الإنتهاء من البيت


وأتت هذه الخبرة من بيوت أصدقاء لي و خاصةً من متابعة بيوت أخواني إلي بنوا


فهناك معادلة أخوي:


شركة زينة + متابعة التفاصيل أول بأول = بيت زين


من أتبعها حتى لو كانت متعبة بيلقى بيت زين


وشكراً جزيلاً يا أخوي العزيز

[البديل]

خالص شكري وتقديري لكم جميعا ماقصرتوا

[نواااف البوعينين]

الله يعطيك العافية أخوي " نواف "


حسب كلام واحد من الشباب إلي يبني حالياً بيته أن بنك التنمية يخليك توقع على


ورقة إذا الشركة إلي بتبني البيت مو مصنفة


فأتوقع لو حصل بينه وبين الشركة أي مشكلة بنك التنمية ماله شغل



وأهم شي بالموضوع كله لازم راعي البيت يتابع أول بأول بيته وما يكبر المخده


وأنا والحمدلله لدي خبرة عامة بالبناء والديكور من الصفر حتى الإنتهاء من البيت


وأتت هذه الخبرة من بيوت أصدقاء لي و خاصةً من متابعة بيوت أخواني إلي بنوا


فهناك معادلة أخوي:


شركة زينة + متابعة التفاصيل أول بأول = بيت زين


من أتبعها حتى لو كانت متعبة بيلقى بيت زين


وشكراً جزيلاً يا أخوي العزيز







يالغالي
بنك التنميه ماله شغل فيك سواء شركه مصنفه او غير مصنفه
بنك التنميه بس يمول وبناء على توقيعك والاستشاري والمالك فقط
اما بنود العقد وغيرة ما يتدخل فيه
وبقولك انت سو عقد واضمن حقك فقط
اعرف شباب صارت لهم مشكله مع شركه مصنفه
قال بنك التنميه مالنا شغل اهم شي نموذج الدفعه موقعه وبس
الامور الباقيه عند المحكمه
وبعد اذا انت عندك خبرة ومتابعه حط شركه غير مصنفه وتابع معاهم
لان العمل واحد والمراحل وحده والمواد وحده والمخطط واحد
بس مثل ماقلت لك مصنفه او غير مصنفه تنفع صاحب الشركه فقط عند مشاريع الدوله فقط
يعني مراكز شرطه مستشفيات ومباني حكوميه
تحياتي لك واتمنى لك التوفيق
انا بيتي بناه لي مقاول الله يرحمه توفي بس كانت شركه غير مصنفه ولا عندهم موقع كبير
كان موقعه عبارة عن باب واحد فقط
وماعنده مهندس كان فورمن ولله الحمد والفضل والمنه لا مشاكل ولا غيرة
تحياتي

[بن رومي]

انت ما تبي مقاول .. انت تبي شركة ديكور علشان تشطبلك
وفي مصلحه المقاول انه ياخذ البيت عظم مب تشطيب (( للعلم ))
التشطيب اصعب واعقد واطول مرحلة من مراحل بناء البيت
خذ اجازة طويله وارجع مرة ثانية وكمل تشطيبك
واذا انت وصلت مرحله مب قادر تكمل فيها
شوفلك شركه ذات سمعه محترمه وتوكل على الله .. مع متابعتك طبعا ( لانك لازم تتعب شوي )



كلام واقعي

اخذلك استراحة محارب

* وفي الاستراحة خطط بورقة وقلم عن مراحل التشطيب ومن تحتاج (( نفس قصة النجار اللي يسن فاسة في الاستراحة ))


واسال الله لك التوفيق و السداد


بن رومي

[Right]

