يا مكثر الهدايا ....وش بتسوي فيها ؟

[طواش]

الإنسان إجتماعي بطبعه يأنس لغيره ويأنس غيره له .

ومع توسع القاعدة الإجتماعية لكل منّا يزيد عدد معارفه وأصحابه وأحبابه .

ومع تزايد القاعدة الإجتماعية تزداد المناسبات التي من الأصول والسنع أن نشارك فيها إما

بالحضور أو بالهدية ، والهدية تقرب القلوب وتزيد المحبة فيها وتؤلف بين الناس .

ومع تزايد ما يرد إلى الفرد من هدايا قد تكون متشابهة في معظمها يجد نفسه حائرا :

إنه لا يستطيع أن يستعمل كل هذه الهدايا فماذا يفعل والهدية لا تهدى ولا تباع ؟؟؟؟؟؟؟

[Dawn]

ليش الهديه لا تهدى ؟

انا اذا جاتني هديه ما تناسب ذوقي ( اكثر شي الساعات ) اهديها اي حد في اي مناسبه ، لان حرام اخلي شي عندي وانا اعرف اني ماراح استعمله بالذات اذا هديه غاليه وان خليتها عندي بيصير الموديل قديم .. فانا استغل الفرصه واهدي اي صديقه افضل من اني اروح السوق واشتري هديه ...

هذا ينطبق على الساعات والذهب ،،، لاني ماحبهم وايد

اما العطور اخليهم عندي حتى لو ماعجبوني وايد .. اذا كلش كلش مب حلوين ممكن استعملهم كمعطر للغرفه :)

[mrloverman]

كان الرسول صلى الله عليه وسلم يهدي الهدية التي تهدى له

فاذا زادت الهدايا او لم تناسبك ولم تعجبك اهدها لغيرك او بعها وتصدق
باموالها

[طواش]

ليش الهديه لا تهدى ؟

انا اذا جاتني هديه ما تناسب ذوقي ( اكثر شي الساعات ) اهديها اي حد في اي مناسبه ، لان حرام اخلي شي عندي وانا اعرف اني ماراح استعمله بالذات اذا هديه غاليه وان خليتها عندي بيصير الموديل قديم .. فانا استغل الفرصه واهدي اي صديقه افضل من اني اروح السوق واشتري هديه ...

هذا ينطبق على الساعات والذهب ،،، لاني ماحبهم وايد

اما العطور اخليهم عندي حتى لو ماعجبوني وايد .. اذا كلش كلش مب حلوين ممكن استعملهم كمعطر للغرفه :)

أوافقك الرأي لكن كثير من الناس ينكر علينا أن نهدي الهدية أو نبيعها لأن هناك مقولة مشهورة بين الناس بأن الهدية لا تهدى ولا تباع .

فما مصدر هذه المقولة ومدى صحتها ؟

[طواش]

كان الرسول صلى الله عليه وسلم يهدي الهدية التي تهدى له

فاذا زادت الهدايا او لم تناسبك ولم تعجبك اهدها لغيرك او بعها وتصدق
باموالها

جزاك الله خيرا

قدم لنا خدمة وأعطنا دليلا من السنة على ذلك لأن الناس صاروا يتداولون مقولة أن الهدية لا

تهدى ولا تباع وكأنها حديث شريف .

[تحداني]

في هدايا ما ايهون علي اعطيها لحد احتفظ فيها حتى لو مو عاجبتني
اما في هدايا ثانيه مثل مصاحف او سجاده او ساعات يعطوني عطورات وعندي مثلها
او اكواب او اي شي ما احسه وايد ثمين .. اعطيه لشخص ثاني ما اعرفه وايد
او معرفتي فيه جدا سطحيه من باب المجامله فقط



جملك الله برضاه

[بوسلمان 2010]

الهديه حلوه وتعبر عن المحبه بين الانسان والشخص الي يحبه والهدية قبلها نبينا محمد صلى الله عليه وسلم لاكن


اذا كانت الهدية وراها مصلحه سلامتك وتعيش ماابيها والحمدالله اذا كنت محبوب بين الناس توقع ان اجيك


هدايا من الاشخاص الي يعزونك

[شمس]

ليش الهديه لا تهدى ؟

انا اذا جاتني هديه ما تناسب ذوقي ( اكثر شي الساعات ) اهديها اي حد في اي مناسبه ، لان حرام اخلي شي عندي وانا اعرف اني ماراح استعمله بالذات اذا هديه غاليه وان خليتها عندي بيصير الموديل قديم .. فانا استغل الفرصه واهدي اي صديقه افضل من اني اروح السوق واشتري هديه ...

