اطفال تخرج للدنيا,,,,لكن هالمرة غير

[مشاكل]

اطفال تخرج للدنيا
مب علشان يلعبون
ولا علشان يمرحون
علشان يغازلون
ويتحرشون
ويتمصخرون
ويقلون ادبهم
قصة قصيرة صارت امس قدامي
سميت هذي القصة ( ابويا هايص وانا لايص )
اربع اطفال مراهقين بو 15 و16 سنة مرادن الوجوه مطولين الشعر مخصرين الثياب
يلاحقون ثلاث بنات بو13 و14 سنة مع خدامتهم فاصخين الحيا شكلا ومضموناً
انتهى بهم الامر داخل احد المحلات الكبيرة ذات الارفف الطويلة والدواعيس الكثيرة
وخذ ضحك ولعب وجد وحب
ماقدرت استحمل
دخلت عليهم بحاله هستيرية كالمجنون وفي يدي مزهرية زجاجية
توقعت بيخافون
ولا كأن حد احذاهم
قلت لهم عيب اللي تسوونه
وين ابهاتكم وامهاتكم
اسكتوا فجأة وتوقعت ان كلامي اثر فيهم
ضحكوا علي وشقوا عليه
حسيت نفسي مسكين مب صاحي

[العساس]

اعتقد محد بيتفاعل مع الموضوع.

لان اكثرهم يفكرون بالزياده وتسديد الديون والماده و و و و.

اما هذي المواضيع ( عمك اصمخ)

الله يجزاك خير (وانت بلغت فاللهم اشهد).

وموضوع المزهريه حاسب ترى يطلعونك انت الغلطان.

[مشاكل]

من القصه اعلاه نستنتج الاتي :

- عيال وبنات اطفال هدد فالشوارع والاب والام الله بالخير
- جيل ذو جراءة فاضحة ومجاهر بالمعصية
- الله يستر علينا من وقت من ينكر فيه المنكر ينظر اليه باستهجان وينعت بالجنون

[العساس]

ولا تعور راسك.

وانا لو منك كان جبت عليهم الشرطة

[مشاكل]

اعتقد محد بيتفاعل مع الموضوع.

لان اكثرهم يفكرون بالزياده وتسديد الديون والماده و و و و.

اما هذي المواضيع ( عمك اصمخ)

الله يجزاك خير (وانت بلغت فاللهم اشهد).

وموضوع المزهريه حاسب ترى يطلعونك انت الغلطان.

الرجاء من المشرفين تغيير العنوان الى

اطفال تخرج للدنيا ,,,, وزيادة في الراتب قريبا

لاتصدقون ترى اتغشمر :tease:

[مشاكل]

ولا تعور راسك.

وانا لو منك كان جبت عليهم الشرطة

اطفال يالعساس ماعتقد بيسوون لهم شي
هذيلا يبيلهم واحد يخرعهم نفس ماسويت لهم بالمزهرية بس للأسف ماخافوا

[ريتويت]

حسبي الله ونعم الوكيل

[العساس]

اطفال يالعساس ماعتقد بيسوون لهم شي
هذيلا يبيلهم واحد يخرعهم نفس ماسويت لهم بالمزهرية بس للأسف ماخافوا


لاحول ولا قوة الا بالله

مالك الا الدعاء لهم بالهداية



انتبهو ياناس على أولادكم ولاتعطونهم الخيط والمخيط
وراقبوهم وراقبو تصرفاتهم

هذا الجيل هو عماد المستقبل
هذا الجيل هو اساس روية قطر2030
هذا الجيل هو أملنا في كاس العالم 2022
هذا الجيل إحنا مسألين عنه يوم القيامه

[Dawn]

جزاك الله خير على انكار المنكر

واكيد شكلك ما خوفهم :) .. لان انا صار معاي موقف مشابه تقريبا كانو بنتين شاذات الله لا يبلانا ،،، والحمدلله انا شكلي فيه هيبه خافوا ووقفوا سواد الويه اللي كانوا يسوونه وشردوا قبل لا العن شكلهم .. وبعد بلغت الجهه المسؤوله على اساس السكيوريتيه ياخذون بالهم من هالاشكال المنحطه في المرات الجايه ..

