الدنيا مب امان مثل قبل , كل واحد يقفل باب بيته.حتى لو كنت في البيت,خصوصاً في الأعياد. [الأرشيف]

Qtr95

30-08-2011, 09:11 PM

السلام عليكم ورحمة الله وبركاته ..

بقولكم سالفة توها صارت لي ..
وانا اقولكم كلكم سكروا باب بيتكم ..
خصوصاً في الأعياد ..

كنت اتصفح هذا المنتدى الهادئ الساعة ال8 ونص العشاء , وأشاهد بعض المواضيع والصراعات
بصمت.
فرن جرس المنزل 3 مرات متتالية , وقلت في داخلي :من هذا المزعج:anger1: ..
قمت لألبس ثوبي , قبل ان البس ثوبي طرق احد باب الصالة بقوة !!
عاد جان اقول : طالت وشمخت !!:anger1:
والأهل كانوا جالسين في الصالة .
وانا خفت على الأهل ..

فلبست ثوبي بسرعة البرق , وكنت أعلم بأن القليل الأدب سيدخل المنزل ..
فركضت لأرى من هذا الشخص ..
قرأيته في الصالة مع الأهل !!
ولقد كانوا أشخاص .. وليس شخص واحداً !!

كانوا 3 خادمات مع طفل ..
والطفل ليس قطري .. عيونه رصاصية على خضراء ..
الأهل لم يعرفوا كيف يتصرفون , فأعطوهم مبلغ من المال ليرحلوا !!
( في حد يعيد في الليل !!!)

لو لم يكن الطفل متواجد , لكان الوضع مختلف..
ولو أهلي لم يكونوا متواجدين .. لكان الوضع مختلف وتصرفت تصرف شرس :anger1:

والله رحت وسكرت باب البيت ..
لهدرجة فيهم قواة عين اللي ما يستحون على وجيههم ..
المشلكة يوم شفت الأهل يعطونهم عيدية سكت .. والله كانت الهوشة
في راسي :anger1:

ولكن خلاص..
ان فات الفوت ما ينسمع الصوت ..
:weeping:

ظللت افكر, لو دخل رجل المنزل بهذه الطريقة ؟
وانا م اكن متواجد ؟ ماذا سيحصل؟
ولو دخلت عصابة هنود وعزاب البيت شنو بيصير ؟

انا اقول, كل واحد يسكر بيبان بيته ابرك ..
ولا تستحون , عطوهم العين الحمرة ..

ان نع نفسي سكرت باب البيت ..
عن هالباكستانيين اللي ماخذين العيد طرارة ..
وبكره الصبح سكروا بيبان بيتكم عن الباكستانيين ..
دايما يعيدون في ثاني يوم العيد , ويدرعمون في البيوت ..
يجونكم 20 نفر مرة واحدة .. لا.. والمصيبة إذا كانوا كبار .. :secret:

المسك1969

30-08-2011, 09:38 PM

كل عام وأنت بخير

بوعلي2

30-08-2011, 10:04 PM

الله المستعان

رجل مثالي

30-08-2011, 11:02 PM

حاليآ توجد كاميرات مراقبة توضع على أسوار المنزل وداخل الصالات

مهمه حاليآ وايظى توضع في حوش الفيلا مهمه لاهل البيوت لان الوقت

الحالي اكثروا الساكنين في المناطق من مختلف الانواع وعندك العمال

الي تارسين المناطق السكنية الله يحفظ الجميع ان شاء الله

qatara

30-08-2011, 11:04 PM

كل عام وأنت بخير

مستر قطر

30-08-2011, 11:05 PM

ياأخوي ماعتقد من عاداتنا وتقاليدنا إن نحنا نسكر بيبان بيوتنا فالعيد وانت كواري وتعرف السنع

وكل عام وانت بخير

khaleeji

30-08-2011, 11:15 PM

اليوم لقيت دريول جيرانا متهاوش مع عيال بتان بايقين فلوس من حجرته

والعجوز تصارخ في الشارع عطته طراق ورد الفلوس وتوكل على الله

فعلآ كلامك في محله يجب اغلاق الابواب بعد وقت الزياره

رجل مثالي

30-08-2011, 11:25 PM

وقد حمى الله سبحانه وتعالى البيوت من أنظار الفضوليين، فعن أبي هريرة رضي الله عنه أن رسول الله صلى الله عليه وسلم قال: (من أطلع في دار قوم بغير أذنهم ففقئوا عينه فقد هدرت عينه) وما رواه سهل بن سعد، رضي الله عنه، أن النبي صلى الله عليه وسلم قال لمن أطلع في إحدى حجراته، وكانت في يده مدري يحك بها رأسه (لو كان أعلم أنك تنظر لطعنت بها عينك).