هذا ينطبق على الساعات والذهب ،،، لاني ماحبهم وايد

اما العطور اخليهم عندي حتى لو ماعجبوني وايد .. اذا كلش كلش مب حلوين ممكن استعملهم كمعطر للغرفه :)

:nice::nice::nice:

[wah2007]

ليش الهديه لا تهدى ؟




اظـن الهدايـآ التذكاريـه .. او الهدايـآ اللي لهـآ ذكريات حلـوه بيـنك وبيـن المهـدي .. يعني الهدايا بين الزوجين فـ شهـر العسـل .. او هديـه التخرج او هديه الخطوبه .. هالاشياء نقدر نقول انهـآ لاتهـدى لقيمتهـآ المعنويـه .. اما الاشياء الاستهلاكيـه اللي ممكن تنتهي مع الزمن او تخرب .. عطر ساعـه او جوال الخ الخ نقدر نهديهـآ لان مالها قيمه معنويـه كبيـره :shy:

[طواش]

في هدايا ما ايهون علي اعطيها لحد احتفظ فيها حتى لو مو عاجبتني
اما في هدايا ثانيه مثل مصاحف او سجاده او ساعات يعطوني عطورات وعندي مثلها
او اكواب او اي شي ما احسه وايد ثمين .. اعطيه لشخص ثاني ما اعرفه وايد
او معرفتي فيه جدا سطحيه من باب المجامله فقط



جملك الله برضاه

وجملك بفضله والصحة والعافية

أنت مع إهداء الهدية إن لم تكن بحاجة لها .

[ام السعف]

قبل كنت اعتقد ان الهدية لا تهدى ولا تباع ،، واخذ بخاطري وازعل لو تصرفوا في هديتي
لأني احتفظ بهدياهم ،،

ومع مرور السنين اكتشفت ان الهدية تصبح ملك لهم ومن حقهم يتصرفون
فيها مثل ما يبون،، فليش اهديهم واراقبهم واشوف اشتصرفوا في الهدية ،،

وبناء عليه ،، صرت اتصرف في الهدايا لو ماكانت تتوافق مع ذوقي
وارد اهديها لآخرين بمناسبات مختلفة ،،

[تحداني]

عندي هديه ودي اتخلص منها بأي طريقه كانت بس مب عارفه اشلون
اعز وايد من اهداني اياها .. وما ابي اتذكر الشخص .. ولا يهون علي اعطيها احد
او اتبرع فيها


صرت اخاف من بعض الهدايا
:(


جملكم الله برضاه

[ام السعف]

عندي هديه ودي اتخلص منها بأي طريقه كانت بس مب عارفه اشلون
اعز وايد من اهداني اياها .. وما ابي اتذكر الشخص .. ولا يهون علي اعطيها احد
او اتبرع فيها


صرت اخاف من بعض الهدايا
:(


جملكم الله برضاه

مجرد ما تتخلصين منها بيروح الخوف ،،

عودي نفسج ما تنربطين في الهدية ،، وممكن تتخلصين منها
حزتها بتلقين كل شي أسهل ،،
وياويلج لو تخلصتي من هديتي ام 10 ريالات :shy:

[بصمة قطرية]

كنت وايد أصدق مقولة الهدية لا تهدى و لا تباع ..
الحين خلاص ..
صرت انا بنفسي اذا لقيت عندي هدايا مش محتاجتها
او ما راح استخدمها اهديها على طول ..

[سارق الكحل]

قبل كم يوم على اذاعه دبي اف ام موضوع عن الهدايا احد المتصلين قال ماعمري اهديت احد في حياتي
وكان الموضوع يتكلم عن احساس ومشاعر المهدى اليه مهما كان حجم الهديه
اما بخصوص لب الموضوع فقد اهداني صديق لي هديه عباره عن جوتي اعزكم الله وجلست عندي ثلاث سنوات
ماقدرت البسها لانها صغيره علي فاهديتها الى مستحقها

[تحداني]

مجرد ما تتخلصين منها بيروح الخوف ،،

عودي نفسج ما تنربطين في الهدية ،، وممكن تتخلصين منها
حزتها بتلقين كل شي أسهل ،،
وياويلج لو تخلصتي من هديتي ام 10 ريالات :shy:




انا مب مرتبطه بالهديه .. مرتبطه بالي اهداني اياها
صعبه وايد اتخلص منها .. يبيله اروح في غيبوبه واحد يبوقها من عندي وارد من غيبوبتي واكون ناسيه كل السالفه ..


