كيوتل تخفض الانترنت الجوال من 10 ريال الى 0.55 ريال للميجابايت بشكل دائم

[م. عبدالعزيز]

الرئيسية : تصفَّح أكثر ووفِّر أكثر

تصفَّح أكثر ووفِّر أكثر

إبقَ اليوم على تواصل دائم من خلال هاتفك الجوّال وتصفّح كلّ ما في عالم الإنترنت من مواقع وتطبيقات مثل فيسبوك وتويتر وغوغل وياهو. فإذا كنت من عملاء هلا والشهري*،

إستمتِع بأقلّ تعرفة جديدة ثابتة على الإنترنت الجوّال - 55 درهماً للميغابايت، ووفِّر الكثير لتتصفَّح الإنترنت أينما كنت ومتى أردت.

*يجب على عملاء باقة الشهري وباقة الإنترنت الجوّال استخدام سعة البيانات المشمولة في الباقة قبل تطبيق التعرفة الجديدة 55 درهماً للميغابايت.

http://www.qtel.qa/QODPPortal/portal/qodp/qodp_portal_consumer_detail?detailId=DP_INTERNET_P ROMOTION_AR&section=consumer&locale=ar&lang=ar#

[R 7 A L]

تخفيض من قلب



شكراً ياكيوتل

[بوحمد1]

العرض شكله مغري بس ياليت حد يوضح لي كم بتكون الفاتوره آخر الشهر اذا كان النت شغال 24 ساعه كتصفح فقط بدون اي تحميل فيديو او برامج

[م. عبدالعزيز]

اذا تتصفح فقط ماراح يطلع عليك وايد، مثلا اذا استهلكت 90 ميجا راح يطلع عليك 50 ريال
بامكانك تجرب وتاخذ لك كرت هلا جديد وتعبيه وتحطه بال usb وتشوف

[بوحمد1]

مشكور ع التوضيح يعني لو تركت النت شغال طول الشهر بكون استخدمت۹۰ ميجا فقط ؟؟؟

[م. عبدالعزيز]

مشكور ع التوضيح يعني لو تركت النت شغال طول الشهر بكون استخدمت۹۰ ميجا فقط ؟؟؟
لا انا اقول تقريبا ، استخدام عادي ومحدود،، علشان جي نصحتك تجرب بنفسك وتطلع لك كرت هلا وتشوف

[سما الوطن]

تخفيض حلو

شكرا لك على هذا الخبر

[بوعلي2]

م عبد العزيز كل عام وانت بخير

عندي سوؤال لك يالغالي والله يسعدك مثل ماتسعدنا

انا عندي كرت هلا وبصراحه ابي احطه بالايفون بدل الفودافون بسبب الارسال ولكن شلون اعبيه؟
يعني هل في كرت تعبئه ؟
او لازم فكيوتل يعبونه وبكم والخ الله يعطيك العافيه اسف طولت عليك

[حسن]

تخفيض من قلب



شكراً ياكيوتل

اي والله ماقصرت امنا كيوتل تحن على عيالها احسن من الغريبه فودا وكل عام وانت بخير يارحال من طول الغيبات جاب الغنايم

[الـخـالـدي]

منها والى الاعلى يا كيوتل .. ان شاء الله نشوف تخفيض قوي على باقي الخدمات

لاهنت اخوي عبدالعزيز

[airbus]

م عبد العزيز كل عام وانت بخير

عندي سوؤال لك يالغالي والله يسعدك مثل ماتسعدنا

انا عندي كرت هلا وبصراحه ابي احطه بالايفون بدل الفودافون بسبب الارسال ولكن شلون اعبيه؟
يعني هل في كرت تعبئه ؟
او لازم فكيوتل يعبونه وبكم والخ الله يعطيك العافيه اسف طولت عليك

بعد أذن م عبد العزيز

اخوي تقدر تعبي رصيدك هلا من الموقع وهده الوصلة

http://www.qtel.qa/QODPPortal/portal/qodp_portal_miscellaneous_etopup

[م. عبدالعزيز]

م عبد العزيز كل عام وانت بخير

عندي سوؤال لك يالغالي والله يسعدك مثل ماتسعدنا

انا عندي كرت هلا وبصراحه ابي احطه بالايفون بدل الفودافون بسبب الارسال ولكن شلون اعبيه؟
يعني هل في كرت تعبئه ؟
او لازم فكيوتل يعبونه وبكم والخ الله يعطيك العافيه اسف طولت عليك


بعد أذن م عبد العزيز

اخوي تقدر تعبي رصيدك هلا من الموقع وهده الوصلة

http://www.qtel.qa/QODPPortal/portal/qodp_portal_miscellaneous_etopup

لاهنت اخوي airbus على المشاركه المفيده

اخوي بوعلي ، كرت الهلا تعبيه فيه طرق وايد
اللي في بالي ومجربها هي التالي:

