شاركون الراي

[شاه بندر]

السلام عليكم

توني مستلم خرايط الفيلا ( بيت العمر ) وعندي كم سؤال ؟


شرايكم في شركه بن مقلد وشركة بن براك

ابي ابني بس عظم بس شنهي الشروط الي اتفق مع المقاول عليها

اذا كنت ابي اغير في ارتفاع الملاحق والبنت هاوس اقدر عادي مع المقاول بدون ماارجع للبلدية

كم سعر الفيلا العظم في السوق

ابي نصائحكم لي قبل مااسوي اي شئ

[شاه بندر]

شدعوه محد علق على الاقل الله يعينك اذا ماكنتوا تعرفون شي

[حمد 2002]

بالتوفيق اخوي ، انشاءالله يفيدونك الاخوان

[king999]

السلام عليكم

توني مستلم خرايط الفيلا ( بيت العمر ) وعندي كم سؤال ؟


شرايكم في شركه بن مقلد وشركة بن براك

ابي ابني بس عظم بس شنهي الشروط الي اتفق مع المقاول عليها

اذا كنت ابي اغير في ارتفاع الملاحق والبنت هاوس اقدر عادي مع المقاول بدون ماارجع للبلدية

كم سعر الفيلا العظم في السوق

ابي نصائحكم لي قبل مااسوي اي شئ



ارحب يا شاة بندر
بخصوص المقاولين اللي ذكرتهم ما سمعت عنهم

بالنسبة للشروط العظم حاول يكون الحديد المغلف(الاخضر) خصوصا القواعد اللي تحت

الطابوق يكون الاحمر +تمديدات الكهرباء (البيب الابيض) طبعا بدون اسلاك يعني بعد العظم تجيب كهربائي يسلك لك البيت واذا سعر المقاول حلو ومواصفاتة زين خلة يسوي لك ياة +البيارة الخارجية +تمديدات الصرف الصحي الخارجي+البلاستر داخلي وخارجي +السور

واتمنى من الاخوان اذا فية زيادة عندهم يذكرونها

بخصوص الارتفاع عااااااااااادي بينك وبين المقاول


وموفق

بس لاخلص البيت لاتنسانا من عشاء البيت:nice:

[aljar]

السلام عليكم انا لفت انتباهي رد اخوي كنق 999 خاصه موضوع الحديد الاخضر انا ابني من اكثر من 11 سنه والحمدالله خبرتي زينه وبالنسبه للحديد الاخضر ابعد عنه لان مايمسك مضبوط فالصبية ومؤسسة قطرللبترول منعت استخدامه وانا جربت بنفسي وجدام عيني احسن لك الحديد العادي والقطري وبالنسبة لموضوع السعر يختلف على حسب تصميم الفله يعني اذا فيها لفات واشكال طبعا بتكون اغلا واذا عادية يكون سعرها معقول وبعد على حسب كميات المواد وسعرها فالسوق وابعد عن الرخيص ولاتقول بوفر كمن الف وتالي تدفع دم قلبك على التصليحات والاتفاق على العظم انواع في مع البلاستر وبدون البلاستر واذا انك مالك خبره فالبنيان انا انصحك اتحط استشاري يتابع لك مراحل البناء والموادالداخله فالبنيان هذا مجرد راي وبالنسبة للشركات الي ذكرتها ماعرف شي عنهم والله يوفقك ويعينك

[قطري قديم]

مرحبا اخوي شاه بندر الله يوفقك في بيت العمر وجعله منزلا عامر الشباب ماقصروا بس ياخوي انا انصحك لقواعد البيت بالحديد الاخضر وبيبات الماي البي بي ار واذا بتبني عظم خل المقاول يبيني لك عظم وانت شطب براحتك او انت جيب مواد التشطيبات مثل اعزك الله الحمامات والارضيات وواي شي تبيه واتفق مع المقاول التركيب عليه وانا انصحك خل الكهرباء والماي عن طريق المقاول عشان ماتضيع الحسبه عشان بكرة لاقدر الله صار عندك شي في الكهرباء ولا الماي موب تروح للكهربائي يقولك غلط المقاول وتروح للمقاول يقولك من الكهربائي واي شي انا حاضر تراني مقاول .