وين هالهديه .. ؟؟ :( .. كل ما ابي امرج اتصير عندي شغله
جان زين عندي دريول .. :(

خلاص عاد شفتيني تأخرت عليها طرشيها
لي متى ناطره مثلا لين ما انساها

ناس غريبين .. لازم الاحراج
ما لقيت هم فيس يناسب هالاحساس

وخري عني


انتهى

جملك الله برضاه

[فواز1976]

قبل كنت اعتقد ان الهدية لا تهدى ولا تباع ،، واخذ بخاطري وازعل لو تصرفوا في هديتي
لأني احتفظ بهدياهم ،،

ومع مرور السنين اكتشفت ان الهدية تصبح ملك لهم ومن حقهم يتصرفون
فيها مثل ما يبون،، فليش اهديهم واراقبهم واشوف اشتصرفوا في الهدية ،،
ضحكتني هذه الجمله ..... اجل تحطي زوووم عليهم تراقبي هديتك ايش صار فيها
وبناء عليه ،، صرت اتصرف في الهدايا لو ماكانت تتوافق مع ذوقي
وارد اهديها لآخرين بمناسبات مختلفة ،،

تحياتي

[ام السعف]

كنت وايد أصدق مقولة الهدية لا تهدى و لا تباع ..
الحين خلاص ..
صرت انا بنفسي اذا لقيت عندي هدايا مش محتاجتها
او ما راح استخدمها اهديها على طول ..

بفضل من الله اليوم بشكل عام ،، الكل عنده من المستلزمات ما تسد وتزيد
فتحتارين مرات كثيرة شنهي الهدية اللي ممكن تكون مميزة لشخص مميز
تلتفتين حوله واتشوفين عنده كل شي ومب ناقصه شي ،،

في مثل هالحالة ،، اشلون نتصرف ؟

ا

[بصمة قطرية]

عندي هديه ودي اتخلص منها بأي طريقه كانت بس مب عارفه اشلون
اعز وايد من اهداني اياها .. وما ابي اتذكر الشخص .. ولا يهون علي اعطيها احد
او اتبرع فيها


صرت اخاف من بعض الهدايا
:(


جملكم الله برضاه

استقبل الهدايا في اي وقت :shy:

[بصمة قطرية]

بفضل من الله اليوم بشكل عام ،، الكل عنده من المستلزمات ما تسد وتزيد
فتحتارين مرات كثيرة شنهي الهدية اللي ممكن تكون مميزة لشخص مميز
تلتفتين حوله واتشوفين عنده كل شي ومب ناقصه شي ،،

في مثل هالحالة ،، اشلون نتصرف ؟

ا

صحيح هالشي يصير معانا كثير ..
وقتها راح احاول آخذ هدية على ذوقي انا يعني مب لازم يكون الشخص
ما عنده من هالش بس انا عاجبني و مقتنعه فيه ..
و الحمدلله دوم الهدايا اللي اختارها مميزة و تعجبهم ~

[تحداني]

استقبل الهدايا في اي وقت :shy:



اهم شي في الحياه الاخلاق اشتبين في الهديه

بس صج صج
شنو خاطرج فيه .. امري .. تدللي .. تبين جالكسي تاب 10.5 ابي افتك منه وهو وايد غالي علي .. فراح اعطيج اياه لان الغالي للغالي .. والله وايد عجيب .. وحلو
ووايد برامج ابلاش .. ويكفي انه اندرويد



ايش رايج ؟؟ :)

جملك الله برضاه

[ام السعف]

تحياتي

لا مو كذا ،،

المقصد ،، ان الهدية لو اطلعت مالي حق فيها ،،
مثلا اهديت اختي ساعة وشفتها على يد بنتها ،، وسمعت بنتها تقول
امي اهدتني اياها .....> ما ازعل ولا اشل بخاطري واحترم حقها
في الشي اللي امتلكته وتصرفت فيه :shy:

بينما في الجهة الثانية ،، في اللي بيحاسبك وبيزعل منك لو ما استخدمت
الهدية هذي ووممكن يعاقبك وما ييب لك هدية لو تصرفت في هديته :weeping:

[ام السعف]

اهم شي في الحياه الاخلاق اشتبين في الهديه

بس صج صج
شنو خاطرج فيه .. امري .. تدللي .. تبين جالكسي تاب 10.5 ابي افتك منه وهو وايد غالي علي .. فراح اعطيج اياه لان الغالي للغالي .. والله وايد عجيب .. وحلو
ووايد برامج ابلاش .. ويكفي انه اندرويد



ايش رايج ؟؟ :)




جملك الله برضاه

:looking:



انا مب مرتبطه بالهديه .. مرتبطه بالي اهداني اياها
صعبه وايد اتخلص منها .. يبيله اروح في غيبوبه واحد يبوقها من عندي وارد من غيبوبتي واكون ناسيه كل السالفه ..


وين هالهديه .. ؟؟ :( .. كل ما ابي امرج اتصير عندي شغله
جان زين عندي دريول .. :(

خلاص عاد شفتيني تأخرت عليها طرشيها
لي متى ناطره مثلا لين ما انساها

ناس غريبين .. لازم الاحراج
ما لقيت هم فيس يناسب هالاحساس

وخري عني


انتهى

جملك الله برضاه

يعني لو تخلصتي من الهدية ارتباطج بصاحبه بيتزعزع ؟

كان عندي كتيب غالي علي جدا وايد ،، وقريته وخلصته
اول شي سويته اهديته لإنسانة غالية على قلبي ،،

فالغالي يروح للغالي ،، بغض النظر عن ارتباطنا هذا اللي ممكن
يربطنا بالماضي ويحشرنا فيه ونفقد جمال الحاضر ،،

اشرايج
صايرة ام السعف الدريع
:shy:

[بصمة قطرية]

اهم شي في الحياه الاخلاق اشتبين في الهديه

بس صج صج
شنو خاطرج فيه .. امري .. تدللي .. تبين جالكسي تاب 10.5 ابي افتك منه وهو وايد غالي علي .. فراح اعطيج اياه لان الغالي للغالي .. والله وايد عجيب .. وحلو
ووايد برامج ابلاش .. ويكفي انه اندرويد



ايش رايج ؟؟ :)

جملك الله برضاه

فديتج والله :shy:
أكيد الأخلاق اهم ما في الحياة ..
هي اللي راح تبقى ..:)

لا تغريني .. :secret:
تراني قاعدة أخطط على مجموعة الكترونيات ..:secret:

[ام السعف]

صحيح هالشي يصير معانا كثير ..
وقتها راح احاول آخذ هدية على ذوقي انا يعني مب لازم يكون الشخص
ما عنده من هالش بس انا عاجبني و مقتنعه فيه ..
و الحمدلله دوم الهدايا اللي اختارها مميزة و تعجبهم ~

قبل كنت اتعنى اني انقي الهدية تنقية خااصة ،، اليوم صرت اخذ
بشكل عام ما يفيد ان هذي هدية وكان الله غفورا رحيما ،،

اما المقربين جدا جدا جدا ولهم حق علي في قيمة الهدية ونوعها
احاول اني اشوف الناقص او الأفضل في اختيار نوع الهدية ،،

[وتبقى الدنيا حلوه]

ما اذكر اخر مره حد اهداني فيها هديه :'(

مع اني للاسف اسجل كل المناسبات عندي و احب اهدي كل اهلي و قرايبي اذا صارت عندهم مناسبه

بس للاسف محد تذكرني

فكنسلت سالفة الهدايا

[ألماسة]

آنا من النــوع اللي جداً أؤمن بشي أسمه هدايا

أحب أهدي وأحب ان تجيني هدايا

وســواء عجبتني الهدية او ماعجبتني .... متكررة عندي او مش متكررة مستحيل أني اهديها لأي شخص مهما كان

ولو ماكنت بحاجه لها يكفي اني اخليها تذكار ... والحمدلله عمري مااستغنيت عن أي هديه :shy:

لدرجه ان حتى الورد اللي يجيني احتفظ فيه لين يجف واحطه في علبه حلوة :shy:
وبعضه لا .. اجففه واخليه على برواز:shy:

وعندي دباديب صار عمرها تقريبا 15 سنة :shy:

يعني بالعربي عاشقة الهدايا :shy:

[ام السعف]

ما اذكر اخر مره حد اهداني فيها هديه :'(

مع اني للاسف اسجل كل المناسبات عندي و احب اهدي كل اهلي و قرايبي اذا صارت عندهم مناسبه

بس للاسف محد تذكرني

فكنسلت سالفة الهدايا

مؤلمة مشاركتج
:weeping:

تحداني تعالي اهنيه وخلي بصمة عنج
وامشي نلتقي عند وتبقى الدنيا حلوة وانلف الجالكسي وانزينه
مع باقة ورد ونقدمه لها هدية مني ومنج ومن بصمة قطرية :shy:

[تحداني]

:looking:




ما ابي اضايقج :( .. بس تعبت والله

يعني لو تخلصتي من الهدية ارتباطج بصاحبه بيتزعزع ؟

كان عندي كتيب غالي علي جدا وايد ،، وقريته وخلصته
اول شي سويته اهديته لإنسانة غالية على قلبي ،،

فالغالي يروح للغالي ،، بغض النظر عن ارتباطنا هذا اللي ممكن
يربطنا بالماضي ويحشرنا فيه ونفقد جمال الحاضر ،،

اشرايج
صايرة ام السعف الدريع
:shy:




متى بطرشين الادريول .. ؟؟

:(
:(

ما ادري ايش رايي .. بس صج ما ادري شاسوي
انتي كله اتشرقين واتغربين فينا .. مثل هالادريع
اتقول لها المتصله زوجي شفته يشرب خمر .. اتقول لها احتضني افكاره واحتويه

ساعات ودي اذبحها



اقول ست الحسن والدلال 63 الف يورو كم بالريال القطري عندج خبر ؟؟





فديتج والله :shy:
أكيد الأخلاق اهم ما في الحياة ..
هي اللي راح تبقى ..:)

لا تغريني .. :secret:
تراني قاعدة أخطط على مجموعة الكترونيات ..:secret:




حبيبتي جبت الاخلاق من باب المزح
كل ما طلبت شي من حد اعزه يردون علي اهم شي الاخلاق عشان يسكتوني :)

ما اغرج بس جد حلو .. بس ما لقيت احد ياخذ بيدي
ولا لقيت احد يعلمني وانا ما عندي ذاك الصبر الي يخليني اكتشفه

:(


احس نفسي زعلانه وايد

جملك الله برضاه

[تحداني]

مؤلمة مشاركتج
:weeping:

تحداني تعالي اهنيه وخلي بصمة عنج
وامشي نلتقي عند وتبقى الدنيا حلوة وانلف الجالكسي وانزينه
مع باقة ورد ونقدمه لها هدية مني ومنج ومن بصمة قطرية :shy:




اشعلي منكم انا .. روحي انتي مع بصمه تحاططوا واشتروا لها
انا بعطيها الجلاكسي بإسمي ابروحي .. ومني لها
انا ادفع وهم تنحط اسمائهم


تبقى الدنيا حلوه .. تبين جالكسي 10.5 .. والله عجيب
لونه اسود .. معاه قماش للتنظيف
وشريت له قطعه usp بعد نزلت عليه كم برنامج وايد حلو
وفي داخله شريحه رقم فودافون .. ومعاه خدمه انترنت وانتي في السياره
عندي بعد الكرتون
والضمان

وشريته من فيرجين

اي شي يخترب فيه انا اتحمله ولا يهمج .. بس انتي اخذيه وفكيني منه



تقبلينه مني ؟؟ :( والله من خاطري


جملك الله برضاه

[حسن]

انا اكثر هداياي سمج مره ريس قسم عندنا دايما يقولي تروح البحر وماتيبلي سمج قتله ابشر
واجيك يوم السيت واحد الكيس الكبير على مكتبه قالي شنو ذي قتله هامور جايبه لك وله يقولي الله يخرب بيتك حاطه على مكتبي وينادي الفراش ويطرشه يوديه ضحكت ضحك عليه

[OTOsan]

خل الهدايا تجي بالاول ياخوي طواش.. وبعدين نتدارس وضعها :)

[ام السعف]

متى بطرشين الادريول .. ؟؟

:(
:(

ما ادري ايش رايي .. بس صج ما ادري شاسوي
انتي كله اتشرقين واتغربين فينا .. مثل هالادريع
اتقول لها المتصله زوجي شفته يشرب خمر .. اتقول لها احتضني افكاره واحتويه

