تعال واكتب رايك : هل تؤيد بدء دوام الشتاء الساعه 8 صباحاً مراعاةً للظروف الجوية ؟

[ra3shat hadab]

السلام عليكم ورحمة الله وبركاته










بعد شهور قليله باذن الله بيهل علينا فصل الشتاء ..
وادعي ربي انه يكون هالعام موسم مطر وبرد ..

كلنا نعرف ان دوام الشتا صعب سواءً من ناحية الخطورة العالية للضباب الفجر وفي الصباح الباكر .. وتأخر شروق الشمس ..

ليش ما يتم تقليص دوام الشتاء ساعة في الصباح...
يعني بدال ما يبدأ الساعه 7 يبتدي الدوام 8

والله يا جماعه الخير كل شتا نفس المعاناه اطلع من البيت وحاطه يدي على قلبي والله ظلااام وضباب كن السياره تمشي على الغيم ما نشوف شي....

وخصوصاً طلاب المدارس المساكين اللي مع الدريوليه الله يعين امهاتهم على المحاتاه ولا اللي فالباصات وانتو تعرفون الباصات يمرون على الطلاب من وقت واعليا يطلعون في هالبرررد الفجر ولا فالضباب وظلام والشمس بعدها ماتكون طالعه وتعرفون اكيد مدى خطورة هالشي وتسببه في حوادث مؤسفه لا قدر الله .. ومش من زين شوارعنا اللي كلها تحويلات وحفريات :(


في دول كثيره مطبقه دوام الشتاء ودوام الصيف .. يقصرون فترة الدوام فالشتاء ساعه أو أكثر
لان دوام الشتاء يفترض يكون اقصر من دوام الصيف

واذا ما يبغون يقصرونه يأجلونه ساعه ويخلونا نعوض نص ساعه من نهايه الدوام


ليش ما يراعون المناخ والاحوال الجوية عندنا ..

اتمنى من كل قلبي يطلع قرار منصف هذا العام ...

ويريحنا من المحاتاة والخوف على عيالنا وطلعتهم في االبرررد والظلام وفي الضباب


وكل عام وانتم بخير

[قطري طموح]

والله ياخوي فعلا هناك ساعة مفقوده بين فصلي الشتاء والصيف ، واغلب دول العالم يتم تعدل التوقيت بين الفصلين .

[المسك1969]

أنا ضد الصراحة

لأنهم أن خلوها من 8 بنطلع 4 العصر

مثل يوم عطونا الخميس اجازة وخربوا وقت الدوام اللي كانوا يخلصون 2 صارت 3 واللي وحده الظهر صارت 2

ولو أن الدوام بيكون من 8-3 أو من 9-3 بيكون مقبول بس أنا متأكدة أن غيروا وقت الحضور الصبح بيغيرون وقت الطلعه فخلونا على ما نحن عليه

واليوم اللي فيه مطر أو ضباب الكل يتأخر ومحد يقدر يتكلم لأنه عارف الظروف المناخيه ذاك اليوم...

جزاكم الله خيرا:nice:

[[vip]]

والله الواحد في الشتاء ما وده يداوم ههههههه

[بوحارب]

ضد وبقوة

اذا الواحد داوم الساعة 8 متى بيطلع من الدوام !!!

3 او 4 العصر

بيكون المسا راح عليه ومافيه طلعه للبر او غدا مع الأهل

والشتا بيخلص وماستانسنا فيه

[صعبة وصوفه]

أنا ضد الصراحة

لأنهم أن خلوها من 8 بنطلع 4 العصر

مثل يوم عطونا الخميس اجازة وخربوا وقت الدوام اللي كانوا يخلصون 2 صارت 3 واللي وحده الظهر صارت 2

ولو أن الدوام بيكون من 8-3 أو من 9-3 بيكون مقبول بس أنا متأكدة أن غيروا وقت الحضور الصبح بيغيرون وقت الطلعه فخلونا على ما نحن عليه

واليوم اللي فيه مطر أو ضباب الكل يتأخر ومحد يقدر يتكلم لأنه عارف الظروف المناخيه ذاك اليوم...

