قماش مظلات السيارات العازل - اخلي القماش فوق والعازل تحت ولا العكس؟ (نصيحتكم)

[المـــــ$$$ـــــتثمر]

السلام عليكم ورحمة الله وبركاتة ..

بغيت نصيحتكم يا شباب ,,

اليوم تعاقدت مع شركة لتركيب مظلة للسيارات
نفس الي في الصورة (بالقماش) اللون عنابي
http://www.jss.cc/images/products/CarParkShades/1%20(5).jpg

ابي مشورتكم في طريقة تركيب القماش
الي بيركب المظلة يقول خل القماش في الأسفل والعازل في الأعلى
لكن شكلة صاير لميع واللون صاير عنابي باهت

وأنا أشوف أن القماش في الأعلى لونة عنابي ناطع وواضح وبدون لمعه وأحلى


قال لي بيتجمع غبار عليها : قلت معليش بغسلة بين فترة والثانية

هو في النهاية عازل للماء (سواءاً القماش تحت ولا فوق)



أبي رايكم ,, لا عدمناكم .........

وكل عام وأنتم بخير وعيد الله عليكم مبارك مقدماً قبل الزحمة .:tease:

[شموخ دائم]

,

,


مرحبا


كل عام وانت بخير

وعساك من عواده يارب وعلى الجميع

من ناحيه جماليه للشكل فكرتك صحيحه 100% واحنا نهتم بالجمال كثير

ومن ناحيه عمليه ولحمايه القماش من الغبار وعوامل الجو
فكره الفني صحيحه

وانا اشوف تتبع كلام الفني

اللون العنابي جميل جدا لكنه سريع التأثر بالغبار واللون البيج
ما يبين فيه الغبار

انا اشوف تتبع كلام الفني لان القماش يمسك فيه الغبار بطريقه ما تتخيلها
ولو غسلته مره راح تعرف الي اقصده راح يصير الحوش كله تراب وطين كميه كبيره
فخله تحت بيحافظ عليه اكثر من الغبار

والخيار لك




,

,


اخوك

شموخ دائم

[ماجد]

اخوي على كم فصلت المظلات وكم مساحتها ؟؟؟

[The_Be$t]

العازل فوق والقماش تحت


وبالتوفيق

[khaldoon]

اتفق مع اخونا العزيز شموخ دائم و انصحك تمشي على نصيحة الفني لانه هو اكثر خبره في هذه الامور من واقع تجاربه و عمله

[الجنوبي 11]

الأهم من ذلك هو سماكة العواميد ،تأكد انها غلفنيز و6انش ،في رائي هذا الأهم ،وانا مع اللون البيج حق جونا . والله يوفقكك

[فتى الجود]

السلام علييكم

اخوي خل العازل فوق والقماش تحت

وبالنسبة للمتر على كم خذته ؟

[التيما]

فعلا العازل فوق والقماش تحت واايد احسن

[heavy duty q]

انا مركب نفس هالنوع بدون عازل بس قماش فمع المطر تبتلش من قلب تطلع عليك اغلى من بيع السوق تهقون من وين اقدر اركب العازل

[المـــــ$$$ـــــتثمر]

المتر خذته على ١٤٠


جزاكم الله خير

فعلاً كلامكم عين العقل
جونا ما يساعد
وانا مب وجه تغسيل كل فتره

شوركم وهداية الله

*تسلمون على المشاركة
تحياتي لكم جميعا

والله أنكم ذخر

[فتى الجود]

الله يبارك لك ان شاء الله وتسعد به

با 140 ممكن اسم الشركه على الخاص

لانى كل ماسألت يقولون لى بــ 190

[كنونة]

اخوي اذا تكرمت بقيت اسم الشركة ورقم التلفون على الخاص

[QAT2020]

اخوي اذا تكرمت بقيت اسم الشركة ورقم التلفون على الخاص ..

[المـــــ$$$ـــــتثمر]

فتى الجود
كنونة
qat2020

تم الرد على الخاص


تحياتي للجميع

[السد]

نصيحة لا تركب مثل هذا النوع
ركب فقط
كويك سبان
عند الدوحة كويك سبان

[خالد 43]

السلام عليكم اخوي المستثمر

بغيت رقم الي سوا لك المظلات

وشكرا

[Almossafer]

ممكن اسم ورقم الشركه

[MaSHa3eR QTR]

ممكن الرقم

[كبير المتداولين]

كويك سبان

القماش على طور غبار توصخ المواتر