استفسار عن الشراكه مع اجنبي

[سالم المسلوم السليمي]

اخواني

احييكم على هذا المنتدى الرائع والجميل


وارغب بمعرفة بعض الامور وتوضيحها لي من خبرتكم في مجال التجاره والشراكه

جاني هندي يبيني اشتري نصيب قطري شريك معاه في شركه - طبعا شراكه بالاسم فقط - اتسجل يعني على الورق ان لي نسبة 51% وفعليا ما املك شي وكل شي هو يتحمله .

وهو بيعطيني مبلغ كل اخر سنه

نشاط الشركه تأجير شاحنات - شلون اضمن ان الشركه هذي ماعليها ديون ولا مشاكل شلون اتأكد - ولو جا احد طالبني بفلوس ولا شي كان الكفيل القبلي مسويها من يتحمل هالامور . وشلون احمي نفسي يا اخوان ؟

لما تكلمنا عن قيد المنشأه قالي ان يبي توقيعي وتوقيعه يكونون على قيد المنشاه عشان اذا بيوقع عقود ولا شي يكون قادر يعني - شرايكم في كلامه ؟


وبعدين ايش الامور الي يقدر ايسويها التاجر بقيد المنشاه هذا - يعني يقدر يفتح حساب بالبنك وياخذ سلفيات وكذا

بعد شنو اممممممم

اعتقد بس خلاص

يالله ردوا علي ناطركم

بس ياريت اصحاب المعلومات الاكيده فقط

سالم

[سالم المسلوم السليمي]

ياريت المسؤولين يغيرون عنوان الموضوع الى استفسار عن الشراكه مع اجنبي ؟

[Pro]

انا ما راح اخوفك
بس لازم تكون حذر
لأنك تتعامل مع المال
و المال ياما فرق بين الاخوان
-
-
فما بالك بالغريب
-
-
قصة الشراكة مع اجنبي
بدون ما يكون لك علم
فيما يدور في الشركة
-
-
فبلاها من شراكة
حتى لو بيعيطك مبلغ
مغري شهريا
-
-

جاني هندي يبيني اشتري نصيب قطري شريك معاه في شركه - طبعا شراكه بالاسم فقط - اتسجل يعني على الورق ان لي نسبة 51% وفعليا ما املك شي وكل شي هو يتحمله .
انت شريك فعلي اذا قبلت بالأمر
يعني تقدر تأخذ 51% بالكامل
دون اي اعتراض و هو يملك الباقي
حتى لو مادفعت ريال واحد


لما تكلمنا عن قيد المنشأه قالي ان يبي توقيعي وتوقيعه يكونون على قيد المنشاه عشان اذا بيوقع عقود ولا شي يكون قادر يعني - شرايكم في كلامه ؟
اهني المشكله
يعني انك ماراح تعلم
عن اي شيء في الشركة
فممكن يعمل اي شيء
يعني ممكن يرهن و ممكن
يأخذ قرض و ممكن يطيح الشركة في ديون
مالها اول و لا اخر
-
-
الأفضل اهني انك تفتح
مؤسسة بإسمك
و اي شيء يصير
يكون عن طريقك
و الملكية في الأخير بإسمك
لو لعب يمين يسار
تقدر تبيع المؤسسة بالكامل
اما في وضع الشكرة
لازم تأخذ موافقة الشركة
-
-
تبي نصيحة
مادام ماتبي تعور راسك
في اي شي
بلاها من شراكة

[سالم المسلوم السليمي]

مشكور اخوي برو على سرعة استجابتك

وفي حالة انه تم توقيعي انا فقط هو الي على قيد المنشأه - شرايك بالموضوع ؟

اعتقد انه في هالحاله مايقدر يسوي اي مشكله - ومثل ماقلت اني راح امتلك بدخولي كشريك في هذه الشركه مانسبته 51 % يعني لو صار شي اقدر ابيع الشاحنات .

اتمنى القى اراء اكثر للاخوان فيما يتعلق بالموضوع .

حمد

[23سلطان]

اخواني

احييكم على هذا المنتدى الرائع والجميل


وارغب بمعرفة بعض الامور وتوضيحها لي من خبرتكم في مجال التجاره والشراكه

جاني هندي يبيني اشتري نصيب قطري شريك معاه في شركه - طبعا شراكه بالاسم فقط - اتسجل يعني على الورق ان لي نسبة 51% وفعليا ما املك شي وكل شي هو يتحمله .