جزاكم الله خيرا:nice:

صحيح كلامج،، خصوصا إنه النهار قصير بالشتاء،
يعني مايمديه الواحد يطلع من الدوام ويوصل البيت الا خلاص غابت الشمس:(

[فتى الجود]

السلام عليكم

لا والله الدوامات خلوها على ماهي
على الاقل يكون الوقت قريب بين لصلاة الفجر والدوامات

(( يعنى يقدر الجميع يصلي الفجر قبل الاشراق ))

وياليت في الصيف يسونها بعد الاذان بساعه


وترجع البركه اللى كانت موجوده عند شيبانا

[khaldoon]

انا دوامي اليومي هو 7:30 الى 4:30 وممكن اتأخر اكثر حسب الظروف

فمقترحج ما يتعارض معاي

[الدمعه]

حلاته الدوام من 8 لين 12 .. :nice:

مثل قبل ايام الثمانينات ..

[دلة الرسلان]

من دعاء النبي صلى الله عليه وسلم :اللهم بارك لأمتي في بكورها.

[ms-qtr]

طبعا ضد الدول الي مطبقة هالنظام عندها ثلوج اما احنا بردنا عادي و مقدور عليه

[ابو خليفه]

بالعكس مقترح جيد لكن يتم تحديده فقط ايام الضباب اما المقترح الثاني فياريت يبتدي الدوام بعد صلاة الفجر بساعه وينتهي بعد صلاة الظهر .. على الاقل يعتدل الجدول الواحد يقعد مع هله وعياله والمجالس تفتح بعد صلاة العصر مثل ايام قبل .. وجهة نظر لااقل ولا اكثر ...

[شمس]

حلاته الدوام من 8 لين 12 .. :nice:

مثل قبل ايام الثمانينات ..

:nice:بتصير فيه بركه

[شميرام]

مادري 8-1ونص مب مشكله
8-2يمكن استحمل
لكن من 8-3 او اربع لا لا لا حتى 2 بروحه العصر قصير اربع وشي يأذن معروف الجو حلو مال طلعات وبر و تمشي وحدايق
اذا قلنا الدوام يخلص 2 او 3 الواحد لازم يرتاح ساعه او نص ساعه عقب شوي الا مغرب واليوم يخلص

[intesar]

لا يخلونه الساعة ٨ وتكون الطلعة مثل وقت الصيف..

[Right]

أفضل أن تكون ساعات العمل ما بين الساعة 7:00 صباحاً حتى الساعة 1 ظهراً



لأن الواحد بعد صلاة الظهر يتنح ... مادري ليش :nice:

[مدرسة]

انا مع الدوام بدري علشان ما ينقعونا لين الساعة 3 و 4

و تكون جنت على نفسها براقش

مو من طول الشتا عندنا يعني

[روح الاطلس]

انا اشوف يخلون الدوام من الساعة خمس الفجر ونرد بيوتنا على 11 وايد احلا ^_^

[البحار00]

ايام الضباب والمطر الشغل عندنا ما يحاسبون الموظفين على التأخير

بس الحمدلله أنا للسنه الثالثه على التوالي

إجازتي كلها في الشتا

[Rashid554]

من 4 الى 11 حلو
او من 5 الى 12

[cl63]

غير مؤيد

[سهيل قطر]

اللي دوامهم بعيد من الدوحه بصرااحه انا مع انهم ياخرون بدايه الدوام خصوصا الايام اللي فيها ضباب والرويه شبهه معدومه
الله يحفظ شبابنا من السيارات
والطرق السريعه دخان وامسعيد وغيرها

[بوسلمان 2010]

حلاتها الدوام مافي دوام الشتاء حلاتها متكلوت في البرنوص الفير ماودك تطلع من الفراش الا الضحى مايحتاج


اذا خلو الدوام من 8 الين 4 راح يومك