عيديتي للشبكة MacBookAir 3" Core i7

[stocker]

السلام عليكم ورحمه الله وبركاته.

كل عام وجميع الامه الاسلاميه بكل خير.

للبيع جهاز لابتوت أبل ماك بوك اير النسخه الجديده ويحتوي على أعلى مواصفات متوفره من عند ابل.

وبعد الجهاز جاي من الشركة وفيه نظام التشغيل الجديد Lion

والمواصفات كالتالي:

13.3-inch (diagonal) high-resolution LED-backlit glossy widescreen display with support for millions of colors.
1.8GHz Intel Core i7 with 4MB shared L3.
256GB flash storage.
4GB of 1333MHz DDR3 onboard memory.
Intel HD Graphics 3000 processor with 384MB of DDR3 SDRAM shared with main memory.
Two USB 2.0 ports (up to 480 Mbps).
Thunderbolt port.
SD card slot.
طبعا ما ننسى الاضائه في الكيبورد.

الجهاز تم تشغيله 3 مرات فقط في رمضان، ولاني من الناس اللي ماتعاملوا مع الماك، ماكان في وقت اشتغل واتعلم عليه في رمضان لوجود امور اكبر واهم منه يجب الاهتمام فيها.
عموما الجهاز من امريكا، الكيبورد انجليزي وطالب له غطا عربي/انجليزي للكيبورد جاي بالطريق.

والجهاز مطلوب 8500

[QATAR505]

الشيخ في فيرجن نفس المواصفات 6999 وعربي كامل والكيبود عربي وانا اليوم شاري

[F A W A Z]

الشيخ في فيرجن نفس المواصفات 6999 وعربي كامل والكيبود عربي وانا اليوم شاري

مضبوط
:victory:

[سعود العمادي]

بالتوفيق ان شاء الله

[stocker]

الشيخ في فيرجن نفس المواصفات 6999 وعربي كامل والكيبود عربي وانا اليوم شاري

السلام عليكم ورحمه الله وبركاته

الاخ الكريم

ماقصرت على مشاركتك اللي انا مافهمت المغزى منهافي البدايه،
وقبل ماقولك شنو الاستنتاج اللي توصلت له من مشاركتك، حبيت اقولك شيء:
أولا:الجهاز اللي انت شريته بالفعل ب6999 ريال، لكنه من نوع MacBook Pro, واللي انا عارضه مثل ماهو مكتوب في الموضوع من بدايته إلى نهايته MacBook Air.
وشوف الصوره توضح موصفات الجهاز الي انت شريته و السعر من فيرجن.

http://qatarshares.com/vb/attachment.php?attachmentid=75810&stc=1&d=1314883414

ثانيا: متوفر في فيرجن جهاز MacBook Air نفس مواصفات اللي عندي ، بس المعالج Core i5 ، بقيمه7299 ريال.
وشوف الصوره بنفسك علشان تتأكد.

http://qatarshares.com/vb/attachment.php?attachmentid=75811&stc=1&d=1314883414

الحين نجي في جزئيه الاستنتاج من مشاركتك، فهي لها كذا احتمال:
1. تبي تنصح الناس ان ماياخذون جهازي، لان متوفر في السوق بسعر ارخص، وهالشي تشكر عليه،وانا طبعا بنزل سعر الجهاز أقل من سعر السوق علشان ابيعه، لكن للأسف كلامك كان كله تضليل للناس لأن مستند على معلومات مغلوطه، وهالمشاركه اللي انت كتبتها مهما كان حجمها صغير ولكن ترى لها تأثير كبير على الناس لاني متأكد ان العديد من اللي مروا على الموضوع غضوا الطرف عن جهازي بسبب مشاركتك.
2. الاحتمال الثاني انك مثل ماقلت انك امس شاري جهاز و خاطرك تقول حق الناس اللي في الشبكه ان عندك لابتوب أبل وماتعرف شلون، ولقيت موضوعي فرصه لك، بس يا أخي العزيز يجب عليك ان تعرف أن من أدبيات الطرح أن لكل مقام مقال، ولم يتم التطرق في هالمقام التساؤل عمن شروا اجهزه أبل هاليومين علشان يكون ردك بالشكل.
عموما انا اتمنى ان تكون الرساله وصلت، والله سبحانه وتعالى هو كاتب وموزع الأرزاق، ومحد ياخذ اكثر من اللي مكتوب له.
ونصيحتي الأخيره انك لما تكتب مره ثانيه تكون مستوعب أن في ناس بيقرون كلامك وبيصدقونك، لان الشخص دائما صادق دام لم يتبين كذبه.
ومره ثانيه، اذا انت ماتدري ترى جهازك ماك بوك برو
وفي الختام سلام.

