استفسار عن مشروعين

[طاير]

السلام عليكم

يا شباب انا افكر اسوي مشروع تجاري لكن فكرت اكثر من فكره وكلها باءت بالفشل

كل مشروع له عقبات صعب اتجاوزها بنفسي

المهم انا فكرت بمشروعين

الأول مشروع مستلزمات رجالية بحيث اجيب المواد من الصين + تايلند + ماليزيا
المشروع الثاني ( اشتري سيارة وأجرها على شركة ) !

شرايكم في المشروعين وكم تتوقعون راس المال ؟ علما ان راس مالي تقريبا 100 الف ريال

هل المشروع الأول ناجح ؟
وهل المشروع الثاني سهل انفذه ؟ وشنو السيارة اللي اشتريها ؟ خايف اشتري سيارة واتوهق فيها ؟ انا افكر في تريله ! بس الله مكثر التريلات والصناعية ضايقه من تريلاتها وكلها للبيع ! وافكر في تانكر ماي بس مب مقتنع في الفكرة ؟

ساعدوني جزاكم الله خير

[المليونير الفقير]

براي الثاني لان راس المال مضمون بالتوفيق

[طاير]

شكرا على ردك السريع اخوي
جزاك الله خير


الحين هل يحتاج تانكر الماي لترخيص ؟ وهل ممكن احطه في شي من الشركات ؟
والا انا اجيب له سائق ؟ ووين احصل سكن للسائق ؟

:)

[شموخ دائم]

,

,


مرحبا

كل عام وانت بخير

:)

مشروع مستلزمات رجالية

هذة الفكرة احسن من السياره
ولكن وين المكان الي ناوي تفتح محل فيه ؟؟
ومن الشخص الي بيدير المكان !!
الفكره طيبه ولكنها مكرره كثير وفيها منافسه
اذا قدرت تجيب البضاعه من المصدر راح تقدر تنافس في السعر
وممكن توزع على المحلات ولكن هذا الموضوع مو سهل

السياره ما انصحك فيها
بتتحمس في البدايه وبتشتري سياره وبتابع تجهيزها
تريلا \ تنكر \ قلاب \سطحه
من كراج الى كراج
وفي الاخير بتنصدم في الواقع
نادر ما تحصل شغل لها واذا حصلت شغل بيكون من خلال وسيط وياخذ من العقد
وراح تطلع لك مشاكل

* صيانه تاكل الربح
* حادث
* سائق يسرقك ويشغل السياره لحسابه

وفي الاخير بتعطيه السياره وهو يدفع لك مبلغ بسيط
او تبيعها بخساره
او توقفها جنب البيت لين تغبر والبطاريه كل يوم خربانه

ربع سكان قطر طاحوا بهذي المشكله 2005 و 2006 لما دخوا مجال السيارات رجال ونساء
لا تكرر نفس الخطاء

لكن ال 100 الف ممكن تشتري فيها سياره من خارج قطر وتبيعها داخل قطر وتربح لك 20 الف في بعض انواع السيارات
الي عليها طلب هنا

عجبني نشاطك
التجاره اخوي الكريم انك تكون شخص نشيط
اذا تقدر تسافر الصين ما ليزيا تايلند
شوف مواعيد انعقاد ( المعارض ) واحضر معرض في اهتماماتك
راح تلاقي افكار كثيره ونت بالمعرض

انت تحتاج تاخذ خبره من خلال حضور معرض وبعدها قرر طريقه الدخول
لا تقرر الان تحتاج تعمل زياره توسع فيها اطلاعك وترتب فيها افكارك
احضر معرض في الصين ما تندم ان شاء الله

,

,


اخوك


شموخ دائم

[المليونير الفقير]

انصحك فالوره يعني تشتري كامري او كرولا وتاجرها عالدوله

[$...المبارك...$]

,


شوف مواعيد انعقاد ( المعارض ) واحضر معرض في اهتماماتك
راح تلاقي افكار كثيره ونت بالمعرض

انت تحتاج تاخذ خبره من خلال حضور معرض وبعدها قرر طريقه الدخول
لا تقرر الان تحتاج تعمل زياره توسع فيها اطلاعك وترتب فيها افكارك
احضر معرض في الصين ما تندم ان شاء الله