وهو بيعطيني مبلغ كل اخر سنه

نشاط الشركه تأجير شاحنات - شلون اضمن ان الشركه هذي ماعليها ديون ولا مشاكل شلون اتأكد - ولو جا احد طالبني بفلوس ولا شي كان الكفيل القبلي مسويها من يتحمل هالامور . وشلون احمي نفسي يا اخوان ؟

لما تكلمنا عن قيد المنشأه قالي ان يبي توقيعي وتوقيعه يكونون على قيد المنشاه عشان اذا بيوقع عقود ولا شي يكون قادر يعني - شرايكم في كلامه ؟


وبعدين ايش الامور الي يقدر ايسويها التاجر بقيد المنشاه هذا - يعني يقدر يفتح حساب بالبنك وياخذ سلفيات وكذا

بعد شنو اممممممم

اعتقد بس خلاص

يالله ردوا علي ناطركم

بس ياريت اصحاب المعلومات الاكيده فقط

سالم

السلام عليكم

انا بقولك خبرتي في مواضيع الشراكة

1. انا اول مرة اسمع عن شراكة 51% بين قطري وهندي (جرت العادة ان القطري يملك كل شيء والهندي يقوم بتشغيل المحل او السيارة ويعطي الكفيل او الشريك مبلغ كل شهر ... بالنسبة للمحل يكون في العادة 2000 ريال كل شهر )

2. الربح يكون كل شهر (ماسمعت عن ربح كل سنة)

3. تاكد من ان الشاحنة والسجل التجاري والكفالة كلها بسمك عشان تحفظ حقك

4. انصحك تسال الكفيل عن سبب تركه المشروع.. لان مشروع الشاحنات مربح والحمد لله في قطر بس للي عنده واسطة ومعرفة (اذكر مرة ان هندي اوهم كفيله انه خسران بينما الشركة ربحانه ... والهدف انه يبيع الشركة لشخص ثاني ويحصل على جزء من مبلغ البيعة بدون الشريك الجديد مايعرف ... وكنت بطيح فيها بس ربكم ستر وراعي المحل طلع رجال وخبرني بالقصة واشتريت المحل بدون ماياخذ الهندي ريال)

5. لاتخليه يوقع على ورقة المنشأة .. بس انت الي وقع .. وخل مع التوقيع ختم للشركة حتى مايقدر يزور ويجيب عمال (اذكر مرة سوري اتفق مع مصري انه يجيبه قطر بمبلغ 5000 ريال للتاشيرة .... ورفيجنا القطري ماعنده خبر وتوهق مع المصري واضطر يشتري له تذكرة على حسابه)

6. اذكر مرة طلبت قرض للتجارة .. وقال لي المسؤول في البنك افتح لك حساب لسجل تجاري حتى نعطيك قرض للتجارة لان حسابي سار ثقيل عندهم... بس مش عارف اذا يكون للاجنبي او بس للقطري

والسلام ختام

[المهندس عبدالعزيز]

أسوء الأحتمالات

1- ممكن يخسر الشركة ملايين وهو بعدين بيسافر وأنت بتتحمل كل الخساير.

2- ممكن الشركة تربح ملايين كل شهر بس مب ماعطك إلا كم من ألف.

أحسن الأحتمالات
يعطيك نسبة 51% بالضبط كل فترة زمنية


نصيحة

تأكد أن الشريك يكون

1-شريف نزيه

2-خبير بالأمور الأقتصادية

3- تأكد من قانوني أو محامي علشان كل واحد ياخذ حقه

[23سلطان]

[



يعطيك نسبة 51% بالضبط كل فترة زمنية


نصيحة

تأكد أن الشريك يكون

1-شريف نزيه

2-خبير بالأمور الأقتصادية

3- تأكد من قانوني أو محامي علشان كل واحد ياخذ حقه

والله ياخوك كلامك حلو بس اعذرني على الكلام الي راح اقوله:

1. مافي احد نزيه هذي الايام الا من رحم ربي وهم يشكلون 10% من التجار وبس ... كل واحد يبوق الثاني .. وكل شخص يجيني ويتفق معاي على كفيله.