ساعات ودي اذبحها



اقول ست الحسن والدلال 63 الف يورو كم بالريال القطري عندج خبر ؟؟





صبري علي اعدل الهدية وازينها ،، يبي لها تعديلات كثيرة
وانا اقول ليش باعوني اياها بعشر ريالات :(

طرشي الفلوس باليورو عندي علشان المسها واقدر احولها :shy:

Pardon
اخونا طواش
دخلت موضوعك ومالقيت فيه مشاركات كثيرة ،، فقلت بشارك
والحديث عن الهدايا ساحب ،، فالتمس لنا العذر :shy:

[تحداني]

شكله الجالكسي 10.5 راح يروح اليوم .. ما ادري على من بتسري المناقصه



:(


جملكم الله برضاه

[تحداني]

صبري علي اعدل الهدية وازينها ،، يبي لها تعديلات كثيرة
وانا اقول ليش باعوني اياها بعشر ريالات :(

طرشي الفلوس باليورو عندي علشان المسها واقدر احولها :shy:

pardon
اخونا طواش
دخلت موضوعك ومالقيت فيه مشاركات كثيرة ،، فقلت بشارك
والحديث عن الهدايا ساحب ،، فالتمس لنا العذر :shy:




من شهرين وانتي اتعدلين في هالهديه .. حطيتي عليها اضعاف الــ 10 ريالات
ما يسوى علي وعليج .. الله يخليج شوفي هالــ 63 الف يورو كم تصير بالعمله القطريه
وصيري خدومه بدون ما تلمسين ولا اتشمين ولا تتلحقين

تعبت من الناس الي مثلج

اخوي طواش السموحه لو صدر منا شي ضايقك
والله ما نقصد .. وهذا اعتذار كبير بالنيابه عن الاخوان والاخوات


انتشروا

جملكم الله برضاه

[الزعفراني]

مستحيل أفرط في " الهدايا " اللي عندي ، حتى لو كانت مكرره ، عندي لكل هدية احترام وحضور ، حسب خصوصيتها وذكرياتها ومكانتها .

هذا من الناحية المادية ، لكن هل توجد هناك هدايا معنوية ؟ وكيف يمكن أن نتعامل معها ؟

يقول الشاعر :

كل جـــرح فات لي منك هديـــــه
وش بلاك تخاف من رد الهدايا ؟!


هل نحن فعلا نخاف من رد الهدايا ؟ . ماعليه " شطحت " اشوي بس الموضوع راق لي .

[ام السعف]

من شهرين وانتي اتعدلين في هالهديه .. حطيتي عليها اضعاف الــ 10 ريالات

:shy:
ما يسوى علي وعليج .. الله يخليج شوفي هالــ 63 الف يورو كم تصير بالعمله القطريه
وصيري خدومه بدون ما تلمسين ولا اتشمين ولا تتلحقين

تعبت من الناس الي مثلج


انتشروا
:omen2:
جملكم الله برضاه

63الف يورو تقريبا 14 الف ريال....> تقص عليها تبي تلهف الباقي :shy:

63الف يورو تقريبا تساوي 300الف

وبما ان الموضوع يتكلم عن الهداية اهديني عمولتي لأني حولت لج وعطيني
10الاف ريال .....> شوفيني اشلون قنوعة :(

[ام السعف]

هل نحن فعلا نخاف من رد الهدايا ؟ . ماعليه " شطحت " اشوي بس الموضوع راق لي .

Pardon

السؤال مب واضح ،، ممكن لو سمحت توضحه
لأني مثلك الموضوع راق لي ومشاركتك راقت لي وابي اكمل الرواقان وياها :shy:

[تحداني]

63الف يورو تقريبا 14 الف ريال....> تقص عليها تبي تلهف الباقي :shy:

63الف يورو تقريبا تساوي 300الف

وبما ان الموضوع يتكلم عن الهداية اهديني عمولتي لأني حولت لج وعطيني
10الاف ريال .....> شوفيني اشلون قنوعة :(





لو سبقتي اخوي halo ابخمس ثواني كان نلتي ما نلتيه .. لكن لقيت الرد
بعد حنه وزنه في موضوع شيخنا الفاضل قرضاوي