[stocker]

مضبوط
:victory:

الأخ العزيز

شنو تقصد بمضبوط,,,,,, أذا مضبوط ان الجهاز موجود في فيرجن وأنت شفته مثل ماقال الأخ qatar505 فأنت مادري شنو اللي شفته وقريته في فيرجن, وياما قالوا عن العرب أنهم مايقرون وإذا قرأوا لا يفهمون. الله يهدينا وياك.

واذا كنت موافق العضو الqatar505 على ماقال بدون ماتعرف شالسالفه ولا متأكد من الكلام صحيح ولا غلط, فبدون زعل , انت اشبه بالإمعه.

والسلام ختام.

[stocker]

بالتوفيق ان شاء الله

الله يجزاك خير,,,,, والله يرحم والديك


وشاكر لك مرورك

[قطر77]

بالتوفيق

[F A W A Z]

الأخ العزيز

شنو تقصد بمضبوط,,,,,, أذا مضبوط ان الجهاز موجود في فيرجن وأنت شفته مثل ماقال الأخ qatar505 فأنت مادري شنو اللي شفته وقريته في فيرجن, وياما قالوا عن العرب أنهم مايقرون وإذا قرأوا لا يفهمون. الله يهدينا وياك.

واذا كنت موافق العضو الqatar505 على ماقال بدون ماتعرف شالسالفه ولا متأكد من الكلام صحيح ولا غلط, فبدون زعل , انت اشبه بالإمعه.

والسلام ختام.


ا
اقصد الله يسلمك .. كلامه مظبوط نعم الجهاز موجود في فيرجن ولكن الاخ الفاضل ممكن ماوضح الصورة بشكل صحيح وانت جزاك الله خير خذت الموضوع بحساسية زايدة وانا راح اوضح لك الصورة بالتفصيل بما أنك كنت ذرب في ردك وهذا طبعا يدل على فهمك :)

عموما الجهاز موجود الان في كل فروع فيرجن وايضا اوفيس ون وكذلك اي سبوت وبسعر 7200 ريال وتقدر اتزيد فيه المواصفات الخاصة اللى انت اتقول عنها وهي زيادة فقط في 1.8GHz Intel Core i7 وهذا بعتقادي مايكلف 100 دولار :nice:

اما عن العرب فعتقد انك اتمثل نفسك لربما انت لا تقرأ .. اما انا فيكفيني حفظ اجزاء كثيرة من كتاب الله ولله الحمد والمنه ..

وكثر البربره والخرابيط اللى مالها داعي .. خلها عنك وانا اخوك والدنيا عيد وخير وياريت اتركز على قولتك الامور اللى اهم منه ابركلك .. وعيدك مبارك


اما بالنسبة للتشبيه فجزاك الله خير :)

وللتوضيح لربما ماحد يعرف شنو شبهتني فيه ..

الإمعة الذي لا يحّدد موقفه وانتماءه عن فهم ووعي وقناعة علمية سليمة بل يعيش مقلداً تابعاً للآخرين أو لظروف البيئة الّتي ولد فيها فلا يكلّف نفسه بمناقشة أو تمحيص ما وجد نفسه جزءاً ..

ولذا يقول الرسول الكريم صلى الله عليه وسلم «لا تكونوا إمعة تقولون إن أحسن الناس أحسنّا، وإن ظلموا ظلمنا، ولكن وطّنوا أنفسكم إن أحسن الناس أن تحسنوا، وإن أساؤوا فلا تظلموا».