1- موقع كيوتل مثل ماحط اخونا airbus.
2- عن طريق موقع الوطني easy internet يخصم من الحساب ويعبي بنفس اللحظه.
3- اجهزة الصراف الالي للمصرف.
4- تروح اقرب دكان وتاخذ كرت هلا وتعبي بالطريقة الاعتياديه *127 *رقم البطاقة#
5- اجهزه كيوتل ATM

وهني طرق اكثر
http://www.qtel.qa/QODPPortal/portal/qodp_portal_corporate_detail?_nfpb=true&detailId=EASY_MODE_OF_PAY_AR&lang=ar&lang=ar#

[STAR]

شنو يعني ‏‏(يجب استخدام سعة البيانات المشمولة في الباقة
قبل تطبيق التعرفة الجديدة ‏‏)‏‏!‏‏!‏؟‏!‏

[البحار00]

مايصير استعمل كرت الهلا

حق الايباد نفس فودافون

والأسعار شلون ؟؟؟؟

[بوحارب]

مافيه احلى من البي بي

الأنترنت فرييييييي

[fhd4]

شنو يعني ‏‏(يجب استخدام سعة البيانات المشمولة في الباقة
قبل تطبيق التعرفة الجديدة ‏‏)‏‏!‏‏!‏؟‏!‏

اعتقد ان كيوتل خفضت وارفعت الاسعار في نفس الوقت…

الباقات 1 جيجا او اكثر … كل ميجا بايت اضافي كان ينحسب بـ 10 دراهم

الحين بعد هذا الاعلان اللي فهمتهان الميجابايت راح ينحسب بـ 55 درهم …


لكن للي مشتركين في باقات اقل او ماعندهم اشتراك شهري يعتبر تخفيض ممتاز …


انا الود ودي انهم يخفضون اسعار انترنت الجوال اثناء السفر لشي معقول …

[بوعلي2]

مايصير استعمل كرت الهلا

حق الايباد نفس فودافون

والأسعار شلون ؟؟؟؟

لا




تسلمون ماقصرتو واتضح ان يعطوني رصيد بسيط مجاني على كل تعبئه


انا كان قصدي ابي اعبي النت مش الرصيد :nice:

وهالشي مش موجود بكرت هلا للاسف كيوتل بعدها ماوصلت لخدمات فودافون


وشكرا وكل عام والجميع بخير

[OREO]

اعتقد ان كيوتل خفضت وارفعت الاسعار في نفس الوقت…

الباقات 1 جيجا او اكثر … كل ميجا بايت اضافي كان ينحسب بـ 10 دراهم

الحين بعد هذا الاعلان اللي فهمتهان الميجابايت راح ينحسب بـ 55 درهم …


لكن للي مشتركين في باقات اقل او ماعندهم اشتراك شهري يعتبر تخفيض ممتاز …


انا الود ودي انهم يخفضون اسعار انترنت الجوال اثناء السفر لشي معقول …

سابقاً كل واحد ميجابايت كان بسعر ١٠ ريالات ،،، لكن من حوالي كذا شهر نزلوا و صار كل واحد ميجابايت بــ ١ ريال ،،،

اما مع العرض الجديد تم تخفيض كل واحد ميجابايت بــ ٥٥ درهم ،،،

--------------

ملاحظه.. كيوتل ما خفضت من ١٠ الى ١ريال ،،، خفضت من ١ريال الى ٥٥ درهم ،،،

[شميرام]

لو يسون الفري لمت. اب 100ريال بدل 400بيسون خيرررر
كل الناس بتشترك

[Right]

شلون بالنسبة لــــ dsl البيت ... من حيث الأسعار والخدمة ؟

[ابوالكلام]

انا اشوف كيوتل في الفترة الاخيرة قامت اتنزل عروض حلوة

[بوعلي2]

لو اعبيه بخمسين ريال واستخدمه للواتس اب والمنتدى كم ميجا يبغيلي او كم لازم اعبيه بالشهر تقريبا مب بالظبط لان ادري بتقولون على حسب استعمالك

وهل تشوفون ٥٥ للميجا سعر مناسب؟

وكلمتهم بكيوتل قالو مب على طول فقط عرض ٥٥

والله اعلم

[Riku3]

بوعلي مب شرط تكفي ..

انت تقول تصفح المنتدى، فتقدر تخلص الـ 90 ميجا بكم يوم لانك لو تحسب الصور بالمواضيع ترى ماهي شي بسيط .. مثلاً توقيعك بنفسه 90 كيلو فتخيل ان 12 توقيع مثل توقيعك تسوى ميجا بنفسها .. واحسبها على تصفح مواضيع كثيرة وردود اكثر ..

بس الواتس اب لو ماتفتح روابط فيديو وماتخسر كثير على الصور ماراح يكلفك شي .

