هل سمعت بهذه الأسماء وهل تعرفها

[الكولونيل]

ماركوني أميرال

لورانس

سباستيان

كاسولا

كواسي

فابيو سيزار

إنهم ليسوا أبطال فلم هوليوودي

إنهم لاعبوا منتخبنا الوطني منتخب قطر

[آخر حبه]

نزين ادري انهم لاعبين المنتخب من خمس سنوات

شلموضوع زين ..؟؟

[الكولونيل]

شي أكبر من مستواك إنك تعرفه

بعدين إكتب الإملاء صح وبعدها رد علي

[آخر حبه]

اشدخل مستواي في الموضوع بكبره او مستواك

اقدر ارد عليك وفحمك انت وموضوعك الي كاتبه

بس ببين لك ان مستواي اكبر منك ومن موضوعك وسلم على ربعك الي كاتب اساميهم ^_^

[ظل القمر]

لاعبيين اجانب عرض عليهم تمثيل منتخب ما
وهذا العرض اتى من اصحاب القرار والشان
بالتالي العيب يلصق في جبين اصحاب القرار وليست الاسماء المذكورة

[الكولونيل]

أنا كاتب موضوع ويمكن إني عندي وجهة نظر

إذا عندك راي مخالف ياكبتشينو قول هالراي

وإذا تبي تستفسر بعد راح أفهمك

أما إنك بتدخل عرض وبتسفه بكلام الناس هذا الامر مب صحيح

وإذا تقول إنهم ربعي أنا ماعندي مشكلة إنهم يكونون ربعي هذولا لاعبي منتخبنا

ونعم بهم

[الكولونيل]

لاعبيين اجانب عرض عليهم تمثيل منتخب ما
وهذا العرض اتى من اصحاب القرار والشان
بالتالي العيب يلصق في جبين اصحاب القرار وليست الاسماء المذكورة
كلامك جميل إحنا نبي نتناقش في هالأمر هل هذا الأمر صحيح أو خطأ مناسب أو غير مناسب هل وجودهم راح يرفع مستوى المنتخب
ومش القصد الطعن في هؤلاء اللاعبين

[رُفق المجنّا]

هذولا بجيبون كأس العالم في 2022

ثبّتني :tease:

[الكولونيل]

هذولا بجيبون كأس العالم في 2022

ثبّتني :tease:

كاس العالم صعب إنهم يجيبونه

بس أكيد بيوصلون للمباراة النهائية

[بوسلمان 2010]

والله الي شاف المبارة امس مع المنتخب البحريني الشقيق ودك اشغلهم رعيان احسن لهم ولنا امس في ذمتك


هذا لعب منتخب والاعذار ابشرك موجودة الاصابات ولا المدرب ماتأقلم مع الشباب هذا الحاصل للاسف

[الكولونيل]

والله الي شاف المبارة امس مع المنتخب البحريني الشقيق ودك اشغلهم رعيان احسن لهم ولنا امس في ذمتك


هذا لعب منتخب والاعذار ابشرك موجودة الاصابات ولا المدرب ماتأقلم مع الشباب هذا الحاصل للاسف
وبعد الجو حار ورطوبة

[بن رومي]

نحن مسلمين

والمفروض علينا وعلى المسؤولين

اشغال وقتنا في المفيد سواء مفيد لنا او للأمة الإسلامية

والصراحة انا اشوفها من (( سفاسف الأمور ))

التي تشغل نسبة من المسلمين


وتقبلو نقدي بسعة صدر

بن رومي

[آخر حبه]

كلامك جميل إحنا نبي نتناقش في هالأمر هل هذا الأمر صحيح أو خطأ مناسب أو غير مناسب هل وجودهم راح يرفع مستوى المنتخب
ومش القصد الطعن في هؤلاء اللاعبين

ياخي الكريم لاتستخف بعقولنا وتتقلب مره مؤيد ومره معارض على اللعيبه

واضح انك فاتح الموضوع وفيه نوع من السخريه هوليووودي ومب هوليووودي

اذا قصدك ان تجنيس اللعيبه صح ولا خطاء .. اجزم لك ان كل اهل قطر معارضين ومب راضين

بس القرار بيد المسؤلين مب بيدنا

ومب كل مالعب المنتخب نفتح الف موضوع عن اللعيبه .. ترى منتخبنا مجنس اللا عبين

من 7 سنين للعلم اذا كنت ماتابع كوره يعني

[الكولونيل]