يالغالي
بنك التنميه ماله شغل فيك سواء شركه مصنفه او غير مصنفه
بنك التنميه بس يمول وبناء على توقيعك والاستشاري والمالك فقط
اما بنود العقد وغيرة ما يتدخل فيه
وبقولك انت سو عقد واضمن حقك فقط
اعرف شباب صارت لهم مشكله مع شركه مصنفه
قال بنك التنميه مالنا شغل اهم شي نموذج الدفعه موقعه وبس
الامور الباقيه عند المحكمه
وبعد اذا انت عندك خبرة ومتابعه حط شركه غير مصنفه وتابع معاهم
لان العمل واحد والمراحل وحده والمواد وحده والمخطط واحد
بس مثل ماقلت لك مصنفه او غير مصنفه تنفع صاحب الشركه فقط عند مشاريع الدوله فقط
يعني مراكز شرطه مستشفيات ومباني حكوميه
تحياتي لك واتمنى لك التوفيق
انا بيتي بناه لي مقاول الله يرحمه توفي بس كانت شركه غير مصنفه ولا عندهم موقع كبير
كان موقعه عبارة عن باب واحد فقط
وماعنده مهندس كان فورمن ولله الحمد والفضل والمنه لا مشاكل ولا غيرة
تحياتي





جزاك الله خير يا أخوي " نواف "


مع ذلك أكرر لك هذه المعادلة


شركة زينة + متابعة التفاصيل أول بأول = بيت زين


من أتبعها حتى لو كانت متعبة بيبني بيت زين



وشكراً

[ام عبدالعزيز]

اضيف على كلام سنايدر الاستشاري الممتاز..لان الاستشاري هو اللي يشرف ويتباع المقاول وعماله..

وووالله الموفق..

[ANONYMOUS]

في الحقيقه سؤالك صعب

اذا عطيته مقاول ماتدري وش بيسوي لك الا اذا كان مقاول امين

واذا انت بتكمل المشوار وراك تعب وايد

طبيعة عملك لها تأثير تقدر تطلع او تتاخر او تطلع بدري وهكذا

بعدين غالبا اكثر اللي يكملون من نفسهم مش خبراء تشطيب

يعني اذا في حد يبي يقص عليك لينصب عليك وانت تضحك


تقدر تشطب ب 300 الف وتقدر تشطب ب مليون

اهم شي تتوفر عندك الخبره والمال والوقت

قدامك بحر الله يعينك

[khaldoon]

اخواني الاعزاء اللي يقولون كمل بنفسك.....تقدروا تفهموني اشلون يقدر يكمل بنفسه؟....يعني هو يصير يترك شغله كل شوي و يروح على عمال الشبره مثلا و يشطبون بيته؟...وين جودة العمل اللي هي تخفي كل عيوب التنفيذ السابقه؟

اخوي في مثل يقول اعطي الخبز للخباز حتى لو اكل نصفه و في مثل يقول هين قرشك ولا تهين نفسك

اخوي تقدر تشرف على جودة العمل؟....وهل تتوقع جودة عمل من عمال الشبره و البتان او من اي احد يشتغل باليوميه و يجيك يوم و يبنيلك او يركبلك بلاط او اي شي و بنهاية اليوم وبعد ما ياخذ اجره ما يتعرف عليك ولا تدله ولا تقدر تسويله شي؟...راح تكتب عقد مع عمال يومية مثلا؟

ما تبي اي ضمان على الشغل....اي انسان او مقاول او عامل يبني و هو يعرف انه ما في ضمان على شغله ما راح يعطيك حقك ....ليش تلاقي المقاول مسؤول 400 يوم على الشغل بعد شهادة اتمام البناء؟....ايش بتسوي بكره لما تتشقق الحوائط او يظهر التطبيل وراء السيراميك او ينتفخ البلاط في الارضيات او يتقشر الدهان؟.....

عن نفسي احب اتعامل مع شخص يفهم في شغله وما اعرف غيره وهو يكون مسؤول امامي عن اي تقصير

صحيح المقاول ممكن يجيب مقاولين من الباطن و يشتغلون في بيتك بس في النهاية هو المسؤول عن مستوى العمل امامك و لو حطيت استشاري يكون افضل لان في توفير على المدى البعيد يعني ما تنظر للتوفير اللحظي و اللي بعدين ممكن تدفع كثير من اجل التصليحات والترميمات و انت و كيفك

[Right]

اخواني الاعزاء اللي يقولون كمل بنفسك.....تقدروا تفهموني اشلون يقدر يكمل بنفسه؟....يعني هو يصير يترك شغله كل شوي و يروح على عمال الشبره مثلا و يشطبون بيته؟...وين جودة العمل اللي هي تخفي كل عيوب التنفيذ السابقه؟

