ابي اسافر شهر عسل وين تنصحوني اروح :)

[badr_vip55]

السلام عليكم ياعضاء



كل عام وانت بالف خير انشالله ابي اسافر شهر عسل :shy: شتنصحوني فيه وين اروح ؟ وهل تفضلون اني اخذ جوله على كم دولة ولا اكون ثابت في بلد معين ؟





تحياتي لكم

[ع.م]

الله يسعدك..

أنا أشوف شهر العسل أفضل بلد وحدة أو 2 بالكثير.. لأن التنقل متعب ويبيله شيل وحط.. وأريح وأهدى للبال إن تستقرون في مكان واحد..

اشلون ميزانيتك ؟ عشان أقترح عليك..

أو شنهي الأشياء اللي تحبها بالنسبة للجو والبيئة العامة..

[قطريه ماركه]

اذا تفضل جنوب شرق اسيا ... ماليزيا

و اذا تفضل اوروبا .. النمسا ( زيلامسي ) ..

تستقر أفضل ..

مبرووك مقدما ...

[badr_vip55]

الله يسعدك..

أنا أشوف شهر العسل أفضل بلد وحدة أو 2 بالكثير.. لأن التنقل متعب ويبيله شيل وحط.. وأريح وأهدى للبال إن تستقرون في مكان واحد..

اشلون ميزانيتك ؟ عشان أقترح عليك..

أو شنهي الأشياء اللي تحبها بالنسبة للجو والبيئة العامة..


والله يسعدج بعد

ميزانيتي من 50 تقريبا


تحياتي على المرور الطيب

[badr_vip55]

اذا تفضل جنوب شرق اسيا ... ماليزيا

و اذا تفضل اوروبا .. النمسا ( زيلامسي ) ..

تستقر أفضل ..

مبرووك مقدما ...


الله يبارك في عمرج :shy:

شور طيب بصراحه اكثر من شخص من برى المنتدى شاروا علي بهالشور


تحياتي قطرية على المرور

[ع.م]

والله يسعدج بعد

ميزانيتي من 50 تقريبا


تحياتي على المرور الطيب

طيب إذا ممكن تقول لنا انت شنو حاط في بالك يعني شنهي الأجواء اللي تحبها ..

وكم المدة تبون تقعدون تقريباً؟

[cartier]

زلامسي خايسه اصغر من الشحانيه

[badr_vip55]

طيب إذا ممكن تقول لنا انت شنو حاط في بالك يعني شنهي الأجواء اللي تحبها ..

وكم المدة تبون تقعدون تقريباً؟




من الاسبوع الى العشره ايام مزاجي بيني وبينج احب الكوفيات والمطاعم :shy: وفي نفس الوقت الطبيعه حلوه عندهم على حسب الصور الي شفتها

[وحيد-الشوق]

زلامسي خايسه اصغر من الشحانيه


:rolleyes2:

رغم اني مازرتها بس هي من اروع المناطق التي تسحتق الزيارة وثانيا شدخل اصغر من الشحانية :rolleyes2:

اوروبا حلوة وجوها حلو بس ما احب انصح احد يسافر لها

ماليزيا روووووعة بس الجو يأخي مب شيء

اقترح عليك تركيا وخل الشباب يسوون لك جدول

اخيرا نصيحتي لك جيك مع ريجنسي عندهم باكجات حلوة ممكن تستفيد وتوفر بعد :)

[باحث علم]

مايبيلها اخوي
روح عمره وعقب على طووووووووووول زيلامسي
او العكس
اجمل مكان روحاني واجمل مكان طبيعي في العالم
الله يسعدك ويوفقك ويستر عليك يارب

[ام عبدالعزيز]

انصحك بايطاليا وووزلامسي سالزبورغ


واختمها بعمره..

[موجه بحر]

اخوي اذا تحب للعاب انصحك بااورلاندو امريكا بس الجو متغلب هناك اما طبيعه فعليك بشرق اسيا وماليزيا خصوصا اما اوربا بتبدا تبرد ونص النشطات بتسكر هناك ومبروك مقدما*

[[vip]]

اذا تفضل جنوب شرق اسيا ... ماليزيا

و اذا تفضل اوروبا .. النمسا ( زيلامسي ) ..

