عيوب و مميزات Blackberry BOLD 9900

[abdo222]

السلام عليكم ،،

طبعا البلاكبيري بولد الجديد نزل له فتره ،، والكل سمع فيه او شافه في المحلات او في اليوتيوب ،، والمشكله انه محد يحصله بسهوله في السوق هذا ادى الى جشع بعض المحلات ورفع سعره لين وصل 6000 من اصل سعر 2600 في محلات شركات الاتصال المحليه ،،

http://cdn.crackberry.com/files/blackberry-bold-9900/blackberry-bold-9900-hero.jpg

في هال الموضوع بنذكر بعض العيوب التي واجهتني فيه ،، وبعض المميزات التي قد تعطي للمستخدم الجديد بعض المعلومات قبل شرائه وحتى الي عندهم يستفيدون ويحاولون يحلون المشاكل حقته ويعطونا خبر شلون حلوها ،،
الصور جايبها من النت ،، الاستنتاجات رأيي الشخصي فلو في مشكله انا عندي في جهازي انت مب عندك قول يمكن يكون الخطأ عندي انا بس ،،

بسم الله نبدأ


الازرار الجانبيه للجهاز ،، في الجهه اليمنى فيه 3 ازره فوق وزر واحد تحت ،، الي فوق ما تقدر تغير صفاته الا يكونون حق (يعلي ويوطي الصوت، والي بينهم يسوي توقف لما تكون مشغل فلم)
الزر الي تحت تقدر تخليه حق اي شيء (احسن شيء يكون حق الكيمرا)

http://cdn.crackberry.com/files/blackberry-bold-9900/blackberry-bold-9900-right.jpg

العيب انه مافي ازار في جهه اليسار للاختصارات،، يعني تختار اختصار واحد بس،، انا بغيت اسوي اختصار للكيمرا وبعد اختصار لتصوير الشاشه مثلا واختصار للسايلنت،،

http://cdn.crackberry.com/files/blackberry-bold-9900/blackberry-bold-9900-left.jpg


الكيبورد ممتاز،، استعماله سهل وحتى الي ايده كبيره بيستخدمه بسهوله،، مقارنه بالبولد القديم نشوف كبر الكيبورد والاحرف واضحه،، العيب انه مافي كيبورد تتش نفس الي في بلاكبيري التورش،،

http://cdn.crackberry.com/files/blackberry-bold-9900/blackberry-bold-9900-vs-9000.jpg

من وجهه نظري ما اتوقع في عيب في الكيبورد،، بيرفكت

----------------------------------------------------------------------

شكل الخارجي للجهاز
سمك الجهاز من الجنب وايد ضعيف وحركه الكروم حركه حلوه،، شوف الصوره مقارنه ب 9780 ، 9000 ،، والجهاز خفيفه (يباله كفر يحميه دايما لانه الكروم يتاثر من اول طيحه)

http://cdn.crackberry.com/files/blackberry-bold-9900/blackberry-bold-9900-thickness.jpg

-----------------------------------------------------------------------


مساحه التلفون الميموري 8 جيجا ممتازه وتقدر تنزل فيه اي شيء ،، الجاهز سريع في تنزيل الفيديو واللنكات من البلاكبيري مسنجر،

ينزل برامج بسرعه من البلاكبيري ستور ولين البرنامج ما يعجبني امسحه بسهوله،،

---------------------------------------------------------------------

تسكيره وفتح الجهاز (ريستارت) اسرع من البولد 9780 (اخذ معاي 67 ثانيه من اول ما سكر لين فتح)

---------------------------------------------------------------------

http://cdn.crackberry.com/files/blackberry-bold-9900/blackberry-bold-9900-battery.jpg

البطاريه متعبه شوي،، خل معاك شاحن في اللابتوب،، وشاحن في البيت،، شاحن في الموتر شاحن في الدوام،،

(في طرق مختلفه لتطويل عمر البطاريه نفس استعمال 2G وتسكر الوايرلس والبلوتوث واي برنامج مفتوح في الخلفيه و و و )

بس بشكل عام لين التلفون يشحن فل،، يعطيك حوالي من الصبح لين صلاه العشاء استعمال متوسط،،

----------------------------------------------------------------


http://cdn.crackberry.com/files/blackberry-bold-9900/blackberry-bold-9900-touchscreen.jpg

الشاشه للمس سهله الاستعمال وبسيطه "تقريبا نفس كفائه الايفون في التشش"
كذا مره تواجهني مشكله انه ما اقدر اضغط باللمس الاشياء الي تكون اخر شيء تحت،
بس 95٪ من المرات اختيار التتش يطلع صح،،

------------------------------------------------------------------

عرض الصور والفيديوز،، مواقع انترنت وحتى يفتح فلاش في المواقع الي فيها مينيو فلاش،،

الفيس بوك والتويتر ممتازين في الاستعمال في التلفون.

المسنجر مافيه R & D لين ترسل برودكاست "هذا له خص باصدار المسنجر مب الجهاز"

الارسال حق الجهاز زين، والتحويل من صامت لمب صامت سريع (حتى بدون استخدام زر شورت كت)

---------------------------------------------------------------------------

العيوب في الجهاز (الي طبيعي اي جهاز اصدار جديد يواجهها) هي الاتي

في شاشه العرض الرئيسيه لين بغيت تكتب رقم تلفون

"اولا الرقم يكون صغير" ،،

ثانيا لين يكون الرقم ينتهي ب (صفر)،، عند الضغط على زر الاتصال تطلع "شاشه خطأ"،، (صوره الشاشه في المرفقات) ،،
تضغط على زر الرجوع وكل شيء يكون مثل ما كان عادي،،

هذا العيب تقدر تتفاداه ب ان تغير اللغه للانجليزي وتكتب الرقم
او
تكتب الرقم بعد انه تروح للسته الارقام

------

عيب واجهني في الجروبات ،، الكلام الي انا اكتبه يطلع مقطوع بدايته ،، نفس الصور المرفقه،، للحين ما عرفت احل هال المشكله ،،بس الزين انه كلامي انا الي ينقطع مب كلام الناس،،

(صوره مرفقه)
------

التلفون بشكل عام اعطيه التقييم الاتي

الشكل الخارجي: 8 من 10 (ماحطوا ازرار اختصار)

السعر: 6 من 10 (غالي)

شاشه اللمس: 7،5 من 10 (اللمس مب 100٪ سلس بس استعماله مريح، بس ما تقدر تسوي باك باللمس لازم زر الرجوع)

السوفت وير: 9 من 10 (اخطاء صغيره الي مذكوره فوق بس سريع ومريح ومتجاوب)

الكيمرا: 9.5 من 10 (تصوير حلو حتى في الليل وماتهتز الصوره)

صوت النغمات او الفيديو: 7 من 10 (الصوت واطي جزئيا، نزلت Tom & Jerry لين تكون في محيط مزعج ما تقدر تسمع صوت الفيديو)

بلاكبيري مسنجر وتصفح النت: 9.5 من 10 (سهل وبسيط وما يعلق)

البطاريه : 6 من 10 (يقولون كفائه البطاريه يظهر بعد اول اسبوعين استخدام لانها تكون يديده) ،،

بشكل عام التلفون ياخذ حسب رأيي

62.5 من 80 يعني تقريبا

75٪ بشكل عام، بس اعطيه 90٪ صراحا :victory:

[Lap top]

والله تخوفت اني اخذاه ,, .. لان الشاشة مب مثل شاشة التورش

كبيره ,,,

لاهنت اخوي

[abdo222]

الله لا يهينك يالغالي

[بوعلي2]

بارك الله فيك ونفع بك

[QATAR4EVER]

خذته وتحسفت واجد, تكلم شوي الا محول على السبيكر من نفسه لأ الشاشه بالمس.... يعني فضيحة الله يفضحه , والحين ردين على الاولي 9700, والبرودكاست مايعطيك r وبطاريته خايسه تفضي بسرعه

[ask_and_get]

الحين اخوي شلفرق بين 9930 و 9900 ؟؟

مع انهم نفس الشكل ونفس المواصفات ؟

[F A W A Z]

انا فضت معاى البطارية على الاخر ويوم حطيته على الجرج تقريبا ساعة

ما اشتغل أبدا قعد يشتغل ويطفي اكثر من ١٠٠ مرة لعوزني المهم بعد البحث والتحري وجدت ان المشكلة يبيلة سوفتوير جديد نزلتلة السوفتوير واشتغل بس قبل اسوي سوفتوير جديد لازم اتاكد ان برنامج البلاكبيري على الكمبيوتر محدث اخر تحديث علشان يضبط معاك لان اذا مب محدث ماراح يقبل الجهاز أبدا

والجهاز جداً جميل وخفيف ومناسب بالنسبة لي انا مااتكلم منه وايد لذلك البطارية اتحبني وماتخلص بسرعة


تحياتي لك


وشكرا على سردك هذا الموضوع الجميل

[abdo222]

خذته وتحسفت واجد, تكلم شوي الا محول على السبيكر من نفسه لأ الشاشه بالمس.... يعني فضيحة الله يفضحه , والحين ردين على الاولي 9700, والبرودكاست مايعطيك r وبطاريته خايسه تفضي بسرعه


هههههه صح كلامك زر السبيكر مكانه غلط ،،
البطاريه انا اول اسبوع كانت متعبتني ،، بس الحين احسن بوايد،،




الحين اخوي شلفرق بين 9930 و 9900 ؟؟

مع انهم نفس الشكل ونفس المواصفات ؟




حيا الغالي،، الفرق بينهم الاتي حسب ما يقول الموقع البلاكبيري

Dual Band CDMA, EVDO and Rev A, Dual Band

هذي اشياء في السوفت وير تقوي 3G وتتفادى الاخطاء حق الارسال، والي فهمته انه خلي اكثر من مستخدم يستعمل نفس مجال التردد حق التلفون (هذا تفسير حرفي للي مكتوب بس مب فاهم شيء خخخ )

وتقويه لنظام الوايرلس،، يعني كله اشياء تقويه في الجهاز،، ما شفته نزل هنا عاده،، ولا شكله ما بينزل،،



انا فضت معاى البطارية على الاخر ويوم حطيته على الجرج تقريبا ساعة

ما اشتغل أبدا قعد يشتغل ويطفي اكثر من ١٠٠ مرة لعوزني المهم بعد البحث والتحري وجدت ان المشكلة يبيلة سوفتوير جديد نزلتلة السوفتوير واشتغل بس قبل اسوي سوفتوير جديد لازم اتاكد ان برنامج البلاكبيري على الكمبيوتر محدث اخر تحديث علشان يضبط معاك لان اذا مب محدث ماراح يقبل الجهاز أبدا

والجهاز جداً جميل وخفيف ومناسب بالنسبة لي انا مااتكلم منه وايد لذلك البطارية اتحبني وماتخلص بسرعة


تحياتي لك


وشكرا على سردك هذا الموضوع الجميل

الله يرحم والديك ويعطيك العافيه،، مبروك عليك الجهاز يالغالي،، دايما لين تشبك التلفون بالكمبيوتر بيقولك برنامج الdisktop blackberry لو في ابديت ولا لا،،

بالتوفيق

[abdo222]

بارك الله فيك ونفع بك

الله يعطيك العافيه يالغالي ما عليك زود

[mE mYself & i]

عيب واجهني في الجروبات ،، الكلام الي انا اكتبه يطلع مقطوع بدايته ،، نفس الصور المرفقه،، للحين ما عرفت احل هال المشكله ،،بس الزين انه كلامي انا الي ينقطع مب كلام الناس،،

(صوره مرفقه)

بالأول حبيت اشكرك على الموضوع

بالنسبة للمشكلة من نسخه الماسنجر الي منزلة وأنا واجهتني لما حدثت الماسنجر على الـ 9780

جرب أنتزل هالنسخه المعدلة من الماسنجر وبتدعيلي :nice:

هاي النسخه معدلة من أكثر من نسخه ماسنجر 5.0.1.45+5.0.2.12+5.0.2.32+5.0.3.13+6.0.0.111+6.0. 0.115+6.0.0.120 وأبصراحه سريعه وممتازة وحتى صور العرض صغيرة

لتنزيلها مباشرة من متصفح البلاكبيري http://bit.ly/qqv7Ae
لتنزيلها على الكمبيوتر http://goo.gl/aMhnj

* مع مراعاة عمل باك أب للكونتاكت قبل تنزيل الماسنجر :)



خذته وتحسفت واجد, تكلم شوي الا محول على السبيكر من نفسه لأ الشاشه بالمس.... يعني فضيحة الله يفضحه , والحين ردين على الاولي 9700, والبرودكاست مايعطيك r وبطاريته خايسه تفضي بسرعه

أخوي بالنسبه للماسنحر والبرودكاست هذه من نسخه الماسنجر وبس النسخ القديمة الي أتطلع حرف R وهي 5.0.0.66 والأقدم

واللي يحب ينزل الماسنجر القديم من هذا اللنك مباشرة من متصفح البلاكبيري http://goo.gl/WG1C8

* هذا النسخ تصلح للبلاكبيري بنظام التشغيل 5 فقط ولا تعمل على نظام التشغيل 6 و 7


وإذا لك خاطر أتبيع الجهاز راسلني على الخاص



الحين اخوي شلفرق بين 9930 و 9900 ؟؟

مع انهم نفس الشكل ونفس المواصفات ؟

بعد البحث الفرق الي بينهم أن 9900 يشغل شبكات GSM الموجوده عندنا وال 9930 يشغل شبكات CDMA الموجوده في أمريكا

بس ياريت حد يفيدنا هل ال 9930 يشتغل عندنا في قطر أو لا ؟

[abdo222]

الله لا يهينك mE mYself & i على الاضافات الرائعه ،،

اتوقع ٩٩٣٠ ما بينزل هنا، بس من ناحيه يشتغل ولا لا: اتوقع بيشتغل عادي،، شريت كذا مره تلفونات من بريطانيا وامريكا وكندا واشتغلت هنا،، ف"أتوقع" انه يشتغل هنا عادي،،

[mE mYself & i]

يعطيك العافيه أخوي

وإذا احتجت اي شي انا في الخدمة :)

وبخصوص 9930 قريت انه يشغل الجي اس ام واتوقع انه يشتغل عندنا فبطلبه وبجرب

[عرباوي9999]

يعطيك العافيه اخوي على المعلومات