اخوي في مثل يقول اعطي الخبز للخباز حتى لو اكل نصفه و في مثل يقول هين قرشك ولا تهين نفسك

اخوي تقدر تشرف على جودة العمل؟....وهل تتوقع جودة عمل من عمال الشبره و البتان او من اي احد يشتغل باليوميه و يجيك يوم و يبنيلك او يركبلك بلاط او اي شي و بنهاية اليوم وبعد ما ياخذ اجره ما يتعرف عليك ولا تدله ولا تقدر تسويله شي؟...راح تكتب عقد مع عمال يومية مثلا؟

ما تبي اي ضمان على الشغل....اي انسان او مقاول او عامل يبني و هو يعرف انه ما في ضمان على شغله ما راح يعطيك حقك ....ليش تلاقي المقاول مسؤول 400 يوم على الشغل بعد شهادة اتمام البناء؟....ايش بتسوي بكره لما تتشقق الحوائط او يظهر التطبيل وراء السيراميك او ينتفخ البلاط في الارضيات او يتقشر الدهان؟.....

عن نفسي احب اتعامل مع شخص يفهم في شغله وما اعرف غيره وهو يكون مسؤول امامي عن اي تقصير

صحيح المقاول ممكن يجيب مقاولين من الباطن و يشتغلون في بيتك بس في النهاية هو المسؤول عن مستوى العمل امامك و لو حطيت استشاري يكون افضل لان في توفير على المدى البعيد يعني ما تنظر للتوفير اللحظي و اللي بعدين ممكن تدفع كثير من اجل التصليحات والترميمات و انت و كيفك




فعلاً كفيت و وفيت يا أخوي " khaldoon "

[khaldoon]

فعلاً كفيت و وفيت يا أخوي " khaldoon "





شرف لي انك موافقني

[نواااف البوعينين]

اخواني الاعزاء اللي يقولون كمل بنفسك.....تقدروا تفهموني اشلون يقدر يكمل بنفسه؟....يعني هو يصير يترك شغله كل شوي و يروح على عمال الشبره مثلا و يشطبون بيته؟...وين جودة العمل اللي هي تخفي كل عيوب التنفيذ السابقه؟

اخوي في مثل يقول اعطي الخبز للخباز حتى لو اكل نصفه و في مثل يقول هين قرشك ولا تهين نفسك

اخوي تقدر تشرف على جودة العمل؟....وهل تتوقع جودة عمل من عمال الشبره و البتان او من اي احد يشتغل باليوميه و يجيك يوم و يبنيلك او يركبلك بلاط او اي شي و بنهاية اليوم وبعد ما ياخذ اجره ما يتعرف عليك ولا تدله ولا تقدر تسويله شي؟...راح تكتب عقد مع عمال يومية مثلا؟

ما تبي اي ضمان على الشغل....اي انسان او مقاول او عامل يبني و هو يعرف انه ما في ضمان على شغله ما راح يعطيك حقك ....ليش تلاقي المقاول مسؤول 400 يوم على الشغل بعد شهادة اتمام البناء؟....ايش بتسوي بكره لما تتشقق الحوائط او يظهر التطبيل وراء السيراميك او ينتفخ البلاط في الارضيات او يتقشر الدهان؟.....

عن نفسي احب اتعامل مع شخص يفهم في شغله وما اعرف غيره وهو يكون مسؤول امامي عن اي تقصير

صحيح المقاول ممكن يجيب مقاولين من الباطن و يشتغلون في بيتك بس في النهاية هو المسؤول عن مستوى العمل امامك و لو حطيت استشاري يكون افضل لان في توفير على المدى البعيد يعني ما تنظر للتوفير اللحظي و اللي بعدين ممكن تدفع كثير من اجل التصليحات والترميمات و انت و كيفك



عز الله كلامك عين العقل
كفيت ووفيت
وردك منطقي وقانوني

[khaldoon]

عز الله كلامك عين العقل
كفيت ووفيت
وردك منطقي وقانوني

حياك الله يا الغالي

تشرفت بتأييدك