تستقر أفضل ..

مبرووك مقدما ...

أنا عن نفسي رحت سويسرا والنمسا بس اذا ميزانيتك خمسين الف ماليزيا حلووووه والله ويمدحونها


والف مبروك ان شاء الله والله يوفقك ويسعدك وانا اخوك

[وافق شنن طبقة]

مبروك مقدما


تبي سفرة حلوة ومرتبة وماتكلف


روح المانيا


انزل في فرانكفورت وروح اخن واسكن في فندق كولنهوف الليلة ب 110 يورو او 120 هالايام

وآجر سيارة من اخن واطلع على بلجيكا وأقعد. يوم المسافة تقريبا 150 او اقل كيلو واسكن هناك وأستأنس

وعقب ارجع اخن وريح يومين وعليك بالسنتر والتمشي والتشري هناك عجيب ورخيص

وعقب اطلع من اخن على فرنسا باريس الشانزلزية. 300 كيلو بالضبط وتكون في الشانزلزية

واسكن عند سيفورا يومين وتمشى وأستأنس وعقب ارجع اخن وريح يوم وحرك فرانكفورت

وأقعد يوم وطير للدوحه.


تقريبا التكلفة ما تعدى ال 35 الف ريال


واذا تبي واحد يضبطك سيارة وفندق وكل الامور سجل الرقم وقولة من طرف فيصل

00491778404420 هذا مصري مسيحي أسمة انتون


وبيضبطك ب جدول حلو حلو حلو ومايكلفك شي

اذا تبيه هو يوديك ويمشون في فرنسا يمكن تدفع له 500 كامل مع المواصلات وسواق خاص


واذا تبي تستانس روح انت حط النافيجيشن وروح مافيه فرق فالسواقه بس حاسب من الفرنسيين سواقتهم كنها سواقة اهل الحسا

[ع.م]

اللي قبلي ماقصر..

وأنا أقترح عليك تروح ميلان وتسكن في الدومو كله مطاعم وقهاوي توسع الصدر.. ومن ميلان ممكن تروح لوغانو كم يوم طبيعتها خيال وفيها خصوصية.. وبعد فيها قعدات وكوفيهات حلوة.. وممكن عقبها ترجع ميلان وبس عالدوحة :)

أتوقع هالجدول بيكفي ميزانيتك ويزيد..هذا إذا التذاكر عالسياحية وما رحتو شوبينق وايد.. خلوها طلعات وأكل ووناسة..
.....

وأنا مارحت تركيا بس أتوقع ممكن تناسبك بعد..

.....

واليونان بعد يقولون كلها كوفيهات وقعدات حلوة وشرحه.. بس إنها قديمة.. إذا تحب الستايل القديم بتعجبك..



......


التشيك بعد كوفيهات و طبيعة وأسعار وايد زينة..

.........

والله الخيارات وايد.. ممكن تشوف تقارير العرب المسافرون ..



وبعد شوف درجة الحرارة شلون وقت شهر العسل و قرر وين بتروح.. وعالبركة إن شاء الله..الله يهنيكم ويرزقكم الذرية الصالحة..

[Rashid554]

أنصحك تروح دولتين ( دولة اوربية ) و ( دولة اسيوية ) انا جربتها مره صح متعبه ولكن ممتعه وذكرياتها للحين

مثلاً

دوحة - لندن - دوحة - بانكوك - دوحه

هذي انا جربتها ولكن كانت اطول شوي

دوحه - ابوظبي - لندن - ابوظبي - بانكوك - ابوظبي - دوحه
لكن امانه كانت ممتعه

وتقدر تستبدل لندن بالمدن الاوربية الاخرى باريس ، روما ، ميونخ .. الخ
وتقدر تستبدل بانكوك بالدول الاسيوية الاخرى ماليزيا ، الفلبين ، اندونيسيا ، سنغافوره ، هونج كونج