2. على كثر التجار الصغار الذين تعاملت معاهم لم اشاهد في حياتي تاجر يستخدم قانوني او خبير ... لان القانون في الدوحة به الكثير من العيوب واسال اي شخص.

3. لاتستخدم طريقة انا اخذ 51% من صافي الارباح لانها فاشلة وراح يلعب في الارباح وانا شخصياً فشلت فيها .. احسن طريقة هي النسبة الثابتة ... يعني تعطيه المحل وتاخذ على المحل 2000 ريال كل شهر ... والافضل لك انك تاخذ عليه شيكات كل شهر عشان لاتوجع راسك. وهذي الطريقة انا جربتها وتوفقت والحمدلله

والله اعلم

[سالم المسلوم السليمي]

السلام عليكم

انا بقولك خبرتي في مواضيع الشراكة

1. انا اول مرة اسمع عن شراكة 51% بين قطري وهندي (جرت العادة ان القطري يملك كل شيء والهندي يقوم بتشغيل المحل او السيارة ويعطي الكفيل او الشريك مبلغ كل شهر ... بالنسبة للمحل يكون في العادة 2000 ريال كل شهر )

قانون وزارة الاقتصاد لايجيز للاجنبي تملك اكثر من نسبة 49% في حالة الشراكه مع قطري - وبما اني لاامتلك شيء في الشركه فهو صاحب الشاحنات فلذلك عملنا بنسبة 49% له كاجنبي .

2. الربح يكون كل شهر (ماسمعت عن ربح كل سنة)

احنا اتفقنا على جذي بشكل مبدئي - يعني الزبده اتفقنا على مبلغ معين كل سنه يعطيني اياه مقدم وهذا احسن من الشهري واضمن لي .

3. تاكد من ان الشاحنة والسجل التجاري والكفالة كلها بسمك عشان تحفظ حقك

اخوي هم بيتسجلون بأسم الشركه الي انا باكون قانونيا امتلك مانسبته 51% .4.

انصحك تسال الكفيل عن سبب تركه المشروع.. لان مشروع الشاحنات مربح والحمد لله في قطر بس للي عنده واسطة ومعرفة (اذكر مرة ان هندي اوهم كفيله انه خسران بينما الشركة ربحانه ... والهدف انه يبيع الشركة لشخص ثاني ويحصل على جزء من مبلغ البيعة بدون الشريك الجديد مايعرف ... وكنت بطيح فيها بس ربكم ستر وراعي المحل طلع رجال وخبرني بالقصة واشتريت المحل بدون ماياخذ الهندي ريال)

الحمدلله انك ماتمشكلت معاهم ولا تم النصب عليك
تكلمت في شي كنت افكر فيه وباسويه ان شاء الله قبل نقل الشركه بأسمي باسأل الشريك القطري عن مشاكل الشركه - هم يقولون ان سبب رغبتهم تغيير الكفيل انهم مايقدرون يشوفونه دايما فمعامللاتهم اكثرها واقفه .

5. لاتخليه يوقع على ورقة المنشأة .. بس انت الي وقع .. وخل مع التوقيع ختم للشركة حتى مايقدر يزور ويجيب عمال (اذكر مرة سوري اتفق مع مصري انه يجيبه قطر بمبلغ 5000 ريال للتاشيرة .... ورفيجنا القطري ماعنده خبر وتوهق مع المصري واضطر يشتري له تذكرة على حسابه)

صح كلامك وانا نويت ان اخلي توقيعي انا بس على قيد المنشاه .

6. اذكر مرة طلبت قرض للتجارة .. وقال لي المسؤول في البنك افتح لك حساب لسجل تجاري حتى نعطيك قرض للتجارة لان حسابي سار ثقيل عندهم... بس مش عارف اذا يكون للاجنبي او بس للقطري

ان شاء الله اذا خليت توقيعي بس على قيد المنشأه مايقدرون لايفتجون حساب ولا ياخذون فيز .

والسلام ختام

شكرا اخوي ساعدتني وايد .

مشكور اخوي سلطان عطيتني اشياء مفيده وخبرتك جيده - الله يوفقك

[سالم المسلوم السليمي]

أسوء الأحتمالات

هلا ابو الفزعه

1- ممكن يخسر الشركة ملايين وهو بعدين بيسافر وأنت بتتحمل كل الخساير.

