استفسار ..

[al-mohanadi]

السلام عليكم ..

أخواني الأعزاء ..

عندي بيت جديد .. ومافيه درج للسطح ألا من برع .. وانا أبغى أسوي درج للسطح من داخل ...
هل من الإمكان أسوي درج .. وكم يكلف هالشيء ...

تحياتي ..
بوحمد المهندي

[jassimqtr]

وعليكم السلام ورحمة الله وبركاته
تقدر تضيف بيت درج بس طبعا بيكون مكلف لانه بيكون بناء كامل من الاساس يعني حفر وعقب فرشة نظافه وعقب بيكون جسر مستمر وعقب دفان ودك وعقب تسليك ارضيه وعقب تطلع بالعمدان وصب استراحه مع الدرج وتقسمه وا وا وا الخ يعني نفس البناء الكامل واعتقد بيكلفك من ال70 الى ال100 الف تقريبا وطبعا لازم تاخذ تصريح من البلديه

[Almossafer]

ماعتقد اخوي يكلف 100 الف او 70

احنا مسويين درج خارجي الى السطح ومش من بداية البنيان ماعتقد يكلف كل هذا

[مصمم داخلي]

فية انواع خشبية رووعه قووقل واكتب درج خشبي لولبي

[نواااف البوعينين]

على حد علمي
تقدر تسوي من داخل
بس شووي يكلف عليك
لان يكون باارز على برع ويكون مثلا طالع من الصاله الي تحت لين فوق على الصاله الي فووق
وهو على كل حال لازم الاستشاري المصمم يشوف المخطط
بالتوفيق ياارب

[al-mohanadi]

تسلمون يا الربع .علة ردودكم ...

انا عندي البيت واصل الدرج لي الطابق الأول .. وبس بعدها سقف .. أنا بغيت أفتح السقف وأكمل الدرج لي السطح .. وأسمحوا لي ع الإزعاج ..

[The_Be$t]

انصحك تسويه حديد من الداخل وتلبس الارضيات رخام او موكيت وبيت الدرج حديد مع عوازل

يمكن تقل التكلفة عليك

واعتقد الفنيين راح ينفعوونك اكثر

[Chambray]

تسلمون يا الربع .علة ردودكم ...

انا عندي البيت واصل الدرج لي الطابق الأول .. وبس بعدها سقف .. أنا بغيت أفتح السقف وأكمل الدرج لي السطح .. وأسمحوا لي ع الإزعاج ..

يعني انت خالص من البيت ! والسقف موجود !!
والله حرام تكسر السقف علشان فتحه الدرج
اعتقد انك تحتاج إلى مساحة 2ونص × 3 كأقل تقدير لبناء غرفه للدرج مع استراحة

المشكلة الواحد وقت مايبيني يصير عمي في بعض الامور واذا خلص البيت يكتشف ان في بعض الامور الهامه نساها ، وهذا الي صار لي انا بعد .. بس ماقول إلا الحمد لله :nice::nice:

[al-mohanadi]

انصحك تسويه حديد من الداخل وتلبس الارضيات رخام او موكيت وبيت الدرج حديد مع عوازل

يمكن تقل التكلفة عليك

واعتقد الفنيين راح ينفعوونك اكثر


تسلم يااخوي .. والله أنا بعد بقدم الخرايط للمهندسين .. وبشوف وشو يقولون ..

[al-mohanadi]

يعني انت خالص من البيت ! والسقف موجود !!
والله حرام تكسر السقف علشان فتحه الدرج
اعتقد انك تحتاج إلى مساحة 2ونص × 3 كأقل تقدير لبناء غرفه للدرج مع استراحة

المشكلة الواحد وقت مايبيني يصير عمي في بعض الامور واذا خلص البيت يكتشف ان في بعض الامور الهامه نساها ، وهذا الي صار لي انا بعد .. بس ماقول إلا الحمد لله :nice::nice:

اي والله يا الذيب لكني شريت البيت لأني تلعوزت مع شركات المقاولات .. وبس هونت على البناء

والله انا بغيت أعرف التكلفة إذا كنت انت مكمل .. ولا التكلفة التقريبية ..
والله ما نقول الا الحمدلله على كل حال ..

تحياتي لك وللجميع ...

[aljar]

مرحبا اخوي الله يعينك اذا بتكسر لازم تشوف الاعمده والجسور واذا كنت بتكسر بسقف هوردي والا عادي في اكثر من شغله بس على العموم حط في بالك مب اقل من 45000
الله يعينك