بحيث انك بهالسفره قدرت تسوي تغيير كامل بين جو اوربا وجو اسيا خصوصا اذا كانت سفرتك في يناير او فبراير حيث بتكون اوربا مثلجه واسيا مشمسه

ولك حرية الاختيار بطريقة سفرك وشوف الي يناسبك

[qatara]

العمره

[badr_vip55]

وحيد الشوق وباحث علم مشكور على مروركم واقتراحات طيب بالنسبة لوحيد الشوق ماليزيا روعه حيتها من قبل بس دول شرق اسيا تشابه جو الخليج في للحراره والرطوبه شوي . باحث علم زلامسي ياخي شكلها حلوها مشكورين على المرور. والله يبارك في حياتكم

[badr_vip55]

انصحك بايطاليا وووزلامسي سالزبورغ


واختمها بعمره..

مشكورة ام عبدالعزيز على النصيحة جدول حلو بس ماقلتيلي فيينا العاصمه كيف جوها من ناحية التمشية ؟ هل تنصحين ان الواحد يقعد فيها او ومرها ليله وهو طالع منها ؟

[badr_vip55]

اخوي اذا تحب للعاب انصحك بااورلاندو امريكا بس الجو متغلب هناك اما طبيعه فعليك بشرق اسيا وماليزيا خصوصا اما اوربا بتبدا تبرد ونص النشطات بتسكر هناك ومبروك مقدما*

موجه الله يبارك في حياتج مشكوره على النصيحة لا أنا عادي عندي اللعب بس متى تبرد اوروبا لان أنا بطير في تاريخ تقريبا 9/26 وبرجع قبل 10/10 تحياتي لج على مرورك

[الكولونيل]

فندق فخم في دبي رافلز إسكن فيه وأحلى مطاعم في دبي
وبالنسبة للطقس خلك في المولات كلها باردة

[badr_vip55]

مبروك مقدما


تبي سفرة حلوة ومرتبة وماتكلف


روح المانيا


انزل في فرانكفورت وروح اخن واسكن في فندق كولنهوف الليلة ب 110 يورو او 120 هالايام

وآجر سيارة من اخن واطلع على بلجيكا وأقعد. يوم المسافة تقريبا 150 او اقل كيلو واسكن هناك وأستأنس

وعقب ارجع اخن وريح يومين وعليك بالسنتر والتمشي والتشري هناك عجيب ورخيص

وعقب اطلع من اخن على فرنسا باريس الشانزلزية. 300 كيلو بالضبط وتكون في الشانزلزية

واسكن عند سيفورا يومين وتمشى وأستأنس وعقب ارجع اخن وريح يوم وحرك فرانكفورت

وأقعد يوم وطير للدوحه.


تقريبا التكلفة ما تعدى ال 35 الف ريال


واذا تبي واحد يضبطك سيارة وفندق وكل الامور سجل الرقم وقولة من طرف فيصل

00491778404420 هذا مصري مسيحي أسمة انتون


وبيضبطك ب جدول حلو حلو حلو ومايكلفك شي

اذا تبيه هو يوديك ويمشون في فرنسا يمكن تدفع له 500 كامل مع المواصلات وسواق خاص


واذا تبي تستانس روح انت حط النافيجيشن وروح مافيه فرق فالسواقه بس حاسب من الفرنسيين سواقتهم كنها سواقة اهل الحسا

الله يبارك في عمرك جدول حلو بس فرنسا تقريبا من الصيفيه هاذي الي راحت منعو النقاب او الحجاب فاشوي قلبت نفسيتي من صوبهم تحياتي لك لمرورك ومشورتك

[badr_vip55]

;7568140']أنا عن نفسي رحت سويسرا والنمسا بس اذا ميزانيتك خمسين الف ماليزيا حلووووه والله ويمدحونها


والف مبروك ان شاء الله والله يوفقك ويسعدك وانا اخوك

في اي بي مشكور على المرور اشدعوه شخصين حتى 50 الف ماتكفي ترى أنا مب مخلي السفره كلها تشري يعني نص ونص يعني اذا لقيت شي غريب مثل في الماركات ومب موجود في الدوحة طبعا بشتريه. ومشكور على مرورك *

[badr_vip55]

اللي قبلي ماقصر..