اما بالنسبة لعرض كيوتل .. مايفيدني كثير وانا ما احترم عروضهم للانترنت لان خدمتهم تعيسه من الاساس وفي صعوبة بالتصفح وفي لعب الاونلاين في قطر .

[بوعلي2]

بوعلي مب شرط تكفي ..
انت تقول تصفح المنتدى، فتقدر تخلص الـ 90 ميجا بكم يوم لانك لو تحسب الصور بالمواضيع ترى ماهي شي بسيط .. مثلاً توقيعك بنفسه 90 كيلو فتخيل ان 12 توقيع مثل توقيعك تسوى ميجا بنفسها .. واحسبها على تصفح مواضيع كثيرة وردود اكثر ..
بس الواتس اب لو ماتفتح روابط فيديو وماتخسر كثير على الصور ماراح يكلفك شي .
اما بالنسبة لعرض كيوتل .. مايفيدني كثير وانا ما احترم عروضهم للانترنت لان خدمتهم تعيسه من الاساس وفي صعوبة بالتصفح وفي لعب الاونلاين في قطر .


بيض الله وجهك ماقصرت للمعلومات القيمه

[BuFaisal]

اخواني واخواتي

للمستعمل العادي والثقيل للانترنت الافضل له كرت برودباند
اقل باقة هي 2 جيجا بايت بقيمة 100 ريال شهريا بدون اشتراك سنوي وبقيمة 80 ريال باشتراك سنوي

اما المستعمل الخفيف للانترنت فالعرض بالاعلى جيد

[بوعلي2]

والله لولا ضعف ارسال فودافون داخل البيوت بمنطقة الشمال والا كان مالجات الى كيوتل

لان فودافزن عروض النت افضل وبكل شي ولكن للاسف حاولت مع فودافون لتقوية الارسال بالشمال ومافي فايده والحين احنا اكثرنا حولنا على كيوتل بسبب الارسال افضل


وشكلي باحول على كيوتل الشهري وباقطع خدمة فودافون


تحياتي

[ZURICH]

اخواني واخواتي

للمستعمل العادي والثقيل للانترنت الافضل له كرت برودباند
اقل باقة هي 2 جيجا بايت بقيمة 100 ريال شهريا بدون اشتراك سنوي وبقيمة 80 ريال باشتراك سنوي

اما المستعمل الخفيف للانترنت فالعرض بالاعلى جيد


البرودباند عجيب من تجربتي له ويناسب الي يتصفح النت في كل مكان

الخدمة الي اشتركت فيها لمت مفتوح 400 ريال شهري والصراحة سريع جداً وانصح فيه

اما سالفة التصفح من الجوال مبتعد عنها نهائيا بعد اخر فاتورة دفعتها

[ام السعف]

بوعلي مب شرط تكفي ..

انت تقول تصفح المنتدى، فتقدر تخلص الـ 90 ميجا بكم يوم لانك لو تحسب الصور بالمواضيع ترى ماهي شي بسيط .. مثلاً توقيعك بنفسه 90 كيلو فتخيل ان 12 توقيع مثل توقيعك تسوى ميجا بنفسها .. واحسبها على تصفح مواضيع كثيرة وردود اكثر ..

بس الواتس اب لو ماتفتح روابط فيديو وماتخسر كثير على الصور ماراح يكلفك شي .

اما بالنسبة لعرض كيوتل .. مايفيدني كثير وانا ما احترم عروضهم للانترنت لان خدمتهم تعيسه من الاساس وفي صعوبة بالتصفح وفي لعب الاونلاين في قطر .

كيوتل مب عارفة لمتى يستغفلوننا

يعني اذا الخدمة المقدمة سيئة اشلون يوسعون قاعدة المستخدمين عن
طريق خفض الأسعار ؟

احنا انعاني من النت في البيت مثل ما قلت لي يومين احاول العب اون لاين
مب محصلة لي اتصال يرتقي لمواجهة الآخرين وفوق كل هذا املووعين جبدوننا
بسالفة عندكم مودوم كيوتل ؟

الفريج بكبره يشتكي وهم يتحججون بمودوم كيوتل :(

عيب يا كيوتل عيب بسكم لوعتوا جبودنا

اكرهكم من كل قلبي

الموقعة
ام السعف :(

[بوسلمان 2010]

زين والله البركة باالنحاسة الي بين كيوتل وفودفون ان شاء الله بعد يخفظون وهم ماقصرو من قبل مصونا مثل


الخثاق اذا مص السمكة

[BuFaisal]

تعشموا خير
كيوتل حاليا يركبون توصيلات الالياف الضوئية (فايبر اوبتكس) للانترنت
وغطوا قسم من منطقة الخيسة بحسب علمي وشغالين على ازغوى
هذا كان حلم عندي من سنين واخرتها ان شاء الله يصبح حقيقة
والمفروض تحسن سرعات النت بشكل كبير وكفائتها