المساعد الشخصي الرقمي

مشاهدة النسخة كاملة : واضح تاثير قرار الامير



جمال النعيمي
20-02-2005, 06:35 AM
السلام عليكم

اتضح الان ان كبار روؤس الاموال اصابهم شبة انتقام من قرار التخصيص لصغار المستثمرين

وذلك دليلة السيولية التي انهالت على السوق في عملية شراء هستيرية مما لم تترك اى سهم في السوق الاوقع علية الشراء بكميات كبيرة مما لم يترك لصغار المستثمرين في حال رجوعهم الى السوق سوا بيع ناقلات الغاز والا فلا وجود لهم في هذا السوق .

وبعد بيع صغار المستثمرين لسهمهم في الناقلات سوف يكون كبار المستثمرين في الانتظار لبيعهم ماتم جمعه في يوم غيابهم للاكتتاب في الناقلات .

وهذا ليش تشائم ولكن سؤال على حجم اليسولة الضخمة التي دخل السوق = 42 مليار ريال في خلال فترة الاكتتاب ولماذا في هذا الوقت ؟

السؤال واضح جداً قرار ( صاحب السمؤ الأمير حفظة الله ) في تخصيص اكبر قدر ممكن لصغار المستثمرين ولقد وصلة هذة الرسالة لكبار المستثمرين وفهموها جيداً وعملوا في الاتجاه المعاكس .


ســــــــــــــــلام والله اعلم :cool:

الشمالي
20-02-2005, 06:53 AM
الله يحفظه ويرعاه

سيف
20-02-2005, 08:07 AM
اللة يكون بعون اهل قطر

مفتاح القلوب
20-02-2005, 08:16 AM
الله يحفظة اميرنا

يدري بان صغار المستثمرين متسلفين من البنوك

والى بيع سيارتة والى بيتة


بس علشان يحسن من مستواة المعيشي


بعد رفع ايجار البيوت والدكاكين


روح ياميرنا والله يحفظك من كل عين ومن شر



تحياتي

سهم طايش
20-02-2005, 08:24 AM
اي و الله طيروا السوق تطير الاسبوع اللي طاف

مشاري سعد
20-02-2005, 12:25 PM
الله يرحم والديه

khalid969
20-02-2005, 01:01 PM
الله يحفظة اميرنا..ابو مشعل

ابوعلي اليافعي
20-02-2005, 01:21 PM
لولا كبار المستثمرين مابعنا الصناعات ب150والكهرباب120والوقودب110.........الخ يعني بعد هم لهم دور في انعاش البورصه واستفادت صغار المستثمرين وبكره محد بيشتري منا اسهم الغاز غيرهم ولا لو علينا مايطلع السهم اكثر من30ريال.....والله يحفظ لنا بو مشعل ابو لصغار والكبار

رحال
20-02-2005, 01:50 PM
أ ضم صوتي الى صوتك يابو علي اليافعي تمنو لغيركم كما تتمنون لا نفسكم ،، ابهاتنا شرو الا سهم في التأسيس
على سبيل المثال الا سمنت وقطر الوطني والملا حة والسينما والمطاحن وبعد عشرين سنه او اكثر زادت خمسين
ريال واليو م لو يصحى أبوي رحمة الله عليه ويشوف هل الا سهم كم وصلت يمكن يقره السعر يفتكره التاريخ الهجري
والفضل للحكومه الرشيدة وكبار المستثمرين 000
وسلا مة السامعين !!!

جمال النعيمي
20-02-2005, 04:19 PM
كان المفروض يوم الاكتتاب تم اقفال السوق عن هؤلاء حتى انتهاء الاكتتاب :cool:

هند الخير
21-02-2005, 09:36 AM
السلام عليكم



عندي مئه الف وش اشتري

وش النصيحه الله يجزاكم خير

بنت قطر
21-02-2005, 09:55 AM
كلام صراحه كله غير منطقي

ينتقمون وما ادري شنو

السوق انتعش مو بس من كبار المستثمرين

انتعش من الأموال اللي اتجي من بر قطر وتدخل باسمي قطريه

ومن صغار المستثمرين بعد اللي دخلو باقي فلوسهم في السوق

بعد خبر ان الشخص له 2000 سهم فحطو باقي فلوسهم الزياده في السوق

وعلى فكره السوق اللي ينعشه العمليات الصغيره من اصغار المستثمرين

مب كبار المستثمرين .. حتى الكبار يدخلون بعمليات صغيره

جمال النعيمي
21-02-2005, 10:11 AM
هند الخير

اسمعي 100 الف خليها عند فتح التداول للناقلات

اسمعي الكلام انشاء الله فية الخير

واعتقد ان فتح التداول على الناقلات بيكون قبل دخول الاجانب

ســـــــــلام :cool:

جمال النعيمي
21-02-2005, 10:18 AM
بنت قطر

لو انتي بنت قطر كان مارضيتي بكلامك هذا كيف القطري يبع الرقم الوطني بعشرة الاف وخمسة

هل هذا الشخص يستحق هذا الرقم الوطني

لا

فكري السوق منتعش على ظهر صغار المستثمرين الي صايدينهم المضاربين في السوق

أقري كلامي عدل :cool: :cool:

هند الخير
21-02-2005, 10:28 AM
الف الف شكر

Jkf بس ودي اعرف متى بالضبط بيدخلون الاجانب؟؟؟؟ظ



ومتى سوق التداول


وجزاك الله الف خير

جمال النعيمي
21-02-2005, 10:35 AM
3 / 4/ 2005

بأمر صاحب السمؤ امير البلاد الفدى - حفظة الله

بنت قطر
21-02-2005, 10:59 AM
وانا شدخلني انا اللي بعت بطاقتي
او شريت بطاقة غيري

ارضى بشنو؟

لحظه يعني انتم الحين ادافعون عن صغار المستشمرين اللي عندهم فلوس

وما ترضون اتدافعون عن باقي الشعب الفقير اللي ما عنده شي

تتشره عليه اذا باع بطاقته وبطاقة اعياله؟
ليش؟

هو لو انه مب محتاج ما كان لجى الى هذي الطريقه
او حلال عليكم يا اللي عندكم فلوس تكثر فلوسكم وحرام عليهم الفقراء ينتفعون

هم صدقني ما باعوها اذا ما عندهم فلوس ومحتاجين للفلوس

ومب هذلاء اللي تدخل الفلوس الطائله عن طريقهم صدقني

واغلبكم يا صغار المستثمرين شارين بطاقتهم اكثر من كبار المستثمرين

وانا بنت قطر اب عن جد .. قصب.. عن..

اوكى

شوف سوق قطر.. ما يمت لسوق البورصه الحقيقي باي صله
ينزل بسبت اشاعه ويطير بسبت اشاعه

على بالك الكبار هم ما يعرفون الحقيقه ويصدقون الأشاعه؟

صدقني الصغار هم اللي يضربون

بس قريب بيدخلون الخليجين والأجانب معاكم وبيعلمونكم كيف اصول الأعب

احمد ربكم ان اميرنا الله يخليه ويحفظه لنا خصص بس لهم
25%
بس مو أكثر كان رحتو فيها

الـوافـي
21-02-2005, 11:22 AM
السلام عليكم ورحمته الله وبركاته

اعتقد وهذا راي شخصي انه الشريحه الكبرى من المجتمع القطري دخل في مجال الاكتتاب في الناقلات
اضعف الايمان انه يدخل بمبلغ عشره الالف ريال يعني عندك انك تدفع اقساط سياره وفاتوره جوال ورواتب السائق والخادمه وما عندك انك تدفع هذا المبلغ البسيط اقل شى انه راح تسد حاجه لك هذا بالنسبه للى باع بطاقته
اما مساله السوق فهذا شى طبيعي انه يرتفع وينزل وايضا فرص للى ينتهز الفرصه وخاصه الايام الجايه مع السماح للاجانب بدخول السوق راح يتغير رتم السوق تغيير جذري يعني الغشيم في السوق ماله مكان واللى يعتمد على ناس ماعندهم خبره في السوق كلام مجالس راح يضيع وخاصه مع اللى متسلف ومحمل نفسه ديون وسمحولي عالاطاله0

ابوعلي اليافعي
21-02-2005, 02:15 PM
الحل الوحيد لانتعاش البورصه هو ان نترك الحسد عنا والنظر الى الاخرين..يعني كبار المستثمرين الله معطيهم وانشالله يزيدهم وهم فيهم الخير وهم من اهل قطر مب جايين من كوكب اخر ..وكلمة بيع البطاقه هذي كلمه مادري من اخترعها لان الشخص الي ماعنده امكانيه للشراء يعطي بطاقته لاخوه او صديقه يشتري فيها مقابل مبلغ يستفيد منه وبطاقته عنده يعني ماباعها وايضا المستفيد هو ابن البلد مب غريب وياجماعه خلو الفايده تعم الجميع وخلوا الكل يفرح الفقير والغني والمتوسط الحال ...والله يديم عزك يابو مشعل

بروووووووكر
22-02-2005, 01:22 AM
اظن ان السيولة الي انصبت على السوق مش فلوووووووووس قطرية هذا والعلم عند الله

سيف
22-02-2005, 01:56 AM
صاحب السمؤ امير البلاد الفدى - حفظة الله



وهذا من فضل اللة وحمكة اميرنا اللة يحفظة

ملك الناقلات
22-02-2005, 05:53 PM
جزاك الله ألف خير يالأمير

prettywoman
22-02-2005, 09:14 PM
[b]الله يحفظنا برحمته.....ويكون اهل قطر في خير ونعمه بالحلال يدوم....المال الحلال

هداف
23-02-2005, 12:41 AM
ياجماعه اكتشف كثيرا من مناقشاتكم بساطة المعلومه في شيء اسمه بورصه واسهم !!

صدقوني المجال مفتوح فقط لسنتين او ثلاث وايضا مع المكرمات للربح العام للجميع ولكن القادم غير

سوق الدوحه للاوراق الماليه لا تجعلونه الاساس في تعلم فن التجاره في البورصه مازال السوق مدعوم من الدوله
على اساس مساعدة المواطن ولكن هذه المساعده لن تستمر بكره ينفتح السوق وبيدوووخ ناس !!

اتمنى الربح للجميع ومن باع بطاقته لم يبيع وطنيته الرجاء التفريق في المبدأ وعليه با لعافيه سواء باعها ولا شرى اسهم المهم انه فك ضيقته وانتفع حاله حال الجميع ... لان القادم هو انفتاح السوق امام الاجانب وعليه سواء المستثمر قطري او غير قطري هدف الجميع التجاره والربح من غير تحيز لفئه معينه اهم شي السوق ينتعش