وأنا أقترح عليك تروح ميلان وتسكن في الدومو كله مطاعم وقهاوي توسع الصدر.. ومن ميلان ممكن تروح لوغانو كم يوم طبيعتها خيال وفيها خصوصية.. وبعد فيها قعدات وكوفيهات حلوة.. وممكن عقبها ترجع ميلان وبس عالدوحة :)

أتوقع هالجدول بيكفي ميزانيتك ويزيد..هذا إذا التذاكر عالسياحية وما رحتو شوبينق وايد.. خلوها طلعات وأكل ووناسة..
.....

وأنا مارحت تركيا بس أتوقع ممكن تناسبك بعد..

.....

واليونان بعد يقولون كلها كوفيهات وقعدات حلوة وشرحه.. بس إنها قديمة.. إذا تحب الستايل القديم بتعجبك..



......


التشيك بعد كوفيهات و طبيعة وأسعار وايد زينة..

.........

والله الخيارات وايد.. ممكن تشوف تقارير العرب المسافرون ..



وبعد شوف درجة الحرارة شلون وقت شهر العسل و قرر وين بتروح.. وعالبركة إن شاء الله..الله يهنيكم ويرزقكم الذرية الصالحة..

ع.م الله يبارك في حياتك ويوفقك انشالله جدول طيب وهو تقريبا ببداه يامن ميونخ وانا نازل على النمسا بسياره بأجرها من ميونخ ومرور على زيلامسي وسازبورج او من فيينا على ايطاليا وسويسرا تحياتي على مرورك *ومشاركتك

[badr_vip55]

أنصحك تروح دولتين ( دولة اوربية ) و ( دولة اسيوية ) انا جربتها مره صح متعبه ولكن ممتعه وذكرياتها للحين

مثلاً

دوحة - لندن - دوحة - بانكوك - دوحه

هذي انا جربتها ولكن كانت اطول شوي

دوحه - ابوظبي - لندن - ابوظبي - بانكوك - ابوظبي - دوحه
لكن امانه كانت ممتعه

وتقدر تستبدل لندن بالمدن الاوربية الاخرى باريس ، روما ، ميونخ .. الخ
وتقدر تستبدل بانكوك بالدول الاسيوية الاخرى ماليزيا ، الفلبين ، اندونيسيا ، سنغافوره ، هونج كونج

بحيث انك بهالسفره قدرت تسوي تغيير كامل بين جو اوربا وجو اسيا خصوصا اذا كانت سفرتك في يناير او فبراير حيث بتكون اوربا مثلجه واسيا مشمسه

ولك حرية الاختيار بطريقة سفرك وشوف الي يناسبك

جزاك الله خير ياخوي راشد لا ماعتقد بروح اسيا لاني جيتها من قبل وابي اغير شوي ولندن مخليها خيار 3 , وبعدين مشالله عليك جدول شاق بس يبيله همه وشكله وناسه


تحياتي لمرورك العطر

[badr_vip55]

العمره

جزاك الله خير اخوي قطر ومكان بالفعل طيب وافضل بقاع الارض ومخلي لها يومين في فوق الجدول مالي



تحياتي

[badr_vip55]

فندق فخم في دبي رافلز إسكن فيه وأحلى مطاعم في دبي
وبالنسبة للطقس خلك في المولات كلها باردة

لا ماظن بروح لدبي اخوي الكولونيل ابي اروح مكان غريب وغير



مشكور على المشاركة والزيارة

[القلم الصريح]

انصحك تروح : النمسا ( فينا , سالس بورغ, زلامسي ) المانيا ( ميونخ ، تكنزي ) سويسرا ( جينيف ، زورخ ، انترلاكن ) ايطاليا ( البندقيه )

[بنكبيري]