،،

فشكرا لك .. وشكرا لعيديتك الحلوة :victory:

[قناص الدوحة]

بالتوفيق إن شاء الله

[stocker]

ا
اقصد الله يسلمك .. كلامه مظبوط نعم الجهاز موجود في فيرجن ولكن الاخ الفاضل ممكن ماوضح الصورة بشكل صحيح وانت جزاك الله خير خذت الموضوع بحساسية زايدة وانا راح اوضح لك الصورة بالتفصيل بما أنك كنت ذرب في ردك وهذا طبعا يدل على فهمك :)

عموما الجهاز موجود الان في كل فروع فيرجن وايضا اوفيس ون وكذلك اي سبوت وبسعر 7200 ريال وتقدر اتزيد فيه المواصفات الخاصة اللى انت اتقول عنها وهي زيادة فقط في 1.8GHz Intel Core i7 وهذا بعتقادي مايكلف 100 دولار :nice:

اما عن العرب فعتقد انك اتمثل نفسك لربما انت لا تقرأ .. اما انا فيكفيني حفظ اجزاء كثيرة من كتاب الله ولله الحمد والمنه ..

وكثر البربره والخرابيط اللى مالها داعي .. خلها عنك وانا اخوك والدنيا عيد وخير وياريت اتركز على قولتك الامور اللى اهم منه ابركلك .. وعيدك مبارك


اما بالنسبة للتشبيه فجزاك الله خير :)

وللتوضيح لربما ماحد يعرف شنو شبهتني فيه ..

الإمعة الذي لا يحّدد موقفه وانتماءه عن فهم ووعي وقناعة علمية سليمة بل يعيش مقلداً تابعاً للآخرين أو لظروف البيئة الّتي ولد فيها فلا يكلّف نفسه بمناقشة أو تمحيص ما وجد نفسه جزءاً ..

ولذا يقول الرسول الكريم صلى الله عليه وسلم «لا تكونوا إمعة تقولون إن أحسن الناس أحسنّا، وإن ظلموا ظلمنا، ولكن وطّنوا أنفسكم إن أحسن الناس أن تحسنوا، وإن أساؤوا فلا تظلموا».


،،

فشكرا لك .. وشكرا لعيديتك الحلوة :victory:

السلام عليكم ورحمه الله وبركاته..

اخي العزيز كل عام وانت بخير ، وعساك من العايدين ومن الفايزين.

في البدايه لا يسعني إلا أن أشكرك على سعه ورحابه صدرك، وإن دل فإنه يدل على كبر عقلك وقلبك الطيب.

وثانيا، مثل ماوضحت في كلامك ان الجهاز موجود في فيرجن ، وبسعر 7200 ريال،بس مثل ماقلت مواصفات مختلفه، وللعلم زياده سرعه المعالج مثل ماتفضلت ب100 دولار،بس على ذمه موظف فيرجن أن طلب الCore i7 ماتكون الا عن طريق. Online apple store.عموما اللي ابي اقوله، وتأكيد لما تفضلت انت به ان الأخ qatar505 ماكان واضح وهالشي سبب سوء الفهم.

وبالإشاره إلى جزئيه الإمعه (وانت أرفع وأكرم وأرقى من هذا الوصف) فكان بسبب عدم وضوح ردك، واعتقد انك عارف بأن عدم الوضوح في المعنى يؤدي إلى التأويل، وانا كنت اضع تفسير لردك الغامض،وكان أحد التفاسير هو الإمعه، ومثل ماتفضلت من خلال كلامك إنك ملم بالكلام اللي قلته، واللي يلغي وجود التفسير الثاني لكلامك.

وأشهد الله والناس أجمع بأنك أحسن مني أولا لحفظك أجزاء من كتاب الله، وأسال الله أن يمكنك من ختم كتابه وتدبر اَيته، وثانيا لسعه صدرك.