نحن مسلمين

والمفروض علينا وعلى المسؤولين

اشغال وقتنا في المفيد سواء مفيد لنا او للأمة الإسلامية

والصراحة انا اشوفها من (( سفاسف الأمور ))

التي تشغل نسبة من المسلمين


وتقبلو نقدي بسعة صدر


بن رومي

بالعكس يابن رومي كل شخص ممكن يقول رأيه بكل أريحية وعلى الآخرين تقبل هذا الرأي واحترامه حتى لو كان مخالف لأرائهم ويكفي أسلوبك الراقي في الرد وكلامك في الأصل هو الصحيح لكن الدنيا صايرة في ها الإتجاه وكلن يلحقها نسال الله السلامة تحياتي لك

[آخر حبه]

نحن مسلمين

والمفروض علينا وعلى المسؤولين

اشغال وقتنا في المفيد سواء مفيد لنا او للأمة الإسلامية

والصراحة انا اشوفها من (( سفاسف الأمور ))

التي تشغل نسبة من المسلمين


وتقبلو نقدي بسعة صدر





بن رومي


ياصـدقــك ويسلم منطوقـــك :)

[الكولونيل]

أخونا كبتشينو لأتأخذ في خاطرك
وآسفين إذا ماردينا عليك باسلوب زين
السمووووووحة منك

[آخر حبه]

أخونا كبتشينو لأتأخذ في خاطرك
وآسفين إذا ماردينا عليك باسلوب زين
السمووووووحة منك

فديت خشمك والله مافي خاطري الا كل زززين

[الكولونيل]

فديت خشمك والله مافي خاطري الا كل زززين

إرحم الله والديك

[R 7 A L]

تبي الصراحة
اللعيبة القطريين ما ( ترسوا) عيون المسئولين

[الكولونيل]

تبي الصراحة
اللعيبة القطريين ما ( ترسوا) عيون المسئولين
طيب أخوي r7al
الأرض اللي قدرت تطلع منصور مفتاح وإبراهيم خلفان ومبارك عنبر وخالد بلان وخالد سلمان ومحمد دهام ومبارك مصطفى وعادل خميس ومحمود صوفي ومحمد سالم العنزي ويونس أحمد

معقولة هالأرض بعد مرور 30 سنة مش قادرة تطلع لعيبة قطريين

وعددنا صار ثلاث أضعاف تلك الفترة

[R 7 A L]

طيب أخوي r7al
الأرض اللي قدرت تطلع منصور مفتاح وإبراهيم خلفان ومبارك عنبر وخالد بلان وخالد سلمان ومحمد دهام ومبارك مصطفى وعادل خميس ومحمود صوفي ومحمد سالم العنزي ويونس أحمد

معقولة هالأرض بعد مرور 30 سنة مش قادرة تطلع لعيبة قطريين

وعددنا صار ثلاث أضعاف تلك الفترة




طلعت
ولكن يبقى الرأي لاصحاب القرار

للحين هم غير مقتنعين بهم

[الكولونيل]

طلعت
ولكن يبقى الرأي لاصحاب القرار

للحين هم غير مقتنعين بهم

ويبقى الوضع على ماهو عليه

[£عبدالعزيز£]

مرحلة مؤقتة

المنتخب الاولمبي كله قطريين

وعلى فكرة الموضوع مكانه غلط المفروض ينحط فالقسم الرياضي

[khaleeji]

للمسؤولين عن التجنيس

الحين كل ما واجهت حد برا وسالني جنستوا لعيبه من جميع العالم ولا حققتوا ولا انجاز ،،،،،شاقوله؟؟

[زئير الاسد]

دام ان هاللعيبه مافادوونا بشي ، ليش مايتركونهم ، ويخلون الاعبين المواطنين بدالهم ، ان تحسن المنتخب وخير وبركه ، ماتحسن على الاقل حال المنتخب يكون افضل ووبننتظرهم لين مايشدون حيلهم ، لانهم عيال البلد

[BoAzozz]

للمسؤولين عن التجنيس

الحين كل ما واجهت حد برا وسالني جنستوا لعيبه من جميع العالم ولا حققتوا ولا انجاز ،،،،،شاقوله؟؟

عقول مريضه وانا اخوك

هذا المنتخب يفشل بكل المقاييس

صراحه لو يخلونه كللللله قطريين ويكون ترتيبهم الاخير على العالم انا بعتز فيه .. وبتشرف فيه في كل مكان حتى المدرب يكون قطررررري

