بسرررعه دخلو شوفوا ليش الخدم يشردون ووين يرووحون منكم يا أهل قطر

[البعد الخامس]

شوفو وبالصور

ناس تعطي الخدم 1800 ريال بالشهر وناس تعطيها 200 ريال باليوم

وتبونهم ما يشردون


http://www10.0zz0.com/2011/08/29/11/652257573.jpg (http://www.0zz0.com)

[العقل الحر]

الحياة الكريمة التي ينعمون بها ... جعلتهم ينعمون على الخدم اكثر من اهل البلد

ولكن في اسمين قطريين غريبين !

ماخبر عندنا هذي الاسماء ؟

[واقعية]

عادي
شغالتي اللي شردت سيلانية - تحاول تقنع اللي عندي انها تشرد مثلها

ترسل للشغالة الثانية اللي عندي ( نفس الجنسية )

[البعد الخامس]

ولكن في اسمين قطريين غريبين !


اسماء مستعارة والله اعلم

[المسك1969]

إن شاء الله مايشردون والله أنعاملهم مثل خواتنا وما نقصر عليهم بشيء.. لا بلبس ولا بكلمة طيبه ولا مساعدة أن احتاجوا

ويروحون بلادهم ويردون وربي يسخرهم لنا ولعيالنا يارب... آمين

بس المشكله لما يكون في دريول وله احد من أهله يشتغل في قطر أو شغاله ولها أحد من أهلها يشتغل مب في بيت في شركه أو مؤسسة... اهنيه تبدأ الاغراءات لها ومن هنا تبدأ تفكر في الشردة

بس من وين جبت الأحصائيه هذه؟ شنو مصدرها

وأنا اعتقد أن الاجانب قح مافيهم يدفعون هالمبالغ؟
جزاكم الله خيرا:nice:

[admin qatar]

السبب الحقيقي لهروب الخادمه

معامله اصحاب المنزل لها

عاملوها جيدا تجدوها مخلصه

لف ودور والعب عليها وهاوشها ولعوزوها

راح تلعوزكم

[<اضرب واشرد>]

بخصوص الجنسيات عندنا خدم فرنسيات وتركيات وايطاليات وبريطانيات ومصريات ولبنانيات واثنين قطريين بعد أسماؤهم غريبة ؟

لا هندية ولا سيريلانكية أو فلبينية أو أندونيسية ، متأكد صحيح الجدول ؟

[BuFaisal]

السلام عليكم

الشغاله الي تقول انها ب 200 ريال هذي مش شغاله دائمة او على كفالة من أجرها بل اجيرة يومية عند الحاجة
يعني يمكن تأجرها مرة بالشهر فقط تنظف وتجلس مع الاولاد
واحتمال تكون من مكتب تأجير خدم ..الخ
وهذا الفرق بين هذا وهذاك

[!..فيونكه..!]

الحين شسالفة عندنا خدم فرنسيات وتركيات وايطاليات وبريطانيات ومصريات ولبنانيات ؟

الجدول مافيه هندية ولا سيريلانكية أو فلبينية أو أندونيسية ، متأكد صحيح ؟


اللي فهمته ان هذي القائمـة لجنسية الكفييل والراتب المراد اعطائه للخادمة وليس العكـس

حتى بالخدم ناشبونا هالاجانب :)

[قطر دزاين]

المعامله الحسنه
انا الخدم اللي جاونا ما يرحون الى بعد 20 سنه من طيب خاطرهم
عطه راتبه في اليوم المحدد واكرمه شوف يشرد او لا

[Max Speed]

بخصوص الجنسيات عندنا خدم فرنسيات وتركيات وايطاليات وبريطانيات ومصريات ولبنانيات واثنين قطريين بعد أسماؤهم غريبة ؟

لا هندية ولا سيريلانكية أو فلبينية أو أندونيسية ، متأكد صحيح الجدول ؟

طال عمرك يالغالي هذول اصحاب البيوت اللي طالبين خدم يعني العائلات المقيمة بقطر
بيدفعون للخدم هالمبالغ وهذه جنسيات العائلات

والسؤال هنا مش الجنسيات السؤال هل هذه الاحصائية صحيحة وين مصدرها
مع اني اتوقع بحدوث هذه الاشياء 90 % صحيحة والله اعلم

تري بعض العائلات المقيمة بعضها وليس الكل راتبها يزيد عن راتب البيت القطري
والله المستعان

[البعد الخامس]

يا جماعه هذا موقع لطلب عماله منزليه دخلت عليه بطلب شغاله وتفاجأت بالرواتب المعروضه

قفلت الموقع وما حفظته عندي بس ابشروا بحط الموقع اذا لقيته

لما شفت الرواتب تذكرت شغالتي السيرلانكيه الي فراحنه براتبها 800 ريال :secret:

[ابوحمووود]

المعامله الحسنه هي الحل

[رجل مثالي]

بس معظم الخدم والسائقين مهما تكرمهم وتعلمهم ما يبين في عينهم ناكرين

[PP]

يا شيخ يقول لك
200/D
200 per day
يعني تستلم ما يقارب 6000

وفيه اختلاف بالمعاملة وحجم البيت :) = الشغل يختلف

[the gost]

مشكوووووووووووووووووور ماقصرت

[Right]

أعتقد أن هالموظفين الأجانب لديهم علاوة " بدل خدم " !!!

[راشد محمد]

بس معظم الخدم والسائقين مهما تكرمهم وتعلمهم ما يبين في عينهم ناكرين

:nice:صح

[القائــد]

الحقيقة في عالم تعامل الخدم معاملة حسنة ويدلعهم وماخذين راحتهم لكن مثلا لو شاف الخادم شغل افضل حرام نحرمه من هذه الفرصه لأن كل واحد عنده ظروف والله أعلم بحالهم، وأيضا مفروض يكون هناك عقد سنوي بحيث مع انتهاء العقد يا يكمل معه الكفيل او يشوف له حال ثاني

[رجل مثالي]

شوفو وبالصور

ناس تعطي الخدم 1800 ريال بالشهر وناس تعطيها 200 ريال باليوم

وتبونهم ما يشردون


تعليق - يجب على الجهات المسؤولة بعد تسليم الهارب نفسه سواء من

الخدم او السائقين او غيرهم يجب معرفة مكان تواجدة طول فترة هروبه

لتغريم هؤلاء الذين يشغلون الهاربين الغرامات التي

اوجبها القانون على هؤلاء لانهم مشتركين في الجريمة

وعليهم غرامات ويجب اعطاء الكفيل الخساير لان الكفيل يخسر امواله و هذا حرام

وحتى يكون هناك رادع لهؤلاء وللجميع او فقط قادرين على اخذ غرامات

المرور فقط للمخالفين وعلى الغير سماح هذا لا يجوز لان بدون رادع

يكثر هروب الخدم التي تسبب الخساير للكفيل المسكين والله يحفظ الجميع

[qatara]

ليس هذا السبب فقط فالعامل القديم اكيد راتبه راح يختلف

الا اذا سن قانون لجميع الجنسيات بنفس الرواتب بمعنى مهما كانت جنسيته راتبه تحدده وظيفته

السايق = راتب كذا
الخادمه راتب كذا
البناء = راتب كذا
الخ
ويشمل كل الجنسيات

لاكن شكل السالفه فيها لعبه مع بعض الخدم والمكاتب او موظفي سفارتهم شغله مربحه ادفع 10000 وغيرك يدفع لنفس الخادم

وهلم جرا شكل ان في ناس تشغلهم بدون دفع اي التزام استقدام او كفاله او خلافه

يعني يجي عامل جاهز لاتعب في احضاره ولا خسر في اقاماته اكيد راح يدفع له اكثر مش خسران

والخادم يجني فلوس بدون شغل

حتى لو قبلنا بتبريرك لماا الهروب بعد فتره 3 شهور تحديدا واغلبهم اذا لم نقول كلهم ماخذين رواتب 3 الشهور التي عملو بها

القانون يلزم الكفيل في اي تقصير من راتب او معيشه ووو الخ

لاكن في حال التقصير وهروب الخادم اين محاسبة الخادم او المكتب او السفاره اين حقوق الكفيل القانونيه ؟

وفي حال محاسبه هذه الجهات التي لايستطيع العامل الهرب او التلاعب الا عن طريقهم؟

الخادم قبل بلعمل فتره السنتين والكفيل ادا ماعليه من التزمات لماذا يهرب وهل عوقبت هذه الجهات

واجزم لو حسو بمحاسبه وعقاب لن يهرب اي خادم

[رجل مثالي]

أنا أقترح على المتضررين من هروب الخدم تقديم كتاب جماعي الى

سعادة وزير الداخلية حول موضوع هروب الخدم والعاملين لوضع حد

لهذا الموضوع الهام الذي بات يخسر المواطنين اموال كثيرة وهذا يشكل

عبئ كبير على كاهل الاسرة القطرية وهذا الامر متروك دون حل قاطع

حتى مشاكل الدول يتم حلها ووضع كل الشروط اللازمة لوقف الخساير

فيجب التدخل السريع لحل هذا الموضوع من هروب الخدم والاستهتار في القانون

والخسائر الكبيرة على الكفيل وعلى أسرة الكفيل من مجهود لربة الاسرة

لتعليم الخدم وهروبهم بعد أن يتعلموا كل شئ على حساب ربة الاسرة

وهذا الشئ له عواقب كبيرة على المجتمع والله أعلم -

[مشتاقة لقطر]

بيتنا وبيت اهلي الحمدالله مايشردون
بس فيه بيوت قرايب لنا يشردون بعد3 اشهر

[بوالفاروق]

والله يا جماعة الوالدة الله يحفظها ما تقصر معاهم
يجون مايعرفون شي وماعندهم الا شنطة صغيرة ..

تشترلهم ملابس وتعلمهم الطباخ وشغغل البيت واحنا في البيت
ما نتكلم مع الخدامات الا الوالدة

بعد تحصل اللي تألف لك قصة انا بسافر واللي تشرد .... الخ

وغير الجم ألف اللي تدفعهم لين تجيبهم من مكاتب الخدم

الله يعين

[الحياة الخالدة]

والله يا جماعة الوالدة الله يحفظها ما تقصر معاهم
يجون مايعرفون شي وماعندهم الا شنطة صغيرة ..

تشترلهم ملابس وتعلمهم الطباخ وشغغل البيت واحنا في البيت
ما نتكلم مع الخدامات الا الوالدة

بعد تحصل اللي تألف لك قصة انا بسافر واللي تشرد .... الخ

وغير الجم ألف اللي تدفعهم لين تجيبهم من مكاتب الخدم

الله يعين


صــــــح كلامك ..

يعني مب شرط كل من شـــــرد يكون السبب ان معازيبــــه يسيئون معاملته ..

في منهم اللي أهل البيت يدارونهم مداراة .. لكن اللي فيه سو فيه سو مافي فايدة .. و التوفيق من اللـــــه ..

[بوسلمان 2010]

والله محد دمرنا الا المكاتب الاول ترد الخدامة الى المكتب يوديها كذى بيت علشان مايكلف المكتب ثمن التذكره


الي هي اصلا ماخذينها دبل واذا محد يبيها كل اشوي ودها عند بيت الين اتحصل ثمن التذكره وعقب يسفرها



انا صارت معاي في احد المكاتب وسحبته ادارة العمل وسفر الخدامة عقب معناه معاه لمدة شهر تقريبا والحين


ماتبي خدامتك انقلوها على كفالة المكتب وخلوها تشتغل بااليومي والمدخول دبل والمكتب هو المستفيد الوحيد


وانت بيخصم عليك من المبلغ حوالي 500 ريال تخيلو كم واحد راد خدامة وكم مدخول الكتب من هذي المبلغ


وكل واحد منا يقول 500 مو مشكله اهم شي رد لي باقي المبلغ بدال لااتلته معاه في المركز وهذا هو الحاصل



عندنا ولا حسيب ولا رقيب

[شيخ الديرة]

موضوع على أساس جدول مفبرك لا أحد يعرف مصدره

[b@@]

صحيح
انا اعرف ناس فلبينيتهم تروح الكنيسة تتعبد
تعرفت ع امريكان قالولها بدال ال800 الي تاخذينها
بنعطيج 2000 تخيلو وكلمو معازيبها وخلصو اجراءات نقل الكفاله
لانهم درو لو ماخلوها بتشرد منهم

[البعد الخامس]

وتفوق الاجنبي على القطري في كل شي

يا للحسره والله

[البعد الخامس]

بعد زيادة الرواتب زيدو رواتب الخدم :nice:

قد تكون رواتبهم هي السبب في هروبهم
:secret:

[QTR-SOUL]

http://www.nannypia.com/?gclid=CJDg_MeWi6sCFYN_6wodoHrWvQ

حسبي الله عليهم

[البعد الخامس]

جزاك الله الف خير كنت ادور الموقع وما حصلته

هذا هو رابط الموقع شوفو وتأكدوا بنفسكم يا اهل قطر

http://www.nannypia.com/?gclid=CJDg_MeWi6sCFYN_6wodoHrWvQ

[*¤ بن قطر¤*]

ليس السبب الراتب فقط .. انما قصص الحب و الغرام التي تقع بين الخدم و أشخاص آخرين خارج المنزل ... تدفعهم للهروب مع من يحبون

[البعد الخامس]

للرفع

[NQtr]

انا مابي اعمم بس فعلا الاجانب معروف عنهم القح... لكن هالمبالغ اللي يدفعونها ماتسوى شي من معاشاتهم *

[مرتبش]

احد المعارف من جنسية عربية

ماخذ خدامة (اعتقد هاربة) ب 1500 شغل بارت تايم (نص اليوم تنظف وتطبخ وفي الليل تروح المكتب)

المهم.. انسرق الرجال وبعد كم يوم صادوها وطلع المكتب وهمي ..واحد من جنسيتها مشغل كم وحدة معاها ومستويين عصابة ولا مكتب ولاهم يحزنون

الرجال معاشه ممتاز وزوجته تشتغل ..مادري ليش ماخذ خدامة ب 1500؟ يمكن عشان ماتبات عنده (لا سكن ولا اكل ولا ملابس) وايضا موفر مبلغ الاستقدام والفيزا

هذول المفروض يتعاقبون ويتخالفون لانها جريمة ان صح التعبير..ايواء هارب وب شي سهل..تشرد من عند الكفيل ممكن تشتغل اي شغلة شريفة او غير ..ممكن تصير مجرمة ..ممكن يستغلها بني جنسيتها ويستعبدونها لانهم في بلدانهم عادي جدا الاستعباد..
الدولة ايضا ممكن تراقب المكاتب بو ساعة وتقننها ان كانت قانونية.. شروط الاستقدام لغير القطريين تراجعها ..اذا موظف راتبه جيد يسهلون عليه اذا حاب يجيب خادمة لاسرته..

الدولة لها القدرة على فعل اشياء كثيرة

[المخفي]

بسيطة الي يشغل شغالة هاربة يتسفر و بتشوفون الكل يمشي عدل من الخوف

[سيزن]

والله يا جماعة الوالدة الله يحفظها ما تقصر معاهم
يجون مايعرفون شي وماعندهم الا شنطة صغيرة ..

تشترلهم ملابس وتعلمهم الطباخ وشغغل البيت واحنا في البيت
ما نتكلم مع الخدامات الا الوالدة

بعد تحصل اللي تألف لك قصة انا بسافر واللي تشرد .... الخ

وغير الجم ألف اللي تدفعهم لين تجيبهم من مكاتب الخدم

الله يعين


نعم :nice:


والكل يدهن سيرهم .

[البعد الخامس]

مشكورين على التفاعل المصيبة الحين ما يبون يشتغلون عند قطري يبون أجنبي ويفضل اوروبي او او اي شخص بوعيون زرق وشعر اصفر
لانهم يدفعون وما عندهم شغل كثير مثلنا

[مضاربه]

في مكاتب في الدوحه تاجر الخادمه بالشهر اتصلت في واحد مصري قلت له بكم الخدامه قال 3000 رجعت اتصلت مره ثانيه بكرت هلا الا يقول 2800 زين قلت له وين مكتبك علشان نمضي العقد قال احنا نجي عندج لين البيت طيب عطني رقم صاحب المكتب جان يعصب عاد انا طلعت عفاريتي شرشحته حتى سعر ثابت ماعنده الله واعلم يمكن هذولا الخادمات الهاربات يشغلونهم بالساعه

[المهاجر2]

الله يعين الجميع

[مرتبش]

في مكاتب في الدوحه تاجر الخادمه بالشهر اتصلت في واحد مصري قلت له بكم الخدامه قال 3000 رجعت اتصلت مره ثانيه بكرت هلا الا يقول 2800 زين قلت له وين مكتبك علشان نمضي العقد قال احنا نجي عندج لين البيت طيب عطني رقم صاحب المكتب جان يعصب عاد انا طلعت عفاريتي شرشحته حتى سعر ثابت ماعنده الله واعلم يمكن هذولا الخادمات الهاربات يشغلونهم بالساعه

بالضبط
نفس اللي صار مع الشخص اللي ذكرته في تعليقي الاول..

الفرق الوحيد..ان السعر كان 1800 وما اعجبه السعر ونزله الى 1500

[سيف الحرية]

احترام إنسانية الخادمة هو الحل ..

وبعض الخادمات ما تعودوا على الغربة..

[البعد الخامس]

احترام إنسانية الخادمة هو الحل ..

وبعض الخادمات ما تعودوا على الغربة..


اي أنسانيه هي بالاساس تجي متوحشه واذا هي مو قادرة على الغربه ليش تجي بالاساس
تجرب على احسابنا

[السهم الشمالي]

مداخلة
أمس تقول لي المدام أن الخدامة الفلبينية الجديدة وهي ترمي الزبالة أعزكم الله وقفت لها سيارة فيها حرمة لابسة قطري لكن أظنها مهب قطرية كلمت الخدامة وقالت لها إذا ماعندك مكان تشتغلين فيه تعالي عندنا وهي دام أنها قدام عين هالحرمة قاطة الزبالة الله يعزكم فأكيد أنها تشتغل ولكنها محاوله لإغرائها للعمل في مكان ثاني .

[البعد الخامس]

مداخلة
أمس تقول لي المدام أن الخدامة الفلبينية الجديدة وهي ترمي الزبالة أعزكم الله وقفت لها سيارة فيها حرمة لابسة قطري لكن أظنها مهب قطرية كلمت الخدامة وقالت لها إذا ماعندك مكان تشتغلين فيه تعالي عندنا وهي دام أنها قدام عين هالحرمة قاطة الزبالة الله يعزكم فأكيد أنها تشتغل ولكنها محاوله لإغرائها للعمل في مكان ثاني .


اهاا يتصيدون الخدامات والله توقعت هالسيناريو يصير

رواتب الشغالات في بيوت الاجانب اوصلت 1800 ريال