هالنوعيه مثل الزباله الله يعزك دوسها ولا عليك من حد حتى لو صغار ،، لو صار لك موقف مشابه المره الجايه ،، لا تقول عيب وين امكم وين ابوكم ،، عطهم من الكلام اللي يخليهم يكرهون نفسهم ويكرهون اللي يسوونه ولا تحسسهم ان الغلط من امهم وابوهم ،، عاملهم على انهم كبار ومسؤولين عن تصرفاتهم .. قول لهم يا عيال الشوارع انتو في قطر واحنا ما عندنا ذا السوالف .. روحوا بلدكم وسووا فيها اللي تبغونه ... اصدمهم بالكلام وحسسهم ان هالشي القطري المفروض ما يسويه تراهم في هالسن يحبون يكونون من ضمن جماعه بالذات في سالفة الوطنيه فلما تنفي عنهم هالشي يموتون من القهر ويتأدبون ،،، ولا تنسى الصوت الحاد والنظره اللي كلها ازدراء واحتقار ... علشان هم يحتقرون نفسهم ويتوبون من هالافعال الشينه ،،، بكره لو كبروا يمكن يذكرونك ويشكرونك على انك أدبتهم بدل اهلهم اللي مهملينهم وقاطينهم على الخدم ..

مستغربه من كلمة أطفال ،،، الطفل كائن بريء ماله في سوالف المغازل أصلا ،، على وصفك شكلهم اكبر من 14 و 15 سنه ...

عالعموم جزاك الله خير وشكرا عالتنبيه

[Qtr95]

تفضلوا هالموضوع اللي كتبته عنهم ..

الصراحة هم موضوعين ..

http://qatarshares.com/vb/showthread.php?t=472375

وفي هذا الموضوع .. شبهتهم بالمخلوقات الغريبة ..

http://qatarshares.com/vb/showthread.php?t=470029

[Right]

لا حول ولا قوة إلا بالله العلي العظيم

[واقعية]

بارك الله فيك

(( من رأى منكم منكرا ))

و هالاشكال يبي لهم فعلا - وقفة من الجميع حتى يتسنعون

ان كانوا يهالوا - بس لازم الكل يوقفهم عند حدهم - لانهم يخافون و ما يستحون

[عيون الدوحة]

15- 16 أطفال أشدعوة
أنا أبوي تزوج وعمره 13 سنة
الخلل مب في العمر الخلل بالتربية الله يسلمك والخدم الي حاضنة حمود وعلوي وجسوم 24 ساعة باليوم
الولد ينقلب بنت
والبنت تسترجل

[qrt_trading]

تبون الصراحة الشرهه على امهم وابوهم اللي تاركينهم يروحون مجمعات بروحهم مع شغاله المفروض الام هي اللي تاخذ اعيالها للمجمع وخاصة البنات في هذا السن لانهم في هذا السن يكونون في بداية سن المراهقه ويحبون انهم يشوفون اذا كانوا يقدرون انهم يلفتون انظار الشباب وهذا كله بسبب قلة عقلهم وعدم درايتهم بعواقب الامور فحذاري يالأمهات حافظوا على بناتكم ولاتتركونهم يتسوقون ابنفسهم بدون رقابتكم هذوله البنات امانة راح يحاسبكم عليهم رب العالمين فخافوا الله في بناتكم.

[تحداني]

للاسف ما ايعرفون عواقب افعالهم ونتايجها الا متأخر
بعد ما كل شي يروح ولا يبقى لديهم سوى الحسره والألم
وقتها يا ترى من راح يقط اللوم على الثاني

الاعيال على اهاليهم لانهم ما بكوهم ولا اضربوهم ولا امنعوهم
ولا الاباء على اعيالهم لانهم قصروا معاهم



هالجيل متعب للغايه
لاهم اطفال ولا هم كبار

هم يعيشون كما يعيشوا الكبار في زمن الفتن والبلاوي
الصغير ما ايعرف يداري اخطاءه
والكبير قاعد يخطأ ويداري اخطاءه

بالنهايه الكل في دوامه زمن اغبر الا من حفظه الرحمن




تحمل يا اخوي من المزهريه لا تجي على راسك
قبل لا توصل ابروسهم هذيلن الي اتسميهم اعيال اصغار



جملكم الله برضاه

[نورالهدى]

الله يهديهم
وجزاك الله خيرا

[بوسلمان 2010]

والله المشكلة هي الاساس وهو البيت اذا كان هادين بنيات اصغار مع دريول وخدامة شتوقع وبلاك بيري واي


فون وهي ماتعدت 14 من عمرها واذا قالت ابي فلوس بدال 500 ريال 1000 ريال بس فقينا من الحنه مايدرون


والديها انهم قاعدين يدمرون بنتهم وطبعن مو كل الاسر الله ولك الحمد في اسر محا فظه ولاترضى على بنتهم


تظرمع لاخدامة ولا دريول انتمى ان الله يهديم ويصلحهم