هذا المنتخب فوق انه سكراااب وتجميع من كل مكان .... فاشل بالمقارنه مع الاداء

وبعدين هذا الحال لا من يوم ولا من يومين هذا الفشل من سنين .. اعتقد واحد من الاخوان ذكر انه من 7 سنوات .. زين وين الرقابه على الملااااايين الي انصرف وتصرف وبتنصرف على خطه فاشله؟؟

في نقطه محد ذكرها .. ياخي هذا التجنيس زاد عن حده ويعتبر تلاعب او تحايل على القانون يعني على بلاطه غششششششش .. ويا ليت فادهم الغش

ويعذرني الاخ الي قال ان هذا المنتخب من الاكيد انه بيوصل المباراه النهائيه لكاس العالم 2022 .. جد جد ضحكتني

تسلم اخوي كاتب الموضوع
للعلم كل الاسماء الي ذكرتها ما اعرفها ولا ابي اعرفها .. لا استوى عندنا منتخب قطري وطني اسم على مسمى .. لعيبه واداره ومدرب ذاك الوقت بحفظ اساميهم وبشجعهم وين ما راحو

تحياتي

[الجسراوي]

اللي قاعد يصير عندنا بالرياضه عموما في دول الخليج انا اصدقه لان احنا دول العالم الثالث يعني محكومين يعني مسيرين يعني مش مهم رأيك

الرياضه لهم وهم احرار فيها اي كوره يشترونها واي كوره يشوتونها

هع

[بوجواهر]

الله يستر من مباراة ايران يوم الثلاثاء
المنتخب مابه جديد الا المدرب , نفس المستوى ونفس الاخفاقات ونفس الاتحاد
وين الخلل مايندرى , الدوله مو مقصره من الناحيه الماديه , وكل سنه من سيء الى اسوء .


الله يستر بس :weeping:

[بـــــــنت النوخـّــــذه]

ماركوني أميرال

لورانس

سباستيان

كاسولا

كواسي

فابيو سيزار

إنهم ليسوا أبطال فلم هوليوودي

إنهم لاعبوا منتخبنا الوطني منتخب قطر

سؤال
هذولي حد فيهم عنده جواز قطري
فيلا
تأمين صحي
وغيره

سؤال فضول بس :)

[R 7 A L]

سؤال
هذولي حد فيهم عنده جواز قطري
فيلا
تأمين صحي
وغيره

سؤال فضول بس :)


عندهم الى اغلاء من هذي كلها بالنسبة لنا
عندهم انهم يلبسون شعار العنابي
وعندهم انهم يمثلوني ويمثلونك ويمثلون كل قطري
في مجال كره القدم على مستوى الكورة الأرضية

[الجوكر90]

للمسؤولين عن التجنيس

الحين كل ما واجهت حد برا وسالني جنستوا لعيبه من جميع العالم ولا حققتوا ولا انجاز ،،،،،شاقوله؟؟

عادي قوله الشيوخ المعروفين هم اذا عجبهم لاعب دخلوه غصب
واذا ماعجبهم حتى فالنادي يقعد ع الدكه

ياخي اي انسان عاقل وفاهم فالكوره ماراح يسوي جي

يعني فوساتي شلوه لان مايحب اي حد يدخل فالتشكيله
بعدها ميتسو يموت ع الفلوس عادي عنده ويوم ماسوا شي شلوه وجابو ميكي لان ماسمع كلامهم تم 3 شهور وقبضوه الباب
بس وين العقل انك تشيل ميكي وتجيب واحد نفسه مايسمع الكلام
لازاروني قدم استقالته عشان مايدخلون فالتشكيله وشكلهم سكتوه وقالوا له خلاص ماراح ندخل
والي يبهر زياده ان اتوري مدرب الاولمبي
يعني كلهم نفس الشي مافي امل يخلونك تدخل فالتشكيله واللعيبه

هذيل عندهم منطق معين
انت شيخ ع نفسك وع شعبك مب علي انا
انا محترف واشتغل شغلي ماتبيني ادور لي مكان ثاني

يعني خل رئيس الاتحاد يستقيل والشيوخ يتركون الكوره راح تحصل منتخبنا من الاوائل

[الجوكر90]