مبروك مقدما

انا اشوف انك تروح مكان رومنسي في البداية يكون افضل وعقب مكان في اسواق ودواره
انصحك في البداية تروح المالديف فندق الدابليوا رهيييييب وتاخذ الفيلا اللي فوق الماي الصراحة فندق بررراااايفت تاخذ راحتك و عقب روح مكان في سوق ومن هالسوالف للعلم المالديف جوها حلو مب حار مثل جونا
والله يهنيكم

[مخطط قطري]

شوف انا زرت اغلب الدول الي انذكرت فوق اوربا كلها باريس وزلامسي وفينا ولندن كلها حلوه
بس نصيحتي لك دوله وحده بس دامه شهر عسل
وارشح لك بقوه بيروت
من اسبوع لين 10 ايام فقط
اول شي الجو حلو من الحين بدا يتعدل الطقس
الشي الثاني تعتبر بيروت في السياحه بنسبه للدول العربيه في المقدمه
نوعا ما رخيصه
الشوفير تحت امرك يوديكم وين ماتبون وتختار السياره الي تبيها مرسدس بيم ومايعدي 150 دولار في اليوم معاك طول اليوم ويوديك كل الاماكن
مطاعمها من اروع مايكون وحتى القهاوي راقيه واكل حلو ونظيف ولذيذ
اماكن سياحيه وايد عندك في بيروت
الفنادق انصحك دامك شهر عسل الفنادق الفخمه 5 ستارز طبعا (فنيسيا انتركونتنتال ولا موفنبيك ولا الحبتور)
والتكلفه راح تكون من 20 لين 25 الف بالكثير وهذا وانت تصرف يعني خلنا نقول =25 الف
عقب 10 ايام بعد ماترد قطر ريحليك كم يوم واول ويك اند ولا ثاني ويك اند على حسب ظروفك وجدوولك روح دبي ليلتين تغير جو
واسكن في رافلز او اتلاتنتس واجرلك سياره رنج ولا بورش في هاليلتين وعندك دبي مول الامارات مول لاتباعد من بينهم يكفونك يعني تمشي وتعشي وسينمات وتغير جو
ولاتنسى تجيب هدايا للوالده والوالد في رجعتك يعني ترا هالشي مهم جدا وخذ للمدام هديه فاجئها هناك وهذي ضمن البكج مال السفره وكل هذا ماراح يكلفك بالكثير =15 الف اذا حطينا في الاعتبار انك رايح على الدرجه الاولى
صار المجموع =40 الف ووفر 10 الاف ماتدري بعدين تحتاجهم في شنو او خلها احتياطي عندك حق اي ظرف
تمنتياتي لك بقضاء شهر عسل ممتع وسعيد

وعلى البركه الزواج والله يتمم عليك بالخير يالشيخ:)

[برشلوني قطر]

الله يجعله زواج مبارك اخوي..

ماليزيا حلوه بس جوها ماعجبني حق شهر عسل...<< حاره

اشوف انك تنزل ميونخ وبعدين تروح زلامسي..

واذا تبي رقم سواق عطني خبر

والله يوفقك

[مـراحـب]

واذا تبي واحد يضبطك سيارة وفندق وكل الامور سجل الرقم وقولة من طرف فيصل

00491778404420 هذا مصري مسيحي أسمة انتون

وبيضبطك ب جدول حلو حلو حلو ومايكلفك شي

اذا تبيه هو يوديك ويمشون في فرنسا يمكن تدفع له 500 كامل مع المواصلات وسواق خاص


ونعم الرجال أنتون

رجل ، ، أمين ، ، طيب ، ، أخلاق

والله أنه كفووو

يوم رحنا علاج حق أخوي ( رحمه الله )
ما قصر معااانااا بشي من استلامنا من المطاار لين رجعنا
وحتى يوم توفى اخوي هناااك رتب وجهز كل الأوراق لين رجع الدوحه

فأنصحك اذا بتروح المانيا تتعامل معاهاا
وهو كاان معااناا بمنطقة آآآخن

[بوعلي 8]

فينيسيا

[بوفهد555]

انترلاكن سويسرا

[ok_ok]

يعطيكم العافيه