راحت عليج .. قيم اوفر .. شكرا لعناء التحويل اقدر هالجهود



انا فهمت سؤال الزعفراني بروح ارد عليه .. سي يو


جملك الله برضاه

[بصمة قطرية]

[center][color="olive"][size="4"][b]حبيبتي جبت الاخلاق من باب المزح
كل ما طلبت شي من حد اعزه يردون علي اهم شي الاخلاق عشان يسكتوني :)

ما اغرج بس جد حلو .. بس ما لقيت احد ياخذ بيدي
ولا لقيت احد يعلمني وانا ما عندي ذاك الصبر الي يخليني اكتشفه

:(


احس نفسي زعلانه وايد

جملك الله برضاه

ذكرتيني بناس يقولون لي ماا نعرف شنجيب لج هدية
انتي اغلى من كل الهدايا :shy:
شفتي العيارة و اللواته ..:weeping:
انزين وردة :(
خاتم
رولكس
سيارة
بيت
:weeping:

[تحداني]

.

هذا من الناحية المادية ، لكن هل توجد هناك هدايا معنوية ؟ وكيف يمكن أن نتعامل معها ؟

يقول الشاعر :

كل جـــرح فات لي منك هديـــــه
وش بلاك تخاف من رد الهدايا ؟!



نعم هناك هدايا معنويه يتم اختصارها بهاتين الكلمتين " المواقف والافعال - والعطاء "
كلما مارست اقوالك بالافعال .. وحولتها الى عطاءات .. وكبرت مساحاتها
كلما اهدت الاخر من الهدايا المعنويه التي لا تقدر بزجاجه ذاك القطري من العطر
ولا حتى بكيلو من العود
ولا حتى بساعات الدنيا كلها وسياراتها ومجوهراتها

مافي شي في الدنيا ماله مقابل .. ومن يمشي على مبدأ ان المقابل يعني انتظار الشي الى حين اعطاءه فلا مانع .. النفس تعشق الهدايا .. والروح تألف العطاء .. فهناك هدايا معنويه للأسف تعجز ردها لان مكانهم كبير .. وتقديرهم عالي .. وتصل بنفسك للحظه تشعر انك تعجز عن ردها




هل نحن فعلا نخاف من رد الهدايا ؟ . ماعليه " شطحت " اشوي بس الموضوع راق لي .



انا اخاف من رد هديه واحده وهي .. لشخص لا ادري ماهي رده فعله
عندما عدت من العمره حملت هديه بيدي .. لشخص لا ادري ان كان سيقبلها مني ولا لا
تفاجأت ان الهديه صعب استلامها .. ما حسيت بالاهانه .. بقدر ما حسيت اني بالفعل أكسر الخاطر
توقعات فاشله .. وخيالات أفشل مع العلم لا ابحث عن شي من خلالها
سوى ان تكون لديهم ومعهم وبدون مقابل



اجمل شي في هالدنيا الهدايا
معنويه .. ماديه .. ملموسه .. محسوسه .. المهم تغير من حالتك النفسيه والمعنويه
وترسم تقدير كبير للاخر


جملك الله برضاه

[الزعفراني]

pardon

السؤال مب واضح ،، ممكن لو سمحت توضحه
لأني مثلك الموضوع راق لي ومشاركتك راقت لي وابي اكمل الرواقان وياها :shy:

في فن الإتيكيت إذا حد أهدى حد ثاني هديه ، فالاول لازم يردها له ، وطبعا ممكن شخص الله منعم عليه يهدي الآخر مما خف وزنه وغلا ثمنه ، فالحيرة اللي تنتاب الشخص في كيفية رد الهدية له بما تناسب مقامه وتخالف امكانيات الشخص المتواضعة ، اقصد الشخص اللي يبي يرد الهدية .

اليوم رغم ان هذا الاتيكيت مش ملزومين فيه ، لكن أصبح رد الهدية " هاجس " لدى الآخرين خصوصا " النساء " .

فلانه جابت لي هدية ، لازم أردها لها ، وتقعد تحوس بأفكارها ، وتسهر الليل وما تنام - هههه - ، وتشغل الآخرين ، بس عشان تجيب لها هدية رد على هديتها .

[ام السعف]

في فن الإتيكيت إذا حد أهدى حد ثاني هديه ، فالاول لازم يردها له ، وطبعا ممكن شخص الله منعم عليه يهدي الآخر مما خف وزنه وغلا ثمنه ، فالحيرة اللي تنتاب الشخص في كيفية رد الهدية له بما تناسب مقامه وتخالف امكانيات الشخص المتواضعة ، اقصد الشخص اللي يبي يرد الهدية .