سؤال
هذولي حد فيهم عنده جواز قطري
فيلا
تأمين صحي
وغيره

سؤال فضول بس :)

جواز مهمات
وبيت
وتامين له وزوجته وعياله
وسياره
والراتب مب اكيد لان هو ياخذ راتب من النادي
واذا يلعب للمنتخب راح يفيد نفسه
لان اي لاعب مثلا سباستيان
اورجواني بس مستحيل يلعب فمنتخبهم بس اذا لعب فمنتخب قطر يمكن يطور لعبه ويحترف برع

[غير عنهم]

معليش ياصاحب الموضوع ذكرتي في المنتخب ..
سلام ياتحاد الكره اذ تبي اتفوز على ايران يوم الثلاثاء مافيه الا تجيب محمد العماري وعبدالله مبارك لقيادة المنتخب ويكون لازاروني متابع من بعيد حتى يستطيع يثبت على تشكيلة متجانسه للمنتخب

[بـــــــنت النوخـّــــذه]

عندهم الى اغلاء من هذي كلها بالنسبة لنا
عندهم انهم يلبسون شعار العنابي
وعندهم انهم يمثلوني ويمثلونك ويمثلون كل قطريفي مجال كره القدم على مستوى الكورة الأرضية

اهههههههههههه نستفيد منهم اي اما تمثيل !!!!
لا والله مايشرفوني انهم يمثلوني انا الي يمثلني يكون من ديرتي ومن ديانتي وبس

واشكر من اقتبس ردي وجاوب على تسائلاتي ومنكم نستفيد 00 اخوي الجوكر شكرا" على الاجابه

وشكرا"

[R 7 A L]

اهههههههههههه نستفيد منهم اي اما تمثيل !!!!
لا والله مايشرفوني انهم يمثلوني انا الي يمثلني يكون من ديرتي ومن ديانتي وبس

واشكر من اقتبس ردي وجاوب على تسائلاتي ومنكم نستفيد 00 اخوي الجوكر شكرا" على الاجابه

وشكرا"



هذا الواقع الله يرضى عليك
رضينا ولا مارضينا
اذا انذكر المنتخب القطري برا اول مايذكرون هالاسماء اما غيرهم مالهم نصيب :tease:

[فقيه زمانه]

والله حال الكورة يعور القلب الى متى التجربة اثبتت فشله الذريع نبي نسمع اسامي حد من هل قطر في المنتخب صار من ضرب من المستحيلات ، يا ناس حرام صار لهم اكثر من اربع سنوات ولين الحين ما يعرفون النشيد الوطني كل واحد ماد بوزه او ساكت ، المفروض يعطون كل واحد علوج يتعلجه عند النشيد الوطني حفاظاً على ماء الوجه او ماضنتي بقى ماي .

[قطر دزاين]

خله يطلع الحين من تصفيات معا البحرين لعب حواري
ويبي يوصل بعد انا اعتقد ما يوصل وله مباره معا ايران لازم يفوز ولا راح فيها

التجنيس هم يشفونه انه بينفع المنتخب وانا اشوق قضى على المنتخب وشباب قطر اللي ما يبرز نجم حطوه في دكه الاحتياط لين يصيدة احباط

قلنا جنسو بس جيبو شباب يلعب للمنتخب اقل شي 10 سنوات اما جيب لي لعب بعد ما احذفه منتخبه وناديه وتجنسه هذا اكبر خطاء وها اللعيبه اللي ذكرتهم بيكنون مخرفين في 2022 يعني ما عنده شي يقدمه اين البديل؟

[feva qatar]