وقبل أن أختم حبيت أقول بأني ولله الحمد ماعرف لا البربره ولا الخرابيط، ولكن مثل ماتفضلت ممكن إني خذت الموضوع بحساسيه.

وفي الختام

أود أن أقول لك أمام العالم أجمع بأني اَســــــــف من القلب لما ذكرت في ردي.

وكل عام وأنت بخير مره ثانيه

والسلام ختام

[F A W A Z]

حبيبي انت .. :)

[ريال قطري]

وسعو صدوركم انتم من الناس المحترمين في المنتدى وماشا الله على تسامحكم الطيب كفو عليكم

[QATAR505]

السلام عليكم الشيخ اول شي انا الي شاري سلامتك نفس الي عندك والنوع الجديد بعد والفاتوره ماوجوده والجهاز عندي ونوعه mac book air المشكله اني مش جديد على الماك يا الحبيبي وانا اعرف شاكتب وثاني شي بخصوص الناس الي قاعده اسوي فتن ماله داعي انا ماقلت شي اوكي بس من طبع الناس مايحبون الصادق وثالث شي يا الي اتقول اني مستانس على الماك الي شاري انا من نزل الماك وانا استخدمه ورابع شي يا الحبيبي عندي محل واعرف اسعار هم ومافي داعي حق المهايط يعني لو كل واحد ايسكر الموضوع احسن من مايسوي نفسه فاهم اضاهر الواحد في هزمن لازم ايجامل عشان اموره تمشي الله يستر من الي جاي بس وماراح افتح الموضوع مره ثانيه بس اذا شفت شي ماعجبني ماراح اسكت اكيد بارد الله يهديكم بس

[stocker]

السلام عليكم الشيخ اول شي انا الي شاري سلامتك نفس الي عندك والنوع الجديد بعد والفاتوره ماوجوده والجهاز عندي ونوعه mac book air المشكله اني مش جديد على الماك يا الحبيبي وانا اعرف شاكتب وثاني شي بخصوص الناس الي قاعده اسوي فتن ماله داعي انا ماقلت شي اوكي بس من طبع الناس مايحبون الصادق وثالث شي يا الي اتقول اني مستانس على الماك الي شاري انا من نزل الماك وانا استخدمه ورابع شي يا الحبيبي عندي محل واعرف اسعار هم ومافي داعي حق المهايط يعني لو كل واحد ايسكر الموضوع احسن من مايسوي نفسه فاهم اضاهر الواحد في هزمن لازم ايجامل عشان اموره تمشي الله يستر من الي جاي بس وماراح افتح الموضوع مره ثانيه بس اذا شفت شي ماعجبني ماراح اسكت اكيد بارد الله يهديكم بس


السلام عليك أخوي, في البداية أسف على الرد المتأخر لأني كنت مشغول حبتين.

أول شي محد ينكر عليك أو ينتقدك في موضوع قول كلمه الحق, بالعكس هالشي محسوب لك عند الله سبحانه وتعالي وبين المسلمين, وطبعاً ما ننسى حديث الرسول عليه الصلاه والسلام : ( من رأى منكم منكراً فليغيره بيده , فإن لم يستطع فبلسانه ,فإن لم يستطع فبقلبه , وذلك أضعف الإيمان)

ولكن عليك يا أخي العزيز أن تعرف أنك لما أدعيت أن الجهاز متوفر بالسعر المذكور في مشاركتك, وأنا رحت وشفت السعر المعروض في ( فيرجن , وأي سبوت , وأي برو). أولاً مواصفات الجهاز مختلفه وثانياً مافي سعر مقارب للي قلته, وأسمح لي أنا ما أقدر أكذب عيني وأصدقك , إلا إذا عندك دليل.

فأنا اتمنى أنك تكمل جميلك علشان تفيدني وتفيد الأخوان اللي شافوا النقاش اللي صار, من باب المصلحه العامه, انك تحط الفاتوره اللي عندك وتتوضح لنا وين نحصل هالسعر , ولأن القاعدة القانونيه تقول (البينه على من ادعى واليمين على من أنكر ).