وفي هذا الهوى حماية للبيوت من نظرات الفضوليين والمعتدين على الحرمات والمتجسسين.

4. الحق في تنظيم الدخول إليها:

فقد نظم الإسلام الدخول إلى البيوت والاستئذان لدخولها بقوله تعالى:(ليس البر أن تأتوا البيوت من ظهورها ولكن من اتقى وأتوا البيوت من أبوابها وأتقوا الله لعلكم تفلحون) البقرة 189.

فكان الأنصار وغيرهم إذا أحرموا، لم يدخلوا البيوت من أبوابها تعبداً بذلك، ظناً (منهم) أنه بر، فأخبر الله تعالى أنه ليس من البر، لأن الله تعالى لم يشرعه لهم، وكل من تعبد بعبادة لم يشرعها الله ورسوله فهو متعبد ببدعة، وأمرهم أن يأتوا البيوت من أبوابها لما فيه من السهولة عليهم).

كما أورد الشيخ عبد الرحمن بن السعدي رحمه الله في تيسير الكريم الرحمن في تفسير كلام المنان، هذا بالنسبة إلى بيت الإنسان، أما بالنسبة لبيوت الآخرين فقد قال الله تعالى: (يا أيها الذين آمنوا لا تدخلوا بيوتاً غير بيوتكم حتى تستأنسوا وتسلموا على أهلها ذلكم خير لكم لعلكم تذكرون) النور (27).

Right

30-08-2011, 11:38 PM

" الكواري "

الله يهديك بس أنا قلت فرقة كوماندوز بتقتحم البيت :nice:

الحمدلله معروف من أول ولين الحين أن بلادنا قطر آمنة

لا تروح بعيد الليلة الساعة 9 يهال لي الحين يعيدون

شكلهم ما صدقو أن اليوم عيد :nice: يحليلهم

كل عام وأنت بخير

R 7 A L

30-08-2011, 11:59 PM

بين المشكلة جزاك الله خير

وعطيتنا الحل بيض الله وجهك

فعلاً يجب اغلاق الأبواب في حاله حتى التواجد بالمنزل
واحد من الربع من كم سنه انسرق تلفزيون المجلس في العيد

شنب

31-08-2011, 12:27 AM

اييه والله

اكبر غلط سويته فـ يوم العيد
اني رحت صلاة العيد بنعالتي اليديده (الله يعزكم)
و جان تنباق .. مب بس انا اللي انبقت .. كان معاي اكثر من واحد قعدوا يدورون نعلهم و ما حصلوها

ام السعف

31-08-2011, 06:38 AM

اشبلاك يا الكواري

ادخلوا عليكم حريم

تقول لو دخل رجل ؟

ليش امكبر الموضوع اللي يهداك ظنيت اسد داش عليكم :(

بوسلمان 2010

31-08-2011, 06:58 AM

كل عام وانت بخير امس عندنا في المنطقه شاهدت هذا المنظر ولاسف انه سياره فورويل فيها وحده اتسوق

ومعاها في السياره خدمات ويهال وايد وهم مب من المنطقه عندنا اتنزل الخدمات واليهال عند البيوت وهي

اتكون تنطرهم في السياره وهم من جنسية عربيه واليهال الي معاها تقريبا حوالي 9 او 8 يهال الله المستعان

ام السعف

31-08-2011, 08:11 AM

ياأخوي ماعتقد من عاداتنا وتقاليدنا إن نحنا نسكر بيبان بيوتنا فالعيد وانت كواري وتعرف السنع

وكل عام وانت بخير

اي والله اشبلاهم العرب

يازين قلوب قبل وسيعة تشل فرجان مب عيال داشين مع خدم

عيد يا عالم عيد

سمعونا واحد
صوت السهارى :(

king fish

31-08-2011, 09:41 AM

العنوان ( الدنيا مب أمان مثل قبل ) !!!!!!!!!!!!!!!!!!!!!!! كل واحد يقفل باب بيته !!!!!!!