ماركوني أميرال

لورانس

سباستيان

كاسولا

كواسي

فابيو سيزار

إنهم ليسوا أبطال فلم هوليوودي

إنهم لاعبوا منتخبنا الوطني منتخب قطر

والله هالموضوع مئرررقني من فترة طووويلة ورافع ضغط ثلاث ارباع الجمهور الرياضي في قطر تدري ليه ؟؟
لان فوق التجنيس والملالالاين المدفوعه لهاللاجانب مافي انجازات الا بطلعت الروح
ومن خسارة لي خسارة العن من اللي قبلهاا
فلووس رايحة على الفاضي ومافي اي تطور في مستوى منتخبناا
ترا نص الدول الافريقية والامريكية الجنوبية امكانياتها المادية تكاد تكون معدومة بالمقارنة مع صرف الدولة على الكرة عندنا لكن شف مستواهم ومستوى منتخبنا ..
العيب الاساسي والرئيسي في اتحاد الكرة .. متى بشوف ريئس للاتحاد يكون لاعب سابق ؟؟ ليه يوظفون ناس مالهم فالكورة الا شغلات ادارية ؟؟
عالاقل وظفو انسان غيووور على سمعت منتخبنا نبي ماجد الخليفي مثلا ...
ووين الشيخ جاسم ؟؟ مب يقولون هو الراعي الاساسي للكرة القطرية ؟؟ نبي نشوف له موقف من هالموضوع ..
لنا سنين وسنين وسنين واحنى نتكلم ومحد يسمعناا ..يخي حتى فالكورة محد مهتم براينا ؟؟ لهالدرجة احنى جمهور وشعب ماله اي كلمة ؟؟
يقيلون مدرب ويجيبون مدرب بمئات الملاين .. والمستوى في تراجع ؟ مافي حد عندة عقلية ويفهم ان البلا مب فالمدربين ؟ البلا فالاجانب الي ماعندهم ولاء الا للدولارات

:(

[ريتويت]

وناسه

[الكولونيل]

والله هالموضوع مئرررقني من فترة طووويلة ورافع ضغط ثلاث ارباع الجمهور الرياضي في قطر تدري ليه ؟؟
لان فوق التجنيس والملالالاين المدفوعه لهاللاجانب مافي انجازات الا بطلعت الروح
ومن خسارة لي خسارة العن من اللي قبلهاا
فلووس رايحة على الفاضي ومافي اي تطور في مستوى منتخبناا
ترا نص الدول الافريقية والامريكية الجنوبية امكانياتها المادية تكاد تكون معدومة بالمقارنة مع صرف الدولة على الكرة عندنا لكن شف مستواهم ومستوى منتخبنا ..

العيب الاساسي والرئيسي في اتحاد الكرة .. متى بشوف ريئس للاتحاد يكون لاعب سابق ؟؟ ليه يوظفون ناس مالهم فالكورة الا شغلات ادارية ؟؟
عالاقل وظفو انسان غيووور على سمعت منتخبنا نبي ماجد الخليفي مثلا ...
ووين الشيخ جاسم ؟؟ مب يقولون هو الراعي الاساسي للكرة القطرية ؟؟ نبي نشوف له موقف من هالموضوع ..
لنا سنين وسنين وسنين واحنى نتكلم ومحد يسمعناا ..يخي حتى فالكورة محد مهتم براينا ؟؟ لهالدرجة احنى جمهور وشعب ماله اي كلمة ؟؟
يقيلون مدرب ويجيبون مدرب بمئات الملاين .. والمستوى في تراجع ؟ مافي حد عندة عقلية ويفهم ان البلا مب فالمدربين ؟ البلا فالاجانب الي ماعندهم ولاء الا للدولارات


:(

المشكلة إن المدرب اللي قبله إسمه ميكي

قاعدين في وورلد ديزني

خذ له كم مليون دولار أو يورو وذلف واحنا متقطعة قلوبنا

المشكلة أخوي لاحسيب ولارقيب

[الكولونيل]

عندهم الى اغلاء من هذي كلها بالنسبة لنا
عندهم انهم يلبسون شعار العنابي
وعندهم انهم يمثلوني ويمثلونك ويمثلون كل قطري
في مجال كره القدم على مستوى الكورة الأرضية
هاللاعبين مايعرفون الله يسلمك شعار وولاء

يعرفون الكاش وبس

[الكولونيل]

جواز مهمات
وبيت
وتامين له وزوجته وعياله
وسياره
والراتب مب اكيد لان هو ياخذ راتب من النادي
واذا يلعب للمنتخب راح يفيد نفسه
لان اي لاعب مثلا سباستيان
اورجواني بس مستحيل يلعب فمنتخبهم بس اذا لعب فمنتخب قطر يمكن يطور لعبه ويحترف برع

الجوازات أصلية الإتحاد الدولي مايرضى لازم الجواز يكون أصلي

ولهم رواتب ومكافآت كبيرة وبدل تمثيل في المنتخب

[feva qatar]

الجوازات أصلية الإتحاد الدولي مايرضى لازم الجواز يكون أصلي

ولهم رواتب ومكافآت كبيرة وبدل تمثيل في المنتخب

لا مو شرط الجوازات اصلية عشان الاتحاد الدولي
عندك فهد العنزي لاعب منتخب الكويت ( بدون ) يلعب بجواز مهمات برا ولما يرجع لبلادة يسحبون الجواز