وأرد وأقول أنك مشكوووووور من الأعماق لإهتمامك بمصالح الناس, ولكن من الواجب عليك أنك تأدي دورك بالكامل.

والسلام ختام

[qatarawi]

لصاحب العرض:

1-كم كلفك لين شريته من امريكا؟ ممكن الفاتورة او ايميل ابل اونلاين ستور ؟
2-كم يكلف قلب الكيبورد عربي؟
3-كم تريد فايدتك فوقهم؟

وشكرا

[stocker]

لصاحب العرض:

1-كم كلفك لين شريته من امريكا؟ ممكن الفاتورة او ايميل ابل اونلاين ستور ؟
2-كم يكلف قلب الكيبورد عربي؟
3-كم تريد فايدتك فوقهم؟

وشكرا

تم الرد على الخاص

[hamoor4ever]

اخوي تقصد هاذي المواصفات ؟؟

بس هاذه سرعته 1.7 ومن موقع الشركه ونفس مواصفاتك
هل اللي عندك مواصفاته تختلف ؟ لان ماشوف بموقع الشركه سرعه 1.8
عموما هاذه طبعا اتوقع نفس المواصفات ومابيك تزعل ولا شي انا مستخدم ماك واتوقع ان هاذه الجهاز اللي انت تقصده الا اذا جهازك وقفته الشركه
عموما السعر موجود ب 1599 دولار وعليكم الحسبه ياشباب والله مب قصدي اخرب اللي مستعجعل يقدر ياخذ جهازك واللي يبي ينتظر ذاك شي ثاني وكل واحد بسعره

[msk]

اخوي تقصد هاذي المواصفات ؟؟

بس هاذه سرعته 1.7 ومن موقع الشركه ونفس مواصفاتك
هل اللي عندك مواصفاته تختلف ؟ لان ماشوف بموقع الشركه سرعه 1.8
عموما هاذه طبعا اتوقع نفس المواصفات ومابيك تزعل ولا شي انا مستخدم ماك واتوقع ان هاذه الجهاز اللي انت تقصده الا اذا جهازك وقفته الشركه
عموما السعر موجود ب 1599 دولار وعليكم الحسبه ياشباب والله مب قصدي اخرب اللي مستعجعل يقدر ياخذ جهازك واللي يبي ينتظر ذاك شي ثاني وكل واحد بسعره


وزيد عليه 10٪ ضريبة يعني 160 دولار
غير الشحن من النت
لكن الحين فتح اليوم ابل ستور في دبي ويغنيك عن الشحن الغالي من امريكا

[qatarawi]

http://www.qatarshares.com/vb/showthread.php?t=476094

الشيخ الظاهر مالك نصيب في البيعة

شركة ابل فتحت الاونلاين ستور مالهم فرع الامارات والشحن مجاني داخل الامارات واسعارهم رخيصة

غير ان الكيبورد العربي يكلف ٢٠٠٠ ريال تركيب بالدوحة !!!

يعني اشتر من الستور وهو عربي وارخص بعد

السموحة الشيخ بس لو ترخص لين ٥٠٠٠ انا شراي

والا بشتر واحد جديد من ستور الامارات ب ٥٦٠٠ ريال وعادي عندي هل بالامارات كثير

[stocker]

السلام عليك اخوي hamoor4ever,

أول شي لو انك مكمل الطلب على موقع الأبل بتكتشف ان في نوعين من المعالجات والثاني سرعته 1.8 وأغلى منه ب 100 دولار يعني يطلع ب 1699 دولار, ولاتنسى 160 دولار مالت الضريبه وقيمه الشحن.

وبالعكس أن ماشوفك تخرب البيعه و رايتك بيضاء.

وبالنسبة حق أبل ستور اللي في دبي , ممكن تطلب أون لاين بس التوصيل داخل الامارات فقط.

ورد على أخوي qatarwi,

والله انا سويت لك عرض خاص, بس مبلغك مايشجع, وأطلبه من الإمارات احسن لك دام عندك جماعة هناك.

والسعر ممكن أنزله بس مب مثل عرض أخوي Qatarwi

والسلام ختام