[khaldoon]

ارحب يا شاة بندر
بخصوص المقاولين اللي ذكرتهم ما سمعت عنهم

بالنسبة للشروط العظم حاول يكون الحديد المغلف(الاخضر) خصوصا القواعد اللي تحت

ما انصحك فيه

من افضل انواع الحديد هو الحديد القطري العادي

افضل من استعمال حديد الايبوكسي واللي يستخدم للخرسانه الموجوده تحت سطح الارض بسبب الرطوبه و الماء

يعني ركب حديد عادي و تأكد انه المسافه بين وجه الخرسانه و اقرب سيخ حديد هي 75 ملم كحد ادنى في جميع اوجه الخرسانه (قواعد/ جسور ارضيه/ رقاب اعمده) يعني الجوانب و من فوق و تحت و ان شاء الله امورك طيبه وما في اي مشاكل


خذ الحديد القطري الاسود و ابتعد عن الايبوكسي لان الايبوكسي سيتعرض لاماكن الثني فيه و بتروح طبقة العزل الخضراء يعني بيصير في طبقة العزل ثقوب بيدخل منها الماء و بيسمح بصدأ الحديد من الداخل و بتلاقيه اخضر و بحالة جيده من الخارج

اضف الى ذلك انك مع كل سيخ حديد ستقوم بتقطيعه لابد من ان يدهن الطرف المقطوع من الجهتين و الا ما فائده انه الحديد معزول على طوله و غير معزول اماكن القطع يعني بيصير الحديد معزول في امكان و متروك في اماكن اخرى فشوف مين المقاول اللي بيحط عمال بيدهنوا اماكن قطع الحديد للاسقف و الجسور و القواعد...بتكون عملية الدهان مثل الرسم و ليس الدهان و شوف مين الحداد اللي بيفهم و مستعد يخلي حدادين من عنده كل ما قطع سيخ حديد تلاقي واحد وظيفته يدهن السيخ من جهتين و بعد تركيب و ثني الحديد و نقله و سحبه بيقوم بعمل جوله على الحديد و بيدهن اماكن الثني خصوصا انه بيصير في اماكن لا يمكن الوصول لها ...لو حصلت مقاول يسوي هالشي فعلا ولو حصلت استشاري يشيك على هالشي فدلني عليهما لو سمحت



الطابوق يكون الاحمر

اخوي يفضل الطابوق الاسمنتي سواء اللي في عازل او بدون عازل

وموفق
nice:


السلام عليكم انا لفت انتباهي رد اخوي كنق 999 خاصه موضوع الحديد الاخضر انا ابني من اكثر من 11 سنه والحمدالله خبرتي زينه وبالنسبه للحديد الاخضر ابعد عنه لان مايمسك مضبوط فالصبية ومؤسسة قطرللبترول منعت استخدامه وانا جربت بنفسي وجدام عيني احسن لك الحديد العادي والقطري

اتفق معاك

[مضارب دوسري]

اخوي اذا بيتك صندوق
يعني مربع
انصحك انك تشوف لك مقاول مايزيد سعره عن 900-950 ويكون مجرب وامين
وخلص معاه البلاستر الداخلي والخارجي والبياره والسور والصبغ الاساسي
وانصحك انك تتعاقد مع بيب فيتر وكهربائي في نفس وقت عمل المقاول
والافضل تختار مجمع الكهربا ماركة سيمنز لان ماركة ام اي ام في منها الماليزي وفي منها الانجليزي
وسيمنز انجليزي وتقنيات جديده

انا اتفقت مع مقاول قاعد يبني لرفيجي عظم بلاستر والمجاري الرئيسيه مع السور والصبغ الاساسي ب 95 ريال عن المتر
والافضل يكون المقاول والعاملين هنووووووووود مب عرب لان العرب ماوراهم الا المشاكل والاستغلال
المقاول الهندي كان امين معاي وقالي اسعار مواد البناء لبيتك كامله ب 700-750 ريال عن المتر
وربحه معاي 200