[عليه العوض]

يا منتخبنا انت املنا ولونك علمنا يا منتخبنا الغالي
سلم عليا سلم لما جفاني سلم عليا سلم

[مخطط قطري]

زين السؤال الحين صارلنا 20 سنه واحنا نتكلم في موضوع التجنيس والاعبين الي مايشرفونا يشلون شعار العنابي لانه الي يشله لازم يقاتل عشانه سواء قطري اصلي ولا مجنس
اشوف الموضوع عادي يخفق المنتخب ورئيس الاتحاد يصر على وجود المدرب وانه هو مش السبب
وتبدل الكراسي ويبقى منتخبنا الضحيه والاخفاقات تتواصل
يعني 2022 ضمنا بطاقه التاهل لانه البطوله على ارضنا
باقي عندنا فرصتين 2014 و2018 انا احنا ندش تصفيات كاس العالم على بمجهودنا وعلى الاقل المليارات الي نصرفت في الرياضه رجعت بالاخير علينا
2014 متفائل خير بس لو شخص في بالي يشل يده من الكوره احنا بخير من دش والكوره معتفسه عندنا وتخبط واضح
ولانفوز بااي بطوله ولا كاس الا اذا البطوله في بلادنا مادري شسر يعني لين الحين ماقدرت احل هالمعادله الصعبه
خليجي 11 وخليجي 17 واسياد 2006
اشكرك على طرحك الموضوع يالكولونيل والرساله وصلت:)

[الكولونيل]

زين السؤال الحين صارلنا 20 سنه واحنا نتكلم في موضوع التجنيس والاعبين الي مايشرفونا يشلون شعار العنابي لانه الي يشله لازم يقاتل عشانه سواء قطري اصلي ولا مجنس
اشوف الموضوع عادي يخفق المنتخب ورئيس الاتحاد يصر على وجود المدرب وانه هو مش السبب
وتبدل الكراسي ويبقى منتخبنا الضحيه والاخفاقات تتواصل
يعني 2022 ضمنا بطاقه التاهل لانه البطوله على ارضنا
باقي عندنا فرصتين 2014 و2018 انا احنا ندش تصفيات كاس العالم على بمجهودنا وعلى الاقل المليارات الي نصرفت في الرياضه رجعت بالاخير علينا
2014 متفائل خير بس لو شخص في بالي يشل يده من الكوره احنا بخير من دش والكوره معتفسه عندنا وتخبط واضح


ولانفوز بااي بطوله ولا كاس الا اذا البطوله في بلادنا مادري شسر يعني لين الحين ماقدرت احل هالمعادله الصعبه
خليجي 11 وخليجي 17 واسياد 2006
اشكرك على طرحك الموضوع يالكولونيل والرساله وصلت:)

العفو أخوي وشكراً على مداخلتك
ورسالتك وصلت :telephone:
هههههههه

[بوحارب]

منتخب فاشل

[الكولونيل]

منتخب فاشل
حق عوار القلب وبس

[الخزرجي قطر]

ان لست من المهتمين في كرة القدم
الله يوفق الجميع ان شاالله

[kuwari]

اللاعبين القطريين محدودين والموجودين اجانب والأسامي اللي فرق أنهم مش عرب وحتى انجازات قطر سابقا من اجانب ولا نسينا صوفي والجماعة وارجوا أن الموضوع يتصكر لان ما بنقدم شي الا حراق يوف ولوعة

[khaleeji]

الجوازات أصلية الإتحاد الدولي مايرضى لازم الجواز يكون أصلي

ولهم رواتب ومكافآت كبيرة وبدل تمثيل في المنتخب

اي مهمات انا صاف ورا عبدالله كوني يوم قرعة اراضي الوسيل :nice:

[نوفا91]

الكولونيل ترى حتى انا اعرفهم
:)
ههههههههههههههههههههه

[حليتان*]

ليش ما تلعبون انتو فالمنتخب !!!


بتقولون في لعيبه قطرين !! وينهم ؟؟ من هم ؟؟

[بـارود]

في الأخير يقولون ليش الجمهور مايحضر ؟
والله مصخرة ما بعدها مصخرة :anger1:

[الكولونيل]

الكولونيل ترى حتى انا اعرفهم
:)
ههههههههههههههههههههه

إنتي أكيد تعرفينهم

أحمدووووووووه مايخش شي عنك

[الكولونيل]

ليش ما تلعبون انتو فالمنتخب !!!


