مركز تجميل نسائي (( صالون ))

[الزلزال]

السلام عليكم جميعاا

مشروع صالون نسائي

اعرضو علي شراكه في صالون

ياليت الي عنده خبره في المشروع يفيدني

ابي ادق التفاصيل للمشروع

وماهي المشاكل الي ممكن نواجها في المشروع ؟

تحياتي

[الزلزال]

سبحان الله

[الزلزال]

سبحان الله

[OM_OMAR_QATAR]

بالتوفيق ان شاء الله
اهم ما في هالمشروع ان صاحب المال يكون متواجد طول الوقت في الصالون
منعاً لأي احتيالات

[بوحارب]

والله ياخوي الصالونات النسائية اكثرت والربح مش مضمون

والشغل فيها فيه الحلال والحرام

انصحك تتجنب النوع هذا من التجارة وتشوف لك شي ثاني

والله يرزقك من فضله

[الزلزال]

الله يجزيك خير

[ok_ok]

بالتوفيق

[الزلزال]

بلشنا المشروع

[كازانوفا]

نصيحه لوجه الله
اذا انت صاحب المشروع تكون حاطت بالصالون رقيب لحلالك لان السرقات راح تكون بطريقه واضحه بدون اي اثبات لي قريبه عندها صالون تحلف لو غابت عن الصالون انسرق وراح الشغل على الموظفات ويتفقو مع بعض انهم ما يبلغوها ان اليوم ما دخلت عليهم ولا زبونه وتتفاجا بالصدفه من الزبائن انهم كانو موجودين باليوم اللى هي سالت فيه

وباستمرار يكون في نفقه على الصالون يعني دعم وتكاليف وابعد عن العماله اللبنانيه نهائيااااا لا ذمه ولا ضميررررررر

موفق يا الزلزال

[حازم صلاح]

والله ياخوي الصالونات النسائية اكثرت والربح مش مضمون

والشغل فيها فيه الحلال والحرام

انصحك تتجنب النوع هذا من التجارة وتشوف لك شي ثاني

والله يرزقك من فضله

اتفق مع أخونا بوحارب ابعد عن هذا المجال لان الحرام فيه أكثر من الحلال تغيير لخلق الله وغير ذلك من المحرمات

[الزلزال]

الله يجزيكم خير

[اشكرك يارب]

ماادري اعتقد ان الصالون شغله موسمي يعني مو دوم موفق

[الزلزال]

يعطيك العافية

[bntqtr]

والله اخوي انا عندي صالون نسائي والحمدالله ماشي
بس رجال يكون فاتح صالون ما يصير لازم بيقصون عليك لو شكنت لانه لو حرمة بس خبرتها شوي في هالمجال بعد يتطيح في مشاكل اهم شي الادارة مش شرط ستاف جيد لانه البنات يتعلمون بس الادارة تكون من حديد لانهم حريم والمرة مشكله في اي مكان الصراحة انا اتكلم عن الستاف لحد الحين
اول شي تسوية لازم تشيل العواطف من الموضوع اي وحده تسوي حركة وتكررها لازم ترجع بلدها ولا فنش
علشان الباقي يتعلمون لو شكانت انا كانت عندي وحده ادخل لي ذهب باليوم واستحملتها غلى اللي فيها وكانت اكبر غلطة لكن يوم تسفرت عرفو الباقي انه الله حق
الله يوفقك وهو مشروع يعور الراس من قلب لو كم بدخل بالشهر ما يسوى عليك الفلوس
ومش اي احد يفتح صالون لانه مكلف واجد ومصاريفة كثيرة طبعا على حسب انت والمستوى اللي تبيه

[الزلزال]

الله يبيض وجهك اختي
اذا ممكن تعطيني قائمة الاسعار الي عندك ؟
تحياتي

[sepasteyn]

متابعة واهتمام واجتهاد وعدل = ربح ولكن اجباري عوار الراس في كل رزق !!!

[الزلزال]

تم الافتتاح والحمدلله

[روح الاطلس]

ماشاء الله عليك حار بحار

من خمس شهور تسأل والحين فتحت !! الله يعينك ويوفقك وتعال احكي لنا تجربتك بعد كم شهر

[الزلزال]

توني فاتحه ماكمل شهرين
والامور كلها طيبه