اليوم رغم ان هذا الاتيكيت مش ملزومين فيه ، لكن أصبح رد الهدية " هاجس " لدى الآخرين خصوصا " النساء " .

فلانه جابت لي هدية ، لازم أردها لها ، وتقعد تحوس بأفكارها ، وتسهر الليل وما تنام - هههه - ، وتشغل الآخرين ، بس عشان تجيب لها هدية رد على هديتها .

لا يكلف الله نفسا الا وسعها ،، واللي بيفكر اشلون يجاري الآخرين في نوعية هدايهم
راح يعيش مشغول البال ،،

يوم اجريت عملية جراحية ، دخلوا علي بعض الاقارب والصديقات اللي احملوا
عقود من الذهب وقطع من الألماس الحر ،،

في حين لما كنت اهديهم كنت اختار ،، كتاب او قصص او العاب الكترونية
لبناتهم ،،او كيكة ام 100 ريال ،،
هل مستوياتهم المادية كانت عالية بحيث اهدوني مثل هالهدايا ؟
اقول لك لا ،، لكن حبوا انهم يقدروني بالهدايا هذي ،،

الحين مطلوب مني اجاملهم في مناسباتهم ،،
هل اروح اخذ لهم نفس نوعية الهدايا ؟

عني اقول لا ،، لأن الهدايا بشكل عام ما تعبر عني حبي لهم
هناك مواقف كثيرة تعبر عن حبنا وتقديرنا للناس ،،
لكن ما اضغط على نفسي علشان ابين لهم مقدار حبي بالهديا ،،

خذت اللي تسمح فيه ظروفي وان شاءالله تعجبهم ،،
بس متى ازورهم بس :(

[بلوتنيوم]

شكلك متوهق بالهدايا المتشابهة ؟؟!
عموما
الى يعطيك هدية
عطها انت لواحد ثاني
والثاني بيكون مديون لك بهدية
لما يرجعها لك
وصلها للاول وبهالشكل بيطلع عندك اتزان
في نهاية الموضوع :)

[طواش]

الهديه حلوه وتعبر عن المحبه بين الانسان والشخص الي يحبه والهدية قبلها نبينا محمد صلى الله عليه وسلم لاكن


اذا كانت الهدية وراها مصلحه سلامتك وتعيش ماابيها والحمدالله اذا كنت محبوب بين الناس توقع ان اجيك


هدايا من الاشخاص الي يعزونك

أوافقك الرأي

[ضوى]

وايد احب الهدايا ، احب انهدي واهدي ، الهدايا اللي ماتناسب ذوقي اهديها مرة ثانية لاشخاص في مناسبات خاصة ـ، الا اللي يهديني زوجي احتفظ فيهم ، مافرط فيهم الا اذا ماعجبتني اروح ابدلها بشي عاجبني في نفس الوقت وهذا باتفاق مني ومنه

[طواش]

اظـن الهدايـآ التذكاريـه .. او الهدايـآ اللي لهـآ ذكريات حلـوه بيـنك وبيـن المهـدي .. يعني الهدايا بين الزوجين فـ شهـر العسـل .. او هديـه التخرج او هديه الخطوبه .. هالاشياء نقدر نقول انهـآ لاتهـدى لقيمتهـآ المعنويـه .. اما الاشياء الاستهلاكيـه اللي ممكن تنتهي مع الزمن او تخرب .. عطر ساعـه او جوال الخ الخ نقدر نهديهـآ لان مالها قيمه معنويـه كبيـره :shy:

تحليلك عين الصواب

[طواش]

قبل كنت اعتقد ان الهدية لا تهدى ولا تباع ،، واخذ بخاطري وازعل لو تصرفوا في هديتي
لأني احتفظ بهدياهم ،،

ومع مرور السنين اكتشفت ان الهدية تصبح ملك لهم ومن حقهم يتصرفون
فيها مثل ما يبون،، فليش اهديهم واراقبهم واشوف اشتصرفوا في الهدية ،،

وبناء عليه ،، صرت اتصرف في الهدايا لو ماكانت تتوافق مع ذوقي
وارد اهديها لآخرين بمناسبات مختلفة ،،

تصرف منطقي وعملي