اخوك


شموخ دائم


الرأي السديد من أخونا شموخ دائم

وتوكل على الله :victory:

[طاير]

شكرا اخوي شموخ دائم على ردك الوافي

وشكر على تحليلك القوي للمشروعين

افكارك رائعه ومميزه
واعجبتني ولك فكره فتحت لي افاق

جزاك الله خير


-=-=-=-=-=-=-=-=-

اخوي المليونير
وين اسال عن هذا الموضوع ؟
ممكن اشتري السيارة ان شاء الله بس وين اسال ؟ في اي جهة في الدولة ممكن تاخذ السيارة عشان اعرف متطلباتهم وكم موديل السيارة ؟ ونوعها ؟
جزاك الله خير

=-=-=-=-=-=-=-=-=-

اخوي المبارك
شكرا على اتصالك
بالفعل الفكرة رائعه وناوي ان شاء الله انفذها واخذ خبرها عن طريقة شحن البضاعة وارخص طريقة للدولة
الله ايسهل الأمور ونسوي لنا مشروع يساعدنا

[المليونير الفقير]

شكرا اخوي شموخ دائم على ردك الوافي

وشكر على تحليلك القوي للمشروعين

افكارك رائعه ومميزه
واعجبتني ولك فكره فتحت لي افاق

جزاك الله خير


-=-=-=-=-=-=-=-=-

اخوي المليونير
وين اسال عن هذا الموضوع ؟
ممكن اشتري السيارة ان شاء الله بس وين اسال ؟ في اي جهة في الدولة ممكن تاخذ السيارة عشان اعرف متطلباتهم وكم موديل السيارة ؟ ونوعها ؟
جزاك الله خير

=-=-=-=-=-=-=-=-=-

اخوي المبارك
شكرا على اتصالك
بالفعل الفكرة رائعه وناوي ان شاء الله انفذها واخذ خبرها عن طريقة شحن البضاعة وارخص طريقة للدولة
الله ايسهل الأمور ونسوي لنا مشروع يساعدنا

اخوي فيه مكتب حكومي هو الي يئاجر على الوزارات والمؤسسات الحكوميه تقدم عندهم وهم بدورهم يقدمون عالدوله ولو فيه جهه محتاجه سيارتك يكلمونك وياخذون السياره لفترة 6اشهور فقط قابله للتجديد انت اسال حد عن هالمكتب اسمه مكتب الوره وومكن الدليل يعطونك رقمهم وروح لهم واسال وهم بيعطونك التفاصيل هذا واتمنالك كل التوفيق

[بن رومي]

اشد على يدك واقولك توكل على الله ادخل التجارة ولو اتبيع كبريت

اخواني اللي ردو عليك ما قصرو

كل باب من ابواب التجاره له مفتاح

وانت اللي تحدد اي نوع

الاعظاء عطوك توجيهات واظائات

وانت اللي تحدد

.. بالنسبة للوره موقعها شارع بن عمران العماره اللي بعد محل قطر للهوايات مقابل جهاز امن الدوله من جهة الغرب ، الطابق الثاني
مدة التأجير سابقاً ٦ شهور ويحق للقري يدخل سيارتين
والآن سنه و سياره وحده فقط .

(( لا تدخل في تجاره الا وانت عارفها وحابها )) ( لا اتكلم عن عصب التجاره وهو المال )

اذا توفرو الشرطين بتبدع و تتميز فيها ..

واي استفسار عن شغل السيارات والمعدات الصغيره والدناكر ..
والمقاولات ..

راسلني عالخاص وانا في الشوفه ..

الله يوفقك


بن رومي

[طاير]

بيض الله وجهم اخوي المليونير
ماقصرت كفيت ووفيت
فتح الله لك باب الرزق وفرج كربتك

اخوي بن رومي
ما قصرت على الإفادة جزاك الله خير

وبيتم التواصل معاك ان شاء الله على الخاص
عشان ادل مكان مكتب الورة امر عليهم
ان شاء الله تعالى
وما نستغني طال عمرك

[strong woman]

صراحه ماعندي علم بهاي الامور لكن الاخوان ماقصروا ..وماحبيت ادخل الموضوع من غير مارد..بالتوفيق

[طاير]

جزاكم الله خير