[مضارب دوسري]

http://www.qatarshares.com/vb/showth...=460233&page=2

اخوي انصحك بالعقد الملحق في مشاركة اخوي كبير المتداولين
بصراحه والله يشهد انه عقد ملزم ويعطيك كافة حقوقك
عرضته على كذا مقاول ورفض يوقع عليه لانه ملزم ولكن فالاخير لقيت مقاول ووافق عليه ووقع
يعني باختصار اللي ناوي ينصب عليك مستحيل يوقع عليه مايوقع عليه الا مقاول امين

واشكر اخوي كبير المتداولين على هذا العقد

[aljar]

يعطيك العافيه اخوي خلدون على التوضيح وبالنسبه لكلام الدوسري انا اتفق معاك بخصوص العمال لكن الاهم الشغل والمهندس وعلى العموم العقد الذي ذكرته بصراحه عقد ممتاز بس عليه بعض الملاحظات يحفظ حقك نعم لكن حق المقاول وينه على سبيل المثال ليش يتحمل تقلب اسعار مواد البناء الي اعرفه ان المقاول ممكن يتحمل ارتفاع ونزول الاسعار في حدود ال5% بالعربي خلك حقاني اشوي راح تتعب لين تلقى مقاول يوقع على العقد وخصوصا مقاول زين بيقول ليش اعور راسي من البداية وفي ناس يبون يبنون وصج يعورون راس المقول و يتهربون من الدفعات ويبي يبني قصر فرساي ويبي المتر ب 900 ويقول بيتي عادي ومشاكل البنيان واجد

شاه بندر مر على اكثر من مقاول وخذ اكثر من سعر وبتعرف تقريبا الاسعار وتتراوح بين 900 الى 1200 للعظم معنه الاسعار ماتتحدد بالمتر لكن على حسب الخرائط واحذرررررررك من الرخيييييييييييييييييص بتتعب وبالتوفيق للجميع

[مضارب دوسري]

اخوي
حق المقاول محفوظ بالعقد ولكن اذا راح اخليها مفتوحه واني اتحمل جزء من تقلب اسعار البناء معناه بفتح باب للاستغلال ومثل ما انت عارف اغلب الشركات تشتري الكميات قبل وقت البناء وتحفظها في مخازن ماعدا الحديد

وعند اهل قطر خاصيه غريبه وعجيبه
ان ممكن يرضى ان احد يبني له ب 1100 والاخرين يبنون ب 900 ويجي يقولك الرخيص ابتعد عنه !
لا اخوي هذا غلط
سواء بنى ب 900 او ب 1100 اهم شي سمعة المقاول ويكون مجرب عند شخص يعرفه هذا هو المطلوب
مب معنى ان واحد يبي يريح راسه ان يدور على الغالي
الغالي والرخيص ترى في كل هالحالات هامش الربح اما المواد متشابهه عند الاثنين
ولا تنسى ان هناك استشاري مشرف

[قطري قديم]

اخوي مضارب دوسري ابدعت بصراحه كفيت ووفيت بخصوص الاسعار بس انا باكسر لك حاجز السعر من ال 1100 الي 900 انا من 800 الي 930 عظم وشوف مشاريعي علي ارض الواقع اولا .

[aljar]

مضارب على راحتك اخوي افلوسك فجيبك وتقدر اتسوي الي تبيه هو مجرد راي
اخوي قطري الله يوفقك ويرزقك بس ارجع اقولك الموضوع مب بالمتر بالكميات والشغل بس 800 سعر يخوف ؟؟؟

[شاه بندر]

السلام عليكم

مشكورين على المرور وعلى هذي الاراء

انشالله اليوم بمرعلى شركه وباحط كلامكم في عين الاعتبار لاني الصراحه استفدت منها