خردة العيد

[واقعية]

السلام عليكم

اليوم رحت 3 بنوك / 4 افرع و ما لقيت خردة

و الكل يقول لي - خلصت

و قمة السخرية كانت في احد البنوك اللي مدير الفرع فيها هندي - او باكستاني

اسأله ابغي خردة - يرد على بطرف عين : لا ما في خلاص ، اقول له من خلصها ؟ هالهنود و العمال اللي قاعدين في الفرع عندكم ؟ طيب و انا حسابي عندكم - الفرع هذي معروف انه ما يجون له الا عمال و ما ادري ليش حولوا حسابي عندهم

ما رد علي؟ - شكلهم يعطون ربعهم

حد عنده فكرة اذا بتنزل خردة مرة ثانية ؟

[مستجدة]

انا استغرب من هالرد من معظم البنوك شنو يعني مافيه خرده .....؟

[الملا]

انتي جاية في الوقت الضايع وما اعتقد راح تلقين خرده العيد

لو رحتي بتاريخ 20 على بنكك كان لقيتي ..

[قطري009]

انا اليوم رايح مصرف الريان فرع سلوى
وخذيت من عندهم خرده

[hamoor4ever]

غريب ، مع انج بنت وماحصلتي ، عيل احنا شنقول والله لين ادش بنك اسأل عن الخرده الجديده احس كأني بطر من عندهم لذلك بصراحه ماطللب من الفروع ومااسأل الا حد اعرفه احسن لي

[بونو]

ههههههه .... والله اختي مابتصدقين لو اقولج .... مدير فرع لاحد البنوك .... صديق شخصي طلب مني خردة عيد ! يقول المبلغ اللي يعطونه مايكفي كم عميل ... جبتله 60 الف وطيرها في نفس اليوم ... طارت الطيور بارزاقها ... الله يعينج

[خليفـة]

اكتبي كتاب للفرع الرئيسي لتحويل حسابج لفرع اخر يناسبج اختي
وريحي عمرج من هالفرع

كل عام وانتي بخير
:)

خليفـة

[Riku3]

قدامي اليوم في فرع الهلال للبنك الدولي الاسلامي .. دخل شخص يسأل عن خردة العيد وقاله الموظف في الكاونتر انها خلصت والافضل يروح الفرع الرئيسي يسأل .. وبعدها بعشر دقايق دخلت بنت وطلبت وهي واقفه وبدون رقم وماقصر "الشنب" طلعلها خمسات وعشرات بس ما ادري كم خذت :) ..

بالنسبة لك مافي الا تشوف شخص تعرفه يمكن يفيدك لان معظم البنوك مازالت تمتلك مبالغ بس ماتطلعها لاي شخص ..

وعن نفسي من كم يوم كلمت زميل لي عنده حساب "صدارة" vip في البنك التجاري، وبمكالمة هاتفيه واحدة اخذت لي وللربع 20 الف ريال بدون اي تأخير او اعتراض .

[شيزكيك]

حاولوا تروحون الفروع الراقدة الي معليها اقبال وايد يمكن تحصلون عندهم

[ღLady Qtrღ]

ليوم رحت قطر الوطني الاسلامي الي بالغرافه وعطوني

[واقعية]

اكتبي كتاب للفرع الرئيسي لتحويل حسابج لفرع اخر يناسبج اختي
وريحي عمرج من هالفرع

كل عام وانتي بخير
:)

خليفـة

لا و الله

طلبت كتاب بالمديونية و بطلع من البنك بكبره

لانهم ما يقدمون خدمات للسيدات القطريات .... يعني اليوم دخلت و يمكن فيه 30 اجنبي و لا في اي كرسي فاضي و قدامي 24 شخص

طلبت من السكيورتي كرسي ... عرض علي اقعد مشاهدة واحد من الاخوان ... قلت له سوري ابي مكان بعيد عنهم ...

و خلاني اقعد مكان بعيد

تحياتي للجميع فعلا شكلي رايحة في الوقت الضايع

[واقعية]

خالص شكري للجميع

الله بيفرجها ان شاء الله

[الكولونيل]

كم تبين عشان أرتب لك

[واقعية]

كم تبين عشان أرتب لك

جزاك الله خير

تواصل معاي واحد من الاعضاء و ان شاء الله بيدبر لي الخردة

جزاك الله خير

و جزى الله خير كل من ارسل لي بالمساعدة

تحياتي لكم

واقعية

[كان فيه وخلص]

انا من ١٥ رمضان وأنا ادور قالوا لي مافي
وفيه موظف حلف لي انه ماعنده

واحد من الشباب مشكورا جاب لي ١۰۰۰ريال خمسات،وعشرات

وإذا نقص علي باخذ من عيالي. من عيدياتهم

[سوبر]

اليوم رحت البنك التجاري وحصلت بمنتهى السهولة فئة ريال خمس ريالات وعشرات وفئة 50 ريال
سهالات اختي

[MAZEN37]

غريب ، مع انج بنت وماحصلتي ، عيل احنا شنقول والله لين ادش بنك اسأل عن الخرده الجديده احس كأني بطر من عندهم لذلك بصراحه ماطللب من الفروع ومااسأل الا حد اعرفه احسن لي
والله ان صادق وانا مثلك بالظبط:)

[السد]

اللي مب محصل خردة العيد
يسافر ويريح عمره

[واقعية]

اليوم رحت البنك التجاري وحصلت بمنتهى السهولة فئة ريال خمس ريالات وعشرات وفئة 50 ريال
سهالات اختي

انا كنت بالتجاري فرع المطار

و رد علي مدير الفرع (( خلاص ما في ))

و الحمدلله مجموعة من الموجودين معانا ف المنتدى ما قصروا

الله يجعله ف ميزان حسناتهم

تحياتي

[بوحارب]

خردة العيد تجيني لين البيت

اشكرك يابوفلان