ليش مافي مسرحيه في قطر هالعيد؟؟

[كلاسيك قطر]

السلام عليكم
تعودنا في كل عيد بالدوحه تكون عندنا مسرحيه كويتيه سواء للاطفال او للكبار في مسرح سينما الخليج و مسرح قطر الوطني.. هالسنه تفجات لما سالت و قالولي مافي ولا مسرحيه هالسنه و حتى بوسترات لمسرحيات العيد ما شفنا نفس كل سنه! بليييز ممكن حد يوضح لي ليش هالسنه بالذات مافي ولا مسرحيه ؟؟ انا مدمن مسرحيات و اخواني الصغار يحبونها .. ياليت اللي عنده علم يقول لي بليييز.

[سهم احمر]

الرقابة الأعلامية عندنا اللله بالخير - على كل صغيرة كنسلوا المسرحية وياليت الشي يستاهل!!!!!!!!!!!!!!!!!!!!!!!!!!!!!!!!!

[كلاسيك قطر]

المفروض في العيد يكون في فعاليات حق الكل
قاصين على الفقارى والمقيمين في حديقة الحيوان والعاب من سنة يدي
واذا كلش كلش بيغيرون مجمع وبيجيبون المهرجين والعمالقة !!!

وحق القطريين قاصيين على خلق الله في مهرجاناتهم الغنائية في سوق واقف وسط الزحمة والحر والخرابة !!


طيب احنا نعرف ان هالاماكن تافهه وسخيفة,, وين نروح بالله ؟؟



يمدحون دبي :)

[بوخميس]

...
..

مب كفاية المسرحيات اللي أنشوفه كل يوم في عالماً الاسلامي

قتل - تشرد - مجاعة حتى الموت - فقر - استهزاء بالرسول صلي الله عليه وسلم - مظاهرات - وغيرها الكثير.


اسمحلي يا صاحب الموضوع بس أري أن موضوعك في غير محله
اجتهد فيما بقي من رمضان فربما لاندركه العامة القادم...

[بوعلي 8]

مو كافي المسرحيات الي نشوفها لايف - طوابير عند مكتب الديوان الاميري لمساعه (( 1500 )) ريال ؟؟؟

وطوابير على كذبه البريد وكل واحد في ايده 20 طلب مساعده ؟؟؟ وفالنهايه أشاعه ؟؟؟

وقطر تتبني أعمار ليبيا ؟؟؟

وقطر تتبرع لجنوب السودان ؟؟؟

يكفي مسرحيات ولا أزيدك ؟؟؟

[ll vip ll]

في مسرحيه للفنان القدير عبدالعزيز جاسم
اسم المسرحيه ( الشعب يريد ) ,,,,
اللي سمعت ان تم منعها من قبل الرقابة ،،،،،، الاسباب غير معروفه

اما الخبر الثاني
وعكة صحية تجبر عبدالعزيز جاسم على عدم عرض المسرحيه
المصدر (http://www.alarab.qa/mobile/details.php?issueId=1332&artid=145393)

[سما الوطن]

وقطر تتبني أعمار ليبيا ؟؟؟



لم يحدث اخي

[مستر قطر]

كلاسيك قطر تراك فتح على نفسك باب الله يعينك الحين كل أسف بعض اعضاء المنتدى بيقولون والله ماعندك سالفه ماتخاف الله استغفر الله انت ماتشوف الي قاعد يسير فالعالم العربي في ليبيا واليمن وسوريا وصومال وتبي تشوف مسرحيه ولو بغيت تروح ماتحصل تذكر فوووول طوال اياام العيد
بسنا خرااااابيط

[Right]

هو فيه أكبر من المسرحية إلي بتصيير في سوق بيروت قصدي سوق واقف !!!

[abdulla4u]

:nice:





هو فيه أكبر من المسرحية إلي بتصيير في سوق بيروت قصدي سوق واقف !!!





انت:victory:

[ms-qtr]

للاسف لما كنا صغار كانوا كل سنة يسوون مسرية قطرية والممثلين كانوا عبدالعزيز جاسم وسعد بخيت وعيال الانصاري و عيال عبدالرضا اما الحين ندور مسرحيات دول الخليج

[الدمعه]

للاسف يوم قررت اودي عيالي السنه اللي فاتت كان فيه مسرحيه مااذكر اسمها ..

التذكره ب200 .. وين كنا نروح المسرحيه 25 ريال .. مسرحيات هدى حسين واذا

الصف الاول ب 50 .. بصراحه ماوديتهم .. اوديهم سينما ارخص لي ..

واللي يقول كفايه وكفايه ..الله لايهينه يركب الطياره ويروح لهم يساعدهم ..

[Lap top]

و الله ... العيد هالسنه مب مثل عيد ايااام قبل .. يا هي فرحه العيد و الحين الكل يسافر برا قطر

لو جينا على المجاعه في الصومال ندري بها من زمااان ..
و سالفة المساعدات من وعيت علي الدنيا و انا اسمع فيها و شنو اليديد في الموموع الحين

يعني شنو ما نسال عن شي تقلبون المواجع علينا .. و لا شنو الواحد ما يعرف يفرح لو ساعه في هالبلاد
لاهنتي اخوي

اذا عندكم رد حلو تفضلوا .,, ولا بليز لا حد يقول قطر سوت للغير ... احنا شسيوينا لقطر ؟؟!!
سالت نفسك تاكل و تشرب و تسافر عنها في يومها الوطني و تخرب فرحتها بالهبال اللي تسويه
عبالك اليوم الوطني مسيرات و تحرش بالعام ...

رجا لا نفتح علينا باب احنا في غنى عنه ؟؟؟

كل الود
مهـا قطــر

[بوحارب]

ياريال ابركها من ساعة