لاخلاص لاني نويت انه اخليه مايقدر لا يوقع جيكات ولا ياخذ فيز .

2- ممكن الشركة تربح ملايين كل شهر بس مب ماعطك إلا كم من ألف.

عليه بالعافيه لان الشركه والي فيها اصلا له وانا مجرد كفيل مادفعت ريال .

أحسن الأحتمالات

يعطيك نسبة 51% بالضبط كل فترة زمنية


نصيحة

تأكد أن الشريك يكون

1-شريف نزيه

اكيد هذا الي احسه مبدئيا فيه .

2-خبير بالأمور الأقتصادية

اعتقد انه انسان عادي - كخبره مادري اذا انه خبير .

3- تأكد من قانوني أو محامي علشان كل واحد ياخذ حقه


باعرض جميع الافكار والمعلومات ان شاء الله على محامي - وانتوا ماقصرتوا بعد .


ماقصرت اخوي وافكار حلوه واستفدت منها .

[23سلطان]

مشكور اخوي سلطان عطيتني اشياء مفيده وخبرتك جيده - الله يوفقك

عرض جيد جداً

توكل على الله ووقع العقد

وبالتوفيق

[لمت داون111]

مشكور اخوي برو على سرعة استجابتك

وفي حالة انه تم توقيعي انا فقط هو الي على قيد المنشأه - شرايك بالموضوع ؟

اعتقد انه في هالحاله مايقدر يسوي اي مشكله - ومثل ماقلت اني راح امتلك بدخولي كشريك في هذه الشركه مانسبته 51 % يعني لو صار شي اقدر ابيع الشاحنات .

اتمنى القى اراء اكثر للاخوان فيما يتعلق بالموضوع .

حمد
:looking:

[keep calm]

اخي الكريم يجب عليك اتباع سياسه التكبيل لا انه اذا طاح الفاس في الراس خلاص اتبع الاتي :

1- يجب ان تكون انت الشخص المخول با التوقيع فقط اي انك بروحك توقع على قيد المنشأ
2- حجز جواز السفر للشخص المذكور لديك في مكان امن
3- لازم تعرف جميع ممتلكات الشركه ايش هي با الظبط وبكم تقدر ؟
4-تغير الختم السابق للشركه تماما واعتماد ختم جديد تقوم انت بتصميمه واعتماده لدى الدوله ربما قد يكون يحتفظ بختم خر يسمح له بمزاوله بعض الامور دون علمك .
5- تأكد من كفاله الشخص هل هي على الشركه ام لا
6- تأكد من عدم وجود شيكات مرتجعه من قبل لدى الشركه او تأخير في الالتزامات (ليش طلع الشخص الاخر ربما شعر با الخطر ) احذر
7- اذا كنت شريك فأنت مسوؤل مسوؤليه كامله عن اي خلال
8- تأ كد من ابرام عقود عمل مصدقه من اداره العمل وقم بقرائتها جيدا
9- تأكد من استلام جميع رواتبهم الشهريه من خلال ايصلات رسميه وتقيعاتهم

الموضوع يأخي العزيز شائك وهناك كثير من النقاط يجب اتخاذها والدخول سهل ولكن الخروج صعب جدا
كنسل الموضوع تماما احسن لك وأممن لك لا ان المشكله انت راح تدخل في نصف المرحله وتجهل كثيير من المعلومات

[rashid_qatar]

ابعددددددددددد عن الشررر وغنيييلة لايحوشك ترى الورطة بعدين لين خذ ديون وشراء سيارات اقصاد وماسدد وسافر بيرجعون للكفيل وهني الكفيل يغرم
هم دايما يسونها يعطيك كل شهر ولين شبع ورطك بديون الشركة وقالك باااي انت شريك ولازم تدفع بالكامل
انا مورطيني في شركة مقاولات علي ديون 9 مليون الحبيب ياخذ من البنوك ويرشيهم ومايبين في الحسابات يوم راح بعد سنة البنوك اكتشفت العبة وكلناها احنا الكفلاء
انا اقول اخذ رزقك بروحوك ودير حلالك بنفسك والشيء الي ماتعرف لة لاتورط نفسك فية