الدنيا عيد حبيبي

سؤالي للمشرفين هل يحتاج موضوع لدخول طفل باكستاني يعيد لفتح موضوع ( الدنيا مب امان) !!!!!!!!!!!

المشاهدات قرابة 750 بس الردود اقل من 20!!!!

ღغروريღ

31-08-2011, 10:23 AM

دااانة قطر

31-08-2011, 10:41 AM

ياأخوي ماعتقد من عاداتنا وتقاليدنا إن نحنا نسكر بيبان بيوتنا فالعيد وانت كواري وتعرف السنع
وكل عام وانت بخير

والعاادات والتقااليد بتفيدنا في ايش اذا درعموا علينا هالنوعيه من النااس
خااصة اذا رجاال البيت مب موجود
المشكله في اللي يجونك يبون فلوس وان توهقت وماعندك الا الشي البسيط يطلبون زود ويتلفتون لك يمين يسااار

من خااف سلم

دااانة قطر

31-08-2011, 10:45 AM

اشبلاك يا الكواري
ادخلوا عليكم حريم
تقول لو دخل رجل ؟
ليش امكبر الموضوع اللي يهداك ظنيت اسد داش عليكم :(

والله الحريم ينخااف منهم اكثر
خااصة اذا في احد ينطرهم عند البااب:eek5:

نورهان88

31-08-2011, 10:53 AM

كل عام وانتم بخير

الـخـالـدي

31-08-2011, 11:13 AM

الله يديم الامن و الامان علينا وعلى امة المسلمين اجمعين

مستر قطر

31-08-2011, 11:20 AM

والعاادات والتقااليد بتفيدنا في ايش اذا درعموا علينا هالنوعيه من النااس
خااصة اذا رجاال البيت مب موجود
المشكله في اللي يجونك يبون فلوس وان توهقت وماعندك الا الشي البسيط يطلبون زود ويتلفتون لك يمين يسااار

من خااف سلم

كل بيت وله حرمته الحمد لله باب بيتا مفتوح وماشفنا شي غير اليهال والخدم الي يجون ويعيدون ونعطيهم المقسوم واذا على قولج ماعندكم فلوس وش بيسوون فيج الخدم بيذبحونج بيتوكلون على الله
وعيدج مبارك

Qtr95

31-08-2011, 11:22 AM

توهم جايين الباكستانيين ..
الله لا يوفقهم .. كبااار صبيان يعيدون !!
وكانوا بيدرعمون الصالة ..

اخخ نسيت اسكر بيبان البيت ..
احرقوا الجرس..

Qtr95

31-08-2011, 11:23 AM

كل بيت وله حرمته الحمد لله باب بيتا مفتوح وماشفنا شي غير اليهال والخدم الي يجون ويعيدون ونعطيهم المقسوم واذا على قولج ماعندكم فلوس وش بيسوون فيج الخدم بيذبحونج بيتوكلون على الله
وعيدج مبارك

خل باب بيتكم مفتوح لين ما يدرعمون عليكم فالصالة ..
وعقب بشوف تصرفكم ..
وانت لابس فنيلة ووزار :nice:
وهلك بثياب البيت ..

مستر قطر

31-08-2011, 11:38 AM

خل باب بيتكم مفتوح لين ما يدرعمون عليكم فالصالة ..
وعقب بشوف تصرفكم ..
وانت لابس فنيلة ووزار :nice:
وهلك بثياب البيت ..

البيت الي يدرون ان فيه رجال ومجلسهم مبطل مايدرعمون الزقبيه فسكر باب بيتكم لايشفونك وانت بملابس اسفونج بوب :nice:

Qtr95

31-08-2011, 11:50 AM

البيت الي يدرون ان فيه رجال ومجلسهم مبطل مايدرعمون الزقبيه فسكر باب بيتكم لايشفونك وانت بملابس اسفونج بوب :nice:

اههههههههههههههههههه

شفيه سبونج بوب ؟ .. مافيه شي :nice:
انا مجمع كاب وقميص وكفر ودفتر وشنطة سبونج بوب :nice::nice:

..