بتقولون في لعيبه قطرين !! وينهم ؟؟ من هم ؟؟

قصدك تقول من أنتم

إحنا ممكن نلعب بس ماعندنا حارس

إذا تعرف تلعب حارس

في لعيبة قطريين وإذا مافي هذا شغل المسئولين

[حسن]

ليش ما تلعبون انتو فالمنتخب !!!


بتقولون في لعيبه قطرين !! وينهم ؟؟ من هم ؟؟

يا اماف عندك عبود في الخور وعبدالرزاق اخبرهم لعيبه :victory:

[Sari]

زين السؤال الحين صارلنا 20 سنه واحنا نتكلم في موضوع التجنيس والاعبين الي مايشرفونا يشلون شعار العنابي لانه الي يشله لازم يقاتل عشانه سواء قطري اصلي ولا مجنس
اشوف الموضوع عادي يخفق المنتخب ورئيس الاتحاد يصر على وجود المدرب وانه هو مش السبب
وتبدل الكراسي ويبقى منتخبنا الضحيه والاخفاقات تتواصل
يعني 2022 ضمنا بطاقه التاهل لانه البطوله على ارضنا
باقي عندنا فرصتين 2014 و2018 انا احنا ندش تصفيات كاس العالم على بمجهودنا وعلى الاقل المليارات الي نصرفت في الرياضه رجعت بالاخير علينا
2014 متفائل خير بس لو شخص في بالي يشل يده من الكوره احنا بخير من دش والكوره معتفسه عندنا وتخبط واضح
ولانفوز بااي بطوله ولا كاس الا اذا البطوله في بلادنا مادري شسر يعني لين الحين ماقدرت احل هالمعادله الصعبه
خليجي 11 وخليجي 17 واسياد 2006
اشكرك على طرحك الموضوع يالكولونيل والرساله وصلت:)

لا وابشرك البطولات الي فزنا فيها بدون اجانب

العلة في التجنيس بس من يسمع!

[نوفا91]

إنتي أكيد تعرفينهم

أحمدووووووووه مايخش شي عنك

احمدوووه الله يذكره بالخير مادري عيد معانا والا لا :weeping:

[الحياة الخالدة]

احمدوووه الله يذكره بالخير مادري عيد معانا والا لا :weeping:


الله يذكــــــــره بالخير :(

يقولون يمكن يمكن يفرجون عنه العيد الياي :(

[نوفا91]

:rolleyes=الحياة الخالدة;7586842]

الله يذكــــــــره بالخير :(

يقولون يمكن يمكن يفرجون عنه العيد الياي :([/QUOTE]

انا اشوف ان احمدوووه اهم من هالاسما ء:victory:
نغير المسار ونبتدي ببطولاته بس بيزعل اخونا لان الموضوع بينحذف

[الحياة الخالدة]

:rolleyes=الحياة الخالدة;7586842]

الله يذكــــــــره بالخير :(

يقولون يمكن يمكن يفرجون عنه العيد الياي :(

انا اشوف ان احمدوووه اهم من هالاسما ء:victory:
نغير المسار ونبتدي ببطولاته بس بيزعل اخونا لان الموضوع بينحذف [/QUOTE]


صج إنه أهم .. بس ويهـــــه نحس .. و أكيد بينحذف الموضوع

لذلك خلينا في سالفة منتخبنا المتألــــــــق .. :)

[النائب]

هذه الأسماء هي سبب عزوف المواطنين عن تشجيع منتخبنا الوطني .

[حليتان*]

قصدك تقول من أنتم

إحنا ممكن نلعب بس ماعندنا حارس

إذا تعرف تلعب حارس

في لعيبة قطريين وإذا مافي هذا شغل المسئولين

شلون شغل المسؤولين !!

اذا كل واحد خلا عياله فالبيت وسكر عليهم شدخل المسؤلين !!

وبخصوص اني العب كنت العب لكن ضروف والحمدلله على كل حال



يا اماف عندك عبود في الخور وعبدالرزاق اخبرهم لعيبه :victory:

خبرك عتيج عبود ياكم الدوحه

وعبدالرزاق يأزر المنتخب من دكة الاحتياط :tease:









قال ايش قال :(