المساعد الشخصي الرقمي

مشاهدة النسخة كاملة : انتقال الطالب القطري من جامعة امريكية الى جامعة بريطانية


ولد مشيرب
29-08-2011, 01:18 PM
هل في احد من الاخوان عنده فكرة ان الطالب اللي يخلص السنة الدراسية الأولى في جامعة امريكية يمكن يقبل كطالب سنة اولى في جامعة بريطانية بدون دراسة الفاونديشن المطلوب من خريجي الثانوية ومشكورين على المساعدة
rawda
29-08-2011, 01:26 PM
نظام الجامعات الامريكيه يختلف اختلاف تام عن نظام الجامعات البريطانيه !!

احتمال يحولوون لك كم ساعه ويطيحون عنك كم كلاس !! واحتمال كبير تبدأ من الصفر


موضوع نقل الساعات والمواد يعتمد على اداره الجامعه واداره التخصص اللي بتتخصص فيه .. يايقبلون .. يا يخلونك تعيد
ولد مشيرب
30-08-2011, 12:40 AM
شكرا على المعلومات الطيبة ولكن هل سيكون مطلوب الدخول في الفاونديشن مثل خريج الثانويةاو ممكن يلتحق بالتخصص الذي يرغب فيه مباشرة حتى ان كان لديه الأستعداد للبدء من بداية السنة الأولى وان لاينفل اي ساعات مكتسبة في الجامعة الا مريكية
Senior
31-08-2011, 01:26 AM
المسآلة يا اخوي تختلف من جامعه الى جامعه اخرى، قد تحصل جامعه في بريطانيا تقبلك سنه اولى وقد تلزمك تبتدي من الفاونديشن ،، فالأفضل انك تراسل الجامعة نفسها.

وبعدين للعلم فقط إن مواد الفاونديشن في الجامعات البريطانيه مماثله لمواد السنه الآولى في الجامعات الأمريكيه،، ولهالسبب تلقى ان الطالب في بريطانيا يتخرج خلال ثلاث سنوات فقط من بعد الفاونديشن.

واذا احتجت اي شي اخر حاضرين لك
المسك1969
31-08-2011, 08:33 PM
أخوي الفاونديشين في أي جامعه نفس الشيء... إن شاء الله بيقبلونها لك بس قدم أنت على الجامعه

ونصحيه لوجه الله أن انت في أمريكا كمل هناك ترى تعامل الامريكان أفضل من البريطانين

دمهم ثقيل هالبريطانيين.... وربي يوفقك ان شاء الله

عيدك مبارك:nice:
ولد مشيرب
31-08-2011, 08:56 PM
ايش اقول والله غير بيض الله وجيهكم جميعا وماقصرتوا على ردودكم الطيبة وتشجيعكم ومشكورين وعيدكم مبارك وعساكم من العايدين يارب العالمين