عيل بيدرعمون مجلسكم :nice:

دااانة قطر

31-08-2011, 11:54 AM

كل بيت وله حرمته الحمد لله باب بيتا مفتوح وماشفنا شي غير اليهال والخدم الي يجون ويعيدون ونعطيهم المقسوم واذا على قولج ماعندكم فلوس وش بيسوون فيج الخدم بيذبحونج بيتوكلون على الله
وعيدج مبارك

اما يذبحوني ؟؟!!:rolleyes2:

فريجنا صااخ من امس
حتى اليهاال يمكن دخلوا علينا 3 دفعاات وبس
يحليلهم
وين ايااامنا مانشبع لين الظهر
واحياانا نطلع العصر نكمل

مستر قطر

31-08-2011, 12:34 PM

اههههههههههههههههههه

شفيه سبونج بوب ؟ .. مافيه شي :nice:
انا مجمع كاب وقميص وكفر ودفتر وشنطة سبونج بوب :nice::nice:

..

عيل بيدرعمون مجلسكم :nice:

ابن الكواري تدري ردك الساعه كم كان 11:50 هذي حزت الاقامه لصلاة الظهر
انت الي تقول عن نفسك انك قدوه مثل للشباب القطريين وتعذرب في شباب قطر ماقووول غير الله يهديك وشباب قطر مافيه احسن منهم وبيوت القطريين بتم مفتوحه *

بوحارب

31-08-2011, 12:50 PM

وين عيديتي يالكواري

لاتنسى اني اصغر منك ب 7 سنين

الحياة الخالدة

31-08-2011, 01:54 PM

وين عيديتي يالكواري

لاتنسى اني اصغر منك ب 7 سنين

فرصتك يا بو حارب

روح درعم عليه في الصالة ... نسى يسكر باب البيت :nice:

بوحارب

31-08-2011, 02:02 PM

فرصتك يا بو حارب

روح درعم عليه في الصالة ... نسى يسكر باب البيت :nice:

شكله من النوع اللي يوزع ريال :(

ماينفع اروحله واتعب نفسي :weeping:

الحياة الخالدة

31-08-2011, 02:08 PM

شكله من النوع اللي يوزع ريال :(

ماينفع اروحله واتعب نفسي :weeping:

اذا عطاك ريال احمد ربك

الخوف يبلغ عنك الشرطة :telephone:

بـــــــنت النوخـّــــذه

31-08-2011, 02:13 PM

((ام خالد))

31-08-2011, 03:37 PM

توهم جايين الباكستانيين ..
الله لا يوفقهم .. كبااار صبيان يعيدون !!
وكانوا بيدرعمون الصالة ..

اخخ نسيت اسكر بيبان البيت ..
احرقوا الجرس..

للأسف موضوع يدل على مدى صغر عقلية الكاتب وكم هو بخيل

النساء آية 37 وَيَأْمُرونَ النَّاسَ بالبُخْلِ وَيَكْتُمونَ ما آتاهُمُ اللَّهُ مِنْ فَضْلِهِ ( قرآن).

أستغفرالله العظيم

العقل الحر

31-08-2011, 03:53 PM

البيت والمجلس مشرع بابه ولا متغير شي من سنين

حتى باب بيتنا العود مجيم ماظن يتصكر !

والبتان والباكستانيين ونعم البشر وافضلهم

و حبهم لنا وعاداتنا وجيرة معهم من زمان

احسن من غيرهم يلفي علينا ويروح ما خذى منا الى الفلوس

اما الباكستاني حبهم واجب علينا عاشرونا وحبونا وحبوا عاداتنا الطيبه ... من طيب اصلهم

<اضرب واشرد>

31-08-2011, 04:13 PM

اليوم لقيت دريول جيرانا متهاوش مع عيال بتان بايقين فلوس من حجرته

والعجوز تصارخ في الشارع عطته طراق ورد الفلوس وتوكل على الله

فعلآ كلامك في محله يجب اغلاق الابواب بعد وقت الزياره

بينت المشكلة جزاك الله خير

وعطيتنا الحل بيض الله وجهك

فعلاً يجب اغلاق الأبواب في حاله حتى التواجد بالمنزل
واحد من الربع من كم سنه انسرق تلفزيون المجلس في العيد

اييه والله

اكبر غلط سويته فـ يوم العيد
اني رحت صلاة العيد بنعالتي اليديده (الله يعزكم)
و جان تنباق .. مب بس انا اللي انبقت .. كان معاي اكثر من واحد قعدوا يدورون نعلهم و ما حصلوها

:omg:

خليفـة

31-08-2011, 04:25 PM

كاتب الموضوع

لم تُوفق هالمرة في اختيار الألفاظ والكلمات والتعابير المناسبة لسرد قصتك المبالغ في وصفها .

معليش يمكن كلامي وكلام بعض الاعضاء يضايقك .. ولكن هذي الطريقة الوحيدة الي تتعلم من الي اكبر منك سناً .

خليفــة

:)

هبوب الكوس

31-08-2011, 04:51 PM

راحو الطيبين

لا كيكة العيد ولا فلوس :(

بوحارب

31-08-2011, 04:59 PM

راحو الطيبين

لا كيكة العيد ولا فلوس :(

اشدخل كيكه

ليكون الكرسمس هههههههههههههههههههه

هبوب الكوس

31-08-2011, 05:03 PM

اشدخل كيكه

ليكون الكرسمس هههههههههههههههههههه

اتعرف المجالس فيها الفاله اذا ماعنك خرده اكلهم من الكيك

هبوب الكوس

31-08-2011, 09:31 PM

[
quote=طارق العلي;7578344]
اذكر يوم كنت بيبي صغير كنت اقص على اليهال

اللي اشوف معاه 10 ريال اقوله تبيع العشرة اللي معاك يقولي كم تشتريها اقوله بريال يقول اذا بريالين ببيع ههههه

واذكر احد التجار الكبار اللي بقطر عرف موضوعي وعرض علي اني امسك وادير شركاته [/quote]

خطتي كانت اعبر منك

كنت اقول حق اللي اصغر مني عطني اعد فلوسك

وانت عارف الباقي يعني عنده 50 ريال تصير 15 ريال زينه حق رسوم البريد

هبوب الكوس

31-08-2011, 09:50 PM

خطتك فيها نوع من السرقه طبعاً السارق تقطع يده . . . انا ماسرقت انا اعرض عليهم بضاعتي

يعني بين البايع والشاري يفتح الله . . .

مرات الياهل يصر على ريالين ونص مقابل العشرة اذا ماعندي نص اعطيه علوك بدال هالنص

هذا اسمه غش اذا البضاعة تسوى اكثر وانت تشتريها بااقل الثمن

من غشنا فليس منا :(

ام السعف

01-09-2011, 12:21 AM

امبله صح كلامك

خصوصا مساكين البتّان مع ان المنطقه كلش مافيها هالجنسيه بس مادري من وين ينبعون

اهم ماشاء الله عيالهم دفشين اشوي في طرق الباب والدخول للمنزل 00

مره جونا بالليل يعيدون يوم العيد استغربنا خلص العيد بس عطيناهم الا الشغاله وهي موصلتهم الباب الخارجي اتقول ان فيه باص صغير محمل هاليهال اههههههه شكل ابوهم يدور فيهم

عموما انا اتفق معاك يالكواري لان في اشياء صارت مادوي اتكلم عنهم وافضحهم بالشينه ماشاء الله يدهم خفيفه وهم طالعين من البيت:(

فعلا" ماعاد فيه امان 00معاك حق يالكواري

حتى اليهال اتخاف اتخليهم يطلعون يعيدون لان العماله الوافده بالمرصاد

فخلهم تحت عينا هاليهال والمعايده معانا وين مارحنا ابرك

وعيدكم مبارك

وعيدج مبارك .................> حلوة ينبعون :secret:

هالبتان عليهم سوالف حلوة ،، يقصون على الواحد مليون مرة
تعطينه ويرد يصف في الدور ويقول لج ما خذت :shy:

اما من ناحية يدهم خفيفة كلنا ايادينا كانت خفيفة بحكم انا احنا اطفال

بس عليهم حركات هالبتان ياخذون ما يمكن اخذه لو في الحوش
فالشي هذا مب من اليوم من يوم ما صرنا نقعد في البيت وانشوف
اشلون اليهال يدخون البيوت ......> بس ما توصل لمرحلة تسكر البيبان عنهم :(

عيد يا عالم عيد
و العيد في عيونه ليل ،، ياليل ياليل
ياااليل بيسهرنا ،، بمشاعر حلووووووووة
فليش انخربها بالتفكير هذا :(

Qtr95

01-09-2011, 01:43 PM

انت الي تقول عن نفسك انك قدوه مثل للشباب القطريين وتعذرب في شباب قطر ماقووول غير الله يهديك وشباب قطر مافيه احسن منهم وبيوت القطريين بتم مفتوحه *

بالنسبة لصلاة الظهر , لا داعي اي ابرر لك واقول لك انا صليت ولا قريت قرآن
ولا زكيت.

بالنسبة لموضوع الشباب.

اخي الفاضل , ماقول الا الله يهديك انت ويصلحك ..
انت تقول اني انا قلت اني قدوة للشباب .. وانا ما قلت..
الا تعرف بأن الكذب حرام ؟
والكذب من صفات المنافقين ..

عن ابن مسعود ـ رضي الله عنه ـ عن النبي صلي الله عليه وسلم قال : (( إن الصدق يهدي إلى البر ، وإن البر يهدي إلى الجنة ، وإن الرجل ليصدق حتى يكتب عند الله صديقا ، وإن الكذب يهدي إلى الفجور ، وإن الفجور يهدي إلى النار ، وإن الرجل ليكذب حتى يكتب عند الله كذابا ))

المسك1969

01-09-2011, 02:33 PM

أنا صادفني مثل هالموقف مره بس صراحة ما ضايقني لأنهم في النهاية اطفال وهدفهم في الأمر هو جمع الفلوس عشان يستانسون فيها:) نفس عيالنا

الأمر الآخر هو أن اخوانا الباكستانين لو هو عمره تسع بتشوفه جنه 15 ماشاء الله تبارك الله... وأحنا فديت عيالنا عصاقل لاطول ولا متن... بس عقب يطولون:)

فلا تعتقدون أن اللي يدشون البيت هم في الـ17 أو الـ18 ترى الاغلبيه منهم تسع وعشر سنوات بس سبحان الله شكل اجسامهم تعطي عمر أكبر لهم

وياابن الكواري ربي يحفظك لا ندعي على مسلم بقول "الله لا يوفقهم" يهالووه ربي يحفظك ومسلمين هم في النهاية

واللي يبي يفتح بيته يفتحه واللي يبي يسكره يسكره... كل واحد على كيفه:discuss:

تقبل الله طاعاتكم وكل عام وأنتم بخير:nice:

Best Man

01-09-2011, 02:35 PM

مب شرط يصير لاي واحد منا موقف يقوم ويسكر بيبان بيته..احنا متعودين بيبان بيوتنا ومجالسنا مشرعه

كان عيد ولا غيره ..

وكل عام وانتو بخير

Rashid554

01-09-2011, 08:24 PM

الحين اي واحد تصير له مشكله في بيته يكتبها بالمنتدى :whistling:

ويلاه

03-09-2011, 06:03 AM

السلام عليكم جزاك الله خير على التنبية وحبيت اقول لكم ليش كل شي ننظر له بشكل سلبي اخذوة بنظرة ايجابية هم عايشين معنا من زمان وخذوا اطباعنا وجزاكم الله خير اعتبروها صدقة في ايام مباركة حتى في القرقعان يقرقعون وصاروا احسن من قبل حتى لبسهم واي احد يسرق منك حاجة ترى تعتبرصدقة منك سبحان الله وخلوا بيوتنا وقلوبنا مفتوحة وجعل بيوتكم ماتخلى منكم وعمار ياقطر