مساعدة المعلمه ! شنو وظيفتها بالضبط @@

[بنت قطريههه]

السلام عليكم ورحمة الله

عندي سؤال مساعده المعلمه شنو وظيفتها بالضبط وايش المطلوب منها :anger1:


وكم معاشها تقريبا :eek5:


وكل عام وانتو بخير مقدما :shy:

[ولي العهد]

مجرد مسمى وظيفي اما وظيفتها اتشل كتب المدرسه وتصحح بدال المدرسه وتمحي الصبوره بدال المدرسه

الله يرحم وزارة التربية والتعليم

[المسك1969]

مجرد مسمى وظيفي اما وظيفتها اتشل كتب المدرسه وتصحح بدال المدرسه وتمحي الصبوره بدال المدرسه

الله يرحم وزارة التربية والتعليم


من صجك؟؟:funny:

والله يعد تغيير...

السموحه يالغلا ماعرف مب في مجال تخصصي... بس صج ضحكت على اللي كاتبه أخونا ربي يحفظه

[ولي العهد]

من صجك؟؟:funny:

والله يعد تغيير...

السموحه يالغلا ماعرف مب في مجال تخصصي... بس صج ضحكت على اللي كاتبه أخونا ربي يحفظه



هذا الي يسمونه برستيج مدرسات المدارس المستقله :tease:

[kitmat]

تساعد المدرسة ترتب اوراق الطلاب في الملفات ووضع تقارير الطلاب في الملفات تجهز الاغراض اللي تحتاجها المدرسة في الدرس والله هاذية اللي اعرفة بس ممكن غيري يعرف اكثر

[admin qatar]

الله يرحم وزارة التربيه والتعليم

وين ايامك

[khaldoon]

اول مره اسمع بهالمسمى الوظيفي الصراحه

بس الظاهر انها تسوي كل شي تسويه المدرسة بس ما تحمل شهادة جامعية في التربية و التدريس

[Maha_N]

مجرد مسمى وظيفي اما وظيفتها اتشل كتب المدرسه وتصحح بدال المدرسه وتمحي الصبوره بدال المدرسه

الله يرحم وزارة التربية والتعليم

ياخي اتق الله


ماتعرف لاتفتي من قال هذي وظيفتها


وظيفتها نفس المدرسه بس على شكل ابسط


واتوقع المعاش حول ال 8 الاف

الله يوفقك اذا لك نصيب فيها ومهنه رآآآآآآآآآآئعه جدا :victory:

[ولي العهد]

ياخي اتق الله


ماتعرف لاتفتي من قال هذي وظيفتها


وظيفتها نفس المدرسه بس على شكل ابسط


واتوقع المعاش حول ال 8 الاف

الله يوفقك اذا لك نصيب فيها ومهنه رآآآآآآآآآآئعه جدا :victory:

لا اله الا الله محمد رسول الله


يعني انتي الحين وضحتي وظيفتها ؟؟ ماشاء الله عليج:rolleyes2:

[جرح الزمان]

اعتقد انها تابع طلاب عندهم صعوبات تعلم

وتحضر جميع الحصص

[بنت حواء]

مساعدة المعلمة...

تكون طول اليوم مع البنات في الصف بإستثناء البريك....

تنسق اوراق العمل..الملازم...ملفات الطالبات...

تشيك على واجبات الطالبات في كتابتها وتدوينها في الأجندة...

تساعد بعض الطالبات في بعض المسائل...

..
بالنسبة لي...

أرى المساعده ملمة بكل أمور ابنتي اكثر من المعلمة....

.........

راتبها ما يتجاوز 8 آلاف...
.......

والمساعدة دائما محبوبة أكثر من الأبله :<<وجه نظريvictory:

[بوحارب]

http://im9.gulfup.com/2011-08-29/1314610652321.jpg (http://www.gulfup.com/)


لزوم انبلغ المديرة بالسالفة http://im9.gulfup.com/2011-08-29/1314610652932.gif (http://www.gulfup.com/)

احم احم

[بوراشد82]

راتبها 7000 وخردة .. وألحين زادوهم 2000 عالراتب يعني 9000 وشي ...
ووظيفتها تساعد المعلمة فالأنشطة والملفات وتنظيم الفصل .. وغير المناوبات فالفرصة ... والتفتيش الصباحي ..هاي اللي أذكره

[<اضرب واشرد>]

عندي سؤال مساعده المعلمه شنو وظيفتها بالضبط وايش المطلوب منها

عيدكم مبارك جميعا أول شي

أعتقد إن ماخاب ظني وظيفتها تساعد المعلمة

بس مب متأكد شوفي جواب غيري :tease:

[gala.4.des]

الراتب 7710 بالضبط بدون اي زياده

وشغل المساعده كتابة الاجنده " الواجبات "
سد حصص الفراغ اذا غابت المدرسه مثلا
تحضر كل الحصص ماعدا البريك وحصص الرياضه والفن والقرآن
ترتيب الملفات واعمال الطالبات وتنسيق الصف
مساعدة الطالبات واذا في طالبة دعم في الصف تكون مسؤؤله عنها
امممم بس تقريبا هاي اللي في بالي

[السد]

يعني بالعربي
مساعدة المعلمة هي فراشة المعلمة
اذا ما كانت المعلمة في المدارس المستفلة وظيفتها فراشة
للاسف
راحت هيبة التعليم !!

[the gost]

مشكوووووووووووووووووور ماقصرت

[Right]

على ما أعتقد أنها مجرد مسمى وظيفي لإستحداث وظائف جديدة

[غابت الشمس~]

على كيفهم الناس يألفون !!!!!!!!

مساعدة المعلمة وظيفتها الأساسية الطلاب مو خدامة للمعلمة !!
تشرف على الطلاب اثناء الحصه

تساعد الضعيف بالكتابه او بالحل او اي شي يصعب عليه

تساعد المعلمة في الأجنده او قص ورق الواجبات او التطبيقات وتوزيعها

ووووووووووووووووظيفتها جدا سهله لأن العبء الأكبر والمسؤليه على المعلمة هي مايطيح على راسها شي من المهام غير المساعده

ولما تقدمين على وضيفه بيعطونج وصف المهام الوظيفيه تعرفين وش لج ووش عليج


وبالتوفيق

[بنت قطريههه]

جزاكم الله خير ماقصرتو . ..،

[بـــــــنت النوخـّــــذه]

ياجماعه الخير الواحد يا يقول تشبيهات عدله او يكرمنا بسكوته اههه عفوا " على الكلام

بس والله عيب انقول فراشه وخدامه وووو00000الخ

هذي مهنه شريفه من المهن وفيها يدخلون المعلمه المؤهله لدورات تدريبيه 00

باختصار اختي قطريه المعلمه المساعده هي بمكان دعم للمادة التعليميه ومعلمة المادة والطلاب

يعني اليد اليمين للمععلمة الاساسيه 00

اذا كانت هناك شراكه وتعاون وحب بين المعلمة الاساسيه ومعلمة الدعم بتحسون بقيمتكم وان المهنه محترمه جدا" وراقيه 00

الراتب مثل ماتفضلو البعض يتراوح بين ال 7000 وال 8000 لان المعلمة المساعده هي شهادة ثانوية اغلبهم وتخدل بدورات تأهيليه لتولي المهام 00

هالفرصه اعتبرها مفيده بالنسبه للي ما اقدروا يكملون تعليمهم الجامعي وعندهم شهادة ثانويه وكذلك اعتبرها مهمه للبنات الي حابين يكونون مستقبلهم بحيث تدرس بالجامعه وتشتغل مدرسة مساعده,,,0اعرف بنات ماشاء الله عليهم باقي لهم كمن ساعه بالجامعه ويتخرجون تعاقدوا مع مدارس مستقله للعمل كمعلمه مساعده بدل قعدتها حاطه يدها على خدها ولا هياته من مكان لي مكان 000

اختي قطريه المهنه محترمة جدا" عباره عن معلمة مبتدئه تعتمد اعتماد كلي على التعاون بينج وبين المعلمة الاساسيه هالنقطه مهمه جدا" اذا فيها حب وتعاون وألفه وتبادل خبرات بينج وبين المعلمه بتستانسين وبتستفيدين 00

وشكرا"

[بوسلمان 2010]

ايه الله يرحم وزارة التربيه والتعليم الحين تروحين المدرسة واصلا ماتدرين ليش رايحه ولا وش وظيفتك

[kitmat]

يعني بالعربي
مساعدة المعلمة هي فراشة المعلمة
اذا ما كانت المعلمة في المدارس المستفلة وظيفتها فراشة
للاسف
راحت هيبة التعليم !!

والله عيب هالكلام اهية عندها شغلها والمدرسه عندها شغلها والاثنين يكملون بعض
بس ارد واقول ياريت كل قطريه ماتم على الثانويه وتكمل وايد احسن لان الشغل وايد عليها وتكمل احسن لها

[ابوالكلام]

تعليمنا الحالي بيودينا في داهية الله يستر

[مدرسة]

الصراحة استغربت من بعض التشبيهات في الردود السابقة !!!

مساعدة المعلمة وظيفة تم استحداثها في المدارس المستقلة ( المرحلة الابتدائية فقط ) و تعمل مع طلاب الصف الأول و الثاني الابتدائي

طلاب الصفوف الأولى يكونون بحاجة إلى متابعة مستمرة و مكثفة من المعلمة و مثل ما سمعنا من مدرسات الصفوف الآولى خاصة في المواد الأساسية ايام الوزارة كااان شقى تطلع روح الأبلة و هي تشرح و تمر عالبنات وحدة وحدة ..

النظام الحين ان المعلمة المساعدة تساهم في مساعدة المعلمة تمر عالبنات و تساعدهم و ترتب معاهم اوراقهم و ملازمهم و اعرف مساعدة معلمة تقوللي انها تطلع انشطة و تمارين من النت و تحلها مع الطلاب و ايضا كلفتها المديرة بحصة الرياضة لصفها و هي ما تغادر الصف ابدا الا لمدة نصف ساعة خلال اليوم الدراسي كله .

راتبها مثل ما قالوا الاخوان اللي قبلي و لاحظت ان فيه مساعدات معلمات يطالبون برواتب المعلمات لأنهم يسوون كل اللي تسويه المعلمة -كما يقولون - بس اذا فكرنا فيها .. مساعدة المعلمة مو تخصص ولا عندها شهادة تربوية و شهادتها ثانوية عامة. اذا بنعطيها راتب معلمة فإذا ليش المعلمة تكمل جامعة خل كلهم يخلصون ثانوي و يدرسون اذا الراتب واحد !!! باعتقادي فرق الراتب بين حامل الشهادة المتخصص و غيره لازم يكون موجود في بعض المجالات ....

[ذكي جدااا]

الشغل معظمه على مسااعدة المدرسة تصحيح الواجبات ومتابعة الطلاب وووو . بس السؤؤاال المدرسه وش وظيفتها ؟؟؟؟

[القائــد]

مجرد مسمى وظيفي اما وظيفتها اتشل كتب المدرسه وتصحح بدال المدرسه وتمحي الصبوره بدال المدرسه

الله يرحم وزارة التربية والتعليم

بالضبط :nice:
وراتبها على ما أعتقد واحد من الشباب قال لي فوق 20 الف الله يزيد ويبارك مادري لو صح او غلط
وفي بعض اخوات ما يشتغلون وتقوم المدرسه بكل شي اذا كانت معلمة غير قطرية
سؤال هل المعلمة تستغني عن مساعدتها؟ الجواب نعم

[Dawn]

نظرا لخبرتي الطويله في المستقلات ،، اقدر افيدج بمعلومتين محد ذكرهم من الاعضاء

لو صرتي مساعده لمدرسات قطريات ماراح تسوين شي لان القطريه تستحي تطلب منج شي وراح تسوي كل شي عنج ..... واخر السنه بيعطونج تقييم ممتاز

اما لو ....


صرتي مساعده لمدرسات غير قطريات اخذي عاد كللللل الشغل بيقطونه على راسج ... لا وبعد يمكن يصكونج بتقييم سيء


اكلمج من خبره طوييييله بالمستقلات بالذات في المرحله الابتدائيه ...


ولهالسبب انا انصحج ان تطلبين توصيفج الوظيفي من مديرتج ،، اقريه عدل وتمقلي فيه ،،، وان لقيتي اي حد طلب منج شي مب موجود في التوصيف الوظيفي لا تسوينه ...


والشغله حلوه للي تحب اليهال وصبوره معاهم اما اللي ما تحب التعامل مع اليهال ما انصحها كلش على اساس ما تعقدهم ( ولا تتعقد معاهم :) ) ..

بالتوفيق ان شا الله

[Dawn]

بالضبط :nice:
وراتبها على ما أعتقد واحد من الشباب قال لي فوق 20 الف الله يزيد ويبارك مادري لو صح او غلط
وفي بعض اخوات ما يشتغلون وتقوم المدرسه بكل شي اذا كانت معلمة غير قطرية
سؤال هل المعلمة تستغني عن مساعدتها؟ الجواب نعم

لا وين عشرين ؟ غير صحيح هالكلام الراتب تقريبا 8 يمكن الحين زادوه الف والا الفين ما وصل العشرين للحين وان شا الله يتعدل وضعهم قريب

[بنت قطريههه]

مع الزياده كم صار !