هــــــذول اعــــيـــالـــكـــم ؟!!!!

[Qtr95]

بسم الله الرحمن الرحيم ..

والسلام عليكم ورحمة الله وبركاته !



في الاونة الأخيرة , طلعت لنا فئة
من الشباب , وهم الصياعة والمقلوعين والفاصلين اللي ما عندهم مخ ..
وهم مستانسين على هالوضع ..
ويمكن يكون واحد منهم من اعيالك لا سامح الله ...

هناك الكثير من الأمثلة ,,

الشاب اللي يسرع سرعة جنونية , 200 او 240 .. ويقعد يصور العداد
علشان يروي اصحابه ..

الشباب اللي يدخنون ويتعاطون المواد المخدرة والقذرة :secret:


والكثير الكثير من الأمثلة .. والخافي أعظم !!


مالسبب لضياع هؤلاء .. لا سيما انهم نسبة كبيرة تتجاوز ال50 % ..
وكل يوم تزيد وتزيد ..

هل وقت الفراغ هو السبب؟
او قلة الوازع الديني ؟
او التربية ؟
او أسباب اخرى ؟
او الرجولة ؟

وما هي الحلول لهذه الظاهرة !!؟

وكيف لنا ان نحتويهم , بعد ان دمروا ! ...
هل سيستمعون لنا ؟؟





انتظر ردودكم .. وابي اعرف رايكم ..

وقفة ...
ماعليكم من العنوان .. اهم شي دخلوا الموضوع ناس وايد :tease:

[بنـ الدحيل ـت]

لآ إله إلا الله

الله المستعان

اللهم اصلح شبابنا

[intesar]

الرفاهية وسوء استخدام كلمة العولمة.. أدت الى انتاج جيل فارغ عقلا..
دمتم بود..

[alfahad1]

٢٪ نمشيها بس ٥٠٪ قويه قويه

[مضاد]

http://qatarshares.com/vb/image.php?u=10850&dateline=1309975638 الله يهديهم ., ان شاء الله

[قطريه ماركه]

50% وايد !!!

لا

الحمدلله عيال الناس السنعيين للحين محافظين على اسمهم و عايلتهم ...

و الحمدلله اعرف شخصيا واااااااايد من عيال الاقارب شباب في عمر الزهور (( اعتكفوا )) في المسجد العشر الاواخر من رمضان

الله يحفظهم ياااااااااارب و يبارك فيهم ....

[Qtr95]

لآ إله إلا الله

الله المستعان

اللهم اصلح شبابنا

امين ..


الرفاهية وسوء استخدام كلمة العولمة.. أدت الى انتاج جيل فارغ عقلا..
دمتم بود..

سبب من أسباب كثيرة .. اشكرج اختي ع المداخلة..


٢٪ نمشيها بس ٥٠٪ قويه قويه

اخوي , كل شي واضح . يمكن لأنك ما تشوف
اللي الشباب يشوفونه .. اسأل اي مراهق .. وبيجاوبك..
لأن اكيد متعايش وياهم ..
ولكن اسأله بطريقة غير مباشرة .. :)


http://qatarshares.com/vb/image.php?u=10850&dateline=1309975638 الله يهديهم ., ان شاء الله

امين ..


50% وايد !!!

لا

الحمدلله عيال الناس السنعيين للحين محافظين على اسمهم و عايلتهم ...

و الحمدلله اعرف شخصيا واااااااايد من عيال الاقارب شباب في عمر الزهور (( اعتكفوا )) في المسجد العشر الاواخر من رمضان

الله يحفظهم ياااااااااارب و يبارك فيهم ....

نسيت أذكر نقطة النفاق ..
صح في ناس على نياتهم ..
ولكن في ناس منافقين درجة أولى..
وايد شباب معتكفين.. ولكن يطلعون من المسيد
وهم على حالهم ..

[شمس]

همتك اخوي في هدايتهم

[مروج قطر]

التربيــــــــــــــة
ثم
التربيــــــــــــــة
ف
التربيــــــــــــــة

و قيس عليها عدة امور

[pinky-qtr]

الولد او البنت اذا ما يتربى ع المنقود من هو صغير عليه السلام اذا كبر

والحين التربيه .. الأهل ما يبون حد يقول حق عيالهم لا .. ولا يبون حد يهاوشهم حتى المدرس فالمدرسه اذا هاوشتهم راحت عليه ..

[: بوحمود :]

لاتقيس الامور من منظور واحد هذي فئه او مرحله من العمر نوعاً ما تكون صعبه والسبب هو الفراغ ولكن الاغلبيه فيهم خير نوع في المساجد والمجالس الي ترح لها وراح تلقا الشباب اكثر من غيرهم

[قطر دزاين]

نسبه 50% عاد
يعني نص الشباب منحرف
الحمدلله اهل قطر قبائل وما زالوا محافظين على الاخلاق مقاس بدول المجاوره نحن افضل والحمدلله

[المسك1969]

اعتقد ان الوقت باكر ابن الكواري على هذا الامر... اصبر يمه عشر سنوات بعد وبنشوف اللي تقول عنه... أما الآن فإن وجدوا فهم قلة والله المستعان


أسأل الله العظيم رب العشر العظيم ان يصلح اولادي واولاد المسلمين وأن يعيننا على تربيتهم وأن يرزقنا برهم وأن يجعلهم من الهداة المهتدين آآآمين

جزاك الله أمي:nice:

[نــــظــــره]

الله يهديهم ويصلحهم لما فيه خير للوطن وللأمه

[qatara]

التدخلات

ثم

التدخلات

ثم

التدخلات

ثم

اعطاء الابناء اكثر من حقوقهم والضغط على
الاباء بعدم تاديبهم بحجه حقوق الطفل
معاد الاولاد بس البنات على بطابط
يا الله المستعان عشنا وشفنا

والنتيجه هي ما كتبت
تسلم على الطرح

[MAZEN37]

التربيه اولا واخيرا

[M S A]

الله المستعان. اللهم اصلح ذريتي و بلغني برهم في حياتي إن شاء الله و اصلح ذرية أمة محمد إنك سميع مجيب.

مشكلة شباب اليوم قلة الوازع الديني أولا و عدم وجود أهداف واضحة لديهم. يعني هم ما يعرفون أيش يبون. و لا ليش يقلدون و لا ليش ما يستعدلون. شباب تايه بدون دين و بدون أهداف. عايش على هامش الحياة فقط.

[بوسلمان 2010]

لاحول ولاقوة الا باالله العلي العظيم الله يهدي شبابنا ويصلحهم ان شاء الله

[ويلاه]

جزاك الله خير فعلا هم موجودين وبنسبه واضحة ولى مالفتوا نظرك وهاذي ظواهر اجتماعية وموجوده واذا ما عولجت بتكبر الظاهره مثل الجنس الثالث كانوا يخافون ويستحون يظهرون قدام الناس اللحين يشترون المكياج عيني عينك والملابس الحريمي ولا يستحون يطالعونك بعد بستهزاء كانوا فئة صغيرة اللحين ماتقدر تسيطر عليهم هاذي الظواهر كانت في المجتمعات الخليجية من سنوات اللحين صارت عندنا كله تقليد فيه خلل كبير وهو اولا ضعف الوازع الديني الاهل همهم يدرسون اللغة ولا يهتمون بصلاتهم ولا نفسياتهم بدال مانبدي اراء بس كذا لازم نعطي حلول ممكن المجتمع يستفيد وماندري يمكن صلاحهم على ايدينا وترى الاجيال الجديده مضلومة لان ما حد احتواهم وفجر طاقاتهم وافكارهم ووجهها في الاتجاه الصحيح اي ام او اب لازم ياخذ دورات ويقراء كيف يتعامل مع الاجيال القادمة لان الظرب واساليب ابوانا لول كان لها وقتها وراحت اللحين عادهم في الابتدائي ويحاججونك ويردون عليك اذا ماعرفنا نتعامل معهم على الدنيا السلام وهولاء رجال قطر القادمين لازم الاهتمام بهم واعدادهم للمستقبل

[Qtr95]

جزاك الله خير فعلا هم موجودين وبنسبه واضحة ولى مالفتوا نظرك وهاذي ظواهر اجتماعية وموجوده واذا ما عولجت بتكبر الظاهره مثل الجنس الثالث كانوا يخافون ويستحون يظهرون قدام الناس اللحين يشترون المكياج عيني عينك والملابس الحريمي ولا يستحون يطالعونك بعد بستهزاء كانوا فئة صغيرة اللحين ماتقدر تسيطر عليهم هاذي الظواهر كانت في المجتمعات الخليجية من سنوات اللحين صارت عندنا كله تقليد فيه خلل كبير وهو اولا ضعف الوازع الديني الاهل همهم يدرسون اللغة ولا يهتمون بصلاتهم ولا نفسياتهم بدال مانبدي اراء بس كذا لازم نعطي حلول ممكن المجتمع يستفيد وماندري يمكن صلاحهم على ايدينا وترى الاجيال الجديده مضلومة لان ما حد احتواهم وفجر طاقاتهم وافكارهم ووجهها في الاتجاه الصحيح اي ام او اب لازم ياخذ دورات ويقراء كيف يتعامل مع الاجيال القادمة لان الظرب واساليب ابوانا لول كان لها وقتها وراحت اللحين عادهم في الابتدائي ويحاججونك ويردون عليك اذا ماعرفنا نتعامل معهم على الدنيا السلام وهولاء رجال قطر القادمين لازم الاهتمام بهم واعدادهم للمستقبل

:nice:

[حسن]

اتصدق يا الكواري من كم يوم كنت عند واحد من الربع شوي ولا داش علينا واحد طول الباب شاب مايتعدي 20 سنه شوي ولا يسولف عن ساحه الاستعراضات ومن هل السوالف تزويد وشل اتعرف حركات هل اليهالو ويقولي ربعي اماراتيين تضاربو بالسكاكين فل الحلبه قلت له بل وين قاعدين لا ويقولي شكثر جايين شباب من برع قلت في قلبي من يسلفني دبابه نوع ابرامز وادكهم دك والله مايطلع واحد فيهم حتى لو ولدي وياهم
لا ويقولي رحت الشمال اطوف على الرادار مسكر واغبر عليه علشان مايصيدني الصراحه شباب تافهه وفي قمه الانحلا ل وعمري ماسمعت انهم تجمعو وسو حملات تنظيف الشواطي ولا الروض همهم ليش مايسمحون بالمخفي كامل علشان الحر وهو الكذاب طول يومه راقد من الصبح لين المغرب
ولا ليش مايسمحون بالتلغيم والخرابيط
لو كنت صاحب قرار يالكواري هل الاشكال والله احجزسياراتها وهم فيها واللي يجيني من هل يتوسط يدخل وياه يوسع سدره:victory:

[القائــد]

التربية أولا
الأب غاش لرعيته
ثانيا في وقت الحالي لو شوفت الغلط في ولد جيرانكم تبي تنصح ابوه ايش تتوقع ردة فعله بيقول لك جزاك الله خير؟ بيقول لك تعلمني كيف أربي عيالي؟ ويمكن تعديت على الحرية الشخصية
وين أمر بالمعروف والنهي عن المنكر ما نشوفه هالأيام الكل يخاف من الاحراج أو متردد يخاف ينصح وثاني يوم يلاقي ولده يغلط وبعدين اسمع كلام الناس، لكن العزم واخلاص النية تعطيك نتائج ايجابية، يمكن ولي الأمر جاهل ليش نلومه مفروض حنا نحاول ننصح ونرشده للطريق الصح لكن تركنا الأمر بالعروف والنهي عن المنكر، ويكون في علم الجميع اللي يسكت عن الغلط خليه يفكر في عياله لان هم بعد في نفس المجتمع يختلط بهم واكيد بيتأثر فيهم والمفروض نتخلص من المشاكل من جذورها وبكل ما نستطيع وبكل امانة

[al-obaidly]

المشكله من التربيه والدلع الزايد والبرستيج وكثره الفلوس يعني الشاب اوالشابه الي خايفين الله هم اليوم يقولون عنهم معقدين والي يركضون للشيطان هم الصالحين!!!!!!!!!!!!!!!!!!!!!!!!!!!!!!!!!!

[بن كهلان]

اخي العزيز اكد لك ان نسبة 50%مبالغ فيها جد ا جدا 0000والبلد فيه من الشباب المتربي والمتدين وفيه الخير ويعرف السنع 0
ولكن هذه الفئه اللتي ذكرت للاسف موجودة ولعل من اسباب وجودها:
1-قلة الوازع الديني
2-الرفاهية الزايدة وحب التفاخر
3-اهمال الوالدين للجانب التربوي خاصة الخروج والدخول الى المنزل بلى حسيب ولا رقيب
4-الجليييييييييييييييييييييييييييييييييييييييييييييي ييس قلي من تجالس اقولك من تكون فا الجليس الصالح يؤثر والجليس السؤ يؤثر تصديقا لقول المصطفى صلى الله عليه وسلم : “إنما مثل الجليس الصالح وجليس السوء كحامل المسك ونافخ الكير، فحامل المسك إما أن يحذيك وإما ان تبتاع منه وإما أن تجد منه ريحاً طيبة ونافخ الكير إما أن يحرق ثيابك وإما أن تجد منه ريحاً منتنة” صدق رسول الله صلى الله عليه وسلم”. (رواه البخاري ومسلم)

اسال المولى عز وجل ان يصلح جميع ابناء وبنات المسلمين0

[الأصيلة]

الولد اللي ما وراه رجال يربيه ولا أم تعلمه وتفهمه ولا عمام ولاخوال ولا مجلس يضفه
أكيد بيطلع صايع يعني من وين بيتعلم السنع...؟؟

[الزلزال]

التربية اذا ماجات من البيت عمر المراهق مايعتدل حاله الى اذا الله سبحانه اهداه

[دااانة قطر]

التربيه تحتااج الواالدين
واذا اخلف وااحد لااازم الثااني يسد
واذا الاثنين اخلفوا وأهملوا قولوا على الدنيا السلااام

[ابوعدي]

بسم الله الرحمن الرحيم ..

الشاب اللي يسرع سرعة جنونية , 200 او 240 .. ويقعد يصور العداد
علشان يروي اصحابه ..
:tease:

